المساعد الشخصي الرقمي

مشاهدة النسخة كاملة : شراء سماعات بلوثوت



tamperland
23-09-2016, 15:13
السلام عليكم

انا عايز اشتري سماعات اذن بلوتوث للموبايل زي اللي بتيجي مع الموبايلات بس تكون بلوتوث

مش عارف اجيبها منين وخايف اجيب حاجه يطلع صوتها وحش بالنسبه لسعرها

يا ريت حد يقولي ايه الانواع الكويسه واجيبها منين مع العلم ان اقصي سعر بالنسبالي هو 400 جنيه ولو كان سعرها اقل من كده وصوتها كويس يكون افضل

شكرا

34370

محمد فاروق غازي
23-09-2016, 17:38
عليكم السلام ورحمة الله وبركاته
سماعات البلوتوث للموبايل متوفرة في أماكن عدة أخي،
أنا اشتريت واحدة قريبًا من سوق.كوم ماركة جابرا BT-2046 وهي ممتازة وتعمل بكفائة وكان سعرها الإجمالي بالشحن 219 جنيه،
أدخل على سوق.كوم وهتلاقي موديلات كتير وأيضًا متوفر لدى راديو شاك تشكيلة كبيرة من سماعات البلوتوث للموبايل،
تقدر تشوف على موقعهم الرسمي وتتصل بيهم قبل ما تروح وتشوف إجمالي السعر بالشحن (بس سعر الشحن عندهم غالي شوية) ولو ينفع تروح بنفسك يكون أفضل،
وعلى فكرة أخي أغلب سماعات البلوتوث للموبايل بتكون مكالمات فقط سواء مكالمات على الخط أو عن طريق برامج السوشيال ميديا لكن مش بتشتغل مع الوسائط، حبيت أنبهك عشان متتفاجئش،
وطبعًا فيه سماعات بتشتغل مكالمات ووسائط بس قليلة، فإبقى اسأل على النقطة دي قبل الشراء ولو هتشتري من سوق شوف تعليقات العملاء بالأسفل.

tamperland
23-09-2016, 17:57
متشكر لاهتمام لحضرتك

حضرتك فهمتني غلط انا اقصد سماعات بلوتوث او ( واير ليس ) بتتركب في الاذنين الاثنين زي اللي بتيجي مع الموبايلات وبنسمع بيها اغاني ونتكلم فيها في المكالمات بس دي بتكون بدون سلك

اما اللي حضرتك وصفتهالي دي سماعه بلوتوث للمكالمات فقط وبتتلبس في اذن واحده بس

دي صورة السماعات اللي انا اقصدها

34378

kahled15486
23-09-2016, 18:43
متشكر لاهتمام لحضرتك

حضرتك فهمتني غلط انا اقصد سماعات بلوتوث او ( واير ليس ) بتتركب في الاذنين الاثنين زي اللي بتيجي مع الموبايلات وبنسمع بيها اغاني ونتكلم فيها في المكالمات بس دي بتكون بدون سلك

اما اللي حضرتك وصفتهالي دي سماعه بلوتوث للمكالمات فقط وبتتلبس في اذن واحده بس

دي صورة السماعات اللي انا اقصدها

34378

السماعات اللى فى الصورة عندى - كنت جبتها من موقع سوق كانت تقريباً ب 225 جنية - صوتها حلو ونقى وبتشتغل ملتميديا عادى - وبتتشحن بشاحن استنادر 5V USB يعنى اى شاحن USB بيشحنها - انا معرفش اقصى حد للبطارية اد اية - بس عامة انا كنت بستخدمها وانا بلعب رياضة او لما بتمشى - بسمع عليها موسيقى على اعلى صوت فى حدود ساعتين - واحياناً بشغلها على اللابتوب

ودى صورة للسماعة بتاعتى
34379
34380
34381
34382
34383

khaled moh
23-09-2016, 19:10
تم تعديل العنوان والنقل للمكان المناسب.....

N3V3RMiND.2016
24-09-2016, 04:55
و عليكم السلام و رحمة الله و بركاته,
انا عندى سماعات بلوتوث من النوع Creative وهى ممتازه شغاله عندى من سنتين تقريبا و بدون مشاكل و البطاريه ما زالت تعطى حوالى 7 ساعات من العمل المتواصل و السماعه صوتها ممتاز و فيها ميكروفون داخلى"مخفى فى جسم السماعه" و يمكن من استخدامها سواء لسماع الميديا او الرد على التليفونات و انا استخدمها فى كل شئ يعنى خارج المنزل استخدمها مع الموبايل و فى المنزل استخدمها كسماعه للكمبيوتر و هى تحديدا
اسمها الكامل : Creative WP-250
https://d287ku8w5owj51.cloudfront.net/images/products/large/pdt_20617.png.ashx?width=450&height=350
و بيتم شحنها عن طريق ايضا الUSB و يأتى معها كابل الUSB ويأتى معها ايضا 3 مقاسات مختلفه لقطع السليكون التى تدخل الأذن كما فى الصوره:
https://d287ku8w5owj51.cloudfront.net/inline/products/20617/fea_WP250_eartips.png

و اخيرا هذا الرابط للصفحه الرسميه للسماعات علما انى اشتريتها من حوالى عامان و كانت بسعر 380 جنيه:
https://asia.creative.com/p/headphones-headsets/wp-250
و يمكنك ان تجدها فى ممولات الكمبيوتر او محلات و توكيلات التليفونات المحموله
و لكن ملحوظات مهمه لو حضرتك تريد استخدامها مع الكمبيوتر المكتبى فهى لا يأتى معها قطعه البلوتوث الخاصه بالتوصيل الاسلكى بالكمبيوتر المكتبى و يجب شرائها بمفردها:
https://d287ku8w5owj51.cloudfront.net/inline/products/shared/fea_bluetooth_transmitter.png