ارجو المساعدة في إختيار افضل كارت شاشة بحد اقصي 600 جنيه مصري

[whiteheart20]

السلام عليكم..
ارجو المساعدة في تحديد افضل واحدث كارت شاشة وللأسف بأقصي حد سعر 600 جنيه مصري.
مكان الشراء:القاهرة

مواصفات الجهاز الحالية:
CPU: Intel Core I3-6100 3M Skylake Dual-Core 3.7GHz
Motherboard: GA-H110M-S2HP (rev. 1.0)
RAM: Kingston HyperX FURY Black 8GB DDR4 2400MHz CL15 1.2v (HX424C15FB/8)
HDD: Western Digital (WD) Caviar BLUE WD10EZEX 1TB
PSU: SeaSonic S12II Bronze 520W 80 PLUS Certified PSU
Monitor: Samsung S22D300HY 21.5 Inch LED LCD Monitor

متشكر جدا لأي رد .

[phenomenon]

و عليكم السلام ورحمة الله وبركاته , المواصفات دي جيده تستحق ميزانيه أكبر لكارت الشاشه - للاسف انت مش هتقدر ختى توصل لبطاقه GT 730 اللي هي موجهه للعب على جوده ضعيفه
فكر في الشراء مستعمل بالرغم ان اللي معاه بطاقه GTX 750 / GTX 650 و ما يقابلهم في القوه من AMD محافظ عليهم جداً و صعب يفرط فيهم لكن ربم تلاقي عرض لاحد هذه الكروت بالسعر ده
اما اذا تفضل شراء جديد فقط فليس امامك سوى GT 710 و هو بلا فائده للالعاب

[N3V3RMiND.2016]

و عليكم السلام و رحمة الله و بركاته,
هو للأسف لأن الاسعار الحاليه اصبحت خرافيه بمعنى الكلمه فحضرتك الكارت المتوفر بالسعر ده لن يكون جيد للألعاب بشكل عام لكن عموما الكروت المتوفره فى السوق المصرى حسب الميزانيه هى الاتى:
Gigabyte GeForce GT 710 GDDR3 =600
ZOTAC GeForce GT 730 2GB GDDR5 = من 800 الى 900
Gigabyte GeForce GT 730 2GB GDDR5 = 950

[whiteheart20]

متشكر جدا لرد حضرتك أستاذ Phenomenon.. طيب ما رأيك في البطاقة GT 730 ؟ المشكلة اني بقلق جدا من المستعمل ومجربتش اشتري مستعمل قبل كده..

فعلا N3V3RMiND.2016 انا متعجب من الاسعار العالية جدا في جميع مكونات الكمبيوتر جهاز Core i3 عادي زي ده كلفني 5500ج كان من سنتين تقريبا ممكن يكلف اقل من كده تقريبا كان ممكن يبقي ب 3700-4000 ...

ZOTAC GeForce GT 730 2GB GDDR5 (ZT-71101-10L ) ده GDDR5 لكن 64 bit
Gigabyte GeForce GT 730 2GB GDDR3 (GV-N730-2GI) لكن ده GDDR3 و 128 bit
ايهما افضل؟ و السعر متقارب..

[phenomenon]

بشكرك
المشكله الأكبر هي اين هو المستعمل ؟ :)
للأسف حتى سوق المستعمل راكد بشكل واضح - اللي معاه بطاقه حاليا و خاصة البطاقات الإقتصاديه محافظ عليها جداً و بيحاول يمشي نفسه بيها بسبب غلاء اسعار القطع الجديده
المشكله ليست في المستعمل و لكن من الافضل دائما التعامل مع التجار المتخصصين بالمستعمل او الذهاب لصاحب القطعه المعروضه و تجربتها او ياتي لك بيها و تجربها في منزلك

عموما بطاقة GT 730 من جيجا بايت افضل في حال وصولك ليها - استهلاكها قليل في الطاقه و قادره على تشغيل الالعاب جودات منخفضه بمعدل اطارات اعلى من 30 اطار
يعني هتكون مناسبه و هتكون مناسبه جدا للالعاب الخفيفه في الجرافيك زي كرة القدم و السيارات
اما عن باقي الالعاب مش هتخزلك خصوصا لو ابعاد ريزيلوشن الشاشه منخفض ايضا وو قتها اذا لاحظت بطىء في اداء اللعبه ممكن تهدي او تغلق بعض خواص الجرافيك التقيله من قوائم ضبط فيديو اللعبه

[whiteheart20]

شكرا علي رد الشكر :) ومتشكر علي الرد الوافي .. خلاص يا باشا انا استقريت علي GT 730 من Gigabyte زي ما نصحتني ... بس مش عارف اختار GDDR5 64bit او GDDR3 128bit :( .. ايه استخدامات ده وده .. انا مش جيمر اوي بس عندي بعض الالعاب... استخدامي (تصفح - افلام - بعض برامج تعديل الصور والفيديوهات العائلية البسيطة - العاب اغلبها متوسطة مش العاب تقيلة - virtual machines - برنامج R - كتب PDF) هذا كل شئ,,,

[phenomenon]

جزاك الله خيرا اخي العزيز :)
اختيار موفق ان شاء الله - مفيش فرق كبير من الأساس لان قيمة البيانات التي يستطيع المعالج الرسومي قرائتها في الثانيه الواحده لا تستدعي عرض نطاق ترددي أكبر من 64BIT
من الممكن يتم إختيار معالج الرسوميات صاحب واجهة عرض نطاق ترددي لذاكرة الميموري أكبر كي يتم الإستفاده في حالة زيادة عدد شرائح ذاكرة الفيديو على البطاقه ذاتها

على سبيل المثال اذا كانت بطاقه ZOTAC قامت بشراء معالج Geforce GT 730 64BIT إذن يجب ان تكون شرائح ذواكر الفيديو عباره عن شيبايتين ميموري و بالشكل ده يتم توزيع
عرض نطاق الذاكره 32BIT لكل شيبايه ولا يحدث إختناق في قرائه الداتا كامله من ذاكرة الفيديو وانتقالها بسرعاتها الصحيحه حين طلبها
بينما معالج Geforce GT 730 128BIT يسمح بوجود اربعة رقاقات او شيبات فيديو رام في ان واحد و بهذا الشكل يتم توزيع عرض النطاق 32BITX4 و لا يحدث عنق زجاجه

فالان بطاقة ZOTAC تمتلك ذاكره 2GB إذن من الافضل ان تكون هذه الذاكره عباره عن شريحتين فقط كل شريحه 1GB
بينما بطاقة GUGABYTE مسموح لها باضافة اربعة شرائح 512MB بدلا من شريحتين 1GB فقط و ربما تكون في حقيقتها لا تمتلك سوى شريحتين 1GB بالفعل
و في نفس الوقت مسموح لها باضافة ذاكره فيديو تصل حتى 4GB اذا فكرت شركة GIGABYTE في الامر
و لكن حتى اذا كانت الذاكره هي عباره عن شريحتين 1GB فقط هذا يسمح بطبيعة الحال لكسر سرعه أفضل للذاكره اذا كانت ذو نوعيات جيده

لكن في النهايه لا يمكن لنا نحن استخدام شيء منهم و خاصة اننا لا نرى هذه البطاقات من الداخل
اذا كانت بطاقة ZOTAC تمتلك شريحتين فقط فهذا هو الصحيح و معروف ان ذاكرة 1GB أفضل في الترددات الاعلى و كسر السرعه الافضل
اما اذا قامت بشراء اربعة شرائح فيديو مع هذا المعالج من اجل بيع البطاقه بسعر ارخص " نظرا ان سعر ميمورى 1GB شريحه واحده اغلى من قطعتين 512MB فهذا خطا نظريا
سيتسبب في عنق زجاجه احيانا للبطاقه حتى و ان كانت نسبه ضئيله جدا لكن في النهايه يجب ان تكون شريحتين فقط وليست اربعة شرائح

الاستخدامات بسيطه - اغلب برامج تحرير الفيديو والمونتاج بتعتمد أكثر على المعالجه المركزيه و ان شاء الله البطاقه تؤدي المهمه جيدا
لست متاكد من تدعيم GT 730 لخواص مثل NVMEC X264 الخاصه بتسريع عملية المونتاج أحياناً التي توجهها انفيديا لبعض البطاقات ام لا

[xavi007]

بص انت ممكن برضه قدامك تشتري كارت 7770 او 6770 بس يفضل ال 7770 و هيشغلك اغلب الالعاب و بيدعم دايركت اكس 12 مستعمل يعمله حوالي 600 جنيه وال 6770 يعمل 500 مستعمل

[whiteheart20]

شكرا جزيلاااااا أستاذنا Phenomenon علي الشرح المستفيض والوافي جدا علي الرغم من اني مش متعمق اوي بس فهمت قصدك جدا! ..اعرف ان الشكر لا يكفي :)