استفسار عن شاشات BenQ ؟؟!!

[pc-prince]

السلام عليكم
دلوقتى انا مش عارف حظى وحش ولا غباء من الاخرين D-:
كنت ناوى اشترى شاشة benq من شهر وكنت بحوشلها لحد يومين وكانت ب1200 وففجأة بقت ب1700 !!! ؟؟؟؟؟
ومن يومين لقيت شاشة لقطة فى سوق وعملتها اوردر واستفسرت عنها فى الموضوع السابق https://arabhardware.net/forum/showthread.php?t=453322
وسوق اتصلت بيا امبارح قالوى السلعة اتعرضت بالغلط وهى مش موجودة وبنعتذر لك :@
فأنا عايز اجيب من الاخر ....فلو سمحتو لو حد يعرف مكان بيبعهم بأسعار معقولة يقولى اجبها منيين عشان خلاص جالى اكتأب

[abde_cs]

و عليكم السلام
بالمناسبة ... أنا فاجأني أيضا سعرها الرخيص جدااا و شككت في أن هناك خدعة ما
حتى عندنا في الجزائر الأسعار مستقرة أفضل من عندكم و أقل منها رغم ذلك هي في حدود 3300 جنيه (25800 دج)
https://www.lahlou-industry.com/composants-pc/ecran/ecran-benq-24-led-gl2460hm-black1
... و هي أكيد أغلى من الشاشة الأخرى BenQ RL2240HE 21.5 Inch عندنا و سيكون الأمر منطقي لو كانت أيضا أغلى عندكم
https://www.lahlou-industry.com/composants-pc/ecran/ecran-benq-22-led-rl2240he-yellow

[abde_cs]

بالمناسبة ... يبدو أن هناك إنخفاض حاد في الجنيه هاذي الأيام
قبل مدة قليلة كان 1 جنيه = 12 دينار جزائري ... و اليوم هو = 6.9 دينار فقط
لذلك توقعوا أن ترتفع الأسعار كثيييييرا عن ما هي الآن
كان الله في عونكم إخواني في الله

[Yasser]

الاسعار غاليه ومش هاتلاقى جديد بالسعر القديم ....الشاشه حلوه وشوفتها قريب مستعمله معروضه مره على النت ....الافضل تشوفها مستعمله

[pc-prince]

بالمناسبة ... يبدو أن هناك إنخفاض حاد في الجنيه هاذي الأيام
قبل مدة قليلة كان 1 جنيه = 12 دينار جزائري ... و اليوم هو = 6.9 دينار فقط
لذلك توقعوا أن ترتفع الأسعار كثيييييرا عن ما هي الآن
كان الله في عونكم إخواني في الله

فعلا اخي ربنا يسترها من ارتفاع الاسعار والمرض الاعظم جشع التجار

[pc-prince]

الاسعار غاليه ومش هاتلاقى جديد بالسعر القديم ....الشاشه حلوه وشوفتها قريب مستعمله معروضه مره على النت ....الافضل تشوفها مستعمله

شكله الحل الوحيد حاليا للاسف
لنا الله

[محمد فاروق غازي]

عليكم السلام ورحمة الله وبركاته،
الأخ الكريم، هناك متجر إلكتروني مصري اسمه "متاجر" الأسعار عليه منخفضة ومش عارف هل لم يقوموا بتحديث الأسعار أم ما الأمر،
لم أتعامل معه من قبل، الشاشة معروضة عليه بسعر 925 جنيه فقط ! والشحن مجاني،
تستطيع عمل حساب على المتجر وطلب المنتج والدفع عند الاستلام كما هو الحال في سوق.كوم وكل المتاجر الإلكترونية.

[pc-prince]

تسلم يا غالى
بس ممكن لينك بعد اذنك عشان ملقتش الموقع ده

[محمد فاروق غازي]

تسلم يا غالى
بس ممكن لينك بعد اذنك عشان ملقتش الموقع ده

تم الإرسال في رسالة خاصة.

[محمد فاروق غازي]

تسلم يا غالى
بس ممكن لينك بعد اذنك عشان ملقتش الموقع ده

بالمناسبة أخي تواصلت مع المتجر وأفادوا بأن الشاشة نفدت من المخزون، وأيضًا يبدوا أن الأسعار غير محدثة.

[pc-prince]

جزاك الله كل خير ولا يهمك يا استاذ محمد ان شاء الله ربنا يسهل والاقيها فى مكان تانى

[محمد فاروق غازي]

وإياكم أخي،
الشاشة كانت متوفرة لدى متجر عرب هاردوير بسعر 1500 جنيه،
طبعًا سعر غير جيد بسبب الغلاء لكن أفضل من 1700،
المتجر فيه مشاكل تقنية حاليًا ومش بيفتح لكن دا رقمهم 01288353370
موفق إن شاء الله.

[pc-prince]

تسلم يا استاذ محمد مقدر تعبك ومساعدتك معايا
بس باردو اتصلت بمتجر عرب هاردوير ومعندهمش اى شاشة full hd D-:
الحمد لله على كل حال هحاول اشوف حد من برة يبعتهالى بقى وخلاص بدل الذل اللى شايفينو ده

[محمد فاروق غازي]

ربنا ييسرلك الحال أخي،
الوضع أسوأ مما كان أي حد يتخيل، 2 في 1 إنهيار اقتصادي + جشع تجاري،
حتى اللي بيبيع مستعمل لو كان شاري السلعة جديدة بـ 1000 مثلًا بيبيعها دلوقت مستعمل بـ 1200،
عشان يقدر يتعامل مع الانهيار الاقتصادي بتاع شبه الدولة اللي احنا فيها دي ومع فُجر التجار لما يجي يشتري،
فالوضع قطران بصراحة من كل النواحي، الله المستعان.

[pc-prince]

ان شاء الله يا اخى ربنا ييسرلنا الحال جميعا ويعدى الفترة ديه على خير