كارت شاشة gtx 1060 و gtx 970 [الأرشيف] - منتديات عرب هاردوير

مشاهدة النسخة كاملة : كارت شاشة gtx 1060 و gtx 970

bisotiger

19-10-2016, 16:42

[CENTER]السلام عليكم ورحمة الله وبركاته

[B][FONT=arial black]أحلى تحية لاصدقائى واحبائى فى المنتدى الكريم

انا دلوقتى محتار مابين كارتين شاشة gtx 1060 6gb بضمان دولى وكارت شاشة مستعمل gtx 970 ب 2800 جنيه
انا محتار عشان خايف يكون فى نسبة عنق زجاجة لو جبت كارت Gtx 1060
ارجو الرد عشان خايف من موضوع عنق الزجاجة وهل لو جبت كارت gtx 1060 هيشتغل بكل كفاءة مع البرسيسور بتاعى i5 3340 ورامات 16 جيجا

banasonic

19-10-2016, 19:40

عليكم السلام
كرت gtx 970 مبدأيا لا يستحق الشراء الان نهائيا الا فى حاله واحده لديك كرت اخر قديم وعاوز تعمل sli وميزيدش ثمن الكرت عن 2500 يعنى 2800 كتير برضو
الاختيار الافضل 1060 وبالنسبه لموضوع عنق الزجاجه لن يحدث عزيزى خصوصا انك هتلعب على 1080p فمتخافش ولو حصل هتلاقى انخفاض فى اداء الالعاب المتتطلبه للبروسيسور اكثر انما حتى الانخفاض لن يزيد عن 10 فريمات كحد اقصى انتا فى السليم
وايضا ملحوظه اخرى يجب ان يكون لديك باور لا يقل عن 500 وات ماركه جيده حتى لا يحدث مشاكل
مبروك مقدما اخى

phenomenon

19-10-2016, 22:13

مفيش معالج مش بيعاني من عنق زجاجه كما تعلم
لكن غالبا افضل الحلول هي معالجات I7 لانها احيانا مطلوبه و ممكن تحقق 10 اطارات ازيد مع نفس البطاقه الرسوميه في الالعاب المعتمده على المعالجه المركزيه اكبر
اذا ظهرت امامك فرصه للتبديل مع I7-3770 يبقى كويس جدا اما اذا لم تجد فلا تفكر في الترقيه الى منصه غيرها الان

بخصوص الكارتين امر محير فعلا
واحد بدون ضمان - الكارت بدون ضمان يتطلب مزود طاقه جيد جدا جدا حتى تضمن استقرار حقيقي مش نص نص - لكن في نفس الوقت هو مش هيحميه لو ظهر فيه عطل فني فجأه وو قتها هتتكلف اكتر على ما ترجعه
اما الاخر فهو بضمان و يستهلك اكثر في الطاقه لكنه تقريبا بنفس مستوى الاداء على ابعاد 1080

bisotiger

19-10-2016, 22:32

ازيك ابراهيم حبيبى مبروك الادارة ياريس
دلوقتى مش هقدر اغير البرسيسور نهائيا
بالنسبة للكارت لو انت مكانى هتعمل أيه
رجاء الرد ضرورى

محمد السنهوري

19-10-2016, 23:06

أيه أخبارك أخي الفاضل
أسمحلي أرد عليك
طبعا 1060 بدون تفكير أنت في طريق سليم معاك كارت حديث بأنخفاض واضح عن قبل في أستهلاك الطاقه وتبريد أفضل و بأقل ضوضاء عن ذي قبل وأيضا أداء عالي جدا يتفوق جدا عن 970 رغم أني مش حابب المقارنه بينهم توكل علي الله ومتسناش بالطبع أمر الباور ومبروك مقدما وتقدر تعتمد علي المعالج فتره حتي توافر ميزانيه مفيش أي مشكله

abde_cs

19-10-2016, 23:08

لا تقلق يا أخي ... لن يكون هناك أي عنق زجاجة بين المعالج لديك و الكارت gtx 1060
... أنظر لهذا الفيديو للكارت gtx 1060 مع معالج i5 3330 و الذي هو أقل قليلا من الذي لديك
إستخدام البطاقة وصل في الكثير من الأحيان ل 97 و 98 %
... لذلك لا وجود لعنق الزجاجة على الإطلاق ^_^
https://www.youtube.com/watch?v=DRWBvrS2Xls
///
+ بخصوص المقارنة بين gtx 1060 و gtx 970
الكارت gtx 1060 أقوى بفارق معتبر من gtx 970 ... و بالمناسبة هو قريب جدااااا و تقريبا مساوي للكارت gtx 980
... أيضا هناك خيار آخر جيد و هو أفضل من البطاقات المذكورة في الألعاب الداعمة لل dx 12 ... أتكلم عن الكارت rx 480 و الذي أنصحك به بشدة

bisotiger

20-10-2016, 00:20

phenomenon

20-10-2016, 11:48

ازيك ابراهيم حبيبى مبروك الادارة ياريس
دلوقتى مش هقدر اغير البرسيسور نهائيا
بالنسبة للكارت لو انت مكانى هتعمل أيه
رجاء الرد ضرورى

الله يبارك بعمرك حبيبي
لا بصراحه انا مش مكانك خالص :)
دلوقتي انت بتقارن GTX 970 اللي هو بنفس اداء النسخه 3GB بسعر 2800 جنبيه مقابل نسخة GTX 1060 6GB افضل بفارق 5 الى 10 اطارات بسعر 5000 جنبيه أو بدون ضمان بسعر 3500 جنبيه تقريبا

هنفترض ان GTX 970 ادائه 90% و سعره 2800 إذن كل 1% من أدائه بقيمة 31 جنبيه لكن بيتطلب 150W TDP
هنفترض ان GTX 1060 ادائه 100% و سعره 5000 إذن كل 1% من ادائه بقيمة 50 جنبيه لكن بيتطلب 120W TDP
هنفترض ان GTX 1060 ادائه 100% و سعره 3500 إذن كل 1% من ادائه بقيمة 35 جنبيه لكن بدون ضمان - اعتقد ان الحل ده هو الانسب لكن فيه مجازفه لازم تكون راضي بيها - شخصيا افضل اخليها اخر حاجه

إذن الكارت الأول أفضل في القيمه = سعر مقابل أداء لكن أستهلاك اعلى بالطاقه مع ذاكره 4GB فقط لكن تذكر 2800 جنبيه كتير شويه

roby2010

20-10-2016, 22:52

انا في رأيي افضل خيار حالياً اما GTX 1060 او RX 480
الكروت دي اخدت مكان GTX 970 في افضل اداء مقابل سعر على دقة 1080
ذاكرة اعلى + استهلاك طاقة اقل + دعم افضل لالعاب DX12