مساعدة فى شراء بندل جيل سادس بوردة بروسيسور رامة

[eslammam]

السلام عليكم
اولا عاوز اعرف الفرق بين الجيل الرابع و الجيل السادس لأنى زودت الميزانية

اقصى ميزانية 4000 جنية

القطع الموجودة من الجهاز القديم . كارت فيجا sapphire r7 250 و باور احترافى 700 وات ocz فاتيليتى و الهارد ويسترن و الشاشة سامسونج 23 بوصة

استخدام الجهاز فى الالعاب و الانترنت و الافلام البلوراى

القطع التى انوى شراءها . بوردة و بروسيسور و رامة 8 جيجا

ميعاد و مكان الشراء . هذا الاسبوع من البستان او سوق العصر

محل السكن . القاهرة


بفكر فى 2 بروسيسور حسب الميزانية
Core i5 6500
او core i5 6402p
هل هناك ترشيحات اخرى ؟؟؟ ولو نزلت للكور i3 الفرق هيبقي ملحوظ

و الرامة ال 8 جيجا هتبقي كينجستون فاليو رام 8 جيجا ddr4 ام چى سكيل ريبچوس ام crucial

و الماذر هتكون Gigabyte GA-H110M-S2PH Socket 1151
و كدة هل كارت الفيجا sapphire r7 250 هيبقي كويس لحد مغيرة مستقبلا ولا اية ؟؟؟؟؟

اتمنى بس مزودش الميزانية تانى عن كدة :(

[DarkAge]

الفرق بين كل جيل واللى بعده حوالي 10% فى الأداء تقريباً
ال2 بروسيسور حلوين ومش هتحس بفرق بينهم كبير وسعرهم كالتالي فى القاهرة
i5 6500 =2750
i5 6402 =2300
طالما عاوز العاب يبقي متنزلش عن i5 ، بالنسبة للرامات مفيش فرق ملحوظ اهم حاجة تختار اللى ليها CL وفولت اقل ،وتردد اعلي سعر الرامات ال 8 جيجا حالياً = 650 جنيه ... الماذر بورد حلوة ومش هتأثر على اداء الالعاب سواء جبت دي او واحدة اعلي الاتنين نفس الأداء
كارت الشاشة بصراحة مش عارف فى AMD .

[phenomenon]

و عليكم السلام ورحمة الله و بركاته
للاسف اختيارك للبطاقه الرسوميه لا يستدعي Core I5 / Core I3 - بطاقه ضعيفه على شاشه 23 انش
اما اذا كانت لديك النيه على ترقيتها في وقت قريب فيمكن النظر لمعالج Core I5-6420p

لا توجد مشكله في معالجات حرف P - هناك اختلافات طفيفه

1- فقط اقل في قوة المعالج الرسومي المدمج حالة الاعتماد عليه ( أقل في عدد انوية المعالجه الرسوميه و اعداد نوافذ التعليمات البرمجيه ) ليست قضيه فلن تعتمد على اي منهما

2- هناك اختلافات اخرى طفيفه في الترددات ولكن أي معالج I5 مع التربو التلقائي يقفز فوق تردد 3.0GHz في حالة الضغط و حين طلب الأمر

3- و نوع ذاكرة الكاش المؤقته - بالتأكيد ذاكرة الكاش Smart Cashe أفضل من ذاكرة LL3 Regular Cashe و لكن قد لا تلاحظ اي فرق ملحوظ في الاداء
مع النوع الأول يكون مسموح لأي نواه من الأربعه الدخول إلى اي ذاكرة كاش و قرائة او تخزين البيانات بداخلها - و الثانيه تكون هناك ذاكره بقيمة 1.5MB لكل نواه على حدى

الامر لم يعد يستحق التفكير في الجيل الرابع بسبب اسعاره

سواء كان اختيارك الحالي لمعالج I3 / I5 فلن تشعر باختلاف بينهما في الاداء لان البطاقه الرسوميه لا تتطلب جهد كبير من المعالجات المركزيه القويه
اختيارك للقطع مناسب جدا
مفيش فرق بين الثلاثة شركات في الذواكر و لكن هناك درجات في الجوده و السرعه و لكن حتى هذه المبادىء ليست فرضيه
اغلب الذواكر الان لديها القدره على العمل عشرات السنين طالما فولتياتها قليله
اختيار الذاكره التي تاتي بسعر ارخص و اذا توافرت التواقيت والفولتيات الاقل و الدعم المثالي من اللوحه الام اذن الامر على ما يرام

[eslammam]

طيب حضرتك البطاقة الرسومية هجيبها على شهر 11 فأعملها ميزانية فى حدود 2000 ولا كدة هيبقي قليل عليها ولو 2000 كويس يجبيوا بطاقة اية كويسة للتجميعة دى

[DarkAge]

هو الاسعار بتعلي بسرعة الفترة دي نظراً لارتفاع الدولار ف علي شهر 11 الاسعار هتغلي اكتر بس ممكن تجيب كارت Gtx 750 ti من Gigabyte ادائه حلو قدام سعره وهيشغلك العاب كتير على اعدادات عالية بس الالعاب الحديثة اوي ممكن متوسطة

[eslammam]

شكرا لردك و انا و نصيبى اشوف اية اللى هيحصل شهر 11

[eslammam]

اية رأيك فى الكارت دة ولا هبقي محتاج حاجة اعلىGigabyte Geforce GTX 750 Ti OC Windforce 2GB GDDR5 (GV-N75TOC2-2GI) ولا الكارت دة احسن Gigabyte Geforce GTX 750 Ti Windforce 2GB GDDR5 (GV-N75TOC-2GI)

[DarkAge]

اية رأيك فى الكارت دة ولا هبقي محتاج حاجة اعلىGigabyte Geforce GTX 750 Ti OC Windforce 2GB GDDR5 (GV-N75TOC2-2GI) ولا الكارت دة احسن Gigabyte Geforce GTX 750 Ti Windforce 2GB GDDR5 (GV-N75TOC-2GI)

أعتقد الفرق بينهم مش كبير لا فى السعر ولا الاداء بس الاعلي فيهم هو اللى في اسمه OC عشان ده مكسور السرعة مصنعياً والخبراء يقدروا يقولولك بقية الفروق انا قولت اللى اعرفه بصراحة