جبت لابتوب جديد من كومبيوتر شوب بنظام DOS ازاي اقسمه واسطب عليه ويندوز 10

[samo khalil]

السلام عليكم
لو سمحتم جبت لابتوب بنظام DOS من كومبيوتر شوب وقالولي مينفعش نسطبلك ولا نقسم البارتيشن المهم دلوقتي عايزة اعرف ازاي اقسم الهارد 1تيرا بايت وازاي اسطب ويندوز 10 وياريت لينكات لل professional وسؤال كمان لما بافتح الدوس بيظهر الاتي
C: HD1, Pri[1 CHS start =1mb, size 951820
D:HD1,Pri[1 CHS start=951820, size=1MB
هل دة معناه انه اتقسم قبل كدة ولا دة دوس عادي ولا ايه بالضبط ؟؟؟؟

[N3V3RMiND.2016]

و عليكم السلام و رحمة الله
يوجد اكتر من طريقه لتقسيم الهارد لكن ممكن حضرتك تعملى ويندوز 10 على فلاشه USB و بيتم تسطيب الويندوز على اللاب من الفلاشه و ده هايمكن حضرتك من تقسيم الهارد قبل عمليه تسطيب الويندوز مباشره هايظهر لحضرتك رساله بتسأل اذا كنت عايزه تقسمى الهارد او تعملى اى بارتشن جديد.
الفلاشه USB بيتم عمل الويندوز عليها عن طريق برنامج موجود على اللينك التالى:
https://rufus.akeo.ie/downloads/rufus-2.11.exe

بس الفلاشه لازم تكون اكبر من 6 جيجا [يفضل 8 جيجا] و سيتم مسح اى بيانات عليها لذلك يجب التأكد من ان الفلاشه ليس عليها اى بيانات محتجاها

و دى الخطوات لعمل ويندوز بووت على الفلاشه:
بعد الانتهاء من تحميل الRufus يتم فتح البرنامج و اتباع الخطوات: [يجب توافر نسخه من الويندوز على هيئة ملف ISO]
اولا يجب توصيل الفلاشه USB فى الجهاز
https://s29.postimg.org/pa15cz8rr/Untitled.png

و بعد الضغط على Start يبدأ البار اللى فى البرنامج فوق Start بالامتلاء باللون الاخضر فيتم انتظار الانتهاء تماما من التثبيت.

بعد الانتهاء من التثبيت اصبحت الفلاشه جاهزه لتوصيلها باللاب و تسطيب الويندوز منها على اللاب و تقسيم الهارد فى بداية تسطيب الويندوز
فقط يتم الدخول على البايوس الخاص باللاب و اختيار الفلاشه USB كأول خيار للبوت.

بالنسبه للويندوز 10 انا ارسلت لحضرتك رساله خاصه على المنتدى [قوانين المنتدى تمنع مشاركه اى مواد مخالفه لحقوق الملكيه الفكريه من برامج او انظمة تشغيل الخ]

بعد الانتهاء من تحميل الويندوز و تثبيته على الفلاشه لو حضرتك محتاجه اى مساعده اضافيه حضرتك ممكن ترجعى لنفس الموضوع و سوف يتم الرد على حضرتك ان شاء الله.