اريد شراء باور صبلاي ميزانية 1300ج

[Hima fire]

السلام علكيم ورحمة الله وبركاتة
اريد شراء باور صبلاي
ميزانية 1300ج
الجهاز للعمل 24 ساعة في اليوم تقريبا
وسوف اشتري كيسة بعدين اما يكون معيا فلوس
فماذا تنصحوني يا اخوتي
شفت الباور دة عجبني سعرة 1050 ج
EVGA SuperNOVA NEX650G Gold PSU (120-g1-0650-xr)
وفي ايضا كيسة وباور ب 1200ج
وفي محلات عرضاها ب 850 L.E
Thermaltake Commander MS-III Mid Tower + 500W PSU


ولاكن مش عارف هيا كويسة ولا اية والباور كويس ولا اية
ومش عارف ايضا السلع دي متوفرة ولا لا في حاجات سئلت عليها لقتها متوفرة وفي لا

[Hima fire]

للاسف سالت علي الباور الشركة وقالولي انهم بيطلعوة مع جهاز فقط ومرضاش يبيع

EVGA SuperNOVA NEX650G Gold PSU (120-g1-0650-xr)

[الواد ميشو]

وعليكم السلام ورحمة الله وبركاته ....
اختيار حضرتك للباور ممتاز لكن الاسعار اتغيرت حتى لو متوفر ممكن او ف الغالب سعره زاد عن كدا تقريبا الضعف ..فسال عليه في الشركة اللي لاقيتها فيه لو متوفر يبقى تمام
فيه ترشيح او أفضل حاجة ممكن تحصل عيها زي
1000 = SeaSonic S12II Bronze 520W 80 PLUS Certified PSU
1350 = Seasonic M12II 620W EVO Edition 620-Watt 80 PLUS Bronze Full Modular PSU
لكن الفكرة ان اغلب الشركات بتبيعه مع جهاز كامل فسال يمكن يكون ربنا هداهم ..
لكن الباور
1150= FSP Hyper S 600W PSU
950 = FSP HEXA+ 500W PSU
ان شاء الله تلاقيهم بسهولة واداءهم الناس بتشكر فيهم ومناسبين

وموضوع الكيسة بالبور لا ينصح به لان الباور بيكون محدود او مش بنفس كفاءة تصنيع وتحمل الباورات المنفصلة

وبالتوفيق .......

[Hima fire]

شكرا جزيلا اخي الكريم
للاسف سالت علي الباور الشركة وقالولي انهم بيطلعوة مع جهاز فقط ومرضاش يبيع

EVGA SuperNOVA NEX650G Gold PSU (120-g1-0650-xr)
قلتلة كمان غلية علي سعرة 100 جنية مرضاش وعرض عليا نوعية كدة كنت شيفها اسمها Bitfenix (https://3333333)

[الواد ميشو]

تمااام ..موضوع رخم بجد معلش
الBitfenix الصراحة لا ارشحها شخصيا وغير كدا ما فيش معلومات صريحة ليه لاقيها عن الموديل داه BPA 500/600 ( اللي في السوق غالبا)
فاعتقد ان FSP الاختيار الملائم

وربنا يوفقك للفيه الخير ...

[Hima fire]

ان شاء الله هقع في حاجة حلوة وهبلغك جبت اية

[phenomenon]

حاول تاخد جوله في السوق أكيد في شركات بتبيع نوعيات من الباورات كويسه منفرده
زي ما قولتلك قبل كده تشغيل الجهاز 24 ساعه بإستمرار بيلزم توفير باور سبلاي محترم وإلا هتغيره كل سنه أو أقل

[Hima fire]

حاول تاخد جوله في السوق أكيد في شركات بتبيع نوعيات من الباورات كويسه منفرده
زي ما قولتلك قبل كده تشغيل الجهاز 24 ساعه بإستمرار بيلزم توفير باور سبلاي محترم وإلا هتغيره كل سنه أو أقل
شاكر لك اخي الكريم

لقيت حاجات علي اوليكس
استعمال خارجي والوات عالي
وفي باور اسوس
وفي بعض البورات اسعارهم كويسة
صورهم في الرابط التالي
https://imgbox.com/g/xgGicfsvXY
ولقيت ايضا باور ايفيجا
عند البدر جروب وسعرة
1650 ج
لو كويس اجيبة



EVGA 600B 600W Bronze PSU (100-B1-0600-KR)

1,650 EGP

ولا اشوف حاجة استعمال خارجي 1000 وات موجود علي اوليكس وممكن ادور علية في محلات الاجهزة الاوريجينال
بس مش عارف هوا هيركب علي كيسات ميد تاور الحديثة ولا مش هينفع عليها
FSP Hyper S 600W PSU موجود ايضا وسعرة كويس

[phenomenon]

شوف يا أخ إبراهيم هقولك اللي عندي و ليك حرية الإختيار

باور EVGA B هو من تصنيع HEC دي النقطه الأولى " ده معناه أن EVGA طلبت من HEC صناعته لبيعه بسعر رخيص من أجل الميزانيات الضعيفه "
أما النقطه التانيه الباور ده كان في مصر طول السنين اللي فاتت بسعر 550 جنيه ووقف تصنيع ومجاش منه جديد ولا هييجي لكن التجار بيخزنوه لليوم الأسود عشان يبيعوه بالأضعاف واهو اليوم جالهم
زيه زي باور Seasonic لكن خامته عمرها ما تيجي في خامة Seasonic لأن مكثفاته ليست يابانيه " المكيفات التايواني و الصيني أول شيء بتتأثر مع دوام العمل "

طبعاً إحنا ممكن نجيب سيرفر بباور تصنيع صيني بيشتغل 24/7 دون إنقطاع لكن اللي هيختلف في باور السيرفر أن التحميل عليه هيكون مختلف عن التحميل بتاعك و مع ذلك أول ما
بنشتري عليها كارت زي GTX 750 بيتحرق في فتره قريبه

متكلمناش خالص على نسبة الكفائه بالرغم انك أول واحد لازم تدور على الكفائه عشان أسعار الكهرباء حالياً اصبحت لا تسر عدو ولا حبيب و أنت الخسران و كل ما شغلك هيكون أطول
كل ما هتخسر في الكهرباء اكتر واكتر

دلوقتي أمامك حل من أتنين و أنا هفضل التاني بس أتمنى أني أتذكر جزئيه أخيره في النهايه اذكرك بيها

الحل الأول وهو أنك توصي على باور GOLD أنتظر لحظه هتأكد من شيء
https://arabhardware.net/forum/showthread.php?t=451534&highlight=
شايف صاحب الموضوع ده " الراجل ده كان معانا في الاداره و شخص محترم كلمه على باور Seasonic SNOW WHITE " اللي عارضه للبيع لو يعرف يجيبلك واحد تاني
صدقني ده اللي يستحق انك تدفع فيه المبالغ اللي ذكرتها في الموضوع و حتى لو هيكون ازيد فرق بسيط
اصلي مستحيل ادفع في باور HEC 600W مبلغ 1600 جنيه بردو و هو اساسا واقف على الشركه ب 300 جنيه

الحل التاني انك تشتري باور EVGA واطجنه شغل يارب يتحرق كل اسبوع منك واحد وكل ما يتحرق تروح ترميه في وش صاحب الشركه و تقوله غيره و تتاكد من تجديد فاتورتك
لو مش عنده غيره تخبط باور تاني بنفس التمن بالضبط

بصراحه موضوع الباورات في مصر بقى ماسخ جدا لدرجة اني عمري ما هفكر اني اشتريه من مصر اساسا الا لو انا واثق ان الباور ده واقف على الشركه غالي فعلا

[Hima fire]

لقد حددت الموضوع خاطئ. إذا إتبعت رابط صحيح, الرجاء راسل الإدارة (https://arabhardware.net/forum/sendmessage.php).

مش عارف اوصل للموضوع
انا المشكلة مقلق من الباورات دي وخايف صرحة لاني مركب هاردات كتير وخايف عليها
طاب اية رايك لو لقيت باور مخلوع من كيسة اتش بي يكون وات عالي
وابعت اكونت الراجل اكلمة او الموضوع اكلمة ولو لقيت عندة هاخد واحد

[phenomenon]

اها طيب شوف الأول إذا كنت محتاج تشتري من الخارج ولا لا
سؤال قبل أي شيء هل عندك كارت شاشه عالي أم لا يوجد ؟ لان دي النقطه اللي هتخلينا نحدد إذا كنت محتاج باور عالي أم يمكن الإكتفاء بباور خارج من كيس اوريجنال

[Hima fire]

لا يوجد ولاكن هجيب بعدين واحد في رنج 1600ج او اكتر قليلا حاجة 2 جيجا او 4 AMD

الباور الاوريجينال واحد من القاهرة عارضة علي اوليكس وعندة كذا قطعة 2 تقريبا
هوا في رنج 800ج تقريبا لا اتذكر كام بظبط
ولاكن بيقول الباور تقيل جداا ومكثفاتة كتير وكفائة 1000 وات فعلي
ممكن تشوف رابط الصور دة
https://imgbox.com/g/xgGicfsvXY
في العروض اللي بقولك عليها دي

لو الشراء من الخارج تكليفة بسيطة ممكن اشتري عادي

[phenomenon]

سهل على نفسك يا أخ إبراهيم

طالما كارت الشاشه هيكون في حدود 2000 جنيه كحد اقصى يبقى إكتفي بباور HEC 500W في رنج 500 جنيه كحد أقصى وهتقوم بالمهمه معاك كويس جداً إن شاء الله
أنت لست في حاجه للباورات الأخرى

أكتفي بباور زي الموجود في الصوره أو موديل HEXA+ 500W اللي تشوفه مناسب
أما بخصوص تشغيل الجهاز باستمرار فحاول قدر إمكانك تعطي راحه للجهاز لو كل 48 ساعه ساعتين زمن يرتاح فيهم دي هتحافظ على عمر المكونات فتره أطول لان جميع مكونات الهاردوير
محسوب عمرها على شكل عدد ساعات التشغيل و ليست بالأيام
على سبيل المثال شركة Western Digital بتضمنلك شغل الهارد 1000 يوم أو تلات سنوات تقريباً من عدد ساعات الشغل انه ميحصلشي فيه أي مشاكل و يكون بأفضل حالاته
بمعني إذا شغلت جهازك انهارده ساعه واحده يبقى لسى الشركه بتضمنلك 999 ساعه بدون أي مشاكل

مكثفات الباور سبلاي + اللوحه الأم ضمانها ايضاً بعدد ساعات العمل و كلما كانت درجة حرارتها أفضل و تحميل الضغط عليها أقل زادت فرصة عمرها الأطول

فحاول قدر إمكانك تعطي للجهاز راحه ساعتين زمن كل 48 أو 72 ساعه و في الجو الحالي ممكن ساعه واحده تكون كفيله بتبريد أدق المكونات

تدفعشي فلوس في باورات روبابيكيا يا أخ ابراهيم " الباورات إستيراد الخارج تثيله او خفيفه شوية صفيح و من الداخل روبابيكيا صيني " وخصوصا لما تكون بأسعار زي اللي الأخ الأهبل بيبيع بيها


35181

[Hima fire]

سهل على نفسك يا أخ إبراهيم

طالما كارت الشاشه هيكون في حدود 2000 جنيه كحد اقصى يبقى إكتفي بباور HEC 500W في رنج 500 جنيه كحد أقصى وهتقوم بالمهمه معاك كويس جداً إن شاء الله
أنت لست في حاجه للباورات الأخرى

أكتفي بباور زي الموجود في الصوره أو موديل HEXA+ 500W اللي تشوفه مناسب
أما بخصوص تشغيل الجهاز باستمرار فحاول قدر إمكانك تعطي راحه للجهاز لو كل 48 ساعه ساعتين زمن يرتاح فيهم دي هتحافظ على عمر المكونات فتره أطول لان جميع مكونات الهاردوير
محسوب عمرها على شكل عدد ساعات التشغيل و ليست بالأيام
على سبيل المثال شركة Western Digital بتضمنلك شغل الهارد 1000 يوم أو تلات سنوات تقريباً من عدد ساعات الشغل انه ميحصلشي فيه أي مشاكل و يكون بأفضل حالاته
بمعني إذا شغلت جهازك انهارده ساعه واحده يبقى لسى الشركه بتضمنلك 999 ساعه بدون أي مشاكل

مكثفات الباور سبلاي + اللوحه الأم ضمانها ايضاً بعدد ساعات العمل و كلما كانت درجة حرارتها أفضل و تحميل الضغط عليها أقل زادت فرصة عمرها الأطول

فحاول قدر إمكانك تعطي للجهاز راحه ساعتين زمن كل 48 أو 72 ساعه و في الجو الحالي ممكن ساعه واحده تكون كفيله بتبريد أدق المكونات

تدفعشي فلوس في باورات روبابيكيا يا أخ ابراهيم " الباورات إستيراد الخارج تثيله او خفيفه شوية صفيح و من الداخل روبابيكيا صيني " وخصوصا لما تكون بأسعار زي اللي الأخ الأهبل بيبيع بيها


35181
هجيب كيسة اخري للدون لود في المساء والكسية دي وقت استخدامي فقط وشكرا هجيب ان شاء الله زي اللي ف الصورة fsp hyper

[Hima fire]

تم بحمد الله شراء هذا الباور والكيسة
Seasonic M12 II Bronze Evo Edition 850W PSU
NZXT Phantom 240 Mid Tower Case white/black

[mohamad_buny]

مبروك عليك الباور بس انت لقيتوا فين واشتريتو منفرد ولا اية