مساعدة في اختيار كارت شاشة

[Mohamed Bata]

ده امكانيات الجهاز عاوز كارت مستعمل في حدود 500 جنيه الجهاز استراد
البور مكتوب عليه 240W ياريت المساعدة في اسرع وقت
الشاشة عادية 17 بوصة
https://www.3rbz.com/uploads/b7976b4b408a1.png (https://www.3rbz.com/)مركز تحميل الصور (https://www.3rbz.com/)
https://www.3rbz.com/uploads/b9f50b76db9b2.png (https://www.3rbz.com/)مركز تحميل الصور (https://www.3rbz.com/)
https://www.3rbz.com/uploads/cbd6e49b5d7b3.jpg (https://www.3rbz.com/)مركز تحميل الصور (https://www.3rbz.com/)

[phenomenon]

الميزانيه محدوده جداً لكن ممكن تلاقي كارت زي GTX 550 قريب من نفس الميزانيه
مزودات الطاقه الأوريجنال ليست حقيقيه في المعطيات المكتوبه على الملصق بتاعها لذلك يفضل ترقيتها دائما عند تحديث كارت الشاشه
يجب تجريب كارت الشاشه عند البائع قبل الشراء فقد يتطلب الأمر تحديث بيوس أو ما شابهه

[Mohamed Bata]

اصل انا هستخدمها في العاب Silkroad/Crossfire
طيب اجيب بور ايه رخيص؟ يصلح للكارت؟

[Mohamed Bata]

و لو الميزانية تسمح لتزويدها ممكن تقولي كارت حلو ؟ و هل كارت GTX 550 Ti يشتغل علي الكيسة بتغير البور سبلاي بالطبع؟ ممكن حضرتك ترشحلي كروت اخري من 500 لي 700 او 800؟
و سعر البور ايه و نوعه علشان يشغل لو هجيب GTX 550 او GTX 550 ti ؟

[phenomenon]

انا اتمنى الا احملك ما لا طاقة لك به ..
لكن اخشى تشجيعك على شراء أي بطاقه و تواجهه حالة تعارض بسبب نوع الجهاز و ترجع تندم و تلومني ودي لسى حاصله من يومين مع احد الاعضاء
تابع الموضوع ده بنفسك هتلاقي فيه كل الردود اللي ممكن تحتاج تعرفها
https://arabhardware.net/forum/showthread.php?t=454237
الاجهزه الاستيراد احيانا بيكون ليها حدود و بتتطلب اولا عمليات تحديث او تجارب مسبقه لتاكيد اي عملية ترقيه هتحصل عليها
أو مراسلة الشركه الام والاستفسار عن عملية التوافق
اما لو الجهاز تجميع كان اصبح الامر اسهل علينا كتير


بخصوص الميزانيه ممكن ترفعك شويه لكارت زي GTX 560 / GTX 650 ربما أو حتى GTX 750 و شخصيا اميل الى GTX 750 بسبب استهلاكه القليل في الطاقه
ارخص مزودات الطاقه اللي تقابلك بكابل 6pin PCIe هتكون صالحه لكارت زي GTX 650 / GTX 750 إن شاء الله وشوف حاجه مستعمله من HEC / Cooler Master مثلا

[Mohamed Bata]

انا شوفت الموضوع قبل الكومنت ده حضرتك و الرد سئ منه للغاية حضرتك و ياريت تكون واسع الصدر و انا لا الومك قط و ربنا يديك طولت البال
ولكن حضرتك انا تكون فاهم نقطة واحدة اني مش هلعب العاب حديثة انا هلعب العاب زي crossfire و silkroad بس
فهل الكروت 750 و 650 هتبقي فيه فرق كبير؟ بين الكروت الي ميزنيتها صغيرة؟
حوالي ثمنهم كام في الايام ده مستعملين؟ و بي كام جديد لو سمحت؟
وهل يمكن رفع رامات الجهاز لي 8 جيجا؟

[Mohamed Bata]

و هل كارت Quadro fx 3800 مناسب؟ وهل يحتاج بور احترافي؟

[phenomenon]

جزاك الله خيراً
الصراحه ألعابك اعتقد انها بسيطه جداً لا تتطلب بطاقه حديثه حتى
أتمنى لو تقدر تشتري بطاقه زي R7-250 / R7-240
أسعار الكروت حاليا و مش بس الكروت لكن الهاردوير الجديد غالي جدا

في نفس الوقت مشعاوزين نثبت على قرار واحد لان ممكن يتاح ليك كارت كويس وسعره معقول و يؤدي مهمته على اكمل وجهه و حتى ميحتاجشي تغيير الباور
طيب هل تابعت قسم المستعمل عندنا ؟ مفيش اي كروت شاشه متوسطة الاداء متاحه في القسم واسعارها مناسب ليك ؟
متحاولشي تركز مع الكروت القديمه جدا وخاصة اللي بتحتاج باور عالي زي فئة AMD 5XXX أو فئة GTX 200 لانها لا تناسبك في هذه الحاله وهتفرض تغيير الباور

تعديل :- بصراحه معنديش فكره خالص عن كروت كوادرو في استخدامها للالعاب لكن في ناس بتسخدمها للالعاب لكن ما هي كفائته تحديدا للاسف
لازم واحد يكون مجرب الموديل وياكدلك هل قديم او جديد او يستاهل تمنه ام لا وهكذا

[Mohamed Bata]

طيب هل الكروت الي حضرتك قولت عليها هل ستحتاج تغير بور؟
و ارجوك اذكر لي كام كارت متوسطة الاداء لاني ليس لي علم بكروت الشاشة يعني ابجث علي انهي كروت في قسم المستعمل

[phenomenon]

المشكله ان العروض كتيره و ربما يظهر قدامك كارت انا مذكرتوش
للاسف الباور 240W فقط و إحتمال تحتاج تغييره فعلاً - هيكون واضح لو الجهاز مقدرشي يقوم او ريستارت متكرر اثناء اللعب او شات داون اوتوماتيك او حتى شاشه زرقاء

خليك دائما في فئه الكروت اللي يكون اخر رقمين فيهم 40 أو 50 لانهم موجهين للفئئه المتوسطه
كلما كان اقرب للوقت الحاضر كلما كان اقل في استهلاك الطاقه و لكن اعلى في السعر
كمثال على GTX450 / GTX 550 / GTX 650 / GTX 640 / GT 740 و حتى GT 730 هيكون ممتاز لألعابك و أكتر و قريب من الميزانيه

في رنج الميزانيه اللي معاك انت هتلاقي الكروت المعروضه هي المناسبه إن شاء الله أساساً
و إذا حبيت تسال عن اي كارت بيتاح قدامك مفيش اي مشكله هننتظر نسمع العروض اللي بتقابلك

لكن تذكر أمر تأكيد التوافق - الحقيقه هو دائما متوافق لكن موضوع الاخ الكريم سببلي وسواس :)
لكن ربما فعلا فئة الكروت الحديثه لم تعد تقبل العمل على منصات الحواسب القديمه
وهذا الامر نفسه لا يتعلق بالحاسب ذاته وإنما يتعلق بعدم توافق برنامج البيوس بالاساس اللي مشقادر يتعرف على الكارت وينشط تفعيله
اما عن الحاسب - فأي حاسب في العالم مستعد لاي بطاقه و لكن بوابة المرور و الموافقه تتوقف على موافقة البيوس لهذا الكارت
ربما الامر تحتاج تحديث بيوس فقط و هناك اصدار تم اصداره من اجل هذه المشكله تحديدا و لتتمكن من تفعيل الكروت الحديثه
لكن للاسف طريقة النقاش و الحديث نفسه متستدعيش او تشجع على اني اساعد ازاي هيتم تحديث البيوس
ومع هذه المواضيع تحديدا انسحب لاني متوقع بنسبة 99% توقف الحاسب تماما اذا تمت العمليه خطا
وربما ايضا البيوس الجديد حتى واذا تم تحديثه بطريقه صحيحه لكن بدون اي جدوى للتوافق مع البطاقه الحديثه
في النهايه سيكون اللوم هو الرد الوحيد المتوقع ايضا

عموما بخصوص الباور أخي الكريم . أغلب الكروت الحديثه و خاصة التي لا تتطلب كابلات طاقه مباشره 6pin PCIe إستهلاكها مستحيل أن يتعدى 75W
كروت كتير بتيجي بهذا الشكل و مفروض أن أي باور قادر على تغزية اللوحه الأم من خلال كابل 20+4 إذن يبقى عنده المقدره على تزويد سوكيت الكارت ب 75W
لكن المشكله ان في مزودات طاقه غير حقيقيه في المواصفات المكتوب على الملصق بتاعها
واحيانا بتكون خقيقيه لكن بمجرد ارتفاع حرارتها تفشل في الاستقرار و تقديك كامل منسوب الطاقه لذلك امر الاعتماد على مزود الحاسب
الاوريجنال طالما لا يوجد على الملصق الخاص به كلمة 80PLUS
إذن محتمل جداً أن يكون ضعيف و يغر صادق ولا يستطيع تقديم كامل منسوب الطاقه المطبوعه عليه
ربما تحاول تجربته اولا قبل التشغيل ولكن حتى هذه المزودات ليست امنه للمحافظه على القطع و لكن لان الميزانيه دائما عائق فبنجازف معاها واحيانا ربنا بيسترها بدون مشاكل
لكن لا يمكن تاكيد قوتها او امكانيتها من تغزية كارت الشاشه القادم مهما كان الا اذا بالفعل ركبنا الكارت وشغلنا الالعاب و كل شيء اصبح على ما يرام

[Mohamed Bata]

انا والله مش عارف اشكرك ازاي بس خلي في بالك مش ان شخص رد عليك و كلمك كده تبقي تاثر علي باقي الاعضاء و حضرتك نفعتني و اكيد نفعت اعضاء كتير معاك ربنا يكون في عونك
GTX450 / GTX 550 / GTX 650 / GTX 640 / GT 740 و حتى GT 730
دول مش هيحتاجوا بور صحيح؟ ولا انت اقصدك اجربهم و لو حصل حاجة من الي انت قولت عليها اشتري بور صح كده ؟ و لو عاوز UPS علشان ميحصلش مشاكل بيكون حاجة رخيصة في حدود كام في الغلاد ده دلوقتي؟
و هل
Thermaltake 450W power supply بي 325 سعر كويس؟
و ده الصورة
انا لقيت بور https://prntscr.com/dqrohu

[phenomenon]

الشكر لله
من رأيي الباور يستدعي التغيير لانه ضعيف جدا
اشتري باور Tt 450W مناسب إن شاء الله - 352 مبلغ كبير لكن لو تقدر تجيبه على 250 يكون افضل يعني حاول تخلص فيه بس
هيكون مناسب للكروت دي ان شاء الله كلها
مفيش داعي لـ UPS خالص خاصه ان الجهاز ده بيحتاج باور معين عشان يكون سبب وجوده نموذجي

[Mohamed Bata]

طيب هل عند حضرتك فكرة اشتري منين الكروت ده من محل علشان لو ملقتش حد بيبيعه؟
و هل جهازي هيتركب عليه رمتين كمان 2 جيجا؟
و هل هحس بي فارق عند زيادة الرامات؟
البردة فيها 4 اماكن رمات

هل يعتبر هذا الكرت في قوة GTX 750?

Sapphire Edition
Radeon R7 (https://www.neweggbusiness.com/Product/Product.aspx?Item=9SIV04Z5647859&nm_mc=afc-cjb2b&cm_mmc=afc-cjb2b-_-TV+Accessories-_-MSI-_-9SIV04Z5647859)
250 1GB DRR5 128bit 4600Mbps type dx11/12
و لقيت الكارت ده
فيجا Asus GTX 650 1Giga بي 1000 حلو حضرتك ؟ ولا يعتبر غالي؟
و لو فيه بور سبلاي قدام حضرتك ياريت تبعتلي اللينك بتاعه

[phenomenon]

الحقيقه معنديش فكره هل في محلات بتبيع مستعمل في مول البستان مثلا ولا ايه بصراحه مش عارف
لكن سواء هنا او على موقع اوليكس ممكن تلاقي عروض شبيهه كتيره بس انصحك تفضل مع الناس اللي عندنا لانهم مضمونين للتعامل معاهم
ممكن ابعتلك اسماء ناس محدده على الخاص تسال عندهم ربما تلاقي فعلا او يقدروا وفرولك

GTX 750 / R7-250 تقريباً في نفس القوه أيوه و مناسبين جدا للألعاب ان شاء الله
أما بخصوص الرامات فهي توقفه على اقصى سعة تخزين بتسمح بيها اللوحه الأم و تتأكد من الموديل بتاع الرامه انه
متوافق مع البورده أولاً و دول سهل تلاقيهم في مول البستان لان اغلبهم متخصصين في بيع الاجهزه المستورده حسب علمي

اكيد هتحس بفرق في الاداء ان شاء الله و نظريا دائما زيادة الرام افضل طبعا وإذا لم تفيد حالياً فلا تضر أبداً

[Mohamed Bata]

ارسل لي اكونتات الناس الي حضرتك قولت عليهم
فيجا Asus (https://www.walmart.com/ip/ASUS-Black-15.6-X551MAV-HCL1201E-Laptop-PC-with-Intel-Celeron-N2830-Processor-4GB-Memory-500GB-Hard-Drive-and-Windows-8.1/43280208) GTX 650 1Giga بي 1000 حلو حضرتك ؟ ولا يعتبر غالي؟
و البور اقل حاجة اجبها 350 فعلي؟ مظبوت كده ؟

[phenomenon]

اظلم نفسي واظلمك لو قولتلك أني خبير في الاسعار لكن من فتره قريبه يمكن اسبوع كان كارت GTX 750 بنفس التكلفه فاعتقد انه بالشكل ده غالي على الاقل 200 جنيه
ايوه لو باور زي HEC 350W هيمشي الحال معاهم ان شاء الله و تم التراسل على الخاص