استشارة بخصوص شراء طابعة

[lalaa5875]

عايز اشتري طابعة الوان ليزر او عادية
تقترحوا ايه بحيث استخدامي للطباعة كتير نسبيا ولازم جودة الوان ممتازة مفيهاش اي اختلاف عن اللي ظاهرة عندي على اللاب
الالوان لازم تكون مظبوطة جدا
ايه افضل نوع ترشحهولي وهل له تعبئة احبار ولا لازم الحبارات الاصلية
انا من القاهرة

[N3V3RMiND.2016]

حضرتك ممكن تذكر الميزانيه المحدده لشراء الطابعه لأن في طابعات من 1000 الى 20000 جنيه.

[lalaa5875]

الميزانية لغاية 6000 جنيه مثلا اهم حاجة تكون الطباعة ممتازة لاقصى درجة

[N3V3RMiND.2016]

طيب حضرتك ممكن تحدد ايه اهو احتياج حضرتك فى البرنتر حسب الاتى:
هل تحتاج البرنتر طباعه فقط ام طباعه و نسخ و سكانر؟


بالنسبه للطابعات الليزر الالوان هى تحتاج تصريح من الداخليه حسب علمى و مميزات الطابعات الليزر انها توفر فى الحبارات (الالوان) و غالبا يمكن اعادة ملئ الحبارات
و الطابعات بشكل عام يمكن معرفة دقه طباعتها عن طريق الResolution و تحسب بالDPI فكلما كانت الDPI للبرنتر اعلى كلما كان البرنتر يستطيع طبع بدقه اعلى.


ثم بيتم النظر لسرعة الطباعه يعنى كام ورقه فى الدقيقه يمكن للبرنتر طبعها و سرعه طباعه الالوان عاده تكون اقل من سرعه طباعة الابيض و اسود
ثم بيتم النظر لدرج الاوراق يعنى كام ورقه يمكن وضعها فى البرنتر و دى نقطه مهمه فى رأيى لأنك سوف تحتاج لاعادة ملئ الاوراق اثناء الطباعه كل فتره قصيره و يمكن ان تتوقف عمليه الطباعه طبعا بسبب عدم توافر الورق فى خزنه الورق و خاصه اذا كنت تستخدم البرنتر بشكل كبير نسبيا.


و يتم النظر الى الحبارات نفسها هل يمكن اعادة ملئها ام لا و هل هى متوفره فى السوق ام لا و ايضا سعة الحبارات لانها لو صغيره سوف تحتاج لأعادة ملئها او تغييرها بشكل مستمر كل فتره قصيره.
اخيرا طابعات الألوان التى تعمل بالحراره و ليس الليزر تستهلك حبر الالوان بشكل كبير جدا خاصه اذا كانت ذات دقه طباعه عاليه.


ملحوظه اخيره يجب النظر الى حجم و وزن الاوراق التى يمكن للبرنتر الطباعه عليها و دى مهمه جدا لأن الاوراق الخاصه بطباعه الصور تكون ذات وزن كبير (اضعاف وزن ورق الطباعه العادى) و طبعا مقاسات الورق يعنى فى طابعات متخصصه فى طباعه صور بحجم كبير اكبر من الA4
و بشكل عام انا شخصيا افضل طابعات الCanon و لكن يوجد فى السوق طابعات من النوع Brother وهى منافسه قويه.
اولا دى طابعات احترافيه خاصه بالمصورين من Canon و لا اعرف سعرها لاكن يمكنك الاتصال بوكيل Canon فى مصر لمعرفة السعر لأن غالبا لن تجدهم فى السوق:
https://www.canon-me.com/printers/inkjet/pixma/pixma_pro-10s/specification.aspx
https://www.canon-me.com/printers/inkjet/pixma/pixma_pro-1/specification.aspx
https://www.canon-me.com/printers/inkjet/pixma/pixma_pro-100s/specification.aspx

يوجد طابعه رخيصه امتلكها شخصيا و هى ذات دقه طباعه (فى حاله طباعه صور على اعلى جوده ورق) هى 9600DPI ولكن تطبع فقط 25 الى 30 صوره قبل ان تنفذ الالوان (الحبارات) و البرنتر هو :
Canon IP7220 و هو برنتر فقط لا يوجد نسخ او سكانر والسعر ربما يكون حاليا فى حدود 1600 جنيه تقريبا.

و دى بعض الطابعات التى فى رنج الميزانيه من المتوفر فى السوق المصرى(انظر للمواصفات بنفسك) :
HP Officejet Pro 8720 All-in-One Printer = 4800
https://www8.hp.com/us/en/products/printers/product-detail.html?oid=10477052#!tab=specs
[All in one يعنى فيها طباعه و نسخ و سكانر]

Brother MFC-J3520 InkBenefit Printer = 4350 (All in one و يوجد بها فاكس
https://welcome.brother.com/in-en/products-services/multi-function-centres/MFC-J3520.tab2.html

Brother MFC-J200 InkBenefit Printer = 4000(All in one و بها فاكس
https://www.********.com/en/product/brother-mfc-j200-inkbenefit-printer-computer-shop

Brother DCP-T300 Colour Multifunction Ink Tank Printer = 5000(All in one
https://welcome.brother.com/in-en/products-services/multi-function-centres/DCP-T300.tab2.html

ملحوظه : جميع الطابعات المذكوره ليست ليزر.