مشكله في IP راوتر EDiMax على الموبايل

[mohamed_hafez87]

السلام عليكم
إشتريت راوتر EDiMax
بتحصلي مشكله رخمه مكانتش موجوده في الراوتر القديم ''D-Link''
المشكله على الموبايلات بس تقريبا

لما بدخل على الواي فاي بتاع الراوتر بلاقي الانترنت مش شغال بدخل على بيانات الشبكه في الموبايل بلاقي الموبايل قارئ الـIP غلط
غير اللي مديها للراوتر قلت يمكن في مشكله عشان موصل Access Point في الشبكه فا إتأكدت إنني مديهم أرقام مختلفه عن بعض

المشكله مثلا IP الراوتر 192.168.3.1 جوا الموبايل بلاقيه مكتوب مثلا 192.168.0.1 مبيتظبطش غير لما أعمل Forget This Network
وأرجع أدخل عليها من أول وجديد مثلا يا إما أدخل أغير الIP يدوي جوا الموبايل وأكتبهم كلهم ويشتغل عادي

هل في Option جوا الراوتر عامل المشكله دي وليها حل ؟

وشكرا مقدما

[abdalhaliem]

عزيزى توجد لمبه مكتوب عليها ( wps )

ولها زر بخلف الراوتر المذكور

قم بغلقه بحث تكون اللمبه مطفأه

وعطل تلك الخاصيه من داخل الراوتر

تحياتى

[mohamed_hafez87]

تمام يا أستاذ عبد الحليم أنا عملت كده وهجرب وإن شاء الله الخطأ ميتكررش تاني .. بس سؤال إيه الـWPS بيعمل إيه يعني وهل بيكون موجود في الـ Access Point عشان ألغيه هناك كمان ولا بيكون في الراوتر بس
وشكرا (y)

[abdalhaliem]

تمام يا أستاذ عبد الحليم أنا عملت كده وهجرب وإن شاء الله الخطأ ميتكررش تاني .. بس سؤال إيه الـWPS بيعمل إيه يعني وهل بيكون موجود في الـ Access Point عشان ألغيه هناك كمان ولا بيكون في الراوتر بس
وشكرا (y)


المهم أخى تعطيل الخاصيه من أعدادات الراوتر نفسها

وبالنسبه لسؤالك

الهدف من هذه الخاصية هو تسهيل عملية إعداد شبكة الواي فاي

بتشفير عالي دون أن يضطر المستخدم إلي أن يمر علي إعدادات المودم

و خاصية الـ WPS هو تفعيل الحماية في شبكة الوايرلس

و هذه الخاصية تستلزم توافرها في كل من الراوتر

و الجهاز المتصل به سواء كان هاتف أو حاسوب

لكنها أصبحت ثغره لتجاوز تشفير الواى فاى الفعلى

كالباسوورد وخلافه

وأصبح يحدث تعارض أحياناا كثيراا من جراء تلك التقنيه

بين الراوتر وبعض الأجهزه المتصله به خصوصاا الهواتف

تلك مشكله كانت تحدث معنا بعده راوترات بها تلك الخاصيه

وعند ألغائها أستقرت الأمور

تحياتى