توصيل ترانس لمحرك موتور لعبه بدل الحجارة

[nancyنانسي]

انا عندي ترانس الراوتر القديم و عاوزة اوصله بمحرك موتور اخدته من عربيه كانت بتشتغل بحجارتين ، ودا اللي مكتوب علي الترانس
LEADER ELECTRONICS INC I.T.E. POWER SUPPLY MODEL : A41090080-C5 INPUT : 220-240V-50Hz 90mA OUTPUT : 9V-800mA (E)
فيه حد يقدر يفدني اني اتاكد اذا كان ينفع الموتور بالطريقه دي يشتغل بالترانس دا بدل الحجارة و لا لقه

[Yasser]

ماعنديش خبره فنيه لكن الترانس بيطلع
9V-800mA وماتور اللعبه بحجرين قلم عادى فمن هنا اعتقد مافيش توافق ....ايه الغرض من تشغيل الماتور ؟ جايز يكون هناك بديل عند احد الاخوه

[nancyنانسي]

عندي مضرب نسكافيه بحجارتين و خليته يشتغل بال usb علي اللاب توب و دا بيخليني اشغل الاب مخصوص
فقولت استفسر لو عاوزة اخليه بالكهرباء عن طريق شاحن موبايل او عن طريق اي ترانس اجيبه كام فولت ليه
يعني لو شاحن بيطلع 5 فولت كويس لو وصلته بالموتور و لا كتير عليه

[ابو معتز]

مفيش مشكله هيشتعل بس المفروض هتجيب ترنس متعدد من 1.5فولت الى 12 فولت
ةتركب عليه اى حاجه انت عايزة وتوفر الحجارة
المتور بيشتغل ب3 فولت ووهيستحمل لحد 6فولت بس 9كتير عليه هيرحق ملفته فى وقت قصير
تحياتى لك

[nancyنانسي]

شكرا علي مساعدتك و ردك السريع و توصيلك المعلومه بطريقه استوعبها
بس للتاكيد اللينك ادناه فيه صورة الموتور اللي بداخل مضرب النسكافيه عاوزة اتاكد ان هو دا اللي بيشتغل ب 3 فولت
https://m.aliexpress.com/s/item/32467995097.html?trace=wwwdetail2mobilesitedetail&productId=32467995097&productSubject=A13-1-pcs-High-Quality-1V-6V-DC-Hobby-Motor-Type-130-Micro-Motor-Toy-Motor&spm=2114.51010208.4.96.0tVuex
هتعبك بس عاوزة اتاكد عشان الموتور اللي باللينك هو اللي بداخل المضرب

[ayoub_bob]

هل تقصد هذا

https://www.m5zn.com/newuploads/2017/02/23/jpg//m5zn_1ce13ae2a1a627b.jpg (https://www.m5zn.com/out.php?code=16586272)

لو هو
دة مطلع عنية في استهلاك البطاريات
لانى بستخدمة كثيرا جدا في اليوم
بس لقيت لة حل سوف اعطية لصديق سوف يركب علية ادابتور
3V
ليس اكثر من ذلك
مع تطويل السلك لة عشان يكون في حرية في الاستخدام
تحياتى

[N3V3RMiND.2016]

انا عندي ترانس الراوتر القديم و عاوزة اوصله بمحرك موتور اخدته من عربيه كانت بتشتغل بحجارتين ، ودا اللي مكتوب علي الترانس
LEADER ELECTRONICS INC I.T.E. POWER SUPPLY MODEL : A41090080-C5 INPUT : 220-240V-50Hz 90mA OUTPUT : 9V-800mA (E)
فيه حد يقدر يفدني اني اتاكد اذا كان ينفع الموتور بالطريقه دي يشتغل بالترانس دا بدل الحجارة و لا لقه
الترانس بيخرج 9 فولت و الماتور بيشتغل على 3 فولت فقط(الحجر القلم الواحد بيخرج 1.5 فولت يعنى حجارتين قلم بيخرجو 3 فولت) يبقى الترانس غير مناسب للماتور لو تم توصيل الماتور بالترانس ده الماتور هايشتغل بسرعه كبيره جدا و هايسخن فى وقت قصير و هايتحرق و ممكن ما يشتغلش من الاساس.


شكرا علي مساعدتك و ردك السريع و توصيلك المعلومه بطريقه استوعبها
بس للتاكيد اللينك ادناه فيه صورة الموتور اللي بداخل مضرب النسكافيه عاوزة اتاكد ان هو دا اللي بيشتغل ب 3 فولت
https://m.aliexpress.com/s/item/32467995097.html?trace=wwwdetail2mobilesitedetail&productId=32467995097&productSubject=A13-1-pcs-High-Quality-1V-6V-DC-Hobby-Motor-Type-130-Micro-Motor-Toy-Motor&spm=2114.51010208.4.96.0tVuex
هتعبك بس عاوزة اتاكد عشان الموتور اللي باللينك هو اللي بداخل المضربالماتور اللى فى اللينك مكتوب فى المواصفات انه بيشتغل على 6 فولت و الUSB اصلا بيخرج 5 فولت يعنى الماتور لو كان شغال على الUSB فمفيش مشاكل اطلاقا.



عندي مضرب نسكافيه بحجارتين و خليته يشتغل بال usb علي اللاب توب و دا بيخليني اشغل الاب مخصوص
فقولت استفسر لو عاوزة اخليه بالكهرباء عن طريق شاحن موبايل او عن طريق اي ترانس اجيبه كام فولت ليه
يعني لو شاحن بيطلع 5 فولت كويس لو وصلته بالموتور و لا كتير عليه
لو الماتور هو فعلا اللى فى اللينك يبقى اى شاحن 5 فولت هايشغله لان الماتور 6 فولت و لكن فى حل ممتاز جدا و هو ان حضرتك تشرى شاحن موبايل بيحول من 220-230 فولت اللى هى الكهربا العاديه فى البيت الى 5 فولت و لكن الميزه انه بيخرج مش بسلك و انما بيخرج USB
انا عندى واحد و الميزه هنا ان حضرتك تقدرى توصلى الماتور بالUSB وقت ما تحتاجى و تقدرى توصليه على الكهربا وقت ما تحتاجى و دى صور للتوضيح :

https://s12.postimg.org/witoo6gal/product_74.pnghttps://s12.postimg.org/jq5ko94ot/15469174_Mobile_phone_charger_with_220v_electric.j pg

[nancyنانسي]

طب في حاله ابقاء usb لاعطاء مساحه اكبر فاستخدامه علي الاب او كهرباء هل استطيع توصيله بشاحن نوت 3 و لا الشاحن يتلف
ام الافضل توصيله بشاحن الفولت الخاص بيه اقل من الفولت الخاص بشاحن النوت للحفاظ علي كلا من الموتور و الشاحن

[N3V3RMiND.2016]

طب في حاله ابقاء usb لاعطاء مساحه اكبر فاستخدامه علي الاب او كهرباء هل استطيع توصيله بشاحن نوت 3 و لا الشاحن يتلف
ام الافضل توصيله بشاحن الفولت الخاص بيه اقل من الفولت الخاص بشاحن النوت للحفاظ علي كلا من الموتور و الشاحنحسب موقع سامسونج مواصفات شاحن النوت 3 هى انه بيدخل 5 فولت (شاحن الUSB) و بيخرج 4.35 فولت يعنى مناسب للموتور اللى هو 6 فولت بلا مشاكل و لاكن يفضل للاحتياط شراء شاحن زى اللى تم توضيحه فى الصوره و هو مش هايكون بأكثر من 25 جنيه اى شاحن صينى عادى جدا زى اللى فى الصور.

[nancyنانسي]

اشكركم جميعا للاهتمام و المساعدة و توصيل المعلومه بطريقه سهله ليا

[abdalhaliem]

اشكركم جميعا للاهتمام و المساعدة و توصيل المعلومه بطريقه سهله ليا


يغلق للأفاده

[abdalhaliem]

بناء على طلب صاحب الموضوع

تم فتح الموضوع مره أخرى

[nancyنانسي]

عدم توافر محول حاليا لاعطائي 3 فولت هل بامكاني ربط موتورين معآ فولت كل واحد 3 ليتم استخدام شاحن 5 فولت

[nancyنانسي]

حد يعرف فيه امكانيه ربط موتورين ببعض كل واحد منهم 3 فولت ازاي

[N3V3RMiND.2016]

الماتور بيبقى فيه وصلتين بس في شئ مهم يجب توضيحه اولا
و هو ان الكهربا بتبقى نوعين نوع اسمه DC و هى اختصار ل(Direct Current) او التيار المباشر
و دى اللى الماتور ده بيشتغل عليها و النوع ده ببساطه اتجاه الاسلاك اثناء التوصيل مهم لأنه هايفرق فى اتجاه دوران الموتور نفسه يعنى لو الموتور خارج منه سلكين واحد احمر والتانى ازرق فوصلت السلك الاحمر بالطرف السالب فى البطاريه (-) و السلك الازرق فى الطرف الموجب للبطاريه (+) لو الموتور فى الحاله دى بدأ يلف فى اتجاه عقارب الساعه مثلا يبقى لو انا عكست السلكين و وصلت الازرق بالطرف السالب(-) و الاحمر بالطرف الموجب فى البطاريه اللى هايحصل ببساطه ان الموتور هايلف العكس يعنى عكس عقارب الساعه.

يبقى السؤال هنا هل حضرتك محتاجه الموتورين يلفوا فى نفس الاتجاه زى بعض؟ لو نعم يبقى حضرتك بتوصلى الطرفين الموجب(+) فى كلا الموتورين مع بعض و بتوصليهم فى البطاريه و الطرفين السالبين(-) للمتورين يتم توصيلهم مع بعض و يتم توصيلهم فى الطرف الاخر للبطاريه.(سواء بطاريه او شاحن فوظيفة الشاحن هى فى الاساس تحويل التيار من نوع AC الى DC و ايضا تقليل الفولت من 230 فولت الى اى فولت مناسب حسب الشاحن.) طيب فى حالة الشاحن هاعرف ازاى الطرف الموجب من السالب لو مش مكتوب على الشاحن يبقى عن طريق التجربه اوصل موتور بخرج الشاحن مره بتوصيل الاسلاك فى اتجاه لو الموتور ملفش فى الاتجاه المطلوب يبقى اعكس اتجاه توصيل الاسلاك.
و صوره للتوضيح:
https://s13.postimg.org/5x9flvjvb/Untitled_1.png

و فقط بس للتوضيح كمعلومه النوع التانى من الكهربا اسمها AC و هى اختصار ل(Alternative Current) يعنى التيار المتردد و هو الموجود فى البيت فى الكهربا فى البيوت و الشوارع و هو بيكون اتجاه توصيل الاسلاك فيه مش بيفرق يعنى انا لما اوصل اى جهاز عندى فى البيت فى الكهربا مش بهتم اطلاقا هل انا بوصل الفيشه سالب و لا موجب لأنه لا يوجد سالب و لا موجب يعنى لو بوصل مثلا كمبيوتر و طبعا يوجد طرفين انا مش بشوف انا هاوصل الفيشه فى البريزه اللى فى الكهربه فى اى اتجاه لأنها هاتشتغل على الاتجاهين يعنى لو فى طرف ازرق و طرف احمر سواء وصلت الطرف الازرق فى الفتحه العلويه من البريزه و الاحمر فى افتحه السفليه و الجهاز اشتغل بردو هايشتغل عادى جدا لو و صلت العكس.

[sboon]

انا قريت كل التعليقات انا مش كلتي مش لاقي ليها حل وبدور علي كهربائي شاطر ومش لاقي وعملت كل حاجه ومش لاقي فايده ارجو من الخبراء الافاده
اولا انا عندي لعبه اطفال بتشتغل بي 4 حجاره طورش الي هيه خحاره السخان ومش بترضي تقوم الا علي الانواع النضيفه زي انيجيزر وبناسونيك لكن لو جبتلها حجاره القط الاسود هتشتغل وكنها ضعيفه
https://store6.up-00.com/2017-05/149541998387186.jpg (https://www.up-00.com/)
ديه صوره العبه تمام معلش انا هطول عليكو شويه بص يا سيدي اعبه ديه الكرسي بيتهز وبطلع مزيكا ونور والسمك بيلف كل ده بقولو علشان الي جاي
لما الحجاره ضعفت لقيت نفسي مضطر اشغل حاجه واحده بس الهزاز او المزيكا او السمك المهم روحت اشتريت حجاره القط الاسود ولسه بركبها لقيتها ضعيفه لازم حجاره نضيفه
فكرت اوصل شاحن موبيل ووصلت وديه صوره الشاحن ونوع الحجاره وبوكس البطاريه
https://store6.up-00.com/2017-05/149541998279271.jpg (https://www.up-00.com/)

https://store6.up-00.com/2017-05/149541998297792.jpg (https://www.up-00.com/)
https://store6.up-00.com/2017-05/149541998342954.jpg (https://www.up-00.com/)
طبعا الشاحن مكتوب عليه 5 فولت والحجاره مكتوب عليها واحد ونصف وبتاخد ارع حجاره يعني 6 فولت المهم وصلت الشاحن موجب وسالب وحطيت 3 حجاره فقط علشان يكملو الدايره واشتغلت تمام بس بعد كده الحجاره ضعفت ولقتها مش راضيه تشتغل طلعو مش بيكملو الدايره ولا حاجه جربت اكمل الدايره بورق فويل https://store6.up-00.com/2017-05/149541998364875.jpg (https://www.up-00.com/)
حطيت مكان 3 حجاره 3 ورقات فويل اشتعلت شويه وبطلت وكمان كل المرات الي فاتت مبتشتغلش بكل امكنيها اشغل الهزاز بس او اطفيه واشغل الموسيقي بس او اطفيها واشغل السمك المهم
قولت اجرب اجيب ترنس 6 فولت واشوف الدنيا جبت
https://store6.up-00.com/2017-05/149541998319993.jpg (https://www.up-00.com/)
فكيت الشاحن ووصلتو مكان الشاحن وجربت بالحجاره وجربت بورق الفويل نفس المشكله تشتغل شويه وتبطل
جربت اوصل الشاحن مكان حجاره واوصل الترانس مكان حجاره وكده اللعبه تبقي محتاجه فقط حجرين جربت واشتغلت شويه وبطلت وانا حاطط حجرين والشاحن والتارنس
السوال بقي هل لو انا جبت 4 ترنس زي الي في الصوره ووصلتهوم هتشغل كويس ولا ايه علشان انا تعبت
الحجاره الانجيزر الحخرين بي 105 جنيه
ارجو الرد والافاده

[N3V3RMiND.2016]

ممكن تجربة الاتى:

يتم استخدام نفس الشاحن ده:
https://s3.postimg.org/4ybk9deeb/149541998319993.jpg

و يتم توصيله بالطرفين الموضحين فى الصوره:

https://s3.postimg.org/z1q31bhnn/149541998279271.png

لن يتم توصيل اى حجاره و لا فويل فقط توصيل طرفين الشاحن المظبوط على 6 فولت بالطرفين الموضحين فى الصوره و التجربه
اذا لم تعمل يتم فقط تحريك الزر الموجود فى الشاحن لتغيير موضعه (الزر الموجود على الشاحن و موضح فى الصوره الاتيه):
https://s3.postimg.org/7d3ftsun7/1.png

جرب و قولنا ايه النتيجه.
بالتوفيق.