(القاهره) تجميعه حدود (12000-15000) لأعمال البرمجه والجرافيكس للمحترفين

[Es_elnagdy]

السلام عليكم...يرجى المساعده فى تجميعة جهاز والاسعار المتاحة والاماكن اذا امكن لانى بعيد عن المجال منذ سنوات واريد الرجوع للعمل مجددا افادكم الله وجزاكم كل خير
اقصى ميزانيه:15000
الاستخدام:للبرمجه والجرافيكس والويب ديزاين
مكان الشراء:يرجى الافاده
مدينة نصر

[N3V3RMiND.2016]

و عليكم السلام و رحمة الله و بركاته,
حضرتك محتاج جهاز كامل متضمن الشاشه و لا من غير الشاشه ؟
عموما دى تجميعه مقترحه للشغل التقيل:
Gigabyte GA-Z170X-UD3 Socket 1151 Motherboard = 2800
Intel Core I7-6700K 8M Skylake Quad-Core 4.0GHz LGA 1151 Desktop Processor = 6000
Crucial Ballistix Tactical 16GB Kit (2 X 8GB) DDR4 2666 CL16 1.2V = 1900
Kingston HyperX Savage SHSS37A/120G 120GB SATA III Internal Solid State Drive (SSD) = 1000
SAPPHIRE Radeon RX 470 4GB GDDR5 = 3800
Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD = 800
Sum = 16300
يبقى مش فاضل غير الكيسه و ممكن تأجل الهارد الSSD و تجيبه بعدين سعره لوحده 1000 جنيه.

التجميعه دى من غير الشاشه لو عايز شاشه ممكن اقترح تجميعه تانيه متضمنه الشاشه لو تحب .

[Es_elnagdy]

اولا شكرا على ردك اخى الكريم التجميعه ممتازه
بس انا محتاج الشاشة مع الجهاز لانى ببنى جهاز جديد وممكن استغنى عن الهارد الssd
الكيسه والشاشه مع التجميعة دى هتعدى جامد
الفرق بين الفيجا rx 470 و rx 480 ايه فى السعر والامكانيات
وسؤال الاسعار دى موجوده فين

[N3V3RMiND.2016]

اقتراح تجميعه متضمنه الشاشه:
Gigabyte GA-Z170-D3H Socket 1151 Motherboard = 2250
Intel Core I7-6700K 8M Skylake Quad-Core 4.0GHz LGA 1151 Desktop Processor = 5800
Crucial Ballistix Tactical 16GB Kit (2 X 8GB) DDR4 2666 CL16 1.2V = 1900
Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache HDD = 800
SAPPHIRE Radeon RX 470 4GB GDDR5 = 3800
Samsung S24F350FHM 24 Inch LED LCD Monitor = 1700
Sum = 16250
ممكن تشترى شاشه ارخص زى مثلا :
Samsung T24D310MO 24 Inch LED Monitor = 1450 يبقى الاجمالى 16000بدون الكيسه
و ممكن معالج Intel Core I7-6700 8M Skylake Quad-Core 3.4GHz LGA 1151 Desktop Processor = 5250 يبقى الاجمالى 15550 بدون الكيسه
الفرق بينه وبين المعالج الاول هو ان المعالج ده مش مفتوح لكسر السرعه مثل المعالج الاول - و هنا تلاحظ ان جميع المعالجات التى ينتهى اسمها بحرف الK معناه انها مفتوحه و قابله لكسر السرعه بالاضافه ان المعالج الاول صاحب تردد اعلى و هو 4GHz.
لو مش هاتشترى معالج قابل لكسر السرعه زى المعالج Intel Core I7-6700 8M Skylake Quad-Core 3.4GHz يبقى ممكن تشترى لوحه اقل من الZ-170 لأن لوحات الZ-170 متخصصه فى كسر السرعه يعنى ممكن توفر مبلغ بسيط و تشترى لوحه H170 او حتى B-150 و هاتلاقى انواع كتير جدا من اللوحات دى فى حدود 1700 جنيه.

شويه ملحوظات :
*اللوحه الZ-170 اللى اقترحتها هى ارخص لوحه Z-170 و بما انك محتاج جهاز للتصميم و الجرافيكس يبقى لا يمكن الاستغناء عن المعالج الi7 و طبعا عشان تستفيد من المعالج الi7 لأقصى حد فى كسر السرعه(للنسخه القابله لكسر السرعه و التى تنتهى بالحرف K) يبقى حضرتك تحتاج الى لوحه Z-170
يعنى يمكن القول ان الثابت فى التجميعه هو المعالج و اللوحه و الرامات.
*سعر المعالج الi7 انا كتبته ارخص 200 جنيه عن امبارح لأن سعره رخص النهارده و طبعا الاسعار كلها تقريبيه لأنها بتتغير كل يوم.

بالنسبه لاستفسارك عن الفرق بين RX-470 وRX-480
RX -470 السعر فى حدود 3800- 4000
RX-480 السعر فى حدود 5100 - 5400

بالنسبه للفرق فى الامكانيات راجع المراجعه لبطاقات الرسوميات الجديده :
https://arabhardware.net/forum/showthread.php?t=452225

بالنسبه للأسعار دى موجوده فين فهى اسعار الشركات و المحلات الموجوده فى مول سوق العصر فى شارع الخليفه المأمون فى مصر الجديده و ايضا مول البستان فى التحرير.
و اخيرا معلومه مهمه جدا حضرتك ممكن تجمع جهاز بمعالج Intel Xeon لو تحب و المعالجات دى بتكون خاصه بالسرفرات و ايضا شغل الجرافيك التقيل فاممكن تنتظر حد من الاعضاء خبره فى المعالجات دى ممكن يفيدك بأماكن توافرها و معلومات اكتر عنها و ايضا يمكن شراء كارت شاشه خاص بشغل التصميمات و الجرافيك من الانواع المعروفه باسم Quadro و لكن الحقيقه ليس لدى معلومات عنها فانتظر احد الاعضاء للافاده عن هذه الكروت ان كنت مهتم.

[Es_elnagdy]

متشكر جدا يا باشا على وقتك و على الشرح والتبسيط
بس مهم اوى انى اعرف انواع الكولر الكويسة الموجوده حاليا وانهى اللى هيكون كويس مع الجهاز
والباور طبعا اللى هيشغل كل ده