المساعد الشخصي الرقمي

مشاهدة النسخة كاملة : مساعدة في شراء ماوس و كيبورد



mohamed20
14-01-2017, 11:32
السلام عليكم ,
انا لازلت مبتدئ جدا فى موضوع الجيمينج
و لما اخترت الالعاب اللى هالعبها حاليا عجبتنى العاب الـ FPS
زى العاب battlefield 1 , titanfall 2 , far cry 4

فا محتاج مساعده فى شراء جيمينج ماوس من 200-400 جنيه
و كذلك شراء ماوس باد فى حدود 100 جنيه

و كذلك شراء كيبورد من 400-600 جنية
و هل هلاقى في السعر ده mechanical keyboard كويسه و لا هاشتري membrane keyboard ؟

يستحسن طبعا ينفعوا لمعظم الالعاب مش للـ FPS فقط
انا شخصيا جديد فى المجال ده فا لو سمحتوا رشحولى افضل خيارات فى السعر ده و كذلك اماكن الشراء
و شكرا

phenomenon
14-01-2017, 13:00
وعليكم السلام ورحمة الله وبركاته
مرحبا بك
المبلغ ده كان ممكن يخليك تشتري كومبو محترم جدا من فتره لكن دلوقتي هيكون بنصف قيمته

للاسف انت لازم تظلم قطعه على حساب التانيه عشان تضمن حاجه كويسه في الاتنين على الاقل

ايه رايك في موديل ThermalTake Tt ESports Knucker Gaming Keyboard سعرها 675 بالشركه الفرنسيه و 590 بالبدر جروب و على ماتروحله هتبقى ب 700
او في كومبور مع بعضه ThermalTake Tt ESports Challenger Prime RGB Combo Gaming Keyboard سعرهم 1375 في الفرنسيه او في هاي اند 1200

mohamed20
14-01-2017, 13:16
شكرا على الرد ,
اعتقد ThermalTake Tt ESports Knucker Gaming Keyboard (https://arabhardware.net/forum/#) عجبتنى اكتر
بس لو عندك اقتراح تانى لكيبورد (يفضل جدا تكون
mechanical (https://arabhardware.net/forum/#) ) و تكون ارخص بحيث ماظلمش قطعه زى ما بتقول ؟
و لو دي احسن اوبشن فى السعر ده , تقترح اجيب ماوس ايه معاها و ماوس باد ايه كمان ؟

phenomenon
14-01-2017, 14:08
طيب في كومبو Cooler Master Devastator II LED Gaming Keyboard سعرهم 850 وبصراحه شكلها حلو لكن عن تجربه للإصدار الأول الكيبورد اسوا مما تتوقع ان يكون سيكون به
لكن المميز ان الإصدار الثاني في إضائه بالمفاتيح وممكن يكونوا عدلوا أخطاء الاصدار الاول واخطاء OCTANE فيها

الكومبور اللي يعجبك شويه هو Cooler Master MasterKeys Lite L Gaming Keyboard لان الكيبورد ميكانيكال " اكيد مش بنسبة 100%100 لكن هيعوض عن ميكانيكال بنسبه كبيره "
سعرهم 1400 والواضح ان الكيبورد فيه اهتمام عن الماوس بكتير يعني تقريبا تلات ارباع التكلفه رايحه للكيبورد " بصراحه عجباني جدا لكن زرار الانتر فيها هياخد فتره على ماتتعود على
مكانه يعني تقريبا اغلبهم هيكون بنفس الفكره و افضل سعر ليها 1350 في هاي إند

في كومبور سعره مريح شويه ThermalTake Tt ESports COMMANDER Gaming Gear Combo و شكله كويس لكن اكيد خامته ضعيفه و الإضائه في الخلفيه فقط مش بالمفاتيح يعني
مشكله وقت الالعاب بالليل فقط لو الغرفه مظلمه

كيبورد A4tech B120 Turbo Gaming Keyboard سعرها انهارده من 400 الى 600 و دي هتحس انها ميكانيكال جدا واصوات المفاتيح مسموعه لكن هتلاحظ ان المفاتيح صعبه احيانا وقت الضغط

دي تقريبا افضلهم حتى الان ThermalTake Tt ESports Challenger Prime Gaming Keyboard لكن من حيث الوظائف فقط سعرها لوحده 1000

اكتر حاجه قريبه للميكانيكال في رايي الشخصي Cooler Master MasterKeys Lite L Gaming Keyboard & A4tech B120 Turbo Gaming Keyboard

mohamed20
14-01-2017, 14:57
انا شوفتهم كلهم و بصراحه اكتر واحده عجبتنى هي Cooler Master MasterKeys Lite L Gaming Keyboard

و زى ما انت ما قولت الماوس مش بنفس جوده الكيبورد فا مش عارف هل هلاقي الكيبورد بتتباع لوحدها و لا لأ و هلاقيها بكام لو لوحدها ؟

و لو لاقيتها تقترح اجيب معاها ماوس ايه ؟

, فى سؤال يمكن يكون غبي شويه بس انا مش عارف بقي فا بسأل D-: هل الكيبورد بتبقي انجليش بس و لا عربي و انجليش زى الكيبورد العاديه ؟؟
و سؤال اخير معلش بتعبك , هل اساسا الـميكانيكال احسن فى الالعاب و حتى فى الاستخدام العادي و لا مش هاتفرق كتير عن الميمبراين ؟؟

phenomenon
14-01-2017, 17:27
كويس جدا والافضل انك تشوفلها مراجعه فيديو على يوتيوب قبل القرار النهائي من صفحات خبيره يعني مش اي واحد جايب الكيبورد وعامله Unboxing تتفرج عليه
بصراحه مشعارف إمكانية شرائها منفرده مسموحه من الشركه ولا لا اعتقد ان الكومبو ده مع بعضه
إذا لقيتها لواحدها متجيشي ماوس جيمينج لان مفيش ماوس جيمينج في الاسعار دي " كلو خرده " لازم تعلى عن 500 جنيه في رأيي عشان تحصل
ماوس ممكن تقول عليه انه مخصص للألعاب وخامته جيده وبطاريته مش جرار في الإستهلاك
أما لو 200 أو 250 جنيه في الماوس صدقني مش هتحس بفرق بينه وبين اي ماوس اوبتيكال ب 50 جنيه لا في الوظائف ولا بالخامه وممكن بعد كام شهر لو استخدامك قاسي فعلا "Gamer " ترميه

مميزات اللوحات الميكانيكال لا حصر لها خصوصاً للاعبيين والمحررين " بمعنى اخر اللي بيكتب ويضغط كتير"
اول حاجه الميكانيكال بتعيش فتره اطول ولما ايديك بتاخد على اماكن المفاتيح بتقدر تكتب وانت مركز في الشاشه مشلازم تبص على كل مفتاح هتضغد عليه
اما لو لوحه جيمينج عاديه ممكن بعد سنه اول اقل من الإستخدام تلاقي المفاتيح بدات تخرج في ايديك واحد تلو الاخر طالما غستخدامك تقيل فعلا للكيبورد

تاني حاجه بعد فتره من الاستخدام لو انت مش مركز في كل مفتاح هتضغط عليه هتلاقي نفسك بتكتب حروف خلاف الحرف اللي انت قاصده فعلا
يعني بمجرد ما صوابع ايديك تسرح كام ميللي يمين او شمال تلاقي المفاتيح بدات تكون حساسه جدا بمجرد ماتلمسها

تالت حاجه من اهم نقط الميكانيكال الصوت
في ناس بتحب تركز على الشاشه او على ورقه تنقل منها مقال وهي بتكتب لكن نظرها كله في المقال فقط واثناء الكتابه وضغط المفاتيح بعد فتره تبدا المفاتيح تفقد صوتها
يعني تبقى انت شغال وضغطت على مفتاح انتر او مسطره لكن انت مشمتاكد هل ده حصل ولا محصلشي فهتضطر ترفع عنيك وتركز على الشاشه او الكيبورد وتشوف هل الحرف ظهر ولا لا

اما بخصوص الجيمر فبيبقوا عاوزين كيبورد مصفح تحت ايديهم لان ممكن تلاقي العشر اصابع فوق مفاتيح مختلفه و اغلب لوحات اليجيمنج بتفقد السيطره على
مؤشر الاوامر لما يحصل ضغط كبير على مجموعه كبيره من المفاتيح
يعني كمثال لازم ترفع ايديك من فوق Q+E+W+S+D+E +CTRL قبل ما تضغط على الشيفت والا الكيبورد مشهيتعرف على الامر ده و طبعا دي مشكله في العاب كتير
لكن في لوحات جيمينج بقت مميزه جدا في القدره على قرائة اصابعك حتى لو كان الضغط فوق 10 مفاتيح وقت واحد او اكتر ومنها اللي بيعطيلك خيارات بعض المفاتيح المخخصه ومنها
اللي بيعطيلك الامر ده حسب راحتك في 10 مفاتيح اخرين حسب تحديدك

وفي جيمرز لو بيلعب على كيبورد خشب هيفضل خريف ويغلبك بردو :) لكن عموما هي مجرد تسهيلات للباحثين عن هذه الخصائص

بخصوص النقطه دي في رايي خير الامور الوسط طالما مشهنقدر نوصل للتوب او الهاي ايند يعني اي كيبورد متوسط وفي مستويات اضائه في الليل وسوفتوير محترم
يخليك تقدر تضبطه حسب راحتك ومجموعة وظائف هتلاقيه بيبدا من اول 500 جنيه تقريباً وهيعيش معاك فتره طويله ان شاء الله

اما بخصوص اللغه " المفروض ان الوكيل مسؤول عن إستيراد النسخه الموجهه للشرق الاوسط مثلا من المصنع وبتجيلك باللغه العربي والاجنبي"
لكن للإحتياط اسال اولا عشان تتأكد من النقطه دي و ممكن تشتري انت حروف لكن دي هتبقى مشكله كبيره لو اساسا المفاتيح فيها اناره لان المفترض ان دي من اهم مميزاتها

mohamed20
14-01-2017, 18:03
اولا شكرا جدا جدا على ردك المفصل اللى فهمنى حاجات كتيره الحقيقه
ثانيا , اعتقد انى بعد ما ادور ع اليوتيوب لازم انزل و اشوف كذا حاجه
و صراحه هادور بناء على ترشيحاتك و على رأيك

بس هل مادام مافيش ماوس جيمنج كويس بسعر الـ 200- 400 , هل ترشح اشتري ماوس اوبتيكال عاديه و مريحه و الـ DPI بتاعها عالى و خلاص ؟؟
و لا الكمبور بتاع Cooler (https://arabhardware.net/forum/#) Master (https://arabhardware.net/forum/#) MasterKeys (https://arabhardware.net/forum/#) Lite L Gaming (https://arabhardware.net/forum/#) Keyboard (https://arabhardware.net/forum/#) هاتبقي الماوس بتاعته بتقضي الغرض كابدايه ؟؟

و حاجه اخيره , ترشحلي انزل سوق العصر ادور ع الكيبورد و الماوس بشكل عام و لا اروح على محلات معينه فيه و لا انزل مكان تانى غير سوق العصر ؟
و جزاك الله خيرا , بجد ساعدتنى جدا الله يكرمك .

mohamed20
14-01-2017, 18:46
أشكرك يا اخ محمد واعتذر لك عن التكرار التلقائي

انا رأيي تكلم اي شركه تليفونيا الاول وتتاكد من سعرها المعروض على النت اللي هما ضايفينه ولو تمام يبقى توكل على الله
اما لو قالك سعر غير اللي هما ضايفينه يبقى تنزل بنفسك وتشوف افضل سعر في السوق وانا رايي تنزل الاول وتشوف افضل سعر لان احيانا في شركات مش بتعرض على النت لكن
اسعارها بتكون افضل من كل اللي عارضين على النت

لو كملت مع الماوس الخاص بالكومبو هتبقى فكره جيده بما انه اول ماوس جيمينج و ممكن يعجبك جدا وفي المره اللي بعدها إن شاء الله تختار ماوس اعلى
وتبدأ تدور فيه على جميع العيوب اللي إكتشفتها بخبرة وحكم تجربتك في الماوس الاول وهل بيعالجها وسعره بقى كام وهكذا

توكل على الله وبإذن الله هي أفضل حل ليك و هتعجبك جداً " أتمنى هذا " و ألف مبروك مقدماً

إبراهيم