[مصر] تحديث كيسة قديمة (بروسيسور + رام + كارت شاشة) الميزانية ( 1500- 7500) للألعاب + هندسة

[λhмєĐĭŋhŏ77]

السلام عليكم

فى البداية ، انا لدى جهاز قديم PC وكنت عاوز اجدده نظرا لأرتفاع اسعار اللابتوبات ومن الصعب شراء لابتوب بقيمة 17 ألف لاستخدامه للألعاب زى Battlefield 1 مثلا وايضا استخدامه للبرامج الهندسية

الجهاز عبارة عن كيسة قديمة شوية (ماتريكس السودا ) اللى هى العادية واللى فيها مروحة صغيرة فى الباب الجانبى : https://i.imgur.com/yyp35S5.jpg

بروسيسور intel core 2 quad e7500

كارت شاشة saphhire ati مش فاكر رقمه بالظبط بس كان قديم من 2009

رامات 2x2 GB نوع تانى مش كنجستون ( مش فاكر اسمها ايه )

مزربورد : Gigabyte EP41 (صورة : https://i.imgur.com/Q4Qy7sr.jpg )

باور سبلاى 300 وات ( مش فاكر اسمه الصراحة )

-------------------------------------------------------------------------------


فعاوز الاول اعرف اذا كانت المزربورد بتاعتى gigabyte ep41

هتقدر تشيل رامات جديدة 8 جيجا من ingstone x fury + و الرامتين ال 2 جيجا القديمة اللى عندى ( للعلم القديمة مكنتش كنجستون، كانت حاجة تانية مش فاكر اسمها لان الجهاز فى بيت العيلة فى محافظة الشرقية :D )

هتقدر تشيل كارت شاشة زى RX 460 ال 4 جيجا ؟

البروسيسور مثلا زى ADM FX 6300، او Intell i5 او حاجة أقوى شوية ؟؟؟

هل هيكون فيه مشاكل لا قدر الله ؟ او عنق الزجاجة او الكلام دا ؟

وهل الباور سبلاى 300 وات دا كويس ؟


وبالنسبة للتبريد ايه ظروفه ؟


طبعا هشترى شاشة جديد برضو ، لان القديمة اللى عندى كانت من سنة 2005 تقريبا :D


---------------------------------------

- أقصى ميزانية محددة: من 60 ل 70 دولار لكل من ( رام + بروسيسور ) ، 150 ل 200 دولار ( كارت شاشة ) ، مش عارف بقى المزربورد بتاعتى ايه ظروفها

- استخدامك للجهاز: ألعاب ( mainly ) وبرامج هندسية زى مثلا robots و etabs اغلبها تحليل انشائى

- حجم الشاشة و الدقة (Resolution) التي تستخدمها: لسه هشترى شاشة جديدة فمش عارف

- القطع التي تنوي شراءها: رام ، بروسيسور ، كارت شاشة ( هل هحتاج باور سبلاى ) ، هل كيسة جديد ؟ ، هل مزربورد جديدة ؟

- القطع التي ستعيد استخدامها من الجهاز القديم: مزربورد ، كيسة ، باور سبلاى ، dvd rom ، ماوس ، كيبورد

- ميعاد شراء الجهاز: خلال 30 يوم

- مكان الشراء: القاهرة ، او الصين ( الأرخص ) ، ولو حد عنده فكرره ، هل هدفع ضرايب كتير؟ ولا ممكن صديق شخصى فى الصين يبعتهالى بطريقة بحيث ميكونش فيه ضرايب ؟

- محل سكنك: الاسماعيلية

[abdalhaliem]

الأخ الكريم

بصراحه شديده

لاأعلم بماذا أجيبك

فأنت أفكارك غير مرتبه

وبالتالى من يقرأء موضعك سيصاب بالتشتت

نصيحه من أخ لأخيه

أذا كنت تريد حقاا ترقيه ( بمعنى الكلمه )

قم ببيع تلك المنصه القديمه جداا

وقم بشراء بندل جيل رابع أو سادس

( بورده + معالج + رام )

هذا هو الأساس وأترك حاليا كارت الشاشه

فقط أطلب منك شىء واحد أن ترتب أفكارك

وتدكر لنا أقصى ميزانيه متاحه

( سأعتبر أنك ام تكتب شيئا )

أريد أجابه محدده هل توافق من حيث المبدأ

على بيع منصتك القديمه

أم هذا الأقتراح غير وارد

وأذا كان وارداا ماهى أقصى ميزانيه

( بالجنيه المصرى ):):)

فى أنتظار ردك

تحياتى

[λhмєĐĭŋhŏ77]

اشكرك جزيلا لردك اخى الكريم

واتأسف على عدم تنظيم موضوعى

لكن انا كدا هدخل فى حسبة تانية ، صعبة شوية

مش عارف والله انا محتار جدا ، أعتقد ان الافضل هو شراء لابتوب جديد ، طالما انا كدا كدا هدفع فوق ال 8000

انا محتاج اشبع رغبتى فى لعبتين او تلاتة بالكتير لمدة 5:6 ساعات اسبوعيا فقط لا غير !

يعنى Battlefield 1 و FIFA 17 و Tom clancys Ghost Recon wildlands ، وأكيد الألعاب المشابهه بالمستقبل ( سنتين او تلاتة ) على أقصى تقدير

فهل لابتوب فى حدود 8000 الى 1000 هيفيد بالغرض ؟

انا مش عاوز اشترى PS4 لانه هيكون مقرف جداا من حيث التكلفة ( 5000+ دراع كمان 1000 + كل لعبة جديدة لازم اشتريها فى حدود 50 الى 70 يورو )

للعلم بخصوص العاب ال PC اللى مش هتتكركك ، استطيع شراؤها وبسعر مخفض جدا ، على عكس ال PS4

[abdalhaliem]

الأخ الكريم

لم تجب على تساؤلاتى


أريد أجابه محدده هل توافق من حيث المبدأ
على بيع منصتك القديمه
أم هذا الأقتراح غير وارد
وأذا كان وارداا ماهى أقصى ميزانيه
( بالجنيه المصرى )
********************


المشكله أنه مهما حاولت ترقيه لوحتك القديمه

( g41 )

لن تصل ألى كلمه منصه ألعاب

وكمعلومه لك

بناء منصه ألعاب Desktop


أفضل من أقتناء laptop للألعاب بمراحل



لعده أسباب منها على سبيل المثال لاالحصر

شاشه اللاب غير مريحه وغير مخصصه للألعاب

لوحه المفاتيح غير مريحه وغير مخصصه للألعاب

اللاب توب نفسه عير مصمم للعمل ساعات طويله

من العمل الشاق مهما كانت مواصفاته

لضيق المساحات التى تسمح بالتهويه

صعوبه الأستبدال والترقيه بين القطع

ألخ ألخ ألخ .....................

تلك هى وجهه نظرنا

وما طلبنا منك ماطلبناه ألا لمصلحتك فقط

لكن أن كنت تريد أجابه نمطيه فلا بأس
**********************


البورده التى تملكها ممكن الوصول بها

ألى 8 جيجا رامات

وممكن أن ترقى المعالج ألى

q9650

طبعاا ستوفر الكثير من النقود

لكن ستبقى المنصه

قديمه وشعورك بترقيتها

سيبقى محدود جداا

تحياتى

[λhмєĐĭŋhŏ77]

اشكرك جزيلا لردك ، الفكرة كلها انى محتاج اشبع رغبتى فى الألعاب فقط لمدة 5:6 ساعات اسبوعيا ، اى اننى Not a Hardcore Gamer ، انا مهندس انشائى ، واللابتوب الذىاملكه حاليا ليس بالسئ core i5 .. ألخ ، اى انه يتحمل البرامج الهندسية

كما ذكرت أود قضاء بعض اوقات الفراغ فى الألعاب ك Battlefield 1 , fifa 17 ، لذلك أريد أقل تكلفة بالطبع !


طيب عموما ، كى أكون أكثر واقعية ، خصوصا انى فكرت فى حل بديل وهو شراء جهاز PS 4 مستعمل فى حدود 4700 مثلا ، لكن صدمت بأسعار الالعاب التى تفوق 1000 جنيه للعبة الواحدة :D :D

فمن الواضح انى مفيش حل قدامى غير انى أجدد فى الجهاز القديم بتاعى

يعنى بوردة Gigabyte ep 41 : https://i.imgur.com/Q4Qy7sr.jpg
، أنا شايف انها فيها 4 مداخل للرامات ، هل اقدر اركب عليها رام 8 جيجا + ال 2x2 القديمة اللى عندى يبقى مجموع 12 جيجا رام ؟


واجيب بروسيسور
Intel Core I5-6400 6M Skylake 2.7GHz LGA 1151

وكارت شاشة كويس ؟

وباور سبلاى 500 وات ، بدلا ن ال300 القديم اللى عندى

+ monitor حديثة


ام الفكرة دى مرفوضة ، هتعملى مشاكل قدام او هيحصل مشكلة عنق الزجاجة ، ومش هيكون مثلا فيه تناسق فى مكونات الجهاز ، ولا ممكن تمشى بيها الحال ؟



انا متأسف انى أزعجتك معايا ، انا عارف ان حضرتك مش ملزم ترد عليا ، سامحنى على الصداع اللى سببتهولك ، لك جزيل الشكر

[abdalhaliem]

انا متأسف انى أزعجتك معايا ،
انا عارف ان حضرتك مش ملزم ترد عليا ،
سامحنى على الصداع اللى سببتهولك ، لك جزيل الشكر



بالعكس أخى الكريم يسعدنى دائما التواصل معك



يعنى بوردة Gigabyte ep 41 : https://i.imgur.com/Q4Qy7sr.jpg ، أنا شايف انها فيها 4 مداخل للرامات
، هل اقدر اركب عليها رام 8 جيجا + ال 2x2 القديمة اللى عندى يبقى مجموع 12 جيجا رام ؟



ياعزيزى القصه ليست كذلك

أولا أقصى ماتدعمه تلك البورده ( 8GB )

لكن تلك ليست المشكله

المشكله العويصه أن تلك البورده

ليس لها من قريب أو من بعيد أى علاقه

بمعالجات الفئه ( i ) ( i3 - i5 - i7 )

بمعنى أنك لن تستطيع الترقيه ألى تلك المعالجات

من بدايه الجيل الأول ألى مشاء الله

لأن تلك البورده تحمل سوكيت ( 775 )

وتلك المعالجات لها سوكيتات مختلفه

كمثال المعالج الذى ذكرته حضرتك

Intel (https://www.newegg.com/Product/ProductList.aspx?Submit=ENE&Description=intel) Core I5-6400 6M Skylake 2.7GHz LGA 1151

هو جيل سادس سوكيت ( 1151 )

لهذا أقصى ماتستطيع فعله

الترقيه ألى المعالج المذكور أعلاه

q9650

وأقصى حجم للرامات كما ذكرنا ( 8gb )

بالنسبه لترقيه الباور شىء جيد بكل الأحوال

وبالنسبه لكارت الشاشه لن تستطيع

شراء الفئه العليا وستكتفى بالمتوسطه

كمثال ( gtx 750 ti ) وذلك لأنه

مع الكروت الفئه العليا سيوجد عنق زجاجه أكيد

أرجوا أن تكون الصوره قد وضحت لك

وأى أستفسار لاتتردد بطرحه

تحياتى

[λhмєĐĭŋhŏ77]

جزيل الشكر لك أخى الكريم، وجزاك الله كل خير

همم ، هو انا بالحل دا هيكلفنى ( الرام 8 جيجا + q9650 + gtx 750 ti + شاشة LED جديدة مثلا ب 1250 ) = اجمالى 5000 تقريبا

اعتقج انه هيشغل Battlefield 1 و FIFA 17 من غير مشاكل ، طبقا للكلام دا: https://www.game-debate.com/viewComment/1422783



بس الفكرة هنا ، هل الجهاز دا يقدر يصمد معايا سنتين مثلا أو بالأقصى 3 ؟ حتى لو الالعاب تشتغل على Low

ولا بال 5000 جنيه ، دول أجيب جهاز كونسول مستعمل PS4 مثلا (سامحنى انى خرجت عن السياق )



سؤال فنى صغير ، هو معالج ADM FX-6300 ميشتغلش مع البوردة بتاعتى (تقريبا مش هينفع؟ لأنى شايف علامة أنتل على كرتونة البوردة ) ؟ ولا أى بروسيسور من اللى فوقيه فى الصورة دى ليه السوكيت بتاع البوردة بتاعتى : https://www.cpubenchmark.net/cpu.php?cpu=Intel+Core2+Quad+Q9650+%40+3.00GHz اللنك : https://www.cpubenchmark.net/cpu.php?cpu=Intel+Core2+Quad+Q9650+%40+3.00GHz



أعتذر مرة تانية على الاطالة ، وجزاك الله خيرا


تحديث: انا شايف مؤشرات سلبية جدااااا : https://i.imgur.com/IV5qX70.png + https://i.imgur.com/XiTepDv.png

الروابط : https://www.game-debate.com/hardware/index.php?pid=18&cpu=Core%202%20Quad%20Q9650%203.0GHz
https://www.game-debate.com/hardware/?gid=883&graphics=GeForce%20GTX%20750%20Ti



--------------------------------

حاجة أخيرة ( ياريت مترميش الماوس فى وشى :D


لو جبت حاجة استيراد خاصة بال Work station زى


HP Z420 Workstation
الجهاز للالعاب
CPU : Intel Xeon E5-1620 Single Processor ( 3.6GHZ \ 10MB Cache \ Quad Core)
Memory : 16GB 1600Mhz ECC- Registered Memory
Storage : Western Digital 1TB Blue Edition (NEW)
Power Supply : 600W 90%+ Efficient
Price : 6300L.E ( غير شامل ضريبة المبيعات)
ملحوظة الجهاز بدون كرت شاشة يجب اضافة كرت شاشة من فئة Geforce او Radeon للالعاب
ضمان 6 شهور ضد عيوب الصناعة إستبدال فوري




واجبله شاشة samsung مثلا وكارت شاشة قوى ، هيمشى الكلام دا ؟

[abdalhaliem]

أخى الحبيب

أتدرى مالمشكله

أنك أمامك الطريق المختصر

ولكنك من انصار الطريق الدائرى :):)




همم ، هو انا بالحل دا هيكلفنى
( الرام 8 جيجا + q9650 + gtx 750 ti + شاشة LED جديدة مثلا ب 1250 )
= اجمالى 5000 تقريبا


ولماذا التمسك بتلك المنصه القديمه ؟؟

لماذا لاتقم ببيعها ؟؟

وشراء أما بندل محترم جيل رابع

( بورده + معالج + رام )

أو حتى بندل جيل سادس ؟؟

لماذا الترقيع والقماشه التى بين يديك قديمه مهترئه

البورده التى تملكها أقصى معالج يصلح لها q9650

طبعا لادخل ل ( amd ) بموضوعنا لامن قريب ولامن بعيد

كما ذكرت لك بالمشاركات أعلاه

أفضل خيار أمامك هو التخلص من جهازك القديم

وبناء منصه ألعاب

ويمكنك الأحتفاظ بالهارد فقط

تحياتى

[λhмєĐĭŋhŏ77]

السلام عليكم

كيفك أخى الكريم استاذى عبد الحليم ؟ أتمنى انك تكون بخير وسعادة دائما بأذن الله

لقد فكرت كثيرا فى اقتناء منصة جديدة بسبب استخدامى الكبير للاب توب ( تقريبا طوال ال 24 ساعة ) ، وأفكر فى بيع اللاب توب وأقتناء computer ، ولكن لدى سؤال صغير ، مواصفات الكيسة القديمة فى اول رد لى ، لو بعتها هتجيب كام ؟

+

ما رأيك بهذة التجميعة ( وهل هى منصة تصلح للترقية فى المستقبل ؟ )


AMD FX-6300 3.5GHz 6Core 14MB Socket + AM3 >>>>> 2.100.00EGP

Gigabyte GA-970A-D3P Socket + AM3 >>>>>>> 1.450.00EGP


Hard 500GB > i have already it ( zero )


mouse and keyboard >>> zero


Cooler Master CMP-352 Mid Tower + 500W PSU >>>>> 1.300.00EGP


HyperX FURY Blue 8GB DDR3 1600MHz CL10 1.5v >>> 945.00EGP


Microsoft Lifechat LX-3000 Headset >>>> 429.00EGP


GIGABYTE Radeon RX 460 Windforce 4GB GDDR5 >>> 3100 EGP

Samsung S19F350HNM 18.5 Inch LED LCD Monitor (https://www.********.com/en/product/samsung-s19f350hnm-18-5-inch-led-lcd-monitor-micro-labs) <<<< 1350 EG

[abdalhaliem]

أهلا أخى أحمد

أيه الغيبه الطويله دى :):)

لعل المانع خيراا

بالنسبه لمشاركتك الأولى

فأغلب القطع قمت أنت بتعريفها ( مش فاكر اسمها ايه ) :):)

وأنا أيضا ( مش عارف سعرها أيه ) على نفس الوزن :):):)

الذى عرفناه منك البورده والمعالج وسعرهم من 350 ألى 450

الباقى لما تعرف نوعهم أكيد نحن أيضا سنعرف سعرهم

**********************

وبالنسبه للتجميعه المقترحه

لماذا تحصر نفسك ب ( amd )

هل تمانع بتجميعه من ( Intel )

لكن لوتريد رأيى أنتظر قليلا

فمجموعه معالجات ( ryzen ) بطريقها للنزول للأسواق المصريه

وأعتقد هناك جدل كبير بشأنها

وماممكن أن تسببه من أختلاف بأسعار السوق

فائق تحياتى لك

[λhмєĐĭŋhŏ77]

شكرا جزيلا لردك استاذى عبد الحليم وجزاك الله خيرا

كارت الشاشة القديم ATI Saphire
4670 + المزردبورد اللى كتبتها + البروسيسور + الكيسة القديمة التعبانة دى : https://i.imgur.com/yyp35S5.jpg + رامات 2x2 جيجا + باور سبلاى 300 وات ( يجيبوا مثلا 2000 جنيه ؟ )


هاخود منهم الهارد ليا علشان اوفر شراء هارد + DVD ، اعتقد مفيش حاجة تانية هتنفعنى فى كيسة قديمة



---------------------------------------------------------------------------------------------

هممم ، يعنى استنى شوية كمان ، انا خايف الدولار يزيد تانى والاسعار تزيد تانى ، وخايف اللاب اللى معايا دا يتحرق منى :D ، انا تقريبا بشغله طوال ال 24 ساعة (اجيبله مثلا كولر ؟ )


انا حصرت نفسى فى AMD لانى شايف ان اسعارها رخيصة مقارنة ب Nvidia و Intell ، لكن فى الحقيقة لا اعلم ما هو فرق الاداء ، لأن اغلب الاجهزة التى أقتنيتها بها كروت شاشة AMD حتى اللابتوب الحالى اللى معايا

ايضا هناك من يشكك فى عملية التبريد الخاصة ب Nvidia

[abdalhaliem]

( يجيبوا مثلا 2000 جنيه ؟ )


لا طبعا


أحنا قولنا البورده + المعالج

450 + كارت الشاشه 450 + الرام 200 + 70 كيسه

المجموع 1170

الباور ماهو موديله أو ماركته هل هو باور معتمد أم تجارى

أذا كان تجارى فلاداعى لتسعيره من الأساس

( طلعه هديه على الكيسه )

أما أذا كان معتمد فضيف من 200 ألى 250
***************


وبالمناسبه أنا لاقصد كروت الشاشه

( فلاتوجد كروت شاشه من أنتل )

ولكنى قصدت المنصه نفسها البورده + المعالج

وتقدر تركب أى كارت كما تشاء على المنصتين

كروت ( nvidia ) جيده جداا ولاتلتفت للشائعات

يعيبها أرتفاع أسعارها قليلاا

كما أن كروت ( amd ) جيده جدا أيضاا

وكما ذكرت لك نوع كارت الشاشه حسب ميولك

سيعمل على منصه أنتل + منصه amd

بدون مشاكل

وموضوع الدولار هذا علمه عند ربى لاأحد يستطيع

أن يجزم بشأنه

فى دوله تسير ببركه ربنا كدولتنا

تحياتى

[λhмєĐĭŋhŏ77]

تمام أخى عبد الحليم

الباور سبلاى معتمد وليس تجارى

اذا فى حدود 1200 الى 1300 ، السؤال هنا ، كيف اجد مشترى لهذا ؟ هل تعرف اسواق بعينها فى القاهرة مثلا تشترى منى الكيسة دى ؟ فى الحقيقة انا سالت هنا فى الأسماعيلية ولم أجد أى سوق ليها او اى صرفة ليها

--------------------------

وبخصوص المنصة الجديد ، اذا برأيك انتظر مثلا شهر اوأثنتين ؟


ربنا يسترها علينا فى بلد الكفتة دى !

[abdalhaliem]

الباور سبلاى معتمد وليس تجارى
اذا فى حدود 1200 الى 1300



تقريباا أو أذيد قليلاا




السؤال هنا ، كيف اجد مشترى لهذ



قم بعمل موضوع بقسم البيع

وقم بقراءة قوانين القسم جيداا

حتى لايكون موضوعك مخالف

وقم بعرض موضوعك جيداا بصوره لائقه

وأرفق صور للقطع

وأذكر المواصفات

ممكن تدخل ألى المواضيع

وتشاهد مواضيع الأخوه الأعضاء




وبخصوص المنصة الجديد ، اذا برأيك انتظر مثلا شهر اوأثنتين



بطبيعه الحال سيكون أفضل كثيراا





ربنا يسترها علينا فى بلد الكفتة دى !



هى فين الكفته دى ؟؟؟؟

مانشفت خلاص

لاعاد فيها كفته ولايحزنون

ربنا المستعان


تحياتى