تجميعة بأقل من 8000 ؟

[Ebra92]

السلام عليكم

لو سمحتم, ممكن تنصحوني بأحسن تجميعة لكمبيوتر بحيث أن السعر يبقي أقل من 8000 جنيه مصري ؟ motherboard,cpu,graphics,rams


أنا عندي باور 650 watt seasonic

و أفضل الcpu و ال mother إنتل مش amd


مع العلم أن شاشتي قديمة samsung الكابل مش HD , الكابل الأزرق العادي و الهارد عندي HDD 500 gb

زائد هحتاج كيسة رخيصة لو القديمة بتاعتي مش هتنفع

[phenomenon]

وعليكم السلام ورحمة الله وبركاته
حضرتك محتاج التجميعه دي للألعاب أم لأعمال الجرافيك واي أعمال جرافيك تحديداً إذا كانت هي الإستخدامات
هل الشاشه فيها مخرج DVI أم VGA فقط

[Ebra92]

نعم, الكمبيوتر لل gaming , و عاوز الرامات 8 جيجا, الباقي بقي, يعني بحلم مثلا أن كارت الشاشة 4 جيجا (ممكن يبقي AMD علشان اسعارهم كويسة), بس ال mother و ال cpu أفضّل intel بشدة. غالبا صعب حاجة كدة تحت 8000 بس يعني لو 8500 أو في الحدود القريبة, يبقي كويس, أنا طلباتي صعبة و بتأمّر ههههه.

بالنسبة للشاشة , دي صورة للكابل و هي في ال device manager متسجلة

SyncMaster 943NW/943NWX/NW1943/NWX1943


و شكرا ليك


https://s27.postimg.org/l7rzq0rlv/16463496_1210045862443626_4878478408385093855_o.jp g

[abdalhaliem]

الأخ الكريم كنت أهم بالأجابه على تساؤلك

لكنى بمجرد ان شاهدت ردك هذا أصابتنى الحيره



نعم, الكمبيوتر لل gaming , و عاوز الرامات 8 جيجا, الباقي بقي
يعني بحلم مثلا أن كارت الشاشة 4 جيجا (ممكن يبقي AMD علشان اسعارهم كويسة)

وأصبحت أحلم بأن تتنازل مؤقتاا

عن الأحلام الخاصه بكارت الشاشه

وتلك نصيحتى أليك

أبنى منصه قويه لقادم الأيام

أنت تحتاج ألى بورده + معالج قوى لايقل عن ( i5 ) + رامات لاتقل عن 8gb

وأنصحك بمتابعه قسم البيع بالمنتدى

يوجد تجار لهم مصداقيه بالمنتدى حاول تقتنص صفقه

للأشياء الأهم على الأطلاق ( بورده + معالج + رام )


وأجل الأن كارت الشاشه ( ألى حين )


وحاول تركز على الجيل الرابع أو السادس

الباور عندك ممتاز

والهارد شغال

والكيسه ممكن أستخدامها مؤقتا

شوفت مسهلهالك أزاى :):):)

لكن أهم شىء الأساس

لاتتنازل عن أقل من الجيل الرابع طبعا أنتل كما تحلم

وأذا أعجبك أى موضوع بقسم البيع قم بأستشارتنا هنا

طبعاا ممكن تشترى من أى مكان لكن المطلوب فقط

ان تشاورنا قبل الشراء

أما عن الجديد فالأسعار مرتفعه جدا جدا جدا

لذلك الأفضل لك كما ذكرنا

تحياتى

[N3V3RMiND.2016]

اخى الفاضل اليك اقتراح تجميعه جيده جدا للجيمنج و جديده من الجيل السادس و تقبل ايضا الترقيه للجيل السابع:

Gigabyte GA-H110M-S2PH Socket 1151 Motherboard = 1300
Intel Core I3-6100 3M Skylake Dual-Core 3.7GHz LGA 1151 Desktop Processor = 2150
Crucial Ballistix Tactical 8GB DDR4 2666 CL16 1.2V = 1250
ASUS Expedition GeForce GTX 1050 Ti Gaming 4GB GDDR5 (EX-GTX1050TI-4G) = 4000
الاجمالى 8700 جنيه
التجميعه دى هاتشغل جميع الالعاب الجديده بفريم عالى فى حدود 60 فريم
لو عايز توفر شويه ممكن تشترى الكارت ده:
ASUS Expedition GeForce GTX 1050 OC 2GB GDDR5 (EX-GTX1050-O2G) = 3100
فيبقى الاجمالى :7800
و هاتشغل جميع الالعاب الحديثه على فريم بين 30 و 45 تقريبا حسب الالعاب مع الاعتبار ان دى اعداد تقريبيه فقط.
طبعا دى اسعار تجميعه جديده و ليست مستعمله و استخدم الكيسه الحاليه مؤقتا فقط ممكن تتتأكد ان التهويه فيها جيده و نظفها جيدا جدا من الاتربه و ممكن تشترى مراوح لتهويه الكيسه اذا احتجت لذلك و لكن بشكل عام هذا المعالج المركزى المقترح لا يسخن ابدا تحت اى ظرف و انا امتلك نفس نوع هذا المعالج.

[Ebra92]

طيب أنا ممكن مثلا كارت الشاشة فيه

[Gigabyte Radeon RX 460 WINDFORCE OC 4GB GDDR5 (GV-RX460WF2OC-4GD

بس مش عارف هيمشي مع شاشتي ولا لأ؟

و الناس بتشكر فيه و سعره 3200 حاليا في بعض الخصومات

و ال cpu , ممكن أجيب i7 مستعمل استعمال خفيف, بس مش عارف يبقي الجيل الكام اللي يعيش معايا 5 سنين قدام مثلا ؟؟ جيل خامس يكفي؟ و تبقي بكام؟

ايه رأيكم ؟

و الmother, أنا كدة كدة عاوز حاجة معقولة قابلة للتطوير فيما بعد, بس عمري مثلا ما هركب كارتين شاشة أو كدة. يعني المهم يبقي فيها slots لاضافة رامات و هاردات حديثة مثلا فيما بعد مش دلوقتي, و طبعا تبقي متوافقة مع الجيل السابع (و جيلين كمان مثلا بعد كدة؟ ههههه) و لو فيها overclock يبقي ميزة بس مش ضرورة خالص

عشان أنا جهازي القديم كارت الشاشة أصلا 2G و الرامات 4G و quadcore pentium, أجيب quadcore و multithread يعني i7؟ ولا ايه رأيكم؟ أنا طبعا مش خبير خالص و لسه بقرا في الحاجات دي دلوقتي يعني و مش هطول عليكم علشان لسه في حاجات تانية كتير لازم أحسبها قبل الشراء, شكرا ليكم.

تحديث: يبدو انه لا ينصح بشراء كروت شاشة amd الا لو مع باقة amd متكاملة و انا ليس لدي خبرة مع منتجاتهم. و أيضا الإنتل مفضل بشدة بشكل عام عند الناس.

[phenomenon]

طيب ايه رايك في التجميعه السابقه
هي مناسبه جدا لكل متطلباتك وقابله للتحديث عليها 32GB و تقبل جميع معالجات Intel الجيل السادس و السابع
و ابقى حدث عليها مستقبلياً كما تشاء
لكن إذا كانت أحلامك او تطلعاتك وراء معالج بثمانية خيوط معالجه فيبقى رأي الأخ عبد الحليم المناسب ليك لان المعالج جديد أو مستعمل مش هيقل عن 5000
الا إذا كنت بتفكر في معالج I7 الاجيال السابقه زي التاني و التالت وكلاهما مش الافضل للمستقبل طبعا خصوصا خمسة سنوات

[N3V3RMiND.2016]

طيب أنا ممكن مثلا كارت الشاشة فيه
[Gigabyte Radeon RX 460 WINDFORCE OC 4GB GDDR5 (GV-RX460WF2OC-4GD
بس مش عارف هيمشي مع شاشتي ولا لأ؟
و الناس بتشكر فيه و سعره 3200 حاليا في بعض الخصومات
هايمشى مع شاشتك بس هو حرارته عاليه تحت الضغط و بتصل بسهوله الى 80 درجه مئويه و الGTX 1050 ادائه افضل منه فى اغلب الالعاب و حرارته لا تتعدى 60 درجه مئويه تحت الضغط.
مع ملحوظه مهمه جدا كارت الشاشه لا يقاس ابدا بحجم الذاكره يعنى كمثال كارت GTX 1060 3GB ادائه هو اضعاف اداء الكارت RX-460 4GB

و ال cpu , ممكن أجيب i7 مستعمل استعمال خفيف, بس مش عارف يبقي الجيل الكام اللي يعيش معايا 5 سنين قدام مثلا ؟؟ جيل خامس يكفي؟ و تبقي بكام؟
ايه رأيكم ؟
المعالج لو عايز تشترى واحد مستعمل i7 من الجيل الرابع او الخامس فالسعر ربما لن يقل عن 4000 جنيه على اى حال اما لو اجيال اقدم فسوف تضطر لشراء لوحه قديمه مستعمله و رامات ايضا غالبا بترددات منخفضه و طبعا لن يكون هناك اى فرصه لجهاز قديم بهذا الشكل للعمل 5 سنين قدام خاصه فى الالعاب و يجب معرفة ان كل جيل له لوحات و معالجات خاصه به فقط و احيانا يصدر لوحات تدعم جيلين فقط لاكن بعد تحديث البايوس و هى عمليه ليست سهله يعنى لوحات الجيل الثالث لا تدعم الاجيال التاليه لها طيب كيف نعرف الدعم للأجيال؟ من خلال المقبس او المدخل على اللوحه الذى يركب فيه المعالج المركزى فمثلا لوحات الجيل الرابع سوف تجد مكتوب عليها انها بمقبس 1150 اما الجيل السادس فمقبس 1151 و هنا يجب ملاحظة انه يوجد شواذ لهذه القاعده.
و من هنا فان الجيل السابع و السادس لديهم نفس المقبس الذى هو 1151 و لكن يوجد لوحات مخصصه للجيل السابع و هى من سلسلة 200 اما اللوحات المخصصه للجيل السادس فهى من سلسلة 100 و لكن يمكن تشغيل المعالجات من الجيل السابع على لوحات الجيل السادس لاكن بعد تحديث البايوس فى اللوحه و لاكن لا يمكن تشغيل اجيال اخرى لأن المقبس مختلف من الاساس.

و الmother, أنا كدة كدة عاوز حاجة معقولة قابلة للتطوير فيما بعد, بس عمري مثلا ما هركب كارتين شاشة أو كدة. يعني المهم يبقي فيها slots لاضافة رامات و هاردات حديثة مثلا فيما بعد مش دلوقتي, و طبعا تبقي متوافقة مع الجيل السابع (و جيلين كمان مثلا بعد كدة؟ ههههه) و لو فيها overclock يبقي ميزة بس مش ضرورة خالص
كما وضحت لا يمكن انك تجيب لوحه قديمه و تكون قابله للتطوير و لو اشتريت اى جيل اقل من الرابع سوف تضطر لتغيير المنصه بالكامل خلال ربما سنتين او ثلاث.

عشان أنا جهازي القديم كارت الشاشة أصلا 2G و الرامات 4G و quadcore pentium, أجيب quadcore و multithread يعني i7؟ ولا ايه رأيكم؟ أنا طبعا مش خبير خالص و لسه بقرا في الحاجات دي دلوقتي يعني و مش هطول عليكم علشان لسه في حاجات تانية كتير لازم أحسبها قبل الشراء, شكرا ليكم.
تحديث: يبدو انه لا ينصح بشراء كروت شاشة amd الا لو مع باقة amd متكاملة و انا ليس لدي خبرة مع منتجاتهم. و أيضا الإنتل مفضل بشدة بشكل عام عند الناس.
كما وضحت كارت الشاشه لا يتم قياسه بمقدار حجم الذاكره ابدا و ايضا تم توضيح ليه المفضل حاليا كروت الNvidia بشكل عام.

اخيرا اعتقد انه تم اتاحه جميع الخيارات لحضرتك للاختيار بينهم فلو حضرتك مصر على معالج i5 او i7 فرأى الاخ عبد الحليم هو الصحيح انك تشترى اللوحه والمعالج والرامات و تأجل كارت الشاشه لأن الميزانيه لن تكفى.
اما لو حضرتك شايف التجميعه التى عرضتها عليك مناسبه و هاتشغل جميع الالعاب و هى قابله للتطوير فى المستقبل فالخيار طبعا ليك.

[Ebra92]

شكرا جزيلا علي هذا التوضيح الهام, و شكرا جزيلا علي جميع الردود. هحاول أشوف حاجة i5 و كارت شاشة نفيديا معقول حتي لو الميزانية زادت شوية. أشكركم جميعا مرة أخري

[abdalhaliem]

شكرا جزيلا علي هذا التوضيح الهام, و شكرا جزيلا علي جميع الردود. هحاول أشوف حاجة i5 و كارت شاشة نفيديا معقول حتي لو الميزانية زادت شوية. أشكركم جميعا مرة أخري


لاشكر على واجب عزيزى

مرحّب بك دائماا

تحياتى

يغلق للأفاده