تنبيه قبل شراء قطع الهاردوير من المتاجر المصرية بعدارتفاع الاسعار وتحذير اثناء التعامل مع بعضهم

[Black foxer]

السلام عليكم اخواني في عرب هاردوير تحية طيبة وبعد :

في الاونة الاخيرة وبعد الارتفاع الجنوني في الاسعار بسبب هبوط قيمة الجنية المصري مقابل الدولار الامريكي ارتفعت تقريبا قطع الهاردوير الى ضعف السعر ونسبة شراء القطع اصبح تقريبا الربع مقارنة بأرباح شهر فبراير لسنة 2016

ولهذا السبب قامت بعض المتاجر ومنها المشهور جدا والموثوق لدى العديد من المستخدمين باستيراد بعض قطع الهاردوير خصوصا (الرامات - البروسيسورات - بطاقات AMD) وبيعها في متاجرها على انها من الوكيل المصري

وبعض المتاجر بطريقة غريبة فعلا تقوم باستيراد تلك القطع ووضع العلامة التجارية للوكيل المصري عليه

رجاءا بعد شراء قطعة الهاردوير او عند وجودك في المتجر قم بالتأكد من السيريال نمبر وصلاحية ومكان الضمان من خلال الموقع الرسمي للشركة المصنعة لقطعة الهاردوير او الاتصال بالوكيل الموجود على علبة المنتج

ومن الجدير ذكره ان بعض المتاجر تقوم باستيراد قطع معاد تصنيعها مرة اخرى او درجة ثانية وثالثة وظهرت هذه المشكلة خصوصا في (ألرامات و الهاردديسك وبطاقات NVIDIA)


وبناءا على ما ورد إلينا من الاعضاء إليكم بعض ال التي قامت ببيع منتج او اكثر على انه من الوكيل المصري وهو ليس كذلك او قاموا باخلاء مسئوليتهم الكاملة من بعض القطع التي تعرضت لمشاكل وهي في الضمان وهو محلي !!! :

الشركة الفرنسية
كمبيو سمارت
ماكسيموم هاردوير
نيو فيچين
شرق اسيا

وسيتم تحديث الموضوع عند التبليغ من اي عضو من اعضاء المنتدى عن حدوث واقعة مشابهه......
ذكرنا لاسماء المتاجر ليس الا لتنبيه الاعضاء من التاكد من سلامة القطع و من سلامة الضمان لكي نحفظ لهم حقهم في الضمان و المال كما اعدتنا دائما هنا في عرب هاردوير لذلك وجب التنبيه مع العلم ان ذكرنا لما حدث لم يكتب الا بعد التاكد من صحة ما يقال عن هذه الحوادث وحدوثها مع اصدقاء مقربين او شخصيا معنا . وليس للاشهار بهم او الاساءة اليهم لان فيهم من هو علامة في تاريخ بيع الهاردوير في مصر ولا نعلم لماذا هذه الافعال الغير متوقعة منهم سواء كانت سوء معاملة او اخلاء المسئولية من التعامل مع بعض القطع التي تحدث بها مشاكل وهي في الضمان المحلي او الشراء من الخارج والبيع على انه من الوكيل المصري و غيرها من المشاكل الاخرى ....ومع الجدير بالذكر ان منهم ما يستورد نوع معين (كالرمات فقط او المعالجات فقط) ومنهم ما يستورد نوعان فقط ومنهم ما يستورد كافة منتجاته...

بعد التحديث برجاء الانتباه يوجد متاجر تقوم بعمل عروض وهمية لجذب المشتريين و هي غير حقيقية كمثال قطع سعرها 16 الف يقوم بتخفيض سعرها ل 14 الف (القطعة دي بيكون ضمانها انتهي بقالها فترة قديمه عنده و ضمانها انتهي) او عن طريق تشويه بعض المتاجر الأخرى و الادعاء انها تقوم بأستيراد قطع من الخارج و بيعها و هو يقوم ببيعها بضمان محلي بسعر اعلي من السوق و بعض المشتريون يقومون بتصديق هذه العروض الكاذبة لخوفهم من كلمة (مستورد من الخارج)
و عند حديثي مع احد توكيلات الهاردوير في مصر حول هذه الاحداث و التغيرات الغريبه التي تطرأ علي الأسعار فجأة خارج بورصة الهاردوير كان رده الأتي:المتاجر الي بتنزل في السعر مرة واحدة يوم السبت والجمعة( خارج بورصة الهارد وير) بيكوت رايح من ضمانه سنة او اكتر مركون عندة فى العرض محدش بيشترى النسخه AMP EDITION وتكلفه قديمه هو مش عارف يبيع
شوف انت بقا دة اكبر دليل إن لو طال يسرق هدوم العميل هيعمل دة والناس مش فاهة حاجه وبالنسبة للمتاجر الي سالتني عليها دة شغل انا من وجه نظرى ملوش لازمه دة كشف نفسه امام الناس انه فى حاجه غلط وانه نصاب

[refat_14]

شكرا اخى على المعلومه القيمه

وياريت لو يكون بنفس الموضوع هنا قائمه بالمحلات المضمونه او نقدر نسال الاخوه هنا عن المحل الى هنشترى منه مضمون ام لا وارقام التوكيلات المشهوره

مره تانيه جزاك الله كل خير

[N3V3RMiND.2016]

بارك الله فيك اخى الكريم على المعلومه المهمه,
و للأسف السوق المصرى انتهى بالفعل و انا رأيى ان الشراء من الخارج اصبح افضل كثيرا بل و ارخص.

بدل ما تنزل تشترى احد القطع التى تحتاجها بمفردها فيقول لك البائع لازم تشترى جهاز على بعضه يا اما ماتشتريش!
كانت قله ذوق و الناس مستحمله عشان الضمان و كمان بتشترى بأسعار خياليه
و لكن لو حسبتها صح امازون افضل و اضمن و ارخص خصوصا بعد ما اصبح الان من الواضح ان المستهلك ليس لديه حتى ضمان!

التجار بأسلوب يا تشترى بندل كامل على مزاج التاجر يا اما بلاش قضوا تماما على سوق الكمبيوتر فى مصر
و لذلك انا مقاطع سوق الكمبيوتر بقالى مده و قررت الشراء من الخارج و اشتريت من امازون بالفعل.

[hamdy1959]

الموضوع مهم جدا ولابد من استمرار التوعية على هذا النحو وايضا اسماء الاماكن المضمون الشراء منها
بارك الله فيك اخى Black foxer (https://arabhardware.net/forum/member.php?u=11282709)

[الواد ميشو]

بارك الله لك على التنبيه ...
ومعقول التفكير داه يوصل حتى لكبار الشركات او المحلات ( بئسااا)

واشكرك ..

[mohamed elfnan]

...............شكرا لك اخي الكريم وبالفعل كانت لى تجربة شخصية من اسبوعين فقط حينما كنت اقوم بشراء مازربورد جديدة فرغم قلة المعروض وغلاء الاسعار الفاحش الا انة كي تشتري لوحة جديدة لازم تشتريها بالمعالج"........لا اعلم باي لغة يتحدث هؤلاء البائعون" وقد حاولت جاهدا ان اقنعهم انني اريد اللوحة فقط فانا امتلك المعالج بالفعل ولكن هيهات للسوق المصري وجشع التجار فيه...................الغريب فى الامر انه بعد محاولات مضنية وافق احد المحلات على خروج اللوحة ولكنني فوجئت بعد وجود شعار الوكيل على كرتونة اللوحة وعندما سالته عن السبب قال لي ان الضمان مفعل عن طريق السريال "انا صحيح جديد فى عالم الهاردوير لكن اول مرة اسمع جملة زي دي"..............بالطبع تركتة واستمريت فى محاولاتي الى ان رزقني الله بمحل صغير وافق على خروج اللوحة ووجدت عليها شعار الوكيل وعدت الى المنزل اندب حظي لارتباطي بهذا السوق العقيم.............لنا الله

[nanonona]

و لكن لو حسبتها صح امازون افضل و اضمن و ارخص خصوصا بعد ما اصبح الان من الواضح ان المستهلك ليس لديه حتى ضمان!


يا ترى أرخص قد إيه ؟ يعني مثلا بروسيسور ثمنه العالمي 330$ وبيتباع في السوق بالضمان بـ ستة آلاف وشويه.. طب ما هي دي قيمة عملتنا ؟! 330*18= 5940 وضيف الجمارك "على اعتبار ان 330$ شاملة ضرائب مقاربة في بلده" كده المنتج بستة آلاف وشوية برضه وكسبت ضمان صح ولا إيه ؟!

[Black foxer]

تم اضافة بعض المتاجر التي تستورد من الخارج و تبيع على انها من الوكيل المصري وستكون متجددة باستمرار في حال التبليغ في اي لحظة

[Hima fire]

شكرًا جزيلا بلاك جزاك الله خيرا
الله ينتقم من كل إنسان نصاب
حسبي الله ونعم الوكيل


أرسلت بواسطة iPhone بإستخدام Tapatalk

[Hima fire]

بارك الله فيك اخى الكريم على المعلومه المهمه,
و للأسف السوق المصرى انتهى بالفعل و انا رأيى ان الشراء من الخارج اصبح افضل كثيرا بل و ارخص.

بدل ما تنزل تشترى احد القطع التى تحتاجها بمفردها فيقول لك البائع لازم تشترى جهاز على بعضه يا اما ماتشتريش!
كانت قله ذوق و الناس مستحمله عشان الضمان و كمان بتشترى بأسعار خياليه
و لكن لو حسبتها صح امازون افضل و اضمن و ارخص خصوصا بعد ما اصبح الان من الواضح ان المستهلك ليس لديه حتى ضمان!

التجار بأسلوب يا تشترى بندل كامل على مزاج التاجر يا اما بلاش قضوا تماما على سوق الكمبيوتر فى مصر
و لذلك انا مقاطع سوق الكمبيوتر بقالى مده و قررت الشراء من الخارج و اشتريت من امازون بالفعل.

ممكن طريقة كويسة مضمونة ١٠٠٪‏ للشراء من الخارج لو موقع شركة شحن او اي شيء مضمون.


أرسلت بواسطة iPhone بإستخدام Tapatalk

[Black foxer]

تم التحديث

[حلمى محمد]

هى دى الفوضى الخلاقه اللى كانوا بيخوفونا منها
هما اللى صنعوها
حسبنا الله ونعم الوكيل

[ant_gamal]

ممكن طريقة كويسة مضمونة ١٠٠٪‏ للشراء من الخارج لو موقع شركة شحن او اي شيء مضمون.


أرسلت بواسطة iPhone بإستخدام Tapatalk
بص انا جربت ادفعلى كتير من فتره بشترى من امازون ونيوايج
من خلالها
بس بعد التعويم مجربتهاش بيقولوا بقيت اسعاره وحشه

بدور علي بديل ليهم صراحه
بفكر من خلال ارامكس بتدفع ٤٠ او ٤٥ دولار مدى الحياه بيديك عناوين شراء حول العالم قريبا اكتر من ٦٠ مكان وبتضيف عليهم شحن وجمارك

وهو خيار مناسب لو هتشترى كتير من الخارج وطول الوقت

ادفعلى والباقى بيدفعك رسوم وحاجات تانى اكتر من مصاريف عنوان ارامكس



Sent from my P01V using Tapatalk

[الواد ميشو]

بعد التحديث برجاء الانتباه يوجد متاجر تقوم بعمل كروت وهمية لجذب المشتريين و هي غير حقيقية كمثال قطع سعرها 16 الف يقوم بتخفيض سعرها ل 14 الف (القطعة دي بيكون ضمانها انتهي بقالها فترة قديمه عنده و ضمانها انتهي) او عن طريق تشويه بعض المتاجر الأخرى و الادعاء انها تقوم بأستيراد قطع من الخارج و بيعها و هو يقوم ببيعها بضمان محلي بسعر اعلي من السوق و بعض المشتريون يقومون بتصديق هذه العروض الكاذبة لخوفهم من كلمة (مستورد من الخارج)
و عند حديثي مع احد توكيلات الهاردوير في مصر حول هذه الاحداث و التغيرات الغريبه التي تطرأ علي الأسعار فجأة خارج بورصة الهاردوير كان رده الأتي:المتاجر الي بتنزل في السعر مرة واحدة يوم السبت والجمعة( خارج بورصة الهارد وير) بيكوت رايح من ضمانه سنة او اكتر مركون عندة فى العرض محدش بيشترى النسخه AMP EDITION وتكلفه قديمه هو مش عارف يبيع
شوف انت بقا دة اكبر دليل إن لو طال يسرق هدوم العميل هيعمل دة والناس مش فاهة حاجه وبالنسبة للمتاجر الي سالتني عليها دة شغل انا من وجه نظرى ملوش لازمه دة كشف نفسه امام الناس انه فى حاجه غلط وانه نصاب

الموضوع أصبح خطير ومش لطيف ..
وكيف يعقل ان الوكيل لو يعلم تلك الامور يتركها - أليس هذا غش تجاري بين

وأؤيد كما ذكرت لاد من هذه اللحظة التأكد من الوكيل نفسه او الشراء منه مباشرة

اشكرك جدااا عل اهتمام والمتابعة ..
بارك الله لك ....

[ant_gamal]

انا لاقي هارد crucial Mx300 275g بسعر 1850 شركة compu smart marketplace على جوميا
هي دي الشركه اللي بتحذر منها

انا خارج القاهرة والشراء عبر مواقع الشراء للاسف



Sent from my P01V using Tapatalk

[ant_gamal]

انا لاقي هارد crucial Mx300 275g بسعر 1850 شركة compu smart marketplace على جوميا
هي دي الشركه اللي بتحذر منها

انا خارج القاهرة والشراء عبر مواقع الشراء للاسف



Sent from my P01V using Tapatalk
وجدته علي موقع بدر جروب واتصلت بهم قال لي الضمان ٣ سنوات علي الموقع ب 2050 غير الشحن

اعتقد هذا افضل طبعا
ولكن في حد اتعامل معي الشركة دي

Sent from my P01V using Tapatalk

[zozo 22]

حسبنا الله ونعم الوكيل

[King_Pc]

شكراً لك اخي علي تنبيهنا و لكن

اين ضمير هذه الشركات و اين مصداقيتهم ؟؟؟؟

[Hima fire]

ضيف عندك شركة البدر جروب وشوف اثبات في التعليقات الموضوع عالفيس
https://www.facebook.com/groups/507845955920375/permalink/1386734538031508/?sale_post_id=1386734538031508&comment_id=1386892831349012&reply_comment_id=1387058577999104&ref=notif&notif_t=group_comment&notif_id=1494282098611220

[ant_gamal]

ضيف عندك شركة البدر جروب وشوف اثبات في التعليقات الموضوع عالفيس
https://www.facebook.com/groups/507845955920375/permalink/1386734538031508/?sale_post_id=1386734538031508&comment_id=1386892831349012&reply_comment_id=1387058577999104&ref=notif&notif_t=group_comment&notif_id=1494282098611220
المحتوى غير موجود

انا لاقي علي سوق الهارد من ١٩٠٠ الى ٢٣٠٠ شركات كتير

المشكلة انى خارج القاهرة والهاردات ssd مش متوفره ف المكان إللى فيه



Sent from my P01V using Tapatalk

[Black foxer]

ضيف عندك شركة البدر جروب وشوف اثبات في التعليقات الموضوع عالفيس
https://www.facebook.com/groups/507845955920375/permalink/1386734538031508/?sale_post_id=1386734538031508&comment_id=1386892831349012&reply_comment_id=1387058577999104&ref=notif&notif_t=group_comment&notif_id=1494282098611220

الراجل الي بيرد عليه وبيقوله (البس البدر) ده تاجر تاني

العضو الي معاه المشكلة رفض استرجاع فلوسه و طلب هارد جديد وعند اخباره بان الوكيل سيتأخر في ارسال هارد جديد له وان المتوفر هارد جديد no selled وافق فورا و بعد فترة توقف الهارد ولم يرجع للوكيل ولا للمتجر

[Black foxer]

البدر جروب - النخيلي - هاي اند لم يتم اثبات اي مشكلة عليهم بخلاف النخيلي و هاي اند في موضوع السيريلات المقدمة مع بعض كروت الشاشة بعض المستخدمين اخبروني انهم لم يستلموها منهم لكن كشراء ال3 تمام وممكن انزل مع اي عضو عاوز يجمع واروح معاه علشان مجرد ما بيعرفوا ان الشخص من عرب هاردوير بيعملوا خصومات هائلة !!!

[ant_gamal]

البدر جروب - النخيلي - هاي اند لم يتم اثبات اي مشكلة عليهم بخلاف النخيلي و هاي اند في موضوع السيريلات المقدمة مع بعض كروت الشاشة بعض المستخدمين اخبروني انهم لم يستلموها منهم لكن كشراء ال3 تمام وممكن انزل مع اي عضو عاوز يجمع واروح معاه علشان مجرد ما بيعرفوا ان الشخص من عرب هاردوير بيعملوا خصومات هائلة !!!
انا بحثت علي النت لم اجد حد بيشتكى شكوى فعليه بها ازمه
عموما انا عملت امبارح عملت الاورد اون لاين من موقعهم
قبلها اتصلت برقم موبيل علي الموقع للسؤال عن فتره الضمان
قالى الهارد crucial x300 سعه 275جيجا عليه 3 سنين ضمان
وسعره عندهم 2050 غير الشحن
بس الشحن قالى سعر اغلى من الموقع

بصراحه افضل زياده 200 جنيه عن شركه اخرى بتبيع ارخص وضمان اقل

هاتابع معاهم بقي واقولكم لو في جديد


Sent from my P01V using Tapatalk

[Black foxer]

امس قمت باجراء مكالمة مع احد المتاجر كي اسأله عن باور ايفيجا 1300 وات لاحد اصدقائي واثناء محاورتي معه قام بتهديدي صريحا انه سيقوم بأخذ اجراءات قانونية ضد كاتب هذا الموضوع قال لي ( انت ملكش دعوة نجيب من بره منجبش حاجة متخصكش في حماية مستهلك تحمي العميل من عمليات النصب) قولت له (انا مش معترض انك تجيب من بره ولا ليا الحق اني اعترض لكن انكم تغشوا العملاء وتضربوا لابل الضمان مترا وQDS وجاما وتحطوها على المنتجات علشان تضحكوا على العملاء وتبيعوه على انه بضمان محلي وياريتكم بتنزلوا في سعره زي ما هو داخلكم من بره ولو حصلت مشكلة في القطعة بتبهدلوا صاحبها) قالي (قالي الضمان المصري مش موفر متطلبات نص السوق ولازم نجيب من بره ونبيع) قولت له (انت ممكن تتكلم مع مكتب الشركات الام هنا في مصر وهي هتجبلك الي انت عاوزه من غير غش ولا خداع) قالي ازاي (قولتله مكتب اسوس انا بتعامل معاه مباشرة ولما طلبت منهم اكتر من مرة الGTX 1080 و Rampage V Edition 10 دخلهم مخصوص مصر لانه كان عارف ان قليل جدا الي هيشتري النسخ الSTRIX وكانت المفاجأة ان القطعتين فعلا حققوا مبيعات واتباع منهم كتير) قال لي (يبقى مش هكسب نفس المكسب بتاع بره ) ......... الملخص طلع عيني في الكلام وطبعا طول المكالمة تهديد ليا بسبب الموضوع ده وقولتله ان حماية المستهلك لازم تكون بواسطة علشان تجيب حق المستخدم الا من رحم ربي واننا هنا في عرب هاردوير بحكم المكانة بتاعتنا في الشرق الاوسط بنحاول نساعد الناس وفكرته بمشكلة توكيل كايرو كومبيوتر (عضو من عرب هاردوير اشترى كارتين شاشة منهم وحصل مشكلة ورفضوا التعامل معه وطلعوا عينه وادارة عرب هاردوير تدخلت في الموضوع و ازالوا اعلانات الوكيل من المنتدى والموقع وحذروا من التعامل معه وبعدها ب48 ساعة اتصلوا بالعميل ووافقوا على استبدال الكروت) ............

[zozo 22]

هم عوازين لاترى ولاتتكلم بس ادفع واشترى من غير ضمان حسبنا الله ونعم الوكيل

[iceman2050]

شكراااااا لك اخى الكريم على التنبيه جعله فى ميزان حسناتك

Sent from my Lenovo A7010a48 using Tapatalk