استفسار بخصوص كابلات الفايبر وجودة النت

[الفواخيري]

السلام عليكم ورحمة الله وبركاته طبعا كلنا عارفين ان المصرية للاتصالات بتغير كابلات النحاس بكابلات فايبر عايز اعرف من باب التعلم هل الكابلات دي اللي خارجة من السنترال للبوكس اللي هي تحت الارض ولا حاجة تانية وانا تبع سنترال مصر الجديدة وهو خلاص بقي فايبر بس السلك اللي داخل البيت من البوكس في الشارع نحاس هل لازم اغير السلك ده لفايبر ولا اسيبه نحاس معلش انا طولت عليكم بس عايز افهم

[البعد الخامس]

وعليكم السلام ورحمه الله وبركاته

- الكابلات الفيبر هى التى خارجه من السنترال الى البوكس .

- حضرتك بتجرب الخدمه بالوضع الجديد وهى الفيبر من السنترال الى البوكس ومن البوكس الى البيت نحاس وتقيم جوه الخدمه .

- لان الاكيد ان جوده الخدمة ( الانترنت ) بتكون افضل مع الفيبر .

- بس اهم حاجة لا تكون المشكله فى الاسبليتر او مزود الخدمة ( شركة الانترنت ) .

- على حسب تقييم حضرتك لجوده الخدمة والانترنت سوف تستقر اذا كنت تحتاج الى تغيير السلك من البوكس الى البيت بالفيبر او لا .

- ملحوظة الفيبر من الاكيد والافتراضى انه يدعم السرعه افضل من النحاس ايضاً .


ما هو تقييمك لجوده الخدمة بعد التغيير الى الفيبر ؟

[mazen saqr]

الحقيقة اللى لازم تعرفها ان مفيش كابلات فايبر اتعملت من السنترالات للكابينة خدمة الفايبر تم توصيلها على الكابلات النحاس القديمة يعنى من الاخر الفايبر اللى اتعمل للمصرية للاتصالات كابينة فايبر فقط بدل الكابينة النحاس والكابلات النحاس زى ماهى ومفيش كابل فايبر من البوكس النحاسى القديم انت عايز على كده بوكس خاص فقط للفايبر وليه ماكينة لحام خاصة بالفايبر وسعر المتر عالى جدا.. وسير البنية التحتية من السنترال هى الكابلات من السنترال الى الكابينة ومنها للبوكس ومنها للعميل مفيش حاجة اسمها من السنترال للبوكس لان الكابينة بتوزع على عدد من البوكسيات للمنطقة... الفايبر الصح هو اللى بيتعمل فى السنترالات اللى بيتم انشاءها للمدن الجديدة فقط

[الفواخيري]

طيب بوكس الفايبر ده اجيبه منين وهل معني كدة ان كابلات النحاس اللي خارجة من السنترال للكبينة زي ما هيا متغيرتش لكابلات فايبر وياريت تحطوا صورة لكابل التليفون الفايبر

[N3V3RMiND.2016]

اخى الفاضل لو حضرتك ليك سكن خاص منفصل عن الناس يبقى من حقك انك تغير البوكس و تجيب واحد على مزاجك لاكن لو حضرتك ساكن فى عماره و في ناس تانيه موصله تليفوناتها على نفس البوكس يبقى مش من حقك انك تغير البوكس او حتى تغير اى شئ فى البوكس!
بالنسبه للفايبر فهو محتاج ناس متخصصه عشان اللحامات لأن الفايبر ده مش كابل عادى ده يا فندم بيشتغل عن طريق الضوء يعنى السلك بيمر فيه ضوء غالبا ليزر و بيتم استقبال الضوء فى جهاز استقبال و تحويل اشارة الضوء الى اشاره كهربيه عاديه يعنى كل الفكره ان اشارة الضوء سريعه جدا لأنه من اسرع الاشياء التى نعرفها فى عالمنا ان لم يكن الاسرع على الاطلاق و لذلك تم استخدامه فى الانترنت لتوصيل سرعات عاليه جدا و ايضا اتاحة نطاق Bandwidth كبير جدا.
و لذلك كابل الفايبر و اسمه الكامل Optical Fiber يحتاج الى شخص ذو خبره فى اللحام الخاص بهذا الكابل لأنك ترغب ان يكون اللحام لا يؤثر فى مسار الضوء الذى يمر عبر الكابل.
اخيرا كابل الفايبر يتكون من جزئين يغلف احدهم الاخر و اسمهم Core و هو من اسمه هو الجزء الداخلى للكابل و الجزء الذى يغلفه من الخارج يسمى الClad
معلومه اخيره كابلات الفايبر حلت مشكله اخرى و هى امكانيه نقل البيانات لمسافات بعيده حيث ان كابلات النحاس لها مقاومه تحدث فقد فى الاشاره عبر المسافات الطويله بعكس الفايبر و التى لا يمر فيها اشاره كهربيه من الاساس بل يمر ضوء و بالتالى الفقد فى الاشاره داخل الكابل يكاد يكون معدوم عبر المسافات الطويله.
بعض الصور:

https://s12.postimg.org/676ywq1i5/Stripped_Fibre.jpg

و دا شكل الفايبر نفسه :


https://s12.postimg.org/dkmcvoljx/Optical_fiber.jpg

و دا احد الكابلات الفايبر مع العلم كابلات الفايبر لها استخدامات كتيره جدا يعنى ليس فقط للانترنت بل تستخدم على سبيل المثال لنقل الصوت من جهاز الكمبيوتر الى سماعات خارجيه بنقاء صوت رهيب
و لذلك يوجد اشكال وانواع كثيره جدا من كابلات الفايبر
https://s12.postimg.org/eo6h7n671/optical_fiber_cable_final_2_638.jpg

بعض اطراف الكابلات المختلفه:
https://s14.postimg.org/yfzqpj4mp/Optical_connectors1.png
https://s14.postimg.org/v7v9chicx/fiber_optic_connector_500x500.jpg
https://s14.postimg.org/evgm90enl/Fiber_Optic_Cable_Connector.jpg

فى النهايه كابلات الفايبر مكلفه فى السعر.

[mazen saqr]

الكابلات النحاس زى ماهى متغيرتش كل اللى اتعمل كابينة فايبر فقط متتعبش نفسك بتغيير بوكس لان البنية التحتية للكابلات خربانة ومفيش كابلات فايبر
واحب اقولك بالنسبة لجودة النت بعد تحويل الخط من نحاسى لفايبر msan بقى النت زى الزفت ومشاكله كتير اكتر من النحاس

[الفواخيري]

اخى الفاضل لو حضرتك ليك سكن خاص منفصل عن الناس يبقى من حقك انك تغير البوكس و تجيب واحد على مزاجك لاكن لو حضرتك ساكن فى عماره و في ناس تانيه موصله تليفوناتها على نفس البوكس يبقى مش من حقك انك تغير البوكس او حتى تغير اى شئ فى البوكس!
بالنسبه للفايبر فهو محتاج ناس متخصصه عشان اللحامات لأن الفايبر ده مش كابل عادى ده يا فندم بيشتغل عن طريق الضوء يعنى السلك بيمر فيه ضوء غالبا ليزر و بيتم استقبال الضوء فى جهاز استقبال و تحويل اشارة الضوء الى اشاره كهربيه عاديه يعنى كل الفكره ان اشارة الضوء سريعه جدا لأنه من اسرع الاشياء التى نعرفها فى عالمنا ان لم يكن الاسرع على الاطلاق و لذلك تم استخدامه فى الانترنت لتوصيل سرعات عاليه جدا و ايضا اتاحة نطاق Bandwidth كبير جدا.
و لذلك كابل الفايبر و اسمه الكامل Optical Fiber يحتاج الى شخص ذو خبره فى اللحام الخاص بهذا الكابل لأنك ترغب ان يكون اللحام لا يؤثر فى مسار الضوء الذى يمر عبر الكابل.
اخيرا كابل الفايبر يتكون من جزئين يغلف احدهم الاخر و اسمهم Core و هو من اسمه هو الجزء الداخلى للكابل و الجزء الذى يغلفه من الخارج يسمى الClad
معلومه اخيره كابلات الفايبر حلت مشكله اخرى و هى امكانيه نقل البيانات لمسافات بعيده حيث ان كابلات النحاس لها مقاومه تحدث فقد فى الاشاره عبر المسافات الطويله بعكس الفايبر و التى لا يمر فيها اشاره كهربيه من الاساس بل يمر ضوء و بالتالى الفقد فى الاشاره داخل الكابل يكاد يكون معدوم عبر المسافات الطويله.
بعض الصور:

https://s12.postimg.org/676ywq1i5/Stripped_Fibre.jpg

و دا شكل الفايبر نفسه :


https://s12.postimg.org/dkmcvoljx/Optical_fiber.jpg

و دا احد الكابلات الفايبر مع العلم كابلات الفايبر لها استخدامات كتيره جدا يعنى ليس فقط للانترنت بل تستخدم على سبيل المثال لنقل الصوت من جهاز الكمبيوتر الى سماعات خارجيه بنقاء صوت رهيب
و لذلك يوجد اشكال وانواع كثيره جدا من كابلات الفايبر
https://s12.postimg.org/eo6h7n671/optical_fiber_cable_final_2_638.jpg

بعض اطراف الكابلات المختلفه:
https://s14.postimg.org/yfzqpj4mp/Optical_connectors1.png
https://s14.postimg.org/v7v9chicx/fiber_optic_connector_500x500.jpg
https://s14.postimg.org/evgm90enl/Fiber_Optic_Cable_Connector.jpg

فى النهايه كابلات الفايبر مكلفه فى السعر.




شكرا لحضرتك ربنا يزيدك علم

[PC Master]

للاسف خطي لما اتغيير لفايبر انخفضت السرعة و البنج بقى عالي جدا, لما كان نحاس الاداء كان جيد