استفسار ضرورى

[shady hassan]

انا دلوقتى ساكن فى الجيزة ايه احسن مكان ممكن اروح اجمع منه كمبيوتر و ميكونش فىه استغلال ؟

[البعد الخامس]

انا دلوقتى ساكن فى الجيزة ايه احسن مكان ممكن اروح اجمع منه كمبيوتر و ميكونش فىه استغلال ؟

هتبعد شوية عن الجيزه وتحدد لنفسك وقت طويل شوية
يفضل يوم بليل تكون فى اول مكان انت حابب تروحله على الساعه 6 بليل لو امكن عشان عقبال ما تحدد احسن سعر
وتستلم المنتج على الساعه 9 الى 10 بليل

افضل الاماكن من وجه نظر والله اعلم

هتنزل مول سوق العصر

هتدخل 3 مولات هناك 2 سوق عصر و 1 مول الاسيوطى

المهم هتدخل على كل شركة وتقولهم انك عاوز عرض اسعار للمواصفات اللى حضرتك عاوزها .

- وفى مكان فى مدينه نصر مول جنينه مول فى اخر عباس العقاد فى شركه هناك اسمه الشركة الفرنسية شوفها برضه عشان ساعات اسعارها خصوصاً فى العروض بتكون حلوة

مهم

- لو المحل اللى بتشترى منه ليست عنده حاجة من المنتج سيبه وامشى او ممكن هو يتصرف ويتصل بحد وساعتها هيزود على السعر اللى هياخد بيه خصوصا لو كان اللى بيتصل بيه مش فرع من فروع الشركة

- لما حضرتك تدخل اى محل لا تبين اى عرض قديم معاك وخليه لنفسك عشان تعرف هو هيديلك بكام .

- لو فى حاجة مش موجوده فى محل وهو طلب يعرف منك سعرها كام وانت قللته ممكن تقل فى مشكله بعد كده لقدر الله لو الجهاز فى مشكله وانت اشتريت منه

المشكله كل واحد من الشركة اللى حضرتك اشتريت منها هيقولك المنتج بتاعى سليم والمشكله فى المنتج اللى من الشركة الاخرى والشركة الاخرى تقولك المنتج بتاعها سليم .

- من المهم جدً ان لو هتشترى من سوق الاسيوطى او حسيت ان المحل صغير يكون عنده سجل تجارى وفاتورة ضريبية باسم المحل او حتى تشوف ليهم عشان لقدر الله فى شركات بدون ذكر اسمائها

بتفتح ولما تطالبهم بيها يقولك عندى ولما تيجى تستلم مفيش .

- انا قلتلك الساعه 6 بليل عشان لما تمشى يكون الوقت بليل مفي شمس ولكن فى النهاية اختار الوقت والمكان المناسب ليك

- يفضل يكون تانى يوم شرائك للجهاز اجازة هيساعك فى انك تختار بشكل اكبر بسبب كثرة العروض وعشان ايضاً تجرب الجهاز برحتك برضه فى نفس اليوم وتانى يوم الشراء .

[modiii]

نصائح ممتازة شكرا للافادة وعندي سؤال هل مول العصر اسعاره افضل من مول البستان

[shady hassan]

بصراحة نصائح مهمة شكرا ليك طب ايه رأك فى مول البستان ؟ خصوصا شركة اسمها البدر جروب ؟

[البعد الخامس]

نصائح ممتازة شكرا للافادة وعندي سؤال هل مول العصر اسعاره افضل من مول البستان


بصراحة نصائح مهمة شكرا ليك طب ايه رأك فى مول البستان ؟ خصوصا شركة اسمها البدر جروب ؟

سوق العصر بالنسبه ليه افضل من مول البستان

هتأكد من الشركة البدر جروب وبكره بالكتير هيكون عندك الرد ان شاء الله