هل يوجد عنق زجاجه لدى

[ahmed_sky8]

اهلا بالاخوه هل يوجد عنق زجاجه لدى

i3 4130 + 1050ti + ram8 + 350w + r 1366 * 768

https://store6.up-00.com/2017-02/148821938500711.jpg

زى ما واضح فى الصوره استخدام الكرت 76% من قوته مع استخدام خاصية vsync واعلى اعدادات للعبه ولكن

مع غلق خاصية vsync مع اعلى اعدادات ايضا اصبح استخدام قوة الكرت 97% ولكن الصوره افضل فى الاوله

https://store6.up-00.com/2017-02/148822007657241.jpg

فهل يوجد عنق زجاجه علما ان مع فتح او غلق vsync تعمل اللعبه بدون مشاكل
ولو يوجد عنق زجاجه ما المطلوب لهذه المشكله

[phenomenon]

مرحبا بك اخي العزيز
لتفسير الحاله الأولى " للاسف مش قادر اشوف الصور لكن تعقيباً على توضيحك فقط "

تفعيل خاصية Vsync من مميزاته أنه لا يتطلب أقصى طاقة خصائص المعالجه , بل الشاشه هي التي تتطلب معالجة 60 إطار في الثانيه فقط ,
في الحاله دي في بعض المشاهد الرسوميه في الألعاب مش هتتطلب من جهد البطاقه سوى 60% / 70% فقط كمثال على حالتك ,
لكن هيكون في بعض المشاهد الرسوميه الثقيله جداً اللي هتتطلب طاقه المعالجه الرسوميه القصوى +99%

يعني بإختصار الخاصيه كانها سياره بتوصلك لمحل عملك في فتره زمنيه مناسبه و لا تتسبب لك في التأخير عن العمل و لكن في نفس الوقت على سرعه هادئه جداً عشان
توفر بنزين قدر الإمكان و لكن خاصية المزامنه بتعالج مشكلة تمزيق الصوره و لكن من اهم مميزاتها الاضافيه انها بتهدي حرارة المعالجات و كمان بتقلل منسوب الطاقه

طالما اداء الكارت وصل إلى 97% مع إغلاق الخاصيه فهذا يعني أنك لا تواجهه مشكلة عنق زجاجه " نسبه قليله جداً و هي 3% " ده في حالة أن 97% هي أعلى قيمه بتوصلها
أطول فتره زمنيه داخل اللعبه طالما خاصية المزامنه مقفوله

[Yasser]

يعني الافضل فتح الخاصيه دي في جميع الحالات مع كارت قوي يا أ\ ابراهيم؟.....وايضا ما القيمه المعتمده لمراقبه اشغال الgpu ....هل هيالD3dام قيمه النسبه المئويه gpu% كما في الصوره

[phenomenon]

بالتاكيد اخي العزيز لابد من تفعيل الخاصيه مع كارت قوي
اما مع كارت لا يستطيع تحقيق 60FPS طول فترة اللعب فيفضل اغلاقها و لكن للاسف تشويهه الصوره هيكون كابوس
خاصة في لعبه زي GTA V أو لعبة الاخ صاحب الموضوع " كريهه لابعد الحدود "

لو احنا مفعلين الخاصيه دي و اداء الكارت زي الحاله اللي في الموضوع استخدام 70% فقط من طاقته فده معناه ان الكارت مرتاح جدا اثناء العمل في هذا المشهد او هذه اللعبه

لكن لو اتضح انه شغال بجهد 76% فقط اثناء تفعيلها لكن في نفس الوقت مش قادر يوصل ل 60 اطار فهنا نقول فعلا بنعاني من عنق زجاجه لان الكارت مفروض ينتج 60 اطار
طول فترة الجيم بلاي لكن لو مش قادر ينتجها و في نفس الوقت خامل جدا فدي عنق زجاجه و لكن بعد رؤية الصور لا توجد اي عنق زجاجه في اللعبه لان عدد الاطارات 60/59 و ده معناه
ان الكارت بيلبي المطلوب منه بصوره كامله و المعالج المركزي مش متاخر عليه

غالباً Core Load / GPU Direct3D / GPU Usage دليل على تحميل المعالج الرسومي نعم و قيمتهم بالنسبه المؤيه لكن تختلف مسمياتهم بالبرامج فقط

[ahmed_sky8]

اشكرك أ/ ابراهيم على التوضيح واعتقد وصلة المعلومه وليا سؤالين لتوضيح اكتر

1- لو تم تغير المعالج ب i5 فقط مع باقى المكونات المتاحه هل يرتفع نسبة اداء الكرت مع تفعيل الخاصيه وترتفع الاطارات بنسبه بسيطه

2- لو تم تغير الشاشه ب 1080 فقط مع باقى المكونات هل سيكون اداء الكارت ثابت ولكن ستنخفض الاطارات عن 60 مع تفعيل الخاصيه ويصبح هناك عنق زجاجه

[محمد السنهوري]

اشكرك أ/ ابراهيم على التوضيح واعتقد وصلة المعلومه وليا سؤالين لتوضيح اكتر

1- لو تم تغير المعالج ب i5 فقط مع باقى المكونات المتاحه هل يرتفع نسبة اداء الكرت مع تفعيل الخاصيه وترتفع الاطارات بنسبه بسيطه

نعم بالـتأكيد خاصه في الالعاب التي تحتاج المعالج المركزي أو ألعاب العالم المفتوح وأيضا سيساعد علي استخراج كامل قوه الكارت خاصه مستقبلا

2- لو تم تغير الشاشه ب 1080 فقط مع باقى المكونات هل سيكون اداء الكارت ثابت ولكن ستنخفض الاطارات عن 60 مع تفعيل الخاصيه ويصبح هناك عنق زجاجه

لا لن تنخفض الأطارات الكارت قوي علي الدقه المقصوده لكن ستجد صوره انقي وأفضل وأداء ثابت أكثر ولا تنسي أن في الاساس المشكله ليست من دقه الشاشه

[phenomenon]

اشكرك أ/ ابراهيم على التوضيح واعتقد وصلة المعلومه وليا سؤالين لتوضيح اكتر

تحت أمرك

1- لو تم تغير المعالج ب i5 فقط مع باقى المكونات المتاحه هل يرتفع نسبة اداء الكرت مع تفعيل الخاصيه وترتفع الاطارات بنسبه بسيطه

هي متوقفه على عدة أشياء اخي الفاضل لكن انا عاوز اؤكدلك ان هبوط نسبة التحميل في بعض المشاهد لا يعني عنق زجاجه و لكن يعني ان المشهد ده لا يستحق
أكثر من 70% أو حتى أقل من البطاقه الرسوميه
ده معناه أن المشهد ده ممكن لا يستحق أكتر من 60% تحميل من بطاقه رسوميه أعلى زي GTX 1060
أو ممكن يستحق 76% أيضاً و لكن مع إستهلاك طاقه أقل لأن بطبيعة الحال 100% لا تعني دائما أن جميع أنوية المعالج الرسومي في الضغط الكامل
لو تم زيادة قودة أداء المعالج المركزي و سمحت لينا بزيادة إعدادات الجرافيك في اللعبه فده معناه أنك بتزيد طبعاً في الضغط على البطاقه الرسوميه أيضاً

عاوز تعرف عندك عنق زجاجه أم لا شوف متوسط Average نسبة Core Load / GPU Usage بعد الإنتهاء من مراجعة Benchmark لبرنامج زي UNIGINE Valley أو TimeSpy 3DMARK
أو إذا إتضح أننا مش قادرين نحقق 60 إطار في المشهد الحالي و في نفس الوقت المعالج الرسومي خامل مش و دي مش حالتك خالص لان البطاقه قادره تنتج 60 اطار و بثلاثة ارباع طاقتها فقط

لو تم شراء معالج I5 و لكن هتشغل اللعبه على نفس الإعدادات الرسوميه كنفس الحاليه تماماً مش هتلاحظ زياده ملحوظه في تحميل قوة البطاقه في المشهد او المنطقه اللي تحمييلها كان فيه 76%
ربما ترتفع قليلاً بما ان المعالج عنده المقدره انه يرسل البيانات المطلوبه في فتره زمنيه اسرع لكن لا اظن ابداً انها توصل ل 100% و لا حتى 90% لان المشهد نفسه مش محتاج القوه دي

2- لو تم تغير الشاشه ب 1080 فقط مع باقى المكونات هل سيكون اداء الكارت ثابت ولكن ستنخفض الاطارات عن 60 مع تفعيل الخاصيه ويصبح هناك عنق زجاجه

دي تحديداً هتفرض ضغط على المعالج الرسومي فعلاً و ممكن يزيد مجهوده بنسبه ملحوظه لكن هل هتكون مرهقه ليه بحيث انها تتسبب ليه في تاخير زمن معالجته ؟؟ ده السؤال
اللي اجابته هتكون مختلفه من لعبه لأخرى و من إعدادات رسوميه لأخرى و هكذا

في لعبه تقيله جداً حتى لو الابعاد 720p و عشان تعالج بيانتها على جودة الترا ممكن تتطلب 100%100 من جهد البطاقه الرسوميه و إستهلاك اقصى طاقته
في لعبه تقدر تلعبها على 1080p و لا تستهلك اقصى طاقة الكارت لان اعدادات الفيديو متوسطه

في طريقه اخرى لو عاوز تعرف عندك عنق زجاجه ولا لا
هتجرب مختلف الالعاب الحديثه و تعلى اعدادات الرسوميات جدا و خاصية Vsync ON
في الحاله دي حتى من اجل انتاج و معالجة 60 اطار فقط اكيد في مشاهد كتيره هتحتاج قوة الكارت بالكامل 100%100 و استهلاك منسوب عالي من الطاقه


انا هرفعلك مثال ان شاء الله عشان تطمئن

[phenomenon]

اشكرك أ/ ابراهيم على التوضيح واعتقد وصلة المعلومه وليا سؤالين لتوضيح اكتر

1- لو تم تغير المعالج ب i5 فقط مع باقى المكونات المتاحه هل يرتفع نسبة اداء الكرت مع تفعيل الخاصيه وترتفع الاطارات بنسبه بسيطه

نعم بالـتأكيد خاصه في الالعاب التي تحتاج المعالج المركزي أو ألعاب العالم المفتوح وأيضا سيساعد علي استخراج كامل قوه الكارت خاصه مستقبلا

2- لو تم تغير الشاشه ب 1080 فقط مع باقى المكونات هل سيكون اداء الكارت ثابت ولكن ستنخفض الاطارات عن 60 مع تفعيل الخاصيه ويصبح هناك عنق زجاجه

لا لن تنخفض الأطارات الكارت قوي علي الدقه المقصوده لكن ستجد صوره انقي وأفضل وأداء ثابت أكثر ولا تنسي أن في الاساس المشكله ليست من دقه الشاشه


خدبالك من السؤال اخي العزيز عشان منشوش على الراجل

أيه يثبتلك ان الأداء هيرتفع ؟ أساساً معالج I3 قادر يحققلك 60FPS يبقى هترفع الأداء لفين بعد شراء I5 / I7
الإجابه المختصره هي " لا " لن يرتقي الأداء إلا مع الألعاب التي لا تستطيع بطاقة GTX 1050Ti من تحقيق 60FPS بها و لكن في نفس الوقت لا تعمل بكامل طاقتها

اما اجابة السؤال الثاني ليست كامله ايضا : أبعاد الشاشه هي أول العناصر التي تتسبب في إنخفاض عدد الإطارات على نفس الإعدادات الرسوميه و هذا هو الفيصل بين بطاقه رسوميه و غيرها
فإذا أستطاعت بطاقة GTX 1050Ti من تحقيق 60 إطار على دقة 1080p بدون تفعيل Vsync فهذا يعني أنها ستنخفض مع دقة 1440p على الأقل إلى 45FPS و هكذا

يا اخ احمد للتسهيل دي أمثله و مثال على نفس اللعبه

https://i.imgur.com/2d8Mfuo.jpg

هل حضرتك شايف دلوقتي تحميل الكارت بنسبة 100% ؟ الإجابه هي لا بل 74% فقط
فهل هذا يعني عنق زجاجه بسبب المعالج المركزي ؟؟؟؟؟؟؟؟؟ كيف ذلك و إذا كانت خيوط المعالج المركزي غير ممتلئه بالبيانات سوى لربعها فقط 30%
فلا يوجد عنق زجاجه بسبب المعالج المركزي أو حتى البطاقه الرسوميه أو غيرها ( هنا هذا المشهد لا يجتاج من طاقة المعالجه الرسوميه سوى 76% لإنتاج 60FPS فقط )

المثال الأخر من لعبة DEUS EX

https://i.imgur.com/gN1EwHa.png

هل في عنق زجاجه هذه المره ؟؟؟؟؟؟؟؟؟؟؟؟؟ نعم بالتأكيد و لكن من أين تأتي عنق الزجاجه ؟ ؟؟؟؟؟؟؟؟؟؟؟؟؟
عنق الزجاجه يأتي من البطاقه الرسوميه نفسها لأن إعدادات الجرافيك قاسيه جداً فحتى مع تحميلها بنسبة 100%100 و عدم إمتلاء خيوط المعالج المركزي بنسبة %100 فالبطاقه
غير قادره على إنتاج 60FPS
هذا يعني أنني في حاجه لتغير البطاقه الرسوميه إلى بطاقه رسوميه أخرى أقوى

المثال الأخر

https://i.imgur.com/lS8zUdb.png

أما في لعبة Mirror`s Edge Catalyst هل يوجد عنق زجاجه ؟ الإجابه هي نعم بكل تأكيد و لكن من أين مصدرها ؟؟؟؟؟؟؟؟؟؟ من المعالج المركزي
لأن خاصية Vsync مغلقه و البطاقه الرسوميه لا تصعد إلى 100%100 أطول فتره زمنيه ممكنه و خيوط المعالج المركزي متكدثه بالبيانات لدرجة 97% تقريبا و هو السبب
في تأخير البطاقه الرسوميه عن الوصول إلى 100% Load

ياجماعه عنق الزجاجه امرها سهل مش عارف ليه مش قادرين نفسرها بسهوله
شوف أولاً في عنق زجاجه أم لا
إذا أتضح ان خيوط المعالج المركزي متكدثه بالبيانات 100% و البطاقه الرسوميه لا تصعد إلى +99% فهذا يعني أن المعالج المركزي متسبب في عنق زجاجه
إذا أتضح

[ahmed_sky8]

أ / ابراهيم ممكن توضح على الحالات دية متفعل الخاصيه Vsync فيهم

1- Hitman - Absolution
https://store6.up-00.com/2017-03/148831857077281.jpg

2- Metro
https://store6.up-00.com/2017-03/148831870527481.jpg

3- Max Payne 3
https://store6.up-00.com/2017-03/148831887438941.jpg

[phenomenon]

في هذا المشهد من لعبة HITMAN لا يوجد عنق زجاجه : الكارت قادر على انتاج 60 اطار و المشهد لا يتطلب سوى 76% من جهد البطاقه و أقل من منصف جهد المعالج المركزي فقط

في مشهد لعبة MaxPayne3 لا يوجد عنق زجاجه : الكارت قادر على انتاج 60 اطار و المشهد لا يتطلب سوى 75% من جهد البطاقه و أقل من منصف جهد المعالج المركزي فقط


أما في مشهد لعبة METRO LL يوجد مثال حي شبيهه بنفس مثال DEUS EX : و دلوقتي هسال نفسي كام سؤال

1- أنا ليه مشقادر احقق 60 أطار ؟ لاني بعاني من عنق زجاجه ( ولأن عنق الزجاجه ممكن يكون سببها أي قطعة هاردوير هبدأ اشوفهم بالترتيب حسب الأهميه )

2- هل خيوط وجداول المعالج المركزي مخنوقه بنسبة %100 من سعة البيانات ؟ الإجابه هي لا بل مرتاح جداً و ممتلىء بنسبة 45% فقط

3- هل ذاكرة البطاقه الرسوميه وصلت إلى أقصى حدودها و مخنوقه بالبيانات ؟ الإجابه هي لا بل توجد سعه فارغه بقيمة 1400MiB تقريباً مستعده

4- هل ذاكرة النظام ممتلئه RAM ؟ الإجابه غير ممكنه فليست واضحه على الشاشه

5- ما هي حالة المعالجه الرسوميه ؟ الإجابه هي تحميل بقيمة 95% أي بأقصى جهدها Already

إذن لماذا لا استطيع تحقيق سوى 40 اطار ؟

لان هذه اللعبه ثقيله جدا و قادره على خنق جميع انوية المعالج الرسومي بالبيانات عند ضبطها على مستويات عاليه من جودة الرسوميات و تحتاج أقوى المعالجات الرسوميه
كي تتمكن من الوصول إلى 60 اطار معها

اذن انت لا تعاني من عنق زجاجه بسبب المعالج المركزي ولا الهارد و لا ذاكرة الجرافيك و سنفترض ايضا و لا ذاكرة رام النظام إذن من اين تأتي عنق الزجاجه ؟
من المعالج الرسومي نفسه لانه وصل بالفعل إلى أقصى طاقته +90% و بدأت تختنق جميع أنويته فعلاً و أصبح هو السبب في التأخير بصوره ملحوظه

إذن لماذا أحياناً تصعد نسبة تحميل المعالج الرسومي إلى 100% و بالرغم من هذا لا أعاني من عنق زجاجه او اشعار بإختناقها ؟
لأن في هذه الحاله ليست جميع أنوية المعالج الرسومي مختنقه بمعالجة البيانات بل عدد محدد من مئات انوية الكودا بداخلها مكتظه بالبيانات و لكن ليست جميعها و الدليل على هذا
ان المعالج لا يستهلك اقصى طاقته بل الطاقه اللازمه لمجموعة مئات الانويه النشطه في هذا الوقت فقط

انا بعتذرلك جدا لو مش قادر اوصلك الاجابه لكن صدقني لا يوجد لديك عنق زجاجه بسبب المعالج المركزي لان معالج I3 معالج جيد جداً

عندما يصعد المعالج المركزي الى +90% Total CPU Usage فهذا يعني الدخول إلى مرحلة عنق الزجاجه بسببه

[neztiti]

مباركة جهودك اخي ابراهيم على التوضيح

[ahmed_sky8]

بالعكس اخى ابراهيم الاجابه واضحه جدا جدا اشكرك وربنا يوفقك

بالنسبه ل
Metro لقد قمت بتقليل الاعدادات لاحصل على 60 فيريم وفيه حالتين

1- تم تقليل quality الى high + تفعيل خاصية vsync = الفيريم 60 و نسبة الكرت 75% والمعالج 45%

2- تم جعل quality الى very high + غلق خاصية vsync = الفيريم 75 و نسبة الكرت 95% والمعالج 50%

ايه افضل حاله من الاتنين اتابع عليها اللعب واستمر بيها

[N3V3RMiND.2016]

بالعكس اخى ابراهيم الاجابه واضحه جدا جدا اشكرك وربنا يوفقك

بالنسبه ل
Metro
لقد قمت بتقليل الاعدادات لاحصل على 60 فيريم وفيه حالتين

1- تم تقليل quality الى high + تفعيل خاصية vsync = الفيريم 60 و نسبة الكرت 75% والمعالج 45%

2- تم جعل quality الى very high + غلق خاصية vsync = الفيريم 75 و نسبة الكرت 95% والمعالج 50%

ايه افضل حاله من الاتنين اتابع عليها اللعب واستمر بيهاوجه نظر لحين عودة استاذ ابراهيم للمناقشه:
لو الحاله التانيه الكارت حرارته فى الحد المسموح ممكن تكمل معاها و بقول كده لأن فى الحاله التانيه يوجد عنق زجاجه بسيط سببه كارت الشاشه.

[ahmed_sky8]

وجه نظر لحين عودة استاذ ابراهيم للمناقشه:
لو الحاله التانيه الكارت حرارته فى الحد المسموح ممكن تكمل معاها و بقول كده لأن فى الحاله التانيه يوجد عنق زجاجه بسيط سببه كارت الشاشه.

ازى فى الحاله التانيه يوجد عنق زجاجه بسيط وازى اكمل بيها ممكن توضيح للنقطه دى اخى الكريم

[phenomenon]

طيب سؤال يا اخ احمد خل لحد انهارده أقصى إستخدام للبطاقه لم يتعدى أبداً 95% أو 97% كما ظهر في بداية الموضوع ؟؟
يعني هل مهما عليت اعدادات جرافيك الالعاب ثابت عند 95% حتى لو المعالج المركزي مش مخنوق ؟؟

[ahmed_sky8]

طيب سؤال يا اخ احمد خل لحد انهارده أقصى إستخدام للبطاقه لم يتعدى أبداً 95% أو 97% كما ظهر في بداية الموضوع ؟؟
يعني هل مهما عليت اعدادات جرافيك الالعاب ثابت عند 95% حتى لو المعالج المركزي مش مخنوق ؟؟

تقريبا نعم وده اللى موجود فى الالعاب اللى فى الموضوع مشفتش 99 او 100 ومجربتش العاب اخرى

[phenomenon]

طيب ياريت تجرب مراجعه على اداة Firestrike 3DMARK لو موجوده عندك و العاب دايركت 12
و جرب تفعيل خاصية Prefer Maximum Performance من Nvidia Control panel و شوف النتيجه

[ahmed_sky8]

طيب ياريت تجرب مراجعه على اداة Firestrike 3DMARK لو موجوده عندك و العاب دايركت 12
و جرب تفعيل خاصية Prefer Maximum Performance من Nvidia Control panel و شوف النتيجه
ان شاء الله

[ahmed_sky8]

حولة اعمل تجربه تانى لقصى استخدام للبطاقه من داخل البنشمارك للعبه مع استخدام برنامج MSI Afterburner مع غلق خاصية
vsync للكل واعلى اعدادات
https://store6.up-00.com/2017-03/148840579994821.jpg

بين 98 و 99 و 100 صعود ونزول لهيتمان

https://store6.up-00.com/2017-03/14884061235831.jpg

اقصى 98 وثبته عليهامن البنشمارك ايضا لشادو

https://store6.up-00.com/2017-03/148840657517891.jpg

الاغلب عند 98 وتصد احيانا 99 و 100 لمترو

[phenomenon]

ماشاء الله نتائج ممتازه
أعتقد أنها خاصه بتعريفات بعض الكروت أو من خصائص تنظيم طاقتها أو ربما بعض ألألعاب نفسها إذا كانت القرائه صحيحه بنسبة 100% من هذه الأدوات
كمان متنساش انك بتلعب على دقه متوسطه و ممكن الكارت شايف انه مفيش داعي لقوة 100% Scaling طول الوقت

أو الشاشه نفسها السبب في كده و في الحاله دي ممكن تحاول تغير معايرة الابعاد Scaling و تحوله للمعالج GPU نفسه من انفيديا كونترول بانل وتجرب
بس رأيي انها مالهاش أي داعي لأنك بالفعل بتوصل ل 100% و في جميع الحالات أنت مش محتاج MAX 100% GPU

عموما زي ذكرت لحضرتك سابقا من الصعب ان تشكل بطاقة GTX 1050 Ti عنق زجاجه ملحوظ لمعالج I3
إذا حاولت تحمل اداة 3DMARK Firestrike و جربت مراجعه زي Firestrike Extreme هتتأكد ان المعالجه الرسوميه قادره للصعود إلى +99% بسهوله دون عنق
زجاجه من المعالج المركزي ( إذا حملت البرنامج هذا هو التفعيل لإستخدام الادوات العاليه )

https://i.imgur.com/Hu9Ekjc.jpg

[Eslam Mohamd]

ماشاء الله نتائج ممتازه
أعتقد أنها خاصه بتعريفات بعض الكروت أو من خصائص تنظيم طاقتها أو ربما بعض ألألعاب نفسها إذا كانت القرائه صحيحه بنسبة 100% من هذه الأدوات
كمان متنساش انك بتلعب على دقه متوسطه و ممكن الكارت شايف انه مفيش داعي لقوة 100% Scaling طول الوقت

أو الشاشه نفسها السبب في كده و في الحاله دي ممكن تحاول تغير معايرة الابعاد Scaling و تحوله للمعالج GPU نفسه من انفيديا كونترول بانل وتجرب
بس رأيي انها مالهاش أي داعي لأنك بالفعل بتوصل ل 100% و في جميع الحالات أنت مش محتاج MAX 100% GPU

عموما زي ذكرت لحضرتك سابقا من الصعب ان تشكل بطاقة GTX 1050 Ti عنق زجاجه ملحوظ لمعالج I3
إذا حاولت تحمل اداة 3DMARK Firestrike و جربت مراجعه زي Firestrike Extreme هتتأكد ان المعالجه الرسوميه قادره للصعود إلى +99% بسهوله دون عنق
زجاجه من المعالج المركزي ( إذا حملت البرنامج هذا هو التفعيل لإستخدام الادوات العاليه )

https://i.imgur.com/Hu9Ekjc.jpg



سؤال إذا تكرمت اخى الكريم ايه الخاصية الى حضرتك قولت عليها فوق دى scaling هل تقصد DSR الى بيخلى ابعاد الكارت توصل لحد 4K ولا حضرتك تقصد حاجة تانيه

[ahmed_sky8]

ماشاء الله نتائج ممتازه
أعتقد أنها خاصه بتعريفات بعض الكروت أو من خصائص تنظيم طاقتها أو ربما بعض ألألعاب نفسها إذا كانت القرائه صحيحه بنسبة 100% من هذه الأدوات
كمان متنساش انك بتلعب على دقه متوسطه و ممكن الكارت شايف انه مفيش داعي لقوة 100% Scaling طول الوقت

أو الشاشه نفسها السبب في كده و في الحاله دي ممكن تحاول تغير معايرة الابعاد Scaling و تحوله للمعالج GPU نفسه من انفيديا كونترول بانل وتجرب
بس رأيي انها مالهاش أي داعي لأنك بالفعل بتوصل ل 100% و في جميع الحالات أنت مش محتاج MAX 100% GPU

عموما زي ذكرت لحضرتك سابقا من الصعب ان تشكل بطاقة GTX 1050 Ti عنق زجاجه ملحوظ لمعالج I3
إذا حاولت تحمل اداة 3DMARK Firestrike و جربت مراجعه زي Firestrike Extreme هتتأكد ان المعالجه الرسوميه قادره للصعود إلى +99% بسهوله دون عنق
زجاجه من المعالج المركزي ( إذا حملت البرنامج هذا هو التفعيل لإستخدام الادوات العاليه )

https://i.imgur.com/Hu9Ekjc.jpg



اشكرك اخى ابراهيم جذاك الله خير على اللى بتفيد بيه الاعضاء
انا فعلا ممكن اللعب على اى اعداد طلما مفيش مشكله ملموسه وانا طرحت الموضوع عشان اعرف لو فيه مشكله
ابتدى اغير المعالج اولا وله الشاشه ولو مفيش عنق زجاجه كبير حاليا امشى الحال وواضح كده انه بسيط
اما عن البرنامج اللى حضرتك طرحته بدور على شرح لكيفية لاستخدامه وتحميله ملقيتش خالص وشفت عالنت ان الواحد
لازم يكون حريص فى استخدامه ومتسبوش كتير شغال مع الكارت ولو كلامى خطا ممكن تصحح لانى مش متاكد
وانا عموما جديد فى عالم الكروت وكمان انفيديا فلا اعلم حاجه عن برامجها

[phenomenon]

سؤال إذا تكرمت اخى الكريم ايه الخاصية الى حضرتك قولت عليها فوق دى scaling هل تقصد DSR الى بيخلى ابعاد الكارت توصل لحد 4K ولا حضرتك تقصد حاجة تانيه

مرحباً أخي
ممكن نعتبر أن في إختلاف بينهم - يعني ممكن نعتبر DSR كتقنيه حديثه ممكن نستفيد بيها في حالات محدده و مع بطاقات رسوميه محدده .
و بالتأكيد Scaling تقنيه أيضاً و لكن إن صح التعبير فالأفضل هي أسلوب أو طريقة معالجه خاصه بنظام عرض الشاشات لمعالجة بعض المشاكل

أغلب الشاشات قادره على ضبط معايير صورة العرض حسب الدقه التي تختارها لها Display Scaling و لكن بعض الشاشات لا
أحياناً يحصل تعارض بين المنظر أو اللعبه أو الفيديو اللي بتابعه و عدم تدعيمه بصور مثاليه لدقة الشاشه المختاره حالياً ( زي إمتداد الصوره خارج أبعاد حدود الشاشه )
المشكله دي بتحصل مع شاشات كتير جدا و خاصة LCD TVs و إستخدامها مع الألعاب بيتسبب في مشاكل مع بعض الناس
في الوقت ده هتبدأ تعتمد على GPU Scaling إذا أتضح أن مفيش أمل مع Display Scaling
هتدخل على NCP و بعدها Adjust Desktop Size and Positions و تعتمد على Scaling on GPU بدلاً من Display
في الوقت ده المعالج الرسومي بيتدخل لإرسال معلومات ضبط الصوره حسب إختيارك الجديد Aspect Ratio / FullScreen و تشوف ايه اللي ممكن يضبط معاك
لكن في الحاله دي بتضغط اكتر على المعالج و لأن أغلب الأوقات جميع الشاشات مدمجه بنظام معايره تلقائي لضبط الاعدادات حسب الدقه و الالعاب الحديثه
فبنفضل الاعتماد عليها كوسيلة ضبط و معايرة للابعاد إلا إذا إتضح أنك بتواجهه مشاكل مع الشاشه .


اشكرك اخى ابراهيم جذاك الله خير على اللى بتفيد بيه الاعضاء
انا فعلا ممكن اللعب على اى اعداد طلما مفيش مشكله ملموسه وانا طرحت الموضوع عشان اعرف لو فيه مشكله
ابتدى اغير المعالج اولا وله الشاشه ولو مفيش عنق زجاجه كبير حاليا امشى الحال وواضح كده انه بسيط
اما عن البرنامج اللى حضرتك طرحته بدور على شرح لكيفية لاستخدامه وتحميله ملقيتش خالص وشفت عالنت ان الواحد
لازم يكون حريص فى استخدامه ومتسبوش كتير شغال مع الكارت ولو كلامى خطا ممكن تصحح لانى مش متاكد
وانا عموما جديد فى عالم الكروت وكمان انفيديا فلا اعلم حاجه عن برامجها

ولا يهمك اخي الفاضل
لا يوجد لديك أي عنق زجاجه بإذن الله و خاصة اننا جميعا دائمين الاعتماد على خواص مزامنة عدد الاطارات
أما إذا إستغنينا عنها فتأكد أن جميعنا سنواجهه عنق زجاجه في بعض الحلات بسبب المعالجات المركزيه
البرنامج مفيهوش خطوره أبداً و لكن يمكن انت وقعت على اداة Furmark الخاصه بتعذيب الكارت لإختبار إستقراره شبيهه ببرامج MSI Kompstur إذا صح إسمه
لكن 3DMARK من شركة Futuremark و هو شيء أخر تماماً وستستمع بتجربته و التعامل معه و لا يوجد به خطوره
فقط مجموعه من المشاهد و الرسوم التي يتم معالجتها كفيديو انميشن لإختبار مستوى أداء البطاقات الرسوميه
لكنه مقسم لعدة أقسام و أقسى إختبار به هو Firestrike Extreme / Ultra و هناك إصدار حديث لدايركت 12 بأسم TimeSpy
لكن لا توجد اي خطوره حتى بإعتماد العمل عليهم و لكنها برامج وادوات احترافيه نفضل الاعتماد عليها عند شراء البطاقه للمره الاولى
لان إذا ظهرت أخطاء معهم فهذا دليل على وجود غيب صناعه بالبطاقه و لابد من تغييرها
كمثيل برنامج UNIGINE Heaven / UNIGINE Valley
البرنامج هتلاقيه تورنت غالباً والإصدار المقصود 1.4.828.64BIT بحجم 3GB تقريباً

كل إختبار موجهه لفئه محدده لكن لا يوجد خطوره من العمل معهم و لكن مستويات firestrike قاسيه في عرض الديمو فقط و مدتها صغيره و لكن هي قاسيه على الجميع
راقب درجات الحراره دائماً و لا تقلق اطلاقا من العمل عليه ستحتاجه إذا فكرت بكسر سرعة الكارت قريباً
إضغط Run لأي مستوى مراجعه و انتظر للانتهاء بعد 7-10 دقائق بحد أقصى

https://i.imgur.com/Loq8YwW.jpg

[ahmed_sky8]

اعزرنى اخى ابراهيم هل هذا الرابط المقصود تورنت ومضمون

https://torrentz2.eu/f28a3cbf51e70d42bff201f26cfe92245f22844d

لو تعرف رابط اخر اضمن ياريت تعرفنى حتى ابدء التحميل

[phenomenon]

هو ده فعلا
اختار اي موقع امامك يكون عدد السييد فيه عالي وابدا ب X1337 مضمون مش تقلق و ما يليه مضمون ايضا هي دي النسخه مش تقلق بس انا مش قادر اشوف السييد لان الموقع مش بيحولني للمواقع
هتضطر تكتب اسمه على جوجل وتدور على النسخه تقريبا من جديد

[ahmed_sky8]

رابط الاختبار لدى اخى ابراهيم
https://www.3dmark.com/3dm/18336012

استفسار ده اختبار موجود عالنت لنفس فئة الكرت
https://www.3dmark.com/fs/10930606

ليه فيه فرق فى الاسكور الاساسى ؟؟
وليه فيه فرق كبير جدا جدا فى Physics Score و Physics Test ؟؟
هل الفيزكس ده يرجع للمعالج المركزى ؟؟

https://store6.up-00.com/2017-03/148860218794061.jpg
ده اختبار Firestrike اغلب الوقت 99 واحيانا 100
اما ده اختبار Firestrike Extreme اغلبه 100 واحيانا 99 وكان اتقل شويه
https://store6.up-00.com/2017-03/14886026683651.jpg

ودية المرحله قبل الاخيره مافيش ضغط عالكرت نهائى معرفش ديه خاصه بالمعالج تقريبا ؟؟
https://store6.up-00.com/2017-03/148860293477571.jpg

https://store6.up-00.com/2017-03/148860304980441.jpg

نتيجة اختبار Firestrike Extreme التفعيل بتاعك اخى ابراهيم كان بيفتح الادوات ولاكن يعطى خطا للتحويل لرابط الموقع فصورتلك الاسكور من البرنامج

[phenomenon]

الله ينور
الفرق قريب مش بعيد
بطبيعة الحال خصائص المنصه تصنع فرق في السكور بالتأكيد ( معالج مركزي + مع كسر سرعته يصنع فارق اعلى / بطاقه رسوميه + كسر سرعتها تخقق فرق اعلى / هارد اسرع / رام بتردد اعلى )
أعتقد انك كده اتطمنت ان مفيش عنق زجاجه بإذن الله حتى مع اقسى الخصائص الرسوميه

هناك العاب كئيبه تتطلب معالجه مركزيه مكثفه و اذا زادت اعدادات الرسوميات بها شكلت عنق زجاجه واضح على اغلب المعالجات المركزيه فمشتقلق اذا قابلت بعضها

[ahmed_sky8]

الله ينور
الفرق قريب مش بعيد
بطبيعة الحال خصائص المنصه تصنع فرق في السكور بالتأكيد ( معالج مركزي + مع كسر سرعته يصنع فارق اعلى / بطاقه رسوميه + كسر سرعتها تخقق فرق اعلى / هارد اسرع / رام بتردد اعلى )
أعتقد انك كده اتطمنت ان مفيش عنق زجاجه بإذن الله حتى مع اقسى الخصائص الرسوميه


هناك العاب كئيبه تتطلب معالجه مركزيه مكثفه و اذا زادت اعدادات الرسوميات بها شكلت عنق زجاجه واضح على اغلب المعالجات المركزيه فمشتقلق اذا قابلت بعضها

اشكرك اخى ابراهيم على النصائح والمعلومات الاكثر من رائعه بارك الله فيك

[ahmed_sky8]

طب لو تسمح اخى ابراهيم حاليا فى لعبة Ryse Son of Rome كانت فى بدايتها تعمل بشكل طبيعى حتى وصلة لحوالى 70% من اللعبه بدء الاج بكثره وهبوط وصعود الاطارات فى بعض المشاهد
عاوز اعرف السبب هل المعالج وانويته وله المعالج الرسومى
https://store6.up-00.com/2017-03/149079412813621.jpg

https://store6.up-00.com/2017-03/149079412827992.jpg


وهنا مع تفعيل
vsync
يهبط عن 60اطار مع الحركه ويحدث لاج ايضا ولاكن عند الثبات يعود 60 اطار انا عارف انه بسبب قوة المشاهد الرسوميه طبعا بس بسبب المعالج وله الكارت ؟؟
https://store6.up-00.com/2017-03/149079441537381.jpg

[phenomenon]

طيب للتسهيل
المشهد الاول تقيل على المعالج المركزي وفي نواه صعدت ل 90% ومحتمل تتسبب في تاخير الاداء
المشهد التاني طبيعي ومفيش اختناق ولكن عنق الزجاجه من كارت الشاشه نفسه وده اقصى جهده في المشهد ده
في المشهد التالت النواه الاخيره داخله على اختناق فعلا


هي اللعبه دي حلوه ؟ انا فكرت فيها عشان خاطر المحرك فقط لكن خايف تكون ممله