[مصر] كارت شاشة بميزانية 4000 جنيه أو أكثر للفوتوشوب و اليستريتور و عمل الفيديوهات

[ColdFear]

- أقصى ميزانية محددة: 4000 جنيه وممكن تزيد اذا تطلب الامر.
- استخدامك للجهاز: فوتوشوب و اليستريتور و عمل الفيديوهات
- حجم الشاشة و الدقة (Resolution) التي تستخدمها:1366X768
- القطع التي تنوي شراءها: كارت الشاشة
- القطع التي ستعيد استخدامها من الجهاز القديم: الجهاز بالكامل من غير كارت الشاشة
- ميعاد شراء الجهاز: خلال اسبوع
- مكان الشراء: مدينة نصر
- محل سكنك: مدينة نصر

مواصفات جهازى:
- نوع الشاشة: LG Flatron E1941
- حجم الشاشة و الدقة (Resolution) التي تستخدمها:1366X768
-البروسيسور: Intel Core I7-4790K Devil's Canyon Quad-Core 4.0GHz LGA 1150 Desktop Processor
-الماذربورد: Asus SABERTOOTH Z97 MARK 2
-الرامات: G.skill RipjawsX 8GB DDR3 1866 CL9 1.5v Dual Channel Memory Kit
-الكيسة: NZXT Phantom 240 Mid Tower Case (White / Black)
-الهارد: Samsung 850 EVO Series 120GB Internal Solid State Drive (SSD) (MZ-75E120B/AM)
-الباور سبلاى:XFX PRO650W

[ColdFear]

ارجو النصيحة من الاخوة الكرام
هل ستوثر الشاشه على أداء كارت الشاشة و يجب تغيررها ام لا؟ نوع الشاشة: LG Flatron E1941

أيهمها افضل بالنسبة لكروت الشاشة الاتية أداء و توافق مع مواصفات جهازى؟
Gigabyte GeForce GT 730 2GB GDDR5
أو
Gigabyte GeForce GT 740 OC 2GB GDDR5
أو
SAPPHIRE Radeon RX 460 2GB GDDR5
أو
SAPPHIRE NITRO Radeon RX 460 4GB GDDR5 OC
أو
GIGABYTE Radeon RX 460 Windforce 4GB GDDR5
أو
ZOTAC GeForce GTX 1050 Ti Mini 4GB GDDR5
أو
ASUS Expedition GeForce GTX 1050 Ti Gaming 4GB

[phenomenon]

وعليكم السلام ورحمة الله وبركاته
في حدود الميزانيه ممكن توصل لأحد كروت GTX 1050Ti و هو أفضل معالج رسومي في الإختيارات
سواء نسخة ZOTAC أو ASUS اللي ترتاح ليها و تقدر توفرها منهم توكل على الله معاها

غالباً مفيش مشكله من الشاشه لكن بطبيعة الحال شاشات التلفزيون ليست مثاليه للكومبيوتر و اجهزة الألعاب لكن أعتقد مع الأبعاد دي هتكون مفيهاش مشكله
طالما بها منفذ HDMI ناس كتير معتمده على نفس نظام العمل

طالما استخداماتك الاساسيه في الريندر يبقى أي كارت شاشه مناسب إن شاء الله حتى لو أقل في الأداء زي معالج RX 460 لأن الضغط معاك على المعالج المركزي حتى في المونتاج
لكن في بعض البرامج المخصصه لصناعة الفيديو بتقدر تستفيد من بطاقات nVIDIA لكن صدقني الموضوع ليه نظره مختلفه يمكن متحسش بأي إختلاف عن إستخدام كارت AMD
الفكره كلها أن خاصية NVENC H264 بتساعدك في تسجيل الفيديوهات وقت الألعاب دون تدني حالة الأداء بنسبه ملحوظه لكن حتى الخاصيه دي ليها بدائل كتيره مع كروت AMD / INTEL و بنفس الجوده و الأداء

ASUS Expedition GeForce GTX 1050 Ti Gaming 4GB هو أفضل إختيار من وجهة نظري

[ColdFear]

أولا :شكرآ phenomenon على ردك و مساعدتى.

ثانيآ :بخصوص الشاشة فهى شاشة كمبيوتر عادية على حسب معرفتى و ليس بها منفذ HDMI و لكن انا عندى HDMI to VGA converter, هل هيكون فية مشكله؟

ثالثا :فعلا استخدامى الاساسى هيكون فى الريندر و السبب الاساسى فى مرغبتى لشراء كارت شاشة هو ان خلال عمل ريندر للفيديوهات بلاقى البروسيسور وصل لــ +97 % و ظهرت الشاشة الزرقاء و الكمبيوتر عمل ريستارت فهل شراء كارت شاشة هيحل هذة المشكلة؟

اسف انى تقلت عليك.

[phenomenon]

لا مرحلة ظهور الشاشه الزرقاء مع الضغط على المعالج المركزي ده احتمال كبير مشكله تقنيه ليست بسبب اختناق المعالج
ابدا راقب درجات حرارته فورا و شوف البيوس مضبوط على اقصى درجة حراره امنه للمعالج على كام

المشكله دي مالهاش دخل بكارت الشاشه لان مهما اختنق المعالج مفروض ميتسببشي فيها او حتى الرامات
احتمال مشكله تقنيه في اؤ جزء هاردوير معاك لو اتضح ان الحراره امنه

هل في بروفايل كسر سرعه نشط حاليا ؟

[ColdFear]

لا مرحلة ظهور الشاشه الزرقاء مع الضغط على المعالج المركزي ده احتمال كبير مشكله تقنيه ليست بسبب اختناق المعالج

انا جربت أعمل ريندر لفيديو النهاردة و ظهرت الشاشة الزرقاء و الكمبيوتر عمل ريستارت قبل ما يوصل البروسيسور لــ 50 %, مش عارف دة معناه أيه بس حبيت أقولها كملاحظة


ابدا راقب درجات حرارته فورا

انا نزلت برنامج OpenHardwareMonitor و عملت ريندر لفيديو و انا بتابع درجة حرارة البروسيسور و هى دية النتيجة

ملحوظة: لسبب ما لما عملت ريندر لفيديو و انا مشغل برنامج OpenHardwareMonitor, الريندر اكتمل للنهاية بدون ما الكمبيوتر يعمل ريستارت.

https://i.imgur.com/ffK8by9.jpg


شوف البيوس مضبوط على اقصى درجة حراره امنه للمعالج على كام

انا دورت فى اعدادت البيوس و معرفتش اعرف اجابة على النقطة دية و لما قريت الــ User Guide لاقيت المعلومة دية

https://i.imgur.com/suZ8Uf8.jpg

و انا اعدادات الجهاز بتاعى مظبوطة على standard مش Manual, ممكن يكون هو دة السبب.

ملحوظة: دة اللينك الى تقدر تنزل منه الــ User Guide (https://www.asus.com/Motherboards/SABERTOOTH_Z97_MARK_2/HelpDesk_Manual/)

هل في بروفايل كسر سرعه نشط حاليا ؟

انا مش عارف اجابة النقطة دية, لو تحب ممكن تشوف الــ User Guide و تساعدنى ازاى اعرف اجابة السوال دة.

اسف انى تقلت عليك.

[phenomenon]

يا راجل يا طيب درجة حرارة المعالج المركزي بتوصل 96C حرام عليك
فوراً وقف حالات الضغط تماماً وقم بإزالة المعجون القديم بطريقه صحيحه و ضيف معجون جديد إحترافي
إذا إسترت المشكله عليك بشراء مشتت إحترافي لأن معالجات I7 تشتهر بإرتفاع حرارتها بشكل ملحوظ خاصة موديل الريفريش زي اللي معاك

بعدها نشوف امر البطاقه الجديده

تذكر فصل الكهرباء تماما من سوكيت الحائط / الامر لا يستدعي تخريج المعالج المركزي من السوكيت أيضاً
( فقط قطعة قماش من نقطة كحول ( يفضل لو 80%-90% عشان يتطاير بسرعه ) و عصر القطنه جيدا جدا ثم ازالة المعجون القديم )
أكتب حرف أكس بأمبوبه المعجون الجديد على المعالج و قد حبة الارز في المنتصف و أنزل بالمشتت عليه و المشتت مسؤول عن فرد المعجون على السطح وانتهى الامر )

لكن في حالة استرار المشكله لابد من شراء مشتت

الواضح ان البرامج معاك بتستهلك منسوب طاقه عالي حتى لو المعالج كان في منتصف حالة الضغط

لا ينقصك سوى مشتت احترافي ربما يساعدك على كسر السرعه ايضا في المستقبل وتحقيق جرعة اداء اعلى في الاداء

[ColdFear]

شكرآ phenomenon على ردك و مساعدتى, غدا ساقوم بتنفيذ نصحيتك ثم اجراء التجربة مرة أخرى و ابلاغك بالنتائج.