مشكله مساحه ال C !!!

[Yasser]

السلام عليكم يااخوه :

باختصار مساحه السى عندى فى WIN 7 64 BIT: المساحه الكليه 70 تقريبا و المستخدم 50 المفروض لكن المساحه للفولدرات داخل السى كلها بجمع الفولدرات يدويا 31.5 جيجا ...اذن الفرق بين USED SPACE بتاعه ال LOCAL C PROPERTIES

ومساحه الفولدرات المرئيه داخل الC اللى حسبتها يدويا 50-31=19 جيجا راحت فين؟؟؟ هل فى حاجه انا مش شايفها ؟

[محمد فاروق غازي]

عليكم السلام ورحمة الله وبركاته يا أخ ياسر،
هل قمت بإظهار المجلدات والملفات المخفية بالويندوز قبل التجميع اليدوي؟
إن لم تكن قمت بذلك فقم بإظهارها أولًا ولا تنسى إزالة العلامة من على خيار Hide protected operation system files الموجود في Folder Option في تبويب View،
ليتم ظهور مجلدات وملفات النظام المحمية، وبعد ذلك كم بتجميعهم يدويًا وحساب مساحتهم وأخبرنا بالنتائج.

[samo117]

زي ما قال الاخ محمد ملفات نظام محمية, زي ملف : pagefile.sys or hiberfile.sys
دول عندي مثلا واخدين حوالي 12 جيجا من السي

[DMO]

زي ما قال الاستاز محمد انا كان عندي نفس المشكله دي لاكن بعد ما عملت هذا الخيار لاقيت ان في مساحه ملفات اكتثر ومساحه اكبر ظهرت المساحه بعد الخيار 59.8 قبل الخيار 52.8 مستخدم من المساحه الكليه الي هي 70 جيجا

[Yasser]

شكرا ياجماعه بعد خطوات الاخ محمد فاروق فعلا ظهر
pagefile.sys or hiberfile.sys وحاجات تانيه والمساحه بقت 49 بعد 31 ....هل من الامن مسح hiberfile.sys ؟

[DMO]

نعم هذا هو سؤال برضو عايز اعرف من الامن ولا لاء

[MagicNet]

اي ملفات خاصه بالنظام ممنوع حذفها
والا ستسقط الويندوز ولن يعمل
...
انت تعلمت انه يوجد ملفات مخفيه خاصه بالسيستم و
اطلعت علي مساحتك المفقوده
الان قم بعمل اخفاء مره اخري
واستخدم الويندوز كما كنت تفعل
واذا قمت باخفاء اي ملف واردت روئيته فعليك وقتها بعمل اظهار


ودي

[محمد فاروق غازي]

هل من الامن مسح hiberfile.sys ؟



مفيش قلق من حذف الملف المذكور لكن هتفقد خاصية Hibernate، لكن المشكلة إن الملف مش بيقبل الحذف بالطريقة التقليدية،
وعلى أية حال في طريقة سهلة وجميلة تقدر من خلالها تحذف الملف المذكور لزيادة مساحة القطاع C وأيضًا يمكنك استعادة الملف مرة أخرى إن أردت،
الطريقة كالتالي:
أولًا: هنحتاح نفتح موجه الأوامر Command Prompt كمسئول ( إن كنت تستخدم ويندوز 10 قم بالضغط كليك يمين على قائمة ستارت واختار Command Prompt (Admin)، ولو ويندوز آخر هتوصل لخيار Command Prompt بنفس الطريقة السابقة وهتضغط عليه كليك يمين وتختار Run as Administrator).
ثانيًا: هتكتب أو تنسخ الأمر دا powercfg -h off وبعدين تضغط إنتر في لوحة المفاتيح ثم تغلق موجه الأوامر.
ثالثًا: النتيجة إختفاء الملف وتوفير مساحته في القطاع C.
رابعًا: بنفس الطريقة السابقة يمكنك استعادة الملف مرة أخرى بسهولة تامة مع تغيير الأمر إلى powercfg -h on.

[محمد فاروق غازي]

اي ملفات خاصه بالنظام ممنوع حذفها
والا ستسقط الويندوز ولن يعمل

أخي الكريم هذه المعلومة غير صحيحة،
أي نظام أخي الكريم لديه عدة ملفات كل ملف أو مجموعة ملفات تكون مسئولة عن خاصية معينة أو أكثر في النظام وهي تنقسم إلى نوعين:
خصائص لا يمكن للنظام أن يعمل بصورة صحيحة بدونها وخصائص أخرى إضافية يمكن الاستغناء عنها إن لم يكن المستخدم في حاجتها ويستطيع النظام أن يعمل بصورة طبيعية جدًا بعد حذفها،
فالآن أخي أنت قمت بتعميم الأمر وهنا الخطأ، فأرجو أن تستوثق من معلوماتك قبل طرحها لأعضاء المنتدى، وحبذا لو أخذت الأمر بصدرٍ رحب.

[Yasser]

شكرا اخي محمد وجاري التجربه ....واعتقد رأي الخ ماجيك هو يعبر عن قاعده صحيحه بشكل عام ورأيك علمي وتفصيلي للقاعده دي وبالمشوره والتفاعل ده وضحت الصوره ......مشكورين