أسعار الهاردوير

[Rikon]

السلام عليكم

انا معايا الحمدلله كيسة محترمة للألعاب بكارت 970
بس ان شاء الله ناوي اخش مجال الmaya و بفكر اجدد حاجة للألعاب و في نفس الوقت للmaya
و حضراتكو عارفين الاسعار ولعت
فبحكم خبرة حضراتكو هل فعلا الأسعار خلال الايام الجاية هترجع زي الأول بالتدريج فأصبر لحد الوقت دا
لأن الكلام دا قالهولي تجار
ولا اول ماتجهز الفلوس اجيب في ساعتها ؟
و شكرا

[phenomenon]

و عليكم السلام ورحمة الله وبركاته

في علم الغيب ولكن في حالة أن صدقت الحكومه ستهبط الأسعار تدريجياً نعم و لكن الهبوط سيكون أبطىء من السلحفاه

[Rikon]

و عليكم السلام ورحمة الله وبركاته

في علم الغيب ولكن في حالة أن صدقت الحكومه ستهبط الأسعار تدريجياً نعم و لكن الهبوط سيكون أبطىء من السلحفاه

ياعني حضرتك تنصحني اجيب اول ما تتوفر الفلوس ولا استني شوية
و تنصحني لو هجيب بوردة لحد 3000 جنيه مناسبة لشغل maya و ألعاب تكون ايه ؟
و شكرا

[Yasser]

ولو هبطت الاسعار اللى مستورد غالى مش هايبيع ارخص الا لما يخلص اللى عنده. يعنى بياخد وقت... معنى هبوط الاسعار ان الجنيه وقف على رجله تانى بس حاليا رجليه الاتنين مكسورين!!!!

بيع اللى عندك بسعر كويس وكمل واعمل قرار شراء كويس كاداء مقابل سعر !!!

[phenomenon]

حضرتك مش محتاج لوحه أم بسعر 3000 جنيه لشغل المايا تحديداً
أشتري اللوحه المناسبه لميزانيتك و اللي تقدر تضيف عليها أكبر عدد من ذواكر الميموري المسموحه للمنصه " إذا كنت هتفكر في الجيل السادس يبقى من أول لوحات أم شريحة B150 فيما أعلى "
إذا كانت بتمتاز بالتبريد يكون أفضل من الكماليات عشان الشغل فترات طويله " بالتأكيد جميعهم قابلين للعمل دوام الأسبوع و لكن نظرياً فقط سلسلة Ultra Durable من جيجابايت بتمتاز بدرجات الحراره بوضوح "

Gigabyte GA-Z170X-UD5 TH Socket 1151 Motherboard = 3000
Gigabyte GA-Z170X-UD3 Socket 1151 Motherboard = 2400