مشكلة منفذ USB 3 ؟؟؟؟؟؟؟؟؟

[hamadataha]

السلام عليكم : انا عندى كيسة Zalman Z3 Plus وفيها من الامام ثلاثة USB منهم واحدة USB 3 باللون الازرق المهم اول ما جبت الكيسة من سنة ونصف كان منفذ USB 3 شغال لما بوصل عليه الهارد الخارجى والليد بتاع الهارد الخارجى بتنور ازرق لما بيتوصل بمنفذ USb 3 وبينور ابيض لما بيتوصل بمنفذ USB2 من حوالى 5 شهور تقريباً والمنفذ بتاع الــ USB 3 بيشتغل USB 2 وساعات ما بيشتغلش خالص انا مفتحتش الكيسة ومجتش جنب اى كابلات جوة من ساعة ما اشتريتها مع العلم ان المنافذ الخلفية الــ USB 3 شغالة تمام فياترى العيب فى ايه بالظبط وانا بستخدم المنفذ الامامى لسهولة التوصيل ؟؟؟؟ مستنى ردودكم وشكراً .

[abdalhaliem]

أخى الكريم

أنت تقول أن منفذ ( USB3 ) الأمامى كان يعمل

والأن أصبح من تلقاء نفسه ( USB2 )

الست معى أن هذا غريباا بعض الشىء ؟

ولكن هناك أحتمال بأن السوكيت الأمامى بالكيس

حدثت به مشكله ما ولم يعد يعمل بكفائه

أتحدث عن المنفذ من ناحيه الكيس وليس البورده

وأصبح بطىء لذا تخيلت أنت أنه ( USB2 )

المهم قم بفتح الكيسه وتتبع الكابلات الموصله

ألى سوكيت ( USB3 ) على البورده

وحاول تتأكد من سلامه التوصيل

أو تقوم بتغييره وتوجد كابلات عديده

كتلك الكابلات على سبيل المثال لاالحصر



https://ae01.alicdn.com/kf/HTB1qXcNHVXXXXaKXFXXq6xXFXXXf/-font-b-PC-b-font-DIY-Host-font-b-Case-b-font-font-b-Motherboard.jpg


وتقوم بتوصيله بسوكيت ال ( USB3 ) على البورده


https://i.imgur.com/GBniBu9.jpg




ثم تقوم بربطه أو شبكه بواجهه الكيسه

تحياتى

[hamadataha]

شكرا لرد حضرتك المفيد والسريع بس اللى خلانى بقول لحضرتك انه بقى USB2 بدل 3 عرفته من لمبة الهارد الخارجى اللى لما بوصلها على USB2 بتنور باللون الابيض وده اللى حصل لما وصلتها بمنفذ USB3 نورت بالابيض مع سرعة USB2 طبعاً وعايز اسأل حضرتك هو الشرح اللى حضرتك بعته يمشى على البوردة بتاعتى H97-D3H يعنى هلاقى نفس المكان فى البوردة بتاعتى بالنسبة للكابل ؟؟؟؟

[MagicNet]

شكرا لرد حضرتك المفيد والسريع بس اللى خلانى بقول لحضرتك انه بقى USB2 بدل 3 عرفته من لمبة الهارد الخارجى اللى لما بوصلها على USB2 بتنور باللون الابيض وده اللى حصل لما وصلتها بمنفذ USB3 نورت بالابيض مع سرعة USB2 طبعاً وعايز اسأل حضرتك هو الشرح اللى حضرتك بعته يمشى على البوردة بتاعتى H97-D3H يعنى هلاقى نفس المكان فى البوردة بتاعتى بالنسبة للكابل ؟؟؟؟

اها فيها بجوار منفذ الطاقه ال 24 تحت الرامات .
وغير كده تقدر تجيب تطويلة USB وتركبها في المنفذ الخلفي بدون ما تفتح الكيسه
وانا نفسي بستخدم التطويلات دي اعتقد انها بتكون اسهل ف الاستخدام
ولو تلفت بتقدر تغيرها بدون ما تتلف #المكان الخاص بال USP في المازر بورد

[hamadataha]

شكرا ليك بس الاقيها فين التطويلات للـ USB 3 ؟؟؟؟؟؟؟؟؟؟؟؟؟؟؟؟؟؟؟؟

[MagicNet]

شكرا ليك بس الاقيها فين التطويلات للـ USB 3 ؟؟؟؟؟؟؟؟؟؟؟؟؟؟؟؟؟؟؟؟

اي محل بيبيع اجهزة كمبيوتر واكسسوارت كمبيوتر

[abdalhaliem]

الأخ الكريم الموضوع سهل جداا

ستقوم بتركيبه بكل سهوله

ومكانها بلوحتك

أنظر الصوره

https://i.imgur.com/bs7yrPV.png



لكن التطويله التى تتحدثون عنها

أسمها USB HUB


https://cf2.s3.souqcdn.com/item/2014/08/08/71/72/54/8/item_XL_7172548_5326257.jpg


تحياتى

[hamadataha]

شكرا لحضراتكم جداً على الردود بس المشكلة التوصيلة اللى بتتوصل فى البوردة من جوة هتتطلع منين بره الكيسة ؟؟؟؟؟؟؟؟؟

[abdalhaliem]

ياأخى حاتفك القديمه

التى تقول عنها أنت أنها أصبحت ( usb2 )

وتركب الجديده مكانها

القصه سهله جداا

فقط أنظر لها جيداا وبتمعن

ستعرف كيفيه حلها

أن لم تتوصل لذلك وتخشى

من أحداث أضرار لقله خبرتك بتلك الأمور

أذا فلتقتنى

USB HUB

تحياتى

[hamadataha]

شكرا لرد حضرتك المفيد جدا وانا قادر ان شاء الله على تركيب القطعة الجديدة مكان القديمة .

[abdalhaliem]

شكرا لرد حضرتك المفيد جدا وانا قادر ان شاء الله على تركيب القطعة الجديدة مكان القديمة .

الشكر لله أخى الكريم

وبأذن الله سهله جداا

يغلق للأفاده

[phenomenon]

ما شاء الله يا استاذ عبد الحليم ماكينه مؤلفه من الخبره و النشاط ربنا يزيدك
الشكر وحده لا يكفيك جزاك الله كل خير
بالتوفيق لصاحب الموضوع

[abdalhaliem]

ما شاء الله يا استاذ عبد الحليم ماكينه مؤلفه من الخبره و النشاط ربنا يزيدك
الشكر وحده لا يكفيك جزاك الله كل خير
بالتوفيق لصاحب الموضوع


أخى الكريم

الأستاذ Phenomenon

دائما وأبدا نجاح المسيره

بفضل تألق رُبًانُهَا

فأنتم أولى بالشكر أخى الكريم

فائق تحياتى