نصيحة لشراء جهاز قوي لبرامج التصميم والألعاب

[elgarnosy]

كنت محتاج أعرف مواصفات وأسعار مناسبة لتجميع جهاز قوي لبرامج التصميم والألعاب الجديدة مع شاشة دقتها عالية


التفاصيل

أقصى ميزانية محددة: 7000 ج
- استخدامك للجهاز: للتصميم والألعاب
- حجم الشاشة و الدقة (Resolution) التي تستخدمها: أعلى دقة
- القطع التي تنوي شراءها: الجهاز بكل محتوياته مع الشاشة
- القطع التي ستعيد استخدامها من الجهاز القديم: لا يوجد
- ميعاد شراء الجهاز: الوقت الحالي
- مكان الشراء: القاهرة أو الجيزة
- محل سكنك: الجيزة

[phenomenon]

ما هي اعلى دقه اخي الكريم ؟ و هل تحتاج شاشه جديده ام المقصود هو شراء شاشه جديده بدقه عاليه

تعديل : اعلى دقه حاليه بتوصل الى 2160p في شاشات 4K و اسعارها مرتفعه
فهنكتفي بشاشه 1080

لكن قبل اضافة تجميعات مقترحه هل مبلغ 7000 اقصى ميزانيه متاحه ولا تقدر ترفعها لان متطلباتك تحتاج قطع هاردوير قويه تتطلب اي مبلغ متاح معاك

[elgarnosy]

أولاً: متشكر لرد حضرتك

بالنسبة للشاشة ياريت تقولي سعر اللي دقتها 1080 وأحسن نوع منها
ولو مفهاش رخامة ممكن بردو تقولي على الـ 4K بكام وانا هشوف السعر مناسب ولا لأ بإذن الله

وبالنسبة للـ 7000 هي أقصى ميزانية متاحة ومن الممكن رفعها إن شاء الله .. يعني لو جهاز في حدود 9:12 ألف ممكن
ومتشكر جداً لحضرتك.

[phenomenon]

مش هكدب عليك مفيش في مصر كتير متاح منها و الخيارات محدوده ومع ذلك الموديل الموجود حاليا ممتاز ولكن ليس الافضل وانما سعره متميز فقط
موديل Samsung U28E590D 28 Inch سعرها في رنج 4500 الي 5500 حسب مكان الشراء وهي تحديث فقط لموديل Samsung U28D590DS 28 Inch 4K بعد انتهائه من السوق
لكن كان سعر الموديل الاول اقل وخصوصا قبل هبوط الجنيه المصري الفتره السابقه
فممكن نقول احنا بنفتقد شاشات 4K اساسا حتى الان في مصر : مفيش SONY / LG / AOC / ASUS / DELL / Hp وغيرهم كتير
الموديل الاخر Samsung U32D970Q 32 Inch 4K و هي فقط مجرد حجم اكبر من نفس خصائص الطراز السابق دون اي مميزات اخرى وسعرها بالنخيلي 16 الف

للسبب ده تخيل لو نزل من شاشات 4K طرازات من ASUS / LG / DELL المصنفين حاليا بافضل شاشات 4K ولوحات عرض IPS Panel هتكون سعرها كام
فيعني ممكن نقول عدم اتاحة الكثير منها تعجيز للميزانيات المفتوحه But it`s for a good cause لان شكل سعرها هيكون سيء جدا امام الزبون وهتغيب في البيع

Samsung U32D970Q 32 Inch 4K ممكن نقول الطراز ده محترم و لكن يعيبه انه بيجاول يرضي جميع الاطراف ودي نقطه مش مستحبه في رايى الشخصي في الشاشه
فمن ناحيه لوحة العرض TN Panel هي ليست مطلوبه للمهندسين واصحاب الأعمال و لكن بالنسبه للاعبين يمكن تقبلها هي او موديل 28inch لها
ومن ناحيه اخرى زمن استجابتها 8ms وهي زمن قياسي نعم و لكن اغلب اللاعبين المحترفين والمتشددين اللي عندهم استعداد يدفعوا هذا المبلغ مستحيل يوافقوا بزمن مدته اعلى من 4ms
كزمن شاشات WQHD القياسسي حاليا و لكن في نفس الوقت فهذا الزمن لا يوجد منه ضرر لاصحاب الأعمال
بغض النظر عن قوة الاضائه فيها 350cd/m² و لكن كما اخبرتك هي لا تنظر الى مستخدم واحد فليست شاشة العاب دقيقة المواصفات وليست شاشة اعمال هندسيه يمكن قبولها
و لكن بالتاكيد ليها زبونها

لكن بالنسبالك ارشحلك جدا شاشة على سبيل المثال :- Samsung SE590 32 Inch Curved LED Monitor أو الموديل الاخر Samsung S32E590C 32 Inch Curved LED Monitor
الشاشه دي هي مطلبك ان شاء الله لان لوحة العرض بها VH بدلا من TN وده معناه جودة افضل ودرجات وضوح اكثر للالوان و لكن بالتاكيد ستظل زوايا الرؤيه ليها ليس مثاليه كلوحات عرض IPS
لكن هي افضل شاشات الاعمال في الوقت الحالي و في نفس الوقت تعتبر رفاهيه مطلوبه لمحبين الالعاب و لكن غير المتشددين " Not for Always-Online Gamers "
حاول تشوف افضل سعر ليها فين لان بعض الشركات بتبيعها بسعر يبدا اعلى من 2000 بقليل و لكن في منهم بيبيعها اعلى من 3000

ياريت لو تقدر توصل لموديل الموجود في شركة Vision بإسم Samsung SE590 32 Inch Curved (https://www.samsung.com/uk/consumer/it/monitor/curved-monitor/LS24E510CS/XU)و سعرها في حدود 3100 وهي موجوده من فتره قريبه فقط
على كل حال نترك 3000 جنبيه للشاشه و شوف هتوصل لايه بعد الاستقرار لكن تذكر شاشات BenQ تعتبر من افضل شاشات اللاعبين فقط فحاول ا نت تشوف اللي بيجمع متطلباتك

هنقول أقصى ميزانيه 12.000 بدون الشاشه

Gigabyte GA-H170-Gaming 3 Socket 1151 = 1900 LE (https://store.arabhardware.net/hardware/motherboards/gigabyte-ga-h170-gaming-3-socket-1151.html)
Intel Core I7-6700 8M Skylake Quad-Core 3.4GHz LGA 1151 = 3800 LE (https://store.arabhardware.net/hardware/cpus-processors/intelr-coretm-i7-6700-processor-8m-cache-up-to-4-20-ghz.html?___SID=U)
G.SKILL Ripjaws 4 Series 16GB (2 x 8GB) DDR4 3000 Model F4-3000C15D-16GRBB = 1300 LE (https://store.arabhardware.net/hardware/memory/g-skill-ripjaws-4-series-16gb-2-x-8gb-ddr4-3000-model-f4-3000c15d-16grbb.html)
Western Digital / 1TB / WD1003FAEX / Black = 1100 LE (https://store.arabhardware.net/hardware/storage-devices/hdd/western-digital-1-tera-wd100-2faex-black.html)
Samsung SSD 850 EVO Series 250GB 2.5-Inch SATA III 3D V-NAND = 1250 LE (https://store.arabhardware.net/hardware/storage-devices/ssd/samsung-ssd-850-evo-250gb.html)
MSI R7 370 GAMING 4G GDDR5 = 1850 LE (https://store.arabhardware.net/hardware/video-cards/msi-r7-370-gaming-4g-gddr5.html)
Corsair CX500M / Builder Series / 500W = 610 LE (https://store.arabhardware.net/hardware/power-supplies/corsair-cx500m-builder-series-500w.html)

Total = 11.810 LE

ممكن نحاول نوفر مبلغ من التجميعه اذا كانت مرتفعه بالنسبالك ونخلي اقصاها 10.000
اذا كنت مهتم بالالعاب هتحتاج بطاقه رسوميه اقوى لكن بطاقة R7-370 هتمشي الحال عموما معاك بشكل كويس في الالعاب
الاسعار جيبتها من المتجر و لكن لك حرية اختيار مكان الشراء بالتاكيد

[elgarnosy]

متشكر جداً لحضرتك يا أستاذ Phenomenon (https://arabhardware.net/forum/member.php?u=11301600) على إهتمامك وردك السريع
ربنا يكرمك