موضوع للنقاش حول افضل نسخة ويندوز حتي الان 2017

[Hima fire]

السلام عليكم ورحمة الله وبركاتة

اخوتي
زي ما واضح في العنوان
موضوع للنقاش حول افضل نسخة ويندوز حتي الان 2017
كل واحد يقول تجربتة مع النسخ واية افضل نسخة اشتغل عليها
علشان نفيد بعض فا انا حسب تجاربي
جربت ويندوز
اكس بي
سيفين
ويندوز 10
واخيرا جربت 8.1
حسب تجاربي اكس بي كانت ممتازة ولاكن فيها عيوب وانتهت من الدعم وخلاص مبقتش بتدعم برامج كتير وغير متوافقة مع الاجهزة الحديثة
بالنسبة لوندوز سيفين فا نسخة كاملة والكمال لله وافضل من النسخ اللي قبلها ولاكن يعيبها في بعض الاجهزة انها بتفرد علي مساحة كبيرة للبروتيشن ال C وايضا غير متوافقة مع امكنيات العالية مثل الجيل الرابع وطالع لحد السابع
وجربت ايضا وندوز 10 كانت جميلة جدااا في كل شئ واستفدت اكتر من امكنيات الجهاز والامكنيات المظبوطة لية يعني في نسخة 7 كانت خاصية التربو بوست مش بتجيب ال 4 جيجا في معالج 4790 انما علي وندوز 10 فا كانت بتجيب امكنيات الجهاز مظبوطة وخاصية التربو بوست شغالة حتي 4 جيجا ولاكن يعيب وندوز 10 انة جة علية وقت بطأ الانترنت لاوقات طويلة والمدة زادت عن اسبوع واكتشفت ان العيب دة من وندوز 10 ف غيرت وقتها
وجربت ايضا ماخرا ويندوز 8.1 الحمد لله النسخة دي معيا زي الفل هيا شبيهة كتير ل ويندوز 10 ونسخة جمية جداا وبتديلك كل كفائة امكنيات الجهاز ولاكن بدون تهنيج انترنت وارتحت عليها كثيرا وحاليا انا هجرب نسخة وندوز 10 التحديث الجديد بتاع المطورين اللي نازل فية مود الجيمينج بس مش عارف هل علجو مشكلة الانترنت ولا لسة موجودة لو لسة موجودة فا انا هفضل علي نسخة 8.1 وبالنسبة لعلاج مشكلة بطئ الانترنت في وندوز 10 ف في اداء اخونا Black foxer هوا الاداء فعلا عالجة مشكلة النت وقفلت ثغرات كتير وبوابات كتير للوندوز بتهنج النت ولاكن كانت المشكلة مع استعمال الموبايل عن طريق الكابل وكان ذاكرة الموبايل مش بتبان فمرتحتش للوندوز كدة وغيرتة ياريت كل واحد يقلنا تجاربة ويقلنا هوا شغال باية وهل هيا معاة تمام ولا لا وانا انصحكو لو حد محتار الحيرة دي يجرب نسخة 8.1

[abdalhaliem]

قمنا بالتجارب العديده

أبتداء من ويندوز 95 ألى أحدث النسخ

قولا واحداا ويندوز 10 هى الأفضل على الأطلاق

هذا ليس رأيى الشخصى

بل رأى العديد من العملاء

أتحدث عن الاف الأجهزه

التى تم تنصيب ويندوز 10 عليها

وموضوع الأنترنت هذا له حلول عديده

والأمر لايستدعى أى أداه

ذكرتنى

أيام نزول ويندوز 7 وكيف كان النقاش

بين مستخدميه ومستخدمى ويندوز xp

لكنهم جميعا مع مرور الوقت أقتنعوا بالأمر كامل الأقتناع

بصراحه ويندوز 10

أكثر من رائع

شكراا أخى الكريم على طرحك للموضوع

تحياتى

[Hima fire]

شكرا علي مرورك الطيب ونورت الموضوع واسعدتني بمرورك


نعم انا ايضا اشتغلت علي وندوز 89 كان اول نسخة اشتغل عليها وبعدها علطول الملينيم وكان حلو بالنسبالي بس انا في الموضوع مش عايز ارجع لايام اول ما بدات في الموضوع الكمبيوتر انا اختصرت شوية :D


نعم اخي المستقبل كلة لوندوز 10 لاكن مشكلة حاليا الانترنت وانا متاكد انها هتاخد فترة في الاول وبعد كدة هيشتغل عادي جدااا ولسة هجرب ان شاء الله النسخة الجديدة احتمال يكونو حلو مشكلة النت فيها وبالنسبة لموضوع بطئ الانترنت ف انا كنت بقفل التحديثات ومشاركة تحديثات الوندوز لتخفيف الحمل من سيرفرات ميكروسفت وبردو كان النت بيكون بطئ واما اتجهت للاداة جابت نتيجة فعلا معيا


بس 8.1 من 10 ميختلفش كتير هما الاتنين واحد بس 10 اضافو فية ميزات اكتر ومع تجارب المستخدمين وغير متقبلين قائمة استارت الجديدة ف غيروها في نسخة 10


وجربت ايضا 8 كان بها عيوب كتير

ومن يريد من الاخوة ان يقول رائية يتفضل

[abdalhaliem]

بالطبع أنا لا أقصد أننا نرجع لأيام الزمن الجميل
:):):):)


أنا فقط كنت أذكر هذا

من باب ماتم تجربته بكثره ليس ألا

وأيضا لعدم ألصاق قصه الأنترنت بويندوز 10

فأنا أحدثك الأن من خلال ويندوز 10

ولاتوجد أدنى مشكله من الأنترنت

فقط خطوات بسيطه وستقوم بحل أى مشكله

عموما أنت أردت أراؤنا

بالنسبه لى أصوت لويندوز 10

تحياتى

[Hima fire]

تمام انت حضرتك جربت التحديث الجديد windows 10 creators update
وهل حل مشكلة بطئ الانترنت هيا قفل الابديت وقفل مشاركة مع سيرفرات ميكروسفت

[SemsemBanhawy]

ويندوز 10 بلا منافس
ومفيش حاجة اسمها مشكلة بطئ أنترنت سببها الويندوز
لان الويندوز بيسمح ليك تراقب الـ Resource Monitor For Wifi & Network

فا لو في أي سحب لسرعة الانترنت من الويندوز هيظهر مش هيكون Hidden

[wcw 321]

فعلا ويندوز10 أفضل حتى الان بلا منافس

[حلمى محمد]

السلام عليكم جميعا
مع كامل احترامى للجميع جربت كل النسخ وفى اعتقادى الشخصى ان السفن تعتبر هى الاحسن فى كل الاشياءلحد الان
العاب ونت وبرامج التحديث الجديد اللى نزل الريدستون 2 جاء مخيب للامال كل التقدم والتطوير اللى عملته مكروسوفت رجعنا للمربع صفر
همابيحاولوا يعملوا نسخه تخدمهم هما بحيث انهم يتحكموا فى النت بتاع الفرد ويقفلوا اى ثغره تقفل التحديثات عشان يتحكموا فيك انا جربت الاصدار
الاخير طلع زباله وبانصح اللى هايحمله بلاش هاتضيع مجهودك وفلوسك على الفاضى وده لسه تجريبى اصبروا لما يبقى النهائى وانا اخر لما تعبت
وتعبت الهارد من كثره النسخ استقريت على السفن لحين اشعار آخر ودى نظريتى المتواضعه وتقبلوا منى فائق الاحترام

[abdalhaliem]

تمام انت حضرتك جربت التحديث الجديد windows 10 creators update
وهل حل مشكلة بطئ الانترنت هيا قفل الابديت وقفل مشاركة مع سيرفرات ميكروسفت


ياأخى الفاضل

الموضوع ليس له علاقه بنوع النسخه

أو الفيرجن

توجد خيارات عده وأساليب مختلفه

لتحجيم أستهلاك الأنترنت بويندوز 10

على سبيل المثال لا الحصر

قم بالدخول على

setting

وأدخل على الخيار

Update & security

ومن الخيار

ADVANCED OPTIONS

أدخل على

choose how updates are installed

ومن الخيار

Updates from more than one place

أجعله على

off

وتوجد أساليب مختلفه وممكن أن تقفل

الأبديت نفسه

لاعلاقه بنوع النسخه فى هذا

بالتوفيق أخى

[Hima fire]

السلام عليكم جميعا
مع كامل احترامى للجميع جربت كل النسخ وفى اعتقادى الشخصى ان السفن تعتبر هى الاحسن فى كل الاشياءلحد الان
العاب ونت وبرامج التحديث الجديد اللى نزل الريدستون 2 جاء مخيب للامال كل التقدم والتطوير اللى عملته مكروسوفت رجعنا للمربع صفر
همابيحاولوا يعملوا نسخه تخدمهم هما بحيث انهم يتحكموا فى النت بتاع الفرد ويقفلوا اى ثغره تقفل التحديثات عشان يتحكموا فيك انا جربت الاصدار
الاخير طلع زباله وبانصح اللى هايحمله بلاش هاتضيع مجهودك وفلوسك على الفاضى وده لسه تجريبى اصبروا لما يبقى النهائى وانا اخر لما تعبت
وتعبت الهارد من كثره النسخ استقريت على السفن لحين اشعار آخر ودى نظريتى المتواضعه وتقبلوا منى فائق الاحترام

هوا فعلا نسخة سيفين مكتسحة في اكتر نظام تشغيل مستخدم علي مستوي العالم هوا جميل جداا ولاكن مع الاجهزة اللي فيها خاصية التربو بوست مش بيديلك الكفائة الكاملة للجهاز حسب اختباري لبرامج قرائة معلومات المعالج انما ويندوز 8.1 وويندوز 10 حلت المشكلة وايضا عيب نسخة سيفين انها في بعض الاجهزة بتاخد مساحة كبيرة من ال سي دريفر وانا انصحك يا صديقي بان تجرب نسخة 8.1 هتتبسط بيها والله ومش هنتندم لو انت مستخدم جهاز من الجيل الرابع وفية خاصية تربو بوست او جهاز جيل تالت انما لو اقل من كدة ف خليك في وندوز سيفين فهوا ممتاز ولاكن اذا كنت تسخدم جهاز جيل رابع او تالت قولي وهبعتلك نسخة 8.1 مع اضافة قائمة استارت لها مثل ويندوز سيفين انا شغال بيها زي الفل وانصحك بيها وانا ان شاء اتمني اشتغل بسنخة ويندوز 10 ويكون نهائية وهنتظر واحتمال احمل واجرب النسخة الحالية الحديثة لو لقيت مشكلة النت هخليني في 8.1 عمتا كلمني وانا ارسلك النسخة اللي شغال بيها والبرنامج

[Hima fire]

ياأخى الفاضل

الموضوع ليس له علاقه بنوع النسخه

أو الفيرجن

توجد خيارات عده وأساليب مختلفه

لتحجيم أستهلاك الأنترنت بويندوز 10

على سبيل المثال لا الحصر

قم بالدخول على

setting

وأدخل على الخيار

Update & security

ومن الخيار

ADVANCED OPTIONS

أدخل على

choose how updates are installed

ومن الخيار

Updates from more than one place

أجعله على

off

وتوجد أساليب مختلفه وممكن أن تقفل

الأبديت نفسه

لاعلاقه بنوع النسخه فى هذا

بالتوفيق أخى




هجرب اخر نسخة وان شااء الله مشاكل النت تتحل الصراحة انا شركة تي داتا وكنت عامل الحاجات دي واكتر كمان وشتغلت فل فترة بس حصل ان جوجل كانت بتفتح بطئ جدااا ف الفتح والنت بطئ جدااا فا مش عارف مشكلة شركة نت ولا اية بس فضل كدة اسبوع ف انا شكيت ف النسخة بس فعلا اما رجعت لسيفين اول محصلت المشكلة المشكلة اتحلت نهائي وبعدها علطول جربت 8.1 وان شاء الله هجرب النسخة الجديدة واحتمال تكون تمام وبدون مشاكل واحتمال مشاكل النت دي كانت من الشركة تي داتا والله اعلم

[Yasser]

طبعا كل واحد فينا هايفضل النسخه اللى ريحته فتره كبيره وتمكن منها دى شىء طبيعى لكن الواقع واللى بيحصل دايما ان البقاء للأحدث ...فمع نزول 10 اول مره جربته وعجبنى وحسيت بفرق لكن لاستهلاك النت بخدمات مايكروسوفت حتى مع القفل للتحديثات ظل هناك خدمات باسماء مختلفه تسحب السرعه وواضح ان النظام معطى لها اولويه استهلاك السرعه عنى انا حتى ! .....واسم الخدمات موضح فى الويندوز وليس سرا كما قال الاخ SEMSEM BANHAWY.... واضطريت ارجع ل7 كرها..ولم اعد ل10 الا ومع برنامج NETLIMETER 4 وحددت استهلاك خدمات الشركه الساحبه للسرعه بعينها ... فكما تفضل الاخ عبد الحليم ان مشكله سرعه النت محلوله لكن البقاء للاحدث بمعنى ان:
*سرعان مايوقف دعم 7 ونحدث قطع اجهزتنا نفسها ويحدث بين 7 و10 ماحدث بين XP و7 لكن اراء( المستخدمين العاديين) تميل دائما وابدا حسب راحتهم وتجربتهم الشخصيه واراء (الخبراء) فنيه وموضوعيه وانا من النوع الاول يهمنى راحتى الشخصيه :)
اما عن النسخه الجديده 1703 فهى فى لرأيى جميله بلا اى عيوب وفرقت عن ال 1607 معى انى احتجت فى الاخيره حظر خدمات اضافيه تسحب نت بعد قفل التحديث طبعا وهو الامر الذى لم اواجهه فى 1703 .

[Hima fire]

طبعا كل واحد فينا هايفضل النسخه اللى ريحته فتره كبيره وتمكن منها دى شىء طبيعى لكن الواقع واللى بيحصل دايما ان البقاء للأحدث ...فمع نزول 10 اول مره جربته وعجبنى وحسيت بفرق لكن لاستهلاك النت بخدمات مايكروسوفت حتى مع القفل للتحديثات ظل هناك خدمات باسماء مختلفه تسحب السرعه وواضح ان النظام معطى لها اولويه استهلاك السرعه عنى انا حتى ! .....واسم الخدمات موضح فى الويندوز وليس سرا كما قال الاخ SEMSEM BANHAWY.... واضطريت ارجع ل7 كرها..ولم اعد ل10 الا ومع برنامج NETLIMETER 4 وحددت استهلاك خدمات الشركه الساحبه للسرعه بعينها ... فكما تفضل الاخ عبد الحليم ان مشكله سرعه النت محلوله لكن البقاء للاحدث بمعنى ان:
*سرعان مايوقف دعم 7 ونحدث قطع اجهزتنا نفسها ويحدث بين 7 و10 ماحدث بين XP و7 لكن اراء( المستخدمين العاديين) تميل دائما وابدا حسب راحتهم وتجربتهم الشخصيه واراء (الخبراء) فنيه وموضوعيه وانا من النوع الاول يهمنى راحتى الشخصيه :)
اما عن النسخه الجديده 1703 فهى فى لرأيى جميله بلا اى عيوب وفرقت عن ال 1607 معى انى احتجت فى الاخيره حظر خدمات اضافيه تسحب نت بعد قفل التحديث طبعا وهو الامر الذى لم اواجهه فى 1703 .




ويندوز10رائع
جدا وانا ارتحتلة ولاكن مشكلة النت فقط وان شاء الله تتحل وعلي فكرة 8.1 هوا هوا 10 بس من غير مشاكل النت ولا اي حاجة من دي ف هيا نسخة جاامدة لحد ما نلاقي نسخة مستقرة في كل شئ من ويندوز 10 وفعلا فرق كبير بين 8.1 و10 فرق كبير جدااا ف الاداء
عكس النسخ 7 وما قبلها

[mohamed elfnan]

بالطبع البقاء للاحدث كما ذكر الاخوة الافاضل وقد كنت متمسك بال 7 لفترة كبيرة حتى بعد نزول ال10 بمدة"لم اجرب 8 او 8.1 مطلقا" ولكن دوام الحال من المحال ودائما الفضول وحده يدفعني الى تجريب كل ما هو جديد وعندما قمت بالتغيير الي 10 لاحظت فرق كبير فى الاداء والانسيابيه لذلك استقريت عليها كنظام تشغيل وتابعت تحديثها وصولا الى البيلد الجديد 1703

[N3V3RMiND.2016]

باختصار جميع انواع الويندوز لها مميزات و لها عيوب و بما انى جربت تقريبا جميع اصدارات الويندوز انتهاء بالويندوز 10
فاستطيع القول حسب تجربتى (و التجارب تختلف من شخص لأخر)

ان الويندوز 10 افضل من حيث الدعم و استغلال مصادر الحاسب بشكل افضل
اضافه الى اتاحه مجال اكبر لبرامج عده مدعومه من الويندوز 10و غيرها من الميزات.
و لكن بالفعل يوجد عيوب ايضا كأى ويندوز و هنا يتوجب عليك المقارنه بين الميزات و العيوب للويندوز الذى تستخدمه حسب احتياجاتك الشخصيه و استخدامك لجهاز الحاسب.

و لكن فى النهايه غالبا مشاكل كل ويندوز لها حلول هنا او هناك و مع الوقت تبدأ المشاكل بالاختفاء واحده تلو الاخرى الى ان يتم نزول نظام تشغيل جديد!
و عند نزول نظام تشغيل جديد تبدأ المشكلات من جديد و تبدأ الحلول فى الظهور من جديد و هكذا ...

و كمثال بسيط عند استخدامى للويندوز 8.1 للمره الاولى كنت مستاء جدا بالفعل من قائمة ابدأ (Start) و كان الحل بانزال احد الملفات التى حولت قائمة ابدأ لنفس الشكل المعروف القديم.
و حقيقه ويندوز 8.1 بالفعل من اكثر اصدارات الويندوز التى اعجبتنى ربما لأنه مستقر بشكل كبير فحسب استخدامى انا لا افضل تغيير الويندوز الا للضروره القصوى
و لكن حاليا استخدم الويندوز 10Pro و هو ممتاز جدا ايضا بغض النظر عن مشكله استهلاك الانترنت و التى يتم مجابهتها حاليا من كثير من المستخدمين بأكثر من طريقه فى محاوله لايجاد افضل الطرق.

الملحوظه الاخيره هى اننى ارى ان الشركات الكبرى العامله فى مجال البرمجيات بشكل عام سواء المنتجه لأنظمة التشغيل او البرامج او حتى الألعاب تتجه نحو التحكم فى المستخدم
بل ان هذه الشركات وجدت انه من السهل ان تتجسس على المستخدم و لكن بعلمه و لكن ايضا بالاكراه فمثلا تضع شرط للمستخدم لكى يستخدم نظام التشغيل الخاص بهم ان تتجسس الشركه عليه من وقت لأخر :(

[egyptsah]

ويندوز 10 هو الافضل حتى الان عن تجربة فلا يستهلك الكثير من مصادر الجهاز

[tuolep]

أولاً وأخيراً
وخبرتى القليله أمام خبرات الكثير منكم
الصغير والكبير
مسئلة الوينوز أيهم أفضل في نظرك
هذا يعتمد على أشياء كثيره
أهمها وأولها وأخرها
جهازك ينفع يشغل الحديث
أم أن جهازاك أكبر شيء له
وأخره وندوز 8.1
حسب جهازك
فكله حسب الهارد واير
وويندوز 10
عيبه
1- الأنترنت لازم يكون فوق ال2 ميجا
2-الجهاز لازم يكون حديث والرامات تبدء من أقل شيء 4 جيجا
وطبعاً كارت الشاشة منفصل ويكون عالى
تقبلو
تجربتى البسيطه

[Yasser]

وويندوز 10
عيبه
1- الأنترنت لازم يكون فوق ال2 ميجا
2-الجهاز لازم يكون حديث والرامات تبدء من أقل شيء 4 جيجا
وطبعاً كارت الشاشة منفصل ويكون عالى
تقبلو
تجربتى البسيطه

مشكله الانترنت محلوله ببرامج تحديد الاستخدام + لو غلب حمارك ممكن من الويندوز نفسه تحدد ساعات النحديث وهى اسمها active hours وتخليها فى يوم مساءا وتسيبه باليل معه نفسه (طبعا مش كل يوم)هيحل المشكله دى فى اوقات استخدامك +و لايشترط كارت شاشه منفصل على فكره

[abdalhaliem]

بالنسبه للرامات تمام

من المفروض ألا تقل عن 4 جيجا

لكن كارت الشاشه الخارجى يفضل فقط

فى حاله أحتياجك للعب ألعاب قويه + أعمال جرافيك تقوم بها

لكن بالنسبه لويندوز 10 يكفيه المعالج الرسومى المدمج

بالمعالجات الحديثه

وبالنسبه لموضوع الأنترنت لايشترط أطلاقا

أى حجم للكونيكشن حتى لو 512 ك

ليس هناك ألتزام بأى حجم لقوه اتصالك بالأنترنت

وصدقاا اتحدث

بدون أى برامج فقط بخطوات بسيطه

تستطيع أن تتمتع بكامل أتصالك بالأنترنت بويندوز 10

وتلك صوره من جهازى طالما لاأستخدم الأنترنت

تظل الصوره هكذا

لاحظ معى ال ( send ) وال ( Receive )


https://i.imgur.com/Guufd7W.png


يمكنك التحكم الكامل بكل كبيره وصغيره بويندوز 10

تحياتى