المساعد الشخصي الرقمي

مشاهدة النسخة كاملة : لمبه ال ADSL كل شويه تفصل ما السبب ؟


MOMEN_BONDOK
21-09-2016, 19:52
السلام عليكم
انا النت عندى مستقر نسبيا لكن بتيجى عليه اوقات بصوره عشوائيه الاقى لمبه ال Adsl تفصل وتنور وتطفى وتفصل وتنور وتطفى لفتره كبيره لازم ارفع سماعة التليفون علشان تثبت او افضل اعمل ريستارت للراوتر كتير على ما تثبت ولو ثبتت بتجيلي سرعة قليله بدل 1024 الاقى 348 او 528 يعنى قيم متغيره كما يظهر فى صوره المرفقات
غيرت الاسبليتروالراوتر وبرضو نفس الكلام اكلم شركه تى داتا يفضل كل مره يعيد نفس الكلام ولا حياه لمن تنادى انا نفسى افهم او احصر المشكله
arrow92
21-09-2016, 21:41
حاول تقدم طلب تغيير السلك الخاص بك

من اول الكابينه الى فى الشارع لحد بيتك

وياريت لو تجيب نوع نضيف شويه زى السويدي للكابلات

تقريبا سعر المتر حوالى 4 جنيه بعد غلو سعره
واتاكد انك موصل من السلك مباشره وليس من فيشه فى الحيطه
mazen saqr
22-09-2016, 01:18
الواضح من الصورة ان نسبة العزل (التشويش) عالية ونسبة الجودة سيئة جدا ودا له اسباب كتير تغيير السلك الواصل من البوكس ومفيش حاجة اسمها من الكابينة من الكابينة للبوكس اسمه كابل ارضى ملوش علاقة بسلك او ممكن البورت الخاص ب tedat داخل السنترال عليه نسبة عزل فممكن تبتدى بتغيير السلك عن طريق فنى السنترال ولو نسبة العزل متحلتش وهو بيغير السلك هيغيرلك حاجة اسمها داخل او primary ودا ما بين الكابينة والبوكس واخر حاجة بورت الشركة لو متحلتش عن طريق البوكس والكابينة بس غالبا المشكلة خارج السنترال بوكس او كابينة
kahled15486
22-09-2016, 03:57
نسبة ال SNR كأن مفيش اشارة اصلا - كان عندى مشكلة زيها واكتشفت لحامات كتير فى السلك وكانت مش معزولة ومعرضة للعوامل الجوية - بالاضافة انة كان قريب جداً من كابل كهرباء علية حمل كبير (عمومى الشقة) غيرت السلك كلة بنفسى - الموضوع اتحسن لكن كان فية مشكلة برضو فى ال SNR نسبية بسبب مقاومة السلك - كانت عالية - اتصلت بفنى السنترال جة غيرلى السلك بسلك المصرية للاتصالات - سلك محترم ومقاومة قليلة

غير كدة يبقى ممكن تكون المشكلة فى الشركة او زى ما قال استاذmazen saqr (https://arabhardware.net/forum/member.php?u=11274506)
neztiti
22-09-2016, 04:55
اخي حاول تجرب راوتر اخر واعلمنا بالنتيجة
MOMEN_BONDOK
22-09-2016, 23:12
حاول تقدم طلب تغيير السلك الخاص بك

من اول الكابينه الى فى الشارع لحد بيتك

وياريت لو تجيب نوع نضيف شويه زى السويدي للكابلات

تقريبا سعر المتر حوالى 4 جنيه بعد غلو سعره
واتاكد انك موصل من السلك مباشره وليس من فيشه فى الحيطه

انا كنت هعمل كده فعلا واجيب سلك زى السويدى بس فى واحد قالي ان افضل سلك بتاع المصريه فقولت احاول اشوف لو ينفع يصرفولي سلك حتى لو على حسابى بس قولت اعرف المشكله الاول منين
MOMEN_BONDOK
22-09-2016, 23:19
الواضح من الصورة ان نسبة العزل (التشويش) عالية ونسبة الجودة سيئة جدا ودا له اسباب كتير تغيير السلك الواصل من البوكس ومفيش حاجة اسمها من الكابينة من الكابينة للبوكس اسمه كابل ارضى ملوش علاقة بسلك او ممكن البورت الخاص ب tedat داخل السنترال عليه نسبة عزل فممكن تبتدى بتغيير السلك عن طريق فنى السنترال ولو نسبة العزل متحلتش وهو بيغير السلك هيغيرلك حاجة اسمها داخل او primary ودا ما بين الكابينة والبوكس واخر حاجة بورت الشركة لو متحلتش عن طريق البوكس والكابينة بس غالبا المشكلة خارج السنترال بوكس او كابينة

انا كنت كلمت شركه تى داتا وقالولي فيه حد نزل من عندنا للسنترال واتاكد ان البورت بتاعى فى السنترال مفهوش مشاكل والمشكله من عندى وواضح انها السلك من البوكس للشقه عندى



نسبة ال SNR كأن مفيش اشارة اصلا - كان عندى مشكلة زيها واكتشفت لحامات كتير فى السلك وكانت مش معزولة ومعرضة للعوامل الجوية - بالاضافة انة كان قريب جداً من كابل كهرباء علية حمل كبير (عمومى الشقة) غيرت السلك كلة بنفسى - الموضوع اتحسن لكن كان فية مشكلة برضو فى ال SNR نسبية بسبب مقاومة السلك - كانت عالية - اتصلت بفنى السنترال جة غيرلى السلك بسلك المصرية للاتصالات - سلك محترم ومقاومة قليلة

غير كدة يبقى ممكن تكون المشكلة فى الشركة او زى ما قال استاذmazen saqr (https://arabhardware.net/forum/member.php?u=11274506)

انا بالفعل مره الحراره فصلت وجه عامل السنترال قالي ان الفأر واكل السلك ولحمهولي ومن بعدها بشهر بتحصل المشكله ده فباذن الله هكلم عامل السنترال واخليه يغيرلي السلك
بس ازاى احمى السلك الجديد من العوامل الجويه والفئران ؟



اخي حاول تجرب راوتر اخر واعلمنا بالنتيجة

جربت روتر اخر ونفس المشكله واضح ان المشكله فى السلك اللى طالع من البوكس
Yasser
23-09-2016, 05:58
انا عندى نفس المشكله كلمتهم(المصريه للاتصالات) يغيروا السلك ونفضولى ....و جالى اتصال بعدها من الجوده تقريبا بيسأل هن مستوى الخدمه قلتله نفضولى ووعدنى بحل المشكله ونفضلى!!.... واتصلت تانى ونفضولى وابويا راح السنترال وطلب تغيير السلك قالوله السلك علينا ومجانا وبعدين ...................... نفضولى تانى

الاخوه غير المصريين نفضولى يعنى حلقولى:) قصدى يعنى عدم الاهتمام ولا حل المشكله!
N3V3RMiND.2016
23-09-2016, 06:38
فقط للتوضيح :
فى شركة TE -Data لما يكون السلك عند حضرتك فيه اى لحامات و حضرتك بتشتكى من تقطيع بعض الاوقات او بطئ فى السرعه يبقى حضرتك فى هذه الحاله خارج اطار المساعده من الشركه !
اذا مين المسئول ؟ حسب الشركه المسئول فى هذه الحاله هو السنترال يعنى حضرتك لازم تتواصل مع السنترال لتغيير السلك.
قاعده عامه فى شركات تقديم خدمات الانترنت : اى لحامات فى الاسلاك عند العميل هى سبب فى بطئ او انقطاع الخدمه و هى مسئولية السنترال و لا دخل للشركه المزوده للخدمه فيها!
kahled15486
23-09-2016, 14:55
انا بالفعل مره الحراره فصلت وجه عامل السنترال قالي ان الفأر واكل السلك ولحمهولي ومن بعدها بشهر بتحصل المشكله ده فباذن الله هكلم عامل السنترال واخليه يغيرلي السلك
بس ازاى احمى السلك الجديد من العوامل الجويه والفئران ؟

حماية السلك سهلة - اشترى خرطوم فليسكب بطول سلك التليفون (اصغر قطر) - يفضل نوعية مصطفى محمود للتحمل - او لو عايز تحافظ على مظهل المبنى اشترى "دكت" قطعة بلاستيك بتمشى على الحائط بمسامير وتمرر فيها السلك