افضل واجمل الذكريات التي لا تنسى في عرب هاردوير

[Black foxer]

السلام عليكم اخواني في عرب هاردوير تحية طيبة وبعد :

عرب هاردوير بالنسبة لمعظم اعضائه وزواره مش مجرد موقع او منتدى عادي لأ عرب هاردوير حفر اسمه جوه معظم الي دخلوه اصبح مجتمع اخر داخل مجتمعنا

مجتمع عرب هاردوير فرحنا وزعلنا فيه مع بعض اتخانقنا واتصالحنا فيه مع بعض شاركنا معظم حياتنا في عرب هاردوير

عرفنا افضل واحسن الشخصيات الي موجودة في حياتنا حاليا او كانوا جزء منها هنا في عرب هاردوير ولكن للاسف حياتهم الشخصية اخدتهم مننا

عاوزينك تشارك معانا باجمل اللحظات والمواقف الي مرت عليك هنا في عرب هاردوير سواء كان موقف فعل او جملة اتقالتلك او موقف انت شوفته وعجبك جدا

ولو كنت زائر وعاوز تشارك معانا لاول مرة هنا هيكون شرف كبير لينا سواء بموقف شوفته او حضرته ولو كنت موجود معانا وفيه مشاكل حاول تنساها للحظة وافتكر لحظاتك الكويسة الي انا واثق انها مأثرة فيك للحظة قراءتك للموضوع وشاركها معانا في بيتك الثاني ( عرب هادوير )
14 سنة منذ اطلاقه لاول مرة واكثر من 300 الف عضو كفيلة فعلا انها تصنع مجتمع من افضل المجتمعات الي ممكن تعيش فيها لو عاوز توجه رسالة شكر وتقدير لاي من ال300الف عضو تكون شاكر لو كان عن طريق الموضوع ده :)

[Yasser]

مافيش موقف معين يحضرنى ...بس من افضل المواقف لما يكون عضو طالب مساعده فى مشكله والموضوع يكون غريب جدا فنيا او تعرض لخساره فى جهازه والكل يتلم يحاول يساعده بيبقى شىء جميل ويكاد يكون لقاء فى الواقع!