سؤال بخصوص كيفية تركيب الباور

[Diab13]

السلام عليكم ..
انا عارف اني بتقل عليكم يا جماعة بس معلش لكي يطمئن قلبي
الحمدلله تم شراء الباور EVGA BQ 500w
بس وانا بركبه في حاجة مختلفة عن الباور سابقه (Thermaltake 450w)
فيه فى البورد منفذ +12v
2*4 pin
فى الباور القديم كان متركب على 4 بس .. فى الجديد متركب على 2 * 4 عادى .. وانا شغال يه كده حسب تعليمات التركيب اللى مع الباور .. فهل ده غلط؟

وارجو من سيادتكم مراجعة قراءات الباور برضه عشان لو في حاجة برضه
لان الجهاز عمل ريستارت مرتين ومش عارف السبب

ومتشكر لحضراتكم ولوقتكم جدا

https://www2.0zz0.com/2017/02/04/03/351733222.png

[phenomenon]

وعليكم السلام ورحمة الله وبركاته
ألف مبروك أخي العزيز أحسنت الإختيار

مبدأياً برنامج HWMonitor ليس الأفضل دائماً في دعم إستشعارات الهاردوير الحديثه
أنصحك بتجربة أداة HWiNFO و الإعتماد عليها

سابقاً كانت وحدة المعالج المركزي قادره على طلب 144W من منفذ 4pin EPS 12V ATX أما الأن فهي قادره على طلب 288W حتى إذا تطلب الأمر

لكن مشكلة الريستارت لازم توضحهالنا أكتر هل هي بتحصل وقت تشغيل الألعاب أو أمتى تحديداً
و هل الجهاز بيعمل ريستارت فقط ويعاود تشغيل نفسه طبيعي أم يدخل حالة تجميد مؤقته لثواني أو شاشة تحزير وبعدها ريستارت

هل جربت الباور سبلاي عند البائع وتأكدت من سلامة عمله ملياً ؟

في إنتظارك

[Diab13]

هوا بالنسبة للريستارت فحصل مرتين بالضبط ومن بعدها محصلش ولا مرة (حتى الان)
وانا معنديش كارت شاشة خارجى (لسه هشترى ان شاء الله وده سبب انى جبت الباور اصلا)

فى المرتين مكنتش فاتح حاجة تماما
المرة الاولى الشاشة عملت الوان غريبة كده شبه اللى كانت بتحصل على التليفزيونات ال CRT القديمة وبعدها عمل ريستارات
المرة التانية مكنتش باصص على الشاشة وبرضه مكنتش فاتح حاجة
فى المرتين بيعمل ريستارت عادى جدا (كانى دوست على زرار ريستارت) بس ممكن بيقف كام ثانية زيادة فى شاشة البايوس وهوا بيفتح

هوا في سبب مرجح للموضوع ده الا وهو انى كنت فاتح الكيس (ولازلت) فممكن اكون حركت سلك او كابل ما فعمل كده

** لم يتم تجربة الباور من قبل عند البائع لعدم توافر مكان وعموما البائع مستخدم عادى مش محل بس جايب الباور من امازون مش من مصر (وعملت check على فترة الضمان من موقع EVGA لقيته فعلا لسه جديد مش مستعمل حتى)


هل فى حاجة ممكن اعملها غير انى اسيب الجهاز شغال؟

وعموما لما اجيب الكارت ان شاء الله لو فى حاجة هتبان اعتقد

اسف للاطالة وشاكر مجهود حضرتك

[phenomenon]

طيب حاول بس تتأكد من التوصيلات انها مربوطه كويس
حمل برنامج للمراجعه و الضغط على البروسيسور زي PASSMARK Performance Test وأعمل بينش كامل
و ياريت لو برنامج زي SISOFTWARE SANDRA وأعمل Overall bench أيضا لانه هيوضحلنا استقرار الجهاز لكن تذكر ترك الحاسب تماما لحين الانتهاء من المراجعات
ممكن PCMARK 8 أيضاً

[Diab13]

فى الاول اسف على التأخير الكبير فى الرد ده بس ده راجع لظروف شغل غير متوقعة

ثانيا الحمدلله جربت
PASSMARK و SISOFTWARE SANDRA و FurMark والجهاز كان مستقر
ومشكلة الريستارت دى محصلتش تاني ولا مرة
اعتقد ان الكلام ده مطمئن ولا ايه؟

[abdalhaliem]

فى الاول اسف على التأخير الكبير فى الرد ده بس ده راجع لظروف شغل غير متوقعة

ثانيا الحمدلله جربت

PASSMARK و SISOFTWARE SANDRA و FurMark والجهاز كان مستقر
ومشكلة الريستارت دى محصلتش تاني ولا مرة
اعتقد ان الكلام ده مطمئن ولا ايه؟


أكيد أخى طالما الجهاز

أجتاز تلك الأختبارات بنجاح

أذا لاتوجد مشكله

تحياتى

[Diab13]

متشكر لاهتمام حضرتك ^_^

[abdalhaliem]

متشكر لاهتمام حضرتك ^_^

لاشكر على واجب أخى الكريم

مرحّب بك دائماا


يغلق