[مصر] الطلب ( تحديث جهاز قديم) الميزانية ( 3000 - 3500) للالعاب

[mohamed1994]

سلام عليكم
انا عندى جهاز قديم عاوز اجدده
مواصفاته
cpu: core 2 due e8500
MB: g31
ram:ddr2 2gb
vega: geforce 9400 1024mb
طبعا انا كان نفسى ابيعه كله و اجيب حاجه جديده بس الفلوس مش هتكفى
فا انا هحدث اللوحه الام الاول و الرامات
وبعد كده على اساس اللوحه الام هجيب البروسيسور وكارت الشاشه منين ما ربنا يرزقنى
المهم المطلوب حد يساعدنى بعد اذن حضراتكوا انى اختار اللوحه الام المناسبه اللى هبنى عليها الجهاز الجديد و قى نفس الوقت يشتغل عليها البروسيسور و كارت الشاشه القدام
و اجيب عليها رامات


- أقصى ميزانية محددة: 3000-3500
- استخدامك للجهاز: games
- حجم الشاشة و الدقة (Resolution) التي تستخدمها: none
- القطع التي تنوي شراءه : ram - mother Board
- القطع التي ستعيد استخدامها من الجهاز القديم: vega - بروسيسور
- ميعاد شراء الجهاز: اليوم اذا تم مساعدتى بالرد
- مكان الشراء: العاشر من رمضان - الشرقيه
- محل سكنك: ( العاشر من رمضان )

[phenomenon]

وعليكم السلام ورحمة الله وبركاته

هي فعلا الميزانيه محكومه لكن فكرتك عن التحديث ليست نموذجيه

التغيير من Core 2 Due إلى Core 2 Quad أصبحت عمليه مرهقه للميزانيات البسيطه ليس أكثر

لابد من التغيير لمنصه حديثه ( أي لوحه أم بشيبايه حديثه ) تسمح لينا في المستقبل بالترقيه و الإعتماد عليها

لا تقم بأي عمليات تحديث حاليا حتى لا ترهق ميزانيتك هباءاً

الاسعار هتثبت على هذا الشكل أو هتقل خلال الشهرين القادمين

وقتها ممكن تفكر للتخلص من المنصه بأكملها الحاليه و حتى إذا قدرت توفر مبلغ إجمالي يصل إلى 5000/6000 جنيه أصبحت فرصة شراء جهاز جديد حديث قريبه جداً و ممكنه

لابد من تخريج فكرة تحديث منصه 45nm تماماً من بالك و التفكير بالحديث سواء جديد أو مستعمل

[abdalhaliem]

الأخ الكريم

لو تريد تغيير اللوحه الام

لابد من تغيير المعالج + الرام

ليكون بندل كامل

( بورده + معالج + رام )

وميزانيتك تسمح بمعالج ( i3 ) جيل ثانى أو ثالث

( طبعاا مستعمل )

+ بورده تقبل المعالج الحديث + رام ( ddr3 ) 8gb

هذا لأن بوردتك سوكيت ( lga 770 ) وقد أنتهى عصرها

ولافائده من الترقيه داخل تلك الفئه

لكن أذا أحببت الأحتفاظ بهذا السوكيت

ليس أمامك ألا البحث عن هذا المعالج ( q9650 )

وزياده راماتك بحد أقصى ( 8gb )

لأن هذا أقصى ماتقبله بوردتك من رامات

لكن الأفضل طبعاا تخلص من تلك البورده

والمعالج والرام

وقم بشراء ماأقترحناه عليك أعلاه

( بندل كامل جيل ثانى أو ثالث )

تحياتى

[mohamed1994]

الف شكر لحضراتكوا على الرد
انا معايا الان 3500 لو حضراتكوا تقدروا تساعدونى
اجيب لوحه ام 1000 جنيه مثلا
رامات 800 ~ 1000 جنيه (8 جيجا لازم) ddr3 او ddr4 مش هتفرق معايا
بروسيسور ضعيف مثلا 1300+ جنيه و احدثه مستقبلا ان شاء الله
بس انا مشكلتى معرفش حد اجيب منه ياريت لو فى حد رخيص اون لاين او مكان اروحه
ياريت تساعدونى
انا عاوز تكتبلى بندل كامل يكون متناسب مع بعضه و يشغل معظم الالعاب الحديثه و اقدر احدثه بعد 2 او 3 سنين ان شاء الله
و ياريت لو فى لينكات بيع اونلاين رخيصه تكتبهالى]
مع العلم ان كده كارت الشاشه هيفضل زى ما هو geforce 9400 65nm لحد ما اشترى غيره
الف شكر لمجهود حضراتكم

[phenomenon]

الشكر لله لكن انا حاسس أنت يائس جدا مش عارف ليه 3500 جنيه مبلغ مش قليل اخي الفاضل
صحيح الدولار دمر قيمتهم لكن مرتبات وظايفنا زي ماهي مزادتش فده معناه ان قيمته زي ماهي لكن اول ما تحطهم قصاد الاخضر راحت هيبتهم
و إنتظارك حتى الأن فكرته كانت جيده جداً لان الفتره الحاليه فاصله جدا بين التقنيه القديمه و الحاليه و القادمه
دلوقتي فرصتك كويسه لضمان القادمه لكن لو مستعجلتش

في منافس قادم و بكل المعايير هذه المره هيتسبب في هبوط كل ما هو انتل و ده في صالحك لكن لو انتظرت ( انت انتظرت كتير مفيش مشكله لما تكمل كمان شويه )
استغل الوقت في البحث و الإتطلاع لحين إتخاذ قرار والاستقرار عليه و هتلاقي ما تنتظره اصبح امامك و الموجود حاليا سعره اصبح ارخص من انهارده

عموما لو مستعجل على الشرا ء ومصمم على الجديد ممكن تبدأ بالتجميعه التاليه

Gigabyte GA-P110-D3 Socket 1151 = 1450 LE

Intel Pentium G4400 3.3GHz = 990 LE

G.skill Ripjaws 4 8GB (1 X 8GB) DDR4 2400 CL15 1.20V = 1100 LE

3550

للأسف اهدرنا الفلوس و مكملتش متطلباتك
فحتى لو قدرت تجمع في المستقبل القريب 4000 جنيه هتقول لنفسك اشتري ايه ؟
فلو فكرت في كارت زي GTX 1050Ti هتلاقي نفسك محتاج معالج I3 على الأقل و هتبدل و تخسر
لكن لو أنتظرت فتره اطول و تعمقت في البحث والاتطلاع ممكن تحط ايديك على التجميعه اللي تناسبك ( حتى لو كانت من الجيل الحالي او السابق لكن هتحققلك مرادك )

[mohamed1994]

انا دخلت على صفحة المستعمل و لقيت


Crucial Ballistix Tactical 8GB (1x8 GB) DDR3-1600 MHZ CL8 1.35V 750 l.e


Intel Core i7-2600K Quad-Core Processor 3.4 Ghz 8 MB Cache LGA 1155

2300 l.e

ايه راى حضرتك هو كده هيبقى ناقص لوحه الام و مش هيبقى فى قلوس تكفى ليها بس هحاول اتصرف و انزل منه شوية فلوس :D

وشكرا لتعبك معايا

[phenomenon]

معالج I7-2600 معالج ممتاز صحيح ليس الأحدث لكن قوي و يمكن الإعتماد عليه مع البطاقات القويه

[abdalhaliem]

الموضوع ببساطه شديده أخى الكريم

تابع سوق المستعمل

على سبيل المثال قسم البيع عندنا بالمنتدى

ولاتتسرع وأذا وجدت ماأعجبك

أطرحه هنا للنصيحه والتدارك

( ماخاب من أستشار )

وتستطيع أن تجهز نفسك لبيع جهازك برَويًه

وأريدك أن تمارس دور الصياد الذى يمارس القنص

تجول وشاورنا كثيراا توجد أعضاء تسأل مئات الأسئله

قبل الشراء ولانجد أى غضاضه فى الأجابه عليهم

وليس شرطاا عن طريق المنتدى

ممكن عن طريق ( olx )

أيضا قم بأستشارتنا
********************


أما أذا كنت ستتجه للجديد

فكما أخبرك أخى Phenomenon

أو قم برفع ميزانيتك أقل شىء 6000 جنيه

لكى تضع نقودك بمكانهم الصحيح

بالتوفيق بأذن الله

تحياتى

[mohamed1994]

انا اشتريت بورده gigabyte h110m
و بروسيسور i3 6100
محتاج رامات تكون مناسبه ليهم
وتحقق اعلى سرعه