استفسار بخصوص كروت الشاشة المناسبة لجهازى

[Eslam Mohamd]

السلام عليكم اخوانى الكرام عندى استفسار بسيط بخصوص كروت الشاشة من الفئة الجديدة من العملاقتين amd وnvidia
دى مواصفات جهازى

System Model: GA-880GM-USB3L
Processor: AMD FX(tm)-6100 Six-Core Processor (6 CPUs), ~4.0GHz
Memory: 8192MB RAM
vga card : sapphire R7 370 dual x 2 g ddr5
power supply: cooler master B500 Ver2 PSU

ان شاء الله بفكر فى الشراء من امازون بس محتار اختار الكارت المناسب لدقة 900×1600 فى اختيارات كتير انا محتاج حاجه تشغلنى فترة طويلة قدام مغيرش بعدها ممكن 5 سنين وتكون مناسبة للباور ودقة الشاشه الالعاب هتكون على الترا ان شاء الله فى انتظار ارائكم الكريمة بخصوص الكارت المناسب واتمنى ميكنش فى عنق زجاجه مع اى كارت

[Yasser]

بص على الدقه دى ممكن يناسبك gtx 970 النسخه ال 4 جيجا بالمره هتكون تحديث لكارتك على الدقه دى ....عايز تعلى ممكن gtx 1060 افضل طبعا والدقه دى ولا حاجه بالنسبه له ...حسب ميزانيتك والباور ok فى التنين ...وبالنسبه اللبروسيسور بتاعك هو هيعمل عنق زجاجه مع بعض الالعاب لكن اعتقد على الدقه المذكوره مقدار الاداء المفقود مش كبيروفى وسط سباق الالعاب الحديثه ولو تقادم خلال سنوات استخدامك للكارت كما ذكرت باذن الله هيكون الدور فى التحديث على المعالج والبورده!!!...وتردده بيوصل بالتربو 3.6 مش 4 زى مانته كاتب الا لو انتا كاسر سرعته ل4 ghz يبقى ممكن يساهم فى تخفيف عنق الزجاجه قليلا

[N3V3RMiND.2016]

وتردده بيوصل بالتربو 3.6 مش 4 زى مانته كاتب الا لو انتا كاسر سرعته ل4 ghz يبقى ممكن يساهم فى تخفيف عنق الزجاجه قليلا
أخى العزيز الراجل كلامه صحيح حيث ان المعالج حسب موقع AMD سرعته 3.3GHz و يصل بالتربو الى 3.9GHz
https://products.amd.com/en-us/search/CPU/AMD-FX-Series/AMD-FX-6-Core-Black-Edition/FX-6100/86
https://s11.postimg.org/5hz7nodcj/Untitled.jpg

[Eslam Mohamd]

انا فعلا كاسر سرعته ل4 ومفيش اى مشاكل الحمد لله الباور كويس والأداء بقى اعلى قليلا عن ماكنت شغال وهو 3.3 ودرجة الحرارة جربتها هى هى من غير الكسر بتوصل اقصى حاجه ليها 65 ومع الكسر نفس درجة الحرارة

دلوقتى امازون عامل تخفيض 50 دولار على الحاجة الى هتشتريها بيظهرلى كده لما بعمل بجرب اعمل طلب الدفع
انا ممكن استنى لاخر الشهر ويبقى معايا تمن الكارت ده gigabyte geforce gtx 1060 6g windoforce
او ممكن اجيب دلوقتى rx 470 8 g او rx 480 4g بس خايف من موضوع 8 جيجا رام للكارت ده هل هيزود عنق الزجاجة ولا ايه تنصحنى بإيه

[محمد السنهوري]

من رائي مفيش أي داعي للحيره علي الأطلاق سواء أخترت 1060 أو 480 أو حتي 470 الثلاثه رائعين بمعني الكلمه توكل علي الله في أي منهم بالنسبه للرام الخاصه بالكارت ليست لها علاقه بعنق الزجاجه لن تزيده

[abdalhaliem]

من رائي مفيش أي داعي للحيره علي الأطلاق سواء أخترت 1060 أو 480 أو حتي 470 الثلاثه رائعين بمعني الكلمه توكل علي الله في أي منهم بالنسبه للرام الخاصه بالكارت ليست لها علاقه بعنق الزجاجه لن تزيده


ونعم الرأى أخى العزيز


انا ممكن استنى لاخر الشهر ويبقى معايا تمن الكارت ده gigabyte geforce gtx 1060 6g windoforce

وهذا أيضاا خيار صائب

تحياتى للجميع

[Eslam Mohamd]

شكرا لكم اخوانى الكرام جزاكم الله كل خير
محتاج اعرف لو جبت كارت rx 470 8 g هل هيكون قوى فى الاداء على دقتى مع الالعاب القادمة وهيقدر يعد فترة كبيره يشغلى الالعاب الترا على دقتى او لو حتى عليت وخليت الدقة 1080p وهل هو افضل ام 4x 480 4g ولو افضل بنسبة كام فى المية واسف على الإطالة اخوانى الكرام

[محمد السنهوري]

لا يوجد أطاله عزيزي نحن في خدمتك
قوي بالطبع وجيد جدا علي دقتك الحاليه والدقه الاعلي التي تنوي عليها 1080 لفتره جيده حتي في تطور الالعاب بالنسبه للكارتين كما ذكرت ممتازين بالنسبه لموضوع الرامات لا تهتم بها كثيرا لانها في الاصل تحتجها بالاكثر في تعدد الشاشات ولكن الاداء بالطبع 480 أعلي بالأداء بفارق ليس كبيرا لكن جيدا بالطبع ونصيحتي لا تضع نفسك في دائره الحيره فقط أعقلها وتوكل الكارتين ممتازين أذهب مع من تشعر ناحيته بالراحه ومبروك مقدما

[Eslam Mohamd]

تمام اخى محمد شكرا لك دلوقتى فى كذا اختيار ارجو الافادة فيهم 480 على امازون بنفس سعر 470 للنسخة 4 جيجا يعنى ممتاز بالنسبى لى والحمد لله وعلى اخر الشهر ممكن اطلب شرائه لكن عندى مشكله الكيسة عندى tiger x6 case مش عارف msi ممكن يركب فيها ولا لا انا عندى shappire r7 370 dual x وراكب عادى بس فى مساحة صغيره بينه وبين الهارد عشان الكارت طويل وسمعت ان 480 بيحتاج 8 بن من الباور وانا عندى 6 بس وهل الباور عندى كافى لتشغيل 480 بدون مشاكل
استفسار اخير اخى الكريم واسف على كثرة الاسئلة هل مع الوقت الالعاب هتحتاج اكتر من 4 جيجا ولا هتبقى كفايه لفترة كبيرة ادام وهل البرسيسور هيبقى فى عنق زجاجه مع 470 اكتر ولا 480
واسف مره تانيه اخى الكريم