المساعد الشخصي الرقمي

مشاهدة النسخة كاملة : مــــــا هي التعريفات البرمجيه لقطع الهاردوير و ما رأيك في الإصدارات الحديثه منها ؟



phenomenon
05-05-2017, 14:56
https://i.imgur.com/etffjSa.jpg


تعريفات القياده البـرمجيه الخاصه بالأجهزه الإلكترونيه هـي البوابه اللازمه و المتـرجم الوحيد الذي يسمح لنظام العمل و التطبيقات و برامج أعمالنـا
فـي التعرف على قطع الهاردوير و فهم كيفيات عملها .
-
فمن الممكن أن يختار مبرمجـي التطبيقات و الألعاب لغات البرمجه المستقله عالية المستوى "Higher-Level Programming Code" التـي يُمكن لبعض
قطع الهاردوير المحدده التعامل معها , فعلى سبيل المثال إختيار المبرمج لكتابة التطبيق بلغة High-Level Coding الخاصة بالتفاعل مع منفذ VGA لها
وظيفتان إحداهما لإرسال البيانات و الأخرى لإستقبالها ,
فيبدأ التعريف البرمجـي لنظام العرض تنفيذ هذه الوظائف من خلال التواصل مع رقاقة التحكم المدمجه فـي الحاسب و المسؤوله عن وظائف عرض
منفذ VGA ( رقاقة Display Engine Controller المدمجه بالمعالج الرسومـي ) .
-
و لكن إذا تغيرت بيئة العمل أمام المستخدم نفسه فـي الإعتماد على منفذ HDMI فالأمر إختلف تماماً . و فـي هذه الحاله على التعريف البرمجـي لنظام
العرض أن يبدأ بالتواصل مع رقاقة العرض المسؤوله عن منفذ HDMI لترجمة و تفسير كود التطبيق أولاً و إستخراج البيانات على نفس شاكـلة النتائج
التـي كانت تستخرجها رقاقة التحكم المسؤوله عن منفذ VGA .
و لذلك نحتاج دائماً تعريفات قطع الهاردوير البرمجيه لفهم كيفيات عمل جميع البـرامج و التطبيقات المتوقع لقطع الهاردوير ملاقاتها و التعامل معها .
-
-
كـتابة التعريفات البرمجيه و لغاتها تتطلب الإستيعاب و الخبره العميقه فـي فهم طريقة عمل قطع الهاردوير أولاً و كيفية عملها مع باقـي برمجيات
السوفت وير .
-
فتعريفات القياده البرمجيه تعمل دائماً بداخل بيئه فـي غاية التعقيد من هيئة لغات High-Level Coding و لكنها تتطلب لـهيئة Low-Level Code قبل
الولوج إلى أجزاء الهاردوير من أجل تنفيذ التعليمات ,
و فـي بعض الحالات هذا هو نفس السبب أحياناً فـي مواجهة أنظمة عمل الحواسب للمشاكـل إذا طرأت أية مسائل تعارض أو أخطاء فـي دعم تعريفات
القياده بشكل نموذجي و قد يصل الأمر أحياناً إلـى حد الخطوره في توقف عمل أجزاء الهاردوير .
-
و لكن بفضل أنظمة العمل الحديثه من الممكن أن تتأثر بعض برمجيات السوفت وير من هذه الأخطاء دون أن نلاحظها و دون أن تؤثر بشكل فعال
على نظام العمل بأكمله ,
إلا أن الخطر لا يزال قائماً و قد تخطئ بعض التعريفات البرمجيه و تخرج بنتائج غير محموده تتسبب فـي ما يسمى بتحطيم نظام العمل بأكمله ,
و هذه تعتبر أبرز الأخطاء و أول العوامل الخطيره التـي تزيد من الأمر صعوبه على الأنظمه فـي فهمها و التعامل معها و الناتجه بالاساس عن الخطاً
البرمجي فـي كتابة التعاريف البرمجيه .
-
بالتأكيد عملية تطوير التعريفات البـرمجيه أمر فـي غاية التعقيد و الصعوبه , فهناك العديد من البرمجيات التـي تُعرف بأسم برمجيات الطرف الثالث
و المتوقع عملها مع أجزاء عديده من هاردوير حواسبنا ,
لهذا السبب تطوير تعريفات قطع الهاردوير يقع دائماً على عاتق الصفوة من المهندسين المسؤولين عن تطوير قطع الهاردوير ذاتها و مبرمجـي تطبيقات
السوفت وير أنفسهم .


https://i.imgur.com/I94ZFNV.jpg

هذه كانت نبذه سريعه عن أهمية التعريفات البرمجيه و أسباب إحتياجها و أهمية توافقها مع عشرات الآلااف من قطع الهاردوير المختلفه و برمجيات
السوفت -وير المتنوعه .
-
لنفس السبب يتضح أمامنا نحن كمستخدمين فـي حالة عدم الإلتزام بالتنبيهات و النماذج الصحيحه الموصـى بها أثناء عملية تثبيت هذه التعريفات
بحواسبنا أو الإهمال فـي النصائح الموصى بإتباعها قبل و أثناء تثبيت التعريف و ما يمكن أن يترتب عليها من نتائج سلبيه فـي مواجهة
العديد من المخاطر و قد يصل الأمر بنا أحياناً إلـى مواجهة عواقب وخيمه عندما تبدأ هذه التعريفات فـي التفاعل مع هاردوير و سوفت وير أعمالنا .
-
فبين الحين و الآخر تخرج لنا تعاريف برمجيه جديده و غالباً هي للبطاقات الرسوميه من أجل توفير دعمها البرمجي الأفضل و تحسين مستويات الأداء
حتـى وصل الأمر إلى إحتياجه كـل فترات قريبه جداً من بعضها ,
و هذا ما يستوجب علينا الإلتزام بالنصائح و بالطرق الصحيحه فـي تثبيت هذه التعاريف بأنظمة العمل لدينا أو التأكد أولاً من أهمية إصدار هذه
التعريفات بالنسبة لنا أم هل من الممكن أننا لسنا فـي إحتياج ضروري للسعـي ورائها .
-
فـي الواقع هذا هو ما دفعنـي للتفكير فـي تجربة أكثر من تعريف مختلف و إختبار نتائجهم و مقارنتهم ببعضهم البعض كـي أتأكد هل فعلاً تعريفات
القياده البرمجيه التـي تخرج بين الحين و الآخر لديها أهميه ضروريه فـي تحسين مستويات الأداء بداخل الألعاب أم ربما لها اسباب قد تكون في معظم
الحالات إستثنائيه جداً و موجهه لمجموعه محدده من المستخدمين ؟!
-
إتخذت القرار لمراجعة مجموعه من الألعاب مع تعريف يبدأ تاريخه فـي نهاية عام 2016 و هو إصدار 375.95 و مروراً بأكثر من إصدار حتـى أخر
إصدار خرج فـي تاريخ 25 / 4 / 2017 ( إنتهيت بالأمس فقط من المراجعه و خرج صباحاً تعريف جديد لم يتم مراجعته ) لإصدار 389.81 .
-
سنُجيب سوياً على هذا السؤال من خلال نتائج المراجعات القادمه فربما بعض الألعاب أو حتـى جميعها تخرج لنا فعلاً بنتائج أفضل مع الإصدارات
الأحدث من التعريفات البرمجيه .


https://i.imgur.com/RiifoiM.jpg
-
-
بالبدايه لعبة BATTLEFIELD 1 و يبدوا لـي أن نتائج مراجعة جميع الإصدارات صحيحه جداً , لن أهتم كثيراً بنتيجة Minimum Fps بالرغم أنها تحسنت
فـي إصدارات عام 2017 و لكن بالتأكيد قد تهبط مرةً ثانيه إلى 85fps كحال تعريف رقم 381.89 مع عدة محاولات متكرره من المراجعه .
-
الإختلاف فـي نتيجة متوسط سرعة معالجة الإطارات بين أبطئ تعريف وأسرعهم لم تتعدى %2 تقريباً و هذا يعنـي لا يوجد أي إختلاف بين جميع الإصدارات .
فإذا كانت لعبة BF 1 الأولويه بالنسبة لك فأي إصدار خرج منذ عام 2017 و حتـى الشهر الحالـي لن يقدم نتائج إيجابيه واضحه و يمكنك الإكتفاء بإصدار
تعريفك الحالي .
-
-
-
https://i.imgur.com/5uBaqdd.jpg
-
-
هذه المراجعه لا تستند على نتائج Minimum FPS بالرغم أنها تتحسن مع بعض التعريفات ,
و لكن لعبة Deus EX Mankind Divided من الألعاب التي لا تحتوي على مراجعه جرافيكيه مدمجه و هذا يتسبب أحياناً فـي تغيير النتائج بسبب
إختلاف نمط المراجعه في بعض الحالات .
-
للمره الثانيه نتيجة Average FPS قريبه جداً و تقريباً واحده و نسبة الفرق %1.5 لصالح إصدار 389.65 و نتائجه جيده بالفعل و مع ذلك هـي لا تعنـي
أن هذا الإصدار يصنع إختلافاً ملحوظاً بين اي تعريف آخر حتـى الآن .
-
-
-
https://i.imgur.com/pbozZRP.jpg
-
-
من أفضل الألعاب التي تجذب إنتباهك هي Dying Light و حتـى الآن كـانت واحده من الألعاب التي لاحظت قدرتها على الإستفاده من أي زياده و لو
طفيفه فـي قدرات الهاردوير كسرعات تردد عمل الرام و كسر سرعة البطاقه الرسوميه و حالات مختلفه من شكل المراجعات و مع ذلك فهـي لم تستجيب
إطلاقاً مع إختلاف إصدارات البرامج التعريفيه . هل التحديثات المسؤوله عن تحسين مستويات الأداء بهذا الجمود أم هناك سبب أخر لها ؟
-
الفرق تقريباً %1.4 لصالح الإصدار الأخير و طالما لم تصعد هذه النسبه لفرق يشكل على الأقل %3 إلى %5 فهذا يعنـي أنها لا تزال نسبة Error Margin
متغيره و قد تختلف فـي حالة تكرار المراجعه أكثر من مره .
-
-
-
https://i.imgur.com/TyfmRC9.jpg
-
-
إصدار 389.81 يشكل نتيجه إيجابيه في لعبة DOOM و شخصياً أتوقع أن تعريفات القياده ستحاول أن تتحسن بأكبر قدر ممكن مع الألعاب التـي تعتمد
على واجهات البرمجيات الحديثه VULCAN / DirectX 12 و مع ذلك فتم تجربة اللعبه على واجهة OpenGL .
-
الفرق بالضبط %3.3 لصالح الإصدار الأخير و ربما نعتبرها نتيجه إيجابيه و لكن نتمـنى لو رأينا مراجعه يظهر فيها إختلاف حقيقي يتصاعد عن %5 على الأقل
لنتأكد من قدرة إصدار التعريف و أهميته في تحسين مستويات الأداء لبعض الألعاب و الإعتماد عليه .
-
-
-
https://i.imgur.com/Ik9e7I4.jpg
-
-
بدأت أشعر و كـأنني ادور في حلقه مغلقه و لا أستطيع إختيار أو ترشيح إصدار محدد و التأكيد على أنه الأفضل حتـى الآن ,
الفرق لم يزيد عن %2.2 و هي تشكل 2fps بين أسرع و أبطئ إصدار و بالتأكيد تكرار المراجعات كـانت تخرج بنفس نتائج الإصدارات الأخرى فـي
بعض المرات .
-
-
-
https://i.imgur.com/0Knz9n8.jpg

GTA V من الألعاب التـي تشكـل عنق زجاجه مؤكد لبعض خصائص الهاردوير و فـي كل مره كانت تختلف النتائج عن المره التـي قبلها مع نفس إصدار
التعريف البرمجي ,
نتيجة التعريف الأول تتشابهه مع التعريف الأخير و ما يتوسطهم كـان أفضل و أردت إعتماد نتائج هذه المرات بالتحديد لأنها كـانت الأقرب .
-
هذه النتائج كـانت للمرحله الجرافيكيه الأخيره بالمراجعه عند إنفجار السياره و هذا المشهد يختلف فـي معالمه كـل مره عن التـي قبلها بسبب عدد
الإطارات المتغايره المطلوب من المعالج الرسومي معاينتها ,
فأحياناً يكون الطريق خالـي تماماً و أحياناً أخرى تزيد المطارده بوضوح مع سيارات الشرطه و هذا ما يتسبب في تغاير النتائج من مراجعه لغيرها بنسبه
قليله و لكنها صنعت إختلاف بنسبة %4.5 لصالح إصدار 378.78 فهل هو أفضل إصدار لألعاب DX 11.0 !!
-
-
-
https://i.imgur.com/1j4wzO9.jpg

ربما إجابة السؤال السابق هي لا بما أن لعبة JUST Cause 3 تستند على واجهة DirectX 11 أيضاً .
في الواقع سأغير رأيي لصالح إصدار 381.65 فهو صاحب أفضل النتائج و ظهرت لصالحه مره سابقه مع لعبة DEUS EX ,
لذلك سنضع رهاناً على إصدار 381.65 .
-
-
-
https://i.imgur.com/UAwpr7r.jpg

لذلك تعمدت مراجعة لعبة TOMB RAIDER على واجهة DirectX 11 و حقيقةً هو لا يختلف عن الواجهه الأحدث بشكل ملحوظ .
و لهذا ساسحب رهاني لوضعه على إصدار 378.66 أو ربما الإصدار الأخير .
الفرق بين جميع الإصدارات لم يتعدى %1.4 في لعبة TOMB RAIDER بين اقل إصدار و أسرعهم و الأبطىء كان فـي عام 2016 .
-
-
-
https://i.imgur.com/oMemCyR.jpg

واحده من أشهر الالعاب حتى الآن The Witcher 3 WH و مع ذلك تعريفات القياده الحديثه لا تصنع لها أي معروف

في النهايه كـانت مراجعه متصلبه جداً فلا أريد تسميتها بالممله بالرغم أنها كـانت بالفعل .
كنت أتوقع إختلافات فعليه كـلما تقدمنا في عمر التحديثات أو حتـى قد تتسبب فـي بعض المفاجئات كهبوط نتائج الأداء للإصدارات الحديثه مع
بعض الألعاب السابقه التي خرجت في العامان الماضيان إلا أن هذا لم يحدث و هو شيء إيجاببـي جداً .
-
أعتقد أن الغرض الأول من التعريفات البرمجيه و الوحيد هو تأكيد دعم تشغيل الالعاب الحديثه و مع ذلك فأنت لن تواجهه العديد من الالعاب
القاده التي تتطلب فعلاً للإصدارات الحديثه من البرمجيات التعريفيه للهاردوير إلا مع بعض الحالات الإستثنائيه جداً .
-
لكن إنتظار الأداء الأفضل من الإصدار الأحدث للتعريف لن يحدث في الغالب و بالرغم من هذا فكـل شهر تقريباً نتضطر لتحديث التعريف أملاً في
تحسين مستويات الأداء داخل الألعاب , ربما هذا يحدث بالفعل مع بعض الأسماء بعينها و لكنه لم يحدث معي شخصياً و بالرغم من ذلك فنحن
نعرض الحاسوب دائماً لمواجهة ما هو أكثر الأشياء تعقيداً و تعريض الحاسب للخطر ,
-
بالتأكيد التعريفات البرمجيه ليست من المخاطر عندما يتم تطويرها على يد مصنعين الهاردوير أنفسهم و لكن أريد فقط تنبيهك أن الخطر ما زال
قائماً و كثيراً ما واجهنا العديد من المشاكـل البسيطه بل و المستعصيه و الخطيره أيضاً بمجرد تحديث التعريفات بالرغم أننا لم نكن في حاجه لها .
-
لذلك أردت تقديم نصيحه بهذه المراجعه و هي " لا داعي من تحديث برامج التعاريف الخاصه بك إلا في الحالات القصوى و عندما تتأكد فعلاً أن
ألعابك الحاليه تحتاج لها بالفعل أو أن هناك إصدار جديد يجلب المزيد من المميزات لألعابك المفضله و هناك تفاعل واضح في سمعة هذا التعريف
بالإيجاب ".
-
شخصياً هذا ما أفعله دائماً لتجنب المشاكل و لكن ماذا عنك هل ترى من الأفضل السعي وراء تحديث التعريف بمجرد إصداره أم من الممكن أن
تستمر أطول فكره ممكنه على الإصدار الحالي ؟ هذا ما نتمنى سماعه منكم

abde_cs
05-05-2017, 17:03
الدعم السوفتويري لمنتجات الهاردوير من أهم ما يميز شركات صناعة الرقاقات الرسومية
طبعا مع الألعاب الجدد و الخصائص الأحدث وجب توفر دعم سوفتوير حديث يتناسب مع الرقاقة الأحدث لفك الخوارزميات الرسومية بطريقة أسرع
هاردوير جديد ---> سوفتوير حديث + لعبة حديثة = دعم أفضل لطريقة عمل الكارت مع اللعبة المستهدفة بالتعريف الأحدث
لكن هذا لا يمنع من إحتمالية تواجد مشاكل مع التحديث قد تتسبب في التالي :
- إحتراق كارت الشاشة
- إعادة تشغيل الحاسب بعد مدة معينة من اللعب
- شاشة سوداء
- مضلعات و تشوهات أثناء اللعب
- إنخفاض أداء قليلا في الألعاب القديمة
و غيرها العديد من المشاكل ... لذلك وجب قراءة مراجعات التعريف جيدا و ما يقدمه من جديد و إحتمالية تواجد مشاكل به ثم في الأخير تثبيته
///
... أيضا قد يأتي التعريف بحلول جديدة لبعض المشاكل الهاردويرية في بطاقة الشاشة
مثل تذبذب و عدم إستقرار في إستهلاك الطاقة و تجاوز القيمة الموصى بها أو مشاكل في المروحة و سرعة دورانها و غيرها من المشاكل
و قد شهدنا ذلك في العديد من المرات لعل أبرزها مشكلة الكارت rx 480 (النسخة القياسية) و التي كانت تسحب طاقة أكثر من القيمة الموصى بها حتى أتى تعريف جديد أصلح المشكلة
... لذلك كما أشرت أن إصلاحات التعريف لا تأتي فقط على مستوى الألعاب ... بل تتعدى ذلك و قد تشمل الهارد وير و طريقة عمل و قيمة إستهلاك كارت الشاشة
و هذا لا ينفي طبعا إحتمالية حصول بعض المشاكل بسبب بعض التعريفات الحديثة و التي قد تصل لدرجة حرق الكارت
لذلك وجب دائما قراءة المراجعة الخاصة بالتعريف جيدا و مشاهدة أراء المستخدمين قبل تثبيته ... و الله ولي التوفيق
//////
ألف شكر لك أستاذ إبراهيم على الموضوع الأكثر من رائع
... جعله الله في ميزان حسناتك ... تحياتي ^^

N3V3RMiND.2016
05-05-2017, 17:42
موضوع اخر ممتاز يوضح بالتجربه العمليه قدرة تحديث التعريفات على اخراج اداء افضل للكروت بشكل عام
و لكن اتفق مع اخى عبد القادر تماما فى انه مع تلك التعريفات يوجد مخاطر اخرى يجب وضعها فى الاعتبار قبل الاقدام على التحديث
و كما اشار اخى يجب معرفة عيوب التحديث قبل استخدامه.

شكرا جزيلا اخى ابراهيم على التجارب العمليه و انا استمتع بها جدا بارك الله فيك.

Yasser
05-05-2017, 19:40
جزاك الله خير على التجربه العمليه وانا اميل لعدم التحديث الا بعد عده تعريفات وكنت اتسأئل عن كميه التعريفات المصدره من انفيديا بالذات وسببها فهى اكيد تكلف وقت ومجهود لكن بالاضافه للاسباب الفنيه فهى أيضا نوع من خدمه مابعد البيع التى يشعر بها المستخدم حتى انى وجدت فى مقارنه بين انفيديا وamd ووجدت ان هناك من يحسب عدد التعريفات المصدره كنقطه فى صالح انفيديا !

الواد ميشو
05-05-2017, 19:46
هنقول ايه ولا ايه
صفحة جديدة ف تاريخ ابداعاتك والله وموضوع فكرة من العمق بمكاااان
استاذ يا استاذ ابراهيم ....

بالنسبة لي ..الاستقرار ثم الاستقرار كل ما شوف تعرف جديد اشوف مستقر ولا لأ وهل به مشاكل داه اول اللي بدور عليه لان ما يقدمه غالبا زي ما تقول مش هحس به زي ما ذكرت لو هيضيف حاجة ميزة مهمة او كدا ...
والفكرة ان اتاكد ان الحاجة ما زالت مدعومة بشكل كويس

واشكرك جدااا
وربنا يباركلك وتفاجئنا دومااااا

عااااااااااااااااش ....(y)(y)

Black_Spy
05-05-2017, 20:53
تسلم أخي الغالي إبراهيم على وقتك وتعبك في كل ما تقدمه سواء مراجعات او شروحات مميزه ربنا يجعله في ميزان حسناتك آمين :)

شخصيا اميل دائما الى التحديث الى التعريف الاحدث ولكن فى بعض الاحيان كنت اقوم بتثبيت التعريف القديم مره اخري لوجود مشكله او حتى لو لم تحدث مشكله فقط لاحساسي ان فى حاجه غلط رغم ان مفيش حاجه غلط D-:D-:

بس كما ذكرت أخي إبراهيم التعريفات الاحدث يمكن ان تفيد فى بعض الحالات ويمكن ايضا الا تقوم بتقديم اي شىء جديد سوي التأكيد على دعم تشغيل الالعاب الحديثه .

phenomenon
05-05-2017, 20:59
سعيد جداً بمروركم العطر و عطائكم و تشجيعكم الدائم
بصراحه محتويات تحذيرات أضفتموها كانت أفضل من فكرة الموضوع نفسه

لم اشعر بأي فرق ولا بأي شكل من الأشكال اثناء الإنتقال بين التعريفات بالرغم ان المراجعات كانت شبه متتاليه
و لكن كنت متصور أن فكرة خطورة التحديث الدائمه مستقله بذهني وحدي و أصبحت مقدر لخطورتها جداً لأني اعاني من فوبيا التعريفات الخاطئه او
بمعنى اخر ضمن الفئه التي واجهت سابقا بعض مشاكل التعريفات الغير مستقره وتأثرت جداً بها

جزاكم الله كل خير على مروركم الكريم و إضافتكم القيمه للموضوع

abdalhaliem
06-05-2017, 07:20
السلام عليكم ورحمه الله وبركاته

التعريف أو ال ( driver )

هو مسأله حياه أوموت

بالنسبه لأى قطعه هاردوير

ولولا أن أنظمه التشغيل الحديثه تتعرف على سائر

قطع الهاردوير المختلفه وتعطيها تعريف لكى تعمل بصوره مؤقته

ألى حين تثبيت التعريف المناسب

لكانت مشكله كبرى

كل قطعه بالجهاز تحتاج ألى تعريف

يكون همزه الوصل بين تلك القطعه والويندوز

فيبرز أمكانياتها بل وفى أحيان كثيره يعدل عليها

وهذا هو مفهوم السوفتوير الناجح

نظام تشغيل + درايفرات مناسبه وحديثه + برامج خدميه

بالتأكيد القصه تكون أكثر عمقاا بالنسبه لكروت الشاشه تحديداا

ويجب أختيار التعريف المناسب والمجرب بعنايه وحرص

كم من سوفت وير تم أعاده تثبيته بالكامل

من أجل خطأ بالتعريفات

وكم من جهاز يعمل بدون أتزان وبدون ثبات

لخلل ما بالتعريفات

حقيقه الأمر لقد قمت بتناول كل مايمكن الحديث عنه

لدرجه أصبح فيها الحديث بعدك

نوع من الثرثره وتكرار ماتفضلت بذكره

جانب أخر مهم قد تفضلت بألقاء الضوء عليه

أحسنت أخى الكريم

سلمت يداك

نشتاق ونتطلع دائما لقادم حديثك

ولقياك

تمنياتى لك بدوام الصحه والعافيه

وأن يعينك الخالق بقدر ماتتكبد من تعب وعناء

أسمى آيات التحيه والأحترام

Eslam Mohamd
07-05-2017, 18:56
اخيرا الحمد لله لاقيت موضوع كان شاغل بالى الفترة الى فاتت شكرا لك اخى الكريم مجهود اكثر من رائع ومبدع كالعادة جعله الله فى ميزان حسناتك
بالنسبالى بحب اجرب دايما التعريفات الجديدة واشوف نتايجها ايه فى الألعاب وبدور فى اليوتيوب على المراجعات بس طبعا بتختلف لأن كل جهاز ليه أمكنياته ومش زى التانى ومقتنع ان إمكانيات كارت الشاشة هى الى بتحدد قوة الأداء على الألعاب فى ناس بتحب تلعب الترا وناس تانيه ميديم وناس مش فارق معاها الإعدادات المهم انى العب اللعبة واخلصها حاليا اكثر تعريف مستقر على الألعاب وشغال بيه 376.09 وخصوصا لعبة مافيا 3 الى بتحتاج امكانيات كبيرة وبرده لعبة Deus Ex مستقرة الحمد لله وباتل فيلد1 برده مفيش مشاكل جايز عشان بلعب على دقة 720P مش ظاهر معايا فرق كبير وخصوصا بعد ماقفلت الخدمات الى قولت لحضرتك عليها فى الموضوع الخاص بالويندوز حتى لو اللعبة بتخرج 29 فريم فى بعض المناطق هتلعب برده من غير لاج نهائى ودى احسن حاجه اكتشفتها بفضل الله اتمنى الاخوة يجربوها وبعد مايقفلوها يعملوا ريستات للجهاز يلعبوا ويشوفوا الفرق بإذن الله
تقبل تحياتى اخى الكريم :)

phenomenon
07-05-2017, 19:46
اخيرا الحمد لله لاقيت موضوع كان شاغل بالى الفترة الى فاتت شكرا لك اخى الكريم مجهود اكثر من رائع ومبدع كالعادة جعله الله فى ميزان حسناتك
بالنسبالى بحب اجرب دايما التعريفات الجديدة واشوف نتايجها ايه فى الألعاب وبدور فى اليوتيوب على المراجعات بس طبعا بتختلف لأن كل جهاز ليه أمكنياته ومش زى التانى ومقتنع ان إمكانيات كارت الشاشة هى الى بتحدد قوة الأداء على الألعاب فى ناس بتحب تلعب الترا وناس تانيه ميديم وناس مش فارق معاها الإعدادات المهم انى العب اللعبة واخلصها حاليا اكثر تعريف مستقر على الألعاب وشغال بيه 376.09 وخصوصا لعبة مافيا 3 الى بتحتاج امكانيات كبيرة وبرده لعبة Deus Ex مستقرة الحمد لله وباتل فيلد1 برده مفيش مشاكل جايز عشان بلعب على دقة 720P مش ظاهر معايا فرق كبير وخصوصا بعد ماقفلت الخدمات الى قولت لحضرتك عليها فى الموضوع الخاص بالويندوز حتى لو اللعبة بتخرج 29 فريم فى بعض المناطق هتلعب برده من غير لاج نهائى ودى احسن حاجه اكتشفتها بفضل الله اتمنى الاخوة يجربوها وبعد مايقفلوها يعملوا ريستات للجهاز يلعبوا ويشوفوا الفرق بإذن الله
تقبل تحياتى اخى الكريم :)

حياك الله اخي الحبيب
كنت متوقع وجودك في هذا الموضوع فعلاً و ربنا يبارك فيك على اهتمامك بالرد و التشجيع

ليا سؤال واحد جانبي بعد إذنك " هو مش معاك بطاقة 1050Ti أو 1060 تقريباً
ليه بتلعب على دقة 720p هل الشاشه لا زالت CRT أم هي أقصى دقه بالشاشه الحاليه ؟

أستاذ عبد الحليم ,,, مش هاين عليا اوجهه سؤال للاستاذ capoo بدون القاء التحيه على شخصك الكريم :) فتقبل تحياتي من صميم قلبي
انا مشهعيد اللي حضرتك قولته في الخاتمه بعد اضافتك الرائعه ولكن لك ان تعتبره كما تشاء و لي ان اتمنى لو تزيد منه وقتما تشاء :)

abdalhaliem
07-05-2017, 20:16
أستاذ عبد الحليم ,,, مش هاين عليا اوجهه سؤال للاستاذ capoo
بدون القاء التحيه على شخصك الكريم :) فتقبل تحياتي من صميم قلبي
انا مشهعيد اللي حضرتك قولته في الخاتمه بعد اضافتك الرائعه
ولكن لك ان تعتبره كما تشاء و لي ان اتمنى لو تزيد منه وقتما تشاء


سيدى الفاضل

كم أتمنى أن أزيد وأسترسل

فمثلُك يستحق الكثير

يكفى أنك تتحفنا بروائع وأنت تتشح

بوشاح الصمت والوقار

*********************


إذا مرَّ القطار وسمعت جلبة لإحدى عرباته

فاعلم أنها فارغة


و إذا سمعت تاجراً يصيح على بضاعته وينادي عليها

فاعلم أنها كاسدة


فكل فارغ من البشر والأشياء

له جلبة وصوت وصراخ


أما العاملون المثابرون فهم في سكون ووقار

Eslam Mohamd
07-05-2017, 21:52
حياك الله اخي الحبيبكنت متوقع وجودك في هذا الموضوع فعلاً و ربنا يبارك فيك على اهتمامك بالرد و التشجيعليا سؤال واحد جانبي بعد إذنك " هو مش معاك بطاقة 1050Ti أو 1060 تقريباً ليه بتلعب على دقة 720p هل الشاشه لا زالت CRT أم هي أقصى دقه بالشاشه الحاليه ؟ أستاذ عبد الحليم ,,, مش هاين عليا اوجهه سؤال للاستاذ capoo بدون القاء التحيه على شخصك الكريم :) فتقبل تحياتي من صميم قلبي انا مشهعيد اللي حضرتك قولته في الخاتمه بعد اضافتك الرائعه ولكن لك ان تعتبره كما تشاء و لي ان اتمنى لو تزيد منه وقتما تشاء :) نعم اخى الكريم معايا بطاقة gtx 1060 3g windforce انا كنت اشتريت شاشة تلفزيون واشتغلت بيها فترة وللأسف زى ماحضرتك قولتلى طلع العيب منها ورجعت لشاشتى القديمة 20 وشغاله معايا كويس والحمد لله وبلعب حاليا على ريزلوشن 1600X900 صحيح هى الحمد لله فيها خطوط كده من الجنب كنت بنضفها ودخل فيها تقريبا شوية من المنظف بس الحمد لله شغالة واتعودت عليها خلاص وفكرت احدث اجيب شاشة benq 21 بوصة الى اسمها gaming تقريبا بس قولت اكيد هخسر أداء على معظم الألعاب لان كده الأبعاد والريزلوشن هيعلوا والكارت هيكون عليه ضغط جامد والاسعار برده بقت عاليه جدا عشان كده همشى بيها فترة بإذن الله وطبعا جربت اعلى الريزلوشن فى الألعاب من خلال خاصية dsr لاقيت حاجه تانيه بصراحة نعومة اكتر وتفاصيل أوضح زى مايكون ربنا بيعوضنى عن المشكلة الى فى الشاشة بتاعتى كان عندى استفسار اذا تكرمت دلوقتى درجة الحرارة بتوصل 72 فى الالعاب بس مش كله وسرعة المروحة شغالة على 57% تقريبا تنصحنى حضرتك اعمل بروفايل للمروحة عشان التبريد عشان اقدر احافظ على عمر الكارت اطول فترة ممكنة واقصى حاجه المفروض تكون كام عشان ميحصلش اختناق للمعالج والتردد ينزل ويحصل تهنيج فى اللعبة يعنى لو عملت بروفايل يدوى وخليته 80% فى ضرر على عمر المروحة ولا لاومعذرة على الإطالة اخى الكريم

phenomenon
07-05-2017, 23:39
نعم اخى الكريم معايا بطاقة gtx 1060 3g windforce انا كنت اشتريت شاشة تلفزيون واشتغلت بيها فترة وللأسف زى ماحضرتك قولتلى طلع العيب منها ورجعت لشاشتى القديمة 20 وشغاله معايا كويس والحمد لله وبلعب حاليا على ريزلوشن 1600X900 صحيح هى الحمد لله فيها خطوط كده من الجنب كنت بنضفها ودخل فيها تقريبا شوية من المنظف بس الحمد لله شغالة واتعودت عليها خلاص وفكرت احدث اجيب شاشة benq 21 بوصة الى اسمها gaming تقريبا بس قولت اكيد هخسر أداء على معظم الألعاب لان كده الأبعاد والريزلوشن هيعلوا والكارت هيكون عليه ضغط جامد والاسعار برده بقت عاليه جدا عشان كده همشى بيها فترة بإذن الله وطبعا جربت اعلى الريزلوشن فى الألعاب من خلال خاصية dsr لاقيت حاجه تانيه بصراحة نعومة اكتر وتفاصيل أوضح زى مايكون ربنا بيعوضنى عن المشكلة الى فى الشاشة بتاعتى كان عندى استفسار اذا تكرمت دلوقتى درجة الحرارة بتوصل 72 فى الالعاب بس مش كله وسرعة المروحة شغالة على 57% تقريبا تنصحنى حضرتك اعمل بروفايل للمروحة عشان التبريد عشان اقدر احافظ على عمر الكارت اطول فترة ممكنة واقصى حاجه المفروض تكون كام عشان ميحصلش اختناق للمعالج والتردد ينزل ويحصل تهنيج فى اللعبة يعنى لو عملت بروفايل يدوى وخليته 80% فى ضرر على عمر المروحة ولا لاومعذرة على الإطالة اخى الكريم

اشكرك على إهتمامك اخي الحبيب
ابعاد 900p رائعه و هي قريبه جداً من 1080p
أعتقدت انك تعمل حالياً على 720p لأن البعد ده بيتسبب في عنق زجاجه للبطاقات القويه
حتى لو ربنا اكرمك بشاشه 1080p = بالتأكيد تخسر عدد إطارات بسيط و لكن تحصل على نفس الأداء تقريباً مع جوده أنقى

بخصوص درجات الحراره فهي رائعه و لكن في جميع الأحوال تأكد من تفعيل V-Sync داخل اللعبه
لأن بطاقتك قادره على انتاج 60fps و على أعدادات و جودة صوره جيده
فإستغل ميزة معالجة تمزيق الصوره و في نفس الوقت بتحافظ على شكل درجة الحراره المنخفضه

أما لو كنت فعلاً بتنشط الخاصيه و درجة الحراره بتوصل 70C في الألعاب التقيله فهي لا تقلق إطلاقاً ولا حتى 80C بإذن الله
تناسي تماماً امر الحراره و تأكد من توفير التهويه للكيس حتى لو هتفتح الباب و لكن لو الصوت مسموع جرب هاندفري جيد سيعزلك عن العالم

اما بخصوص المروحه فممكن تضبط بروفايل المروحه على 70% فقط بدلاً من 60% ولا تقلق من عمر مراوح جيجابايت بإذن الله

Eslam Mohamd
08-05-2017, 00:17
اشكرك على إهتمامك اخي الحبيب ابعاد 900p رائعه و هي قريبه جداً من 1080p أعتقدت انك تعمل حالياً على 720p لأن البعد ده بيتسبب في عنق زجاجه للبطاقات القويه حتى لو ربنا اكرمك بشاشه 1080p = بالتأكيد تخسر عدد إطارات بسيط و لكن تحصل على نفس الأداء تقريباً مع جوده أنقى بخصوص درجات الحراره فهي رائعه و لكن في جميع الأحوال تأكد من تفعيل V-Sync داخل اللعبه لأن بطاقتك قادره على انتاج 60fps و على أعدادات و جودة صوره جيده فإستغل ميزة معالجة تمزيق الصوره و في نفس الوقت بتحافظ على شكل درجة الحراره المنخفضه أما لو كنت فعلاً بتنشط الخاصيه و درجة الحراره بتوصل 70C في الألعاب التقيله فهي لا تقلق إطلاقاً ولا حتى 80C بإذن الله تناسي تماماً امر الحراره و تأكد من توفير التهويه للكيس حتى لو هتفتح الباب و لكن لو الصوت مسموع جرب هاندفري جيد سيعزلك عن العالم اما بخصوص المروحه فممكن تضبط بروفايل المروحه على 70% فقط بدلاً من 60% ولا تقلق من عمر مراوح جيجابايت بإذن الله


جزاك الله كل خير اخى الكريم وربنا يجعله فى ميزان حسناتك انا مش مفعل الخاصية دى بس هدخل افعلها واجرب واقول لحضرتك النتيجة علطول بإذن الله
تقبل تحياتى

Eslam Mohamd
08-05-2017, 02:32
تم التجربة اخى ابراهيم للأسف درجات الحرارة زى ماهى انا فعلا فاتح الكيسة عشان التهوية وحاولت اعمل بروفايل يدوى من برنامج msi afterburner معرفتش للأسف فى منحنيات كتير وكل ماظبط مثلا المروحة تشتغل بنسبة 70% لما درجة الحرارة توصل 63 واسيف بيقولى فى غلط فى المنحنى

phenomenon
08-05-2017, 10:46
تم التجربة اخى ابراهيم للأسف درجات الحرارة زى ماهى انا فعلا فاتح الكيسة عشان التهوية وحاولت اعمل بروفايل يدوى من برنامج msi afterburner معرفتش للأسف فى منحنيات كتير وكل ماظبط مثلا المروحة تشتغل بنسبة 70% لما درجة الحرارة توصل 63 واسيف بيقولى فى غلط فى المنحنى

طيب جربت تعتمد على برنامج GIGABYTE OC GURU

Eslam Mohamd
08-05-2017, 15:48
انا عندى البرنامج ده مع الاسطوانه هصطبه واجربه لو موصلتش لحاجة هخليها اتوماتيك وقت اللعب وبعد مااخلص ارجعها تانى وشكرا لاهتمامك اخى الكريم وربنا يديم الود والمعروف بينا دائما :)

ant_gamal
08-05-2017, 21:25
لى استفسار بسيط
امتلك لاب توب لينوفو. 45 - g50 معالج Apu A6-6310 Amd ومعه كرت شاشه ati r4 او r5 لا اعرف تحديدا
المشكله تكمن في عند تعريف كرت الشاشه احيانا يكون r5 M230
واحيانا اخرى HD 8500M
حسب تعريف موقع amd وبرنامج البحث عن التعريفات
فماهو افضل تعريف له
هل يمكن الجمع معا بين كرت شاشه ال Apu والكرت الخارجى

نقطه اخرى الجهاز اشعر انه بطى جدا هل رفع الرامات الى اكثر من الحاليه 6جيجا الي 16 مثلا او اقل من 16 هيخلى الجهاز يفوق جامد

ايضا الجهاز لا يمكن ان يضاف اليه. msata ssd حسب اطلعى علي الموقع
ولكن يمكن استبدال الحالى ب ssd 2.5
فهل هذه التغيرات ستجعل الجهاز سريع ام ان البروسيسور غير جيد كسرعه
اعرف انه معماريه قديمه

Sent from my P01V using Tapatalk

N3V3RMiND.2016
08-05-2017, 22:13
انا عندى البرنامج ده مع الاسطوانه هصطبه واجربه لو موصلتش لحاجة هخليها اتوماتيك وقت اللعب وبعد مااخلص ارجعها تانى وشكرا لاهتمامك اخى الكريم وربنا يديم الود والمعروف بينا دائما :)
جرب برنامج الجيجابايت انا عندى البرنامج و كان جاى مع اسطوانة تعريف الكارت و بعتمد عليه فى مسأله ضبط تبريد المراوح للكارت و التعامل مع البرنامج سهل جدا
و دا البروفايل اللى عندى انا ضبطه للتبريد بصوره جيده و حراره الكارت لا تتعدى 63 درجه تحت الضغط.
و البرنامج موجود على موقع جيجابايت لو مش موجود عندك:

https://s8.postimg.org/r6yp95nkl/Gigabyte.png

phenomenon
08-05-2017, 22:29
لى استفسار بسيط
امتلك لاب توب لينوفو. 45 - g50 معالج Apu A6-6310 Amd ومعه كرت شاشه ati r4 او r5 لا اعرف تحديدا
المشكله تكمن في عند تعريف كرت الشاشه احيانا يكون r5 M230
واحيانا اخرى HD 8500M
حسب تعريف موقع amd وبرنامج البحث عن التعريفات
فماهو افضل تعريف له
هل يمكن الجمع معا بين كرت شاشه ال Apu والكرت الخارجى

نقطه اخرى الجهاز اشعر انه بطى جدا هل رفع الرامات الى اكثر من الحاليه 6جيجا الي 16 مثلا او اقل من 16 هيخلى الجهاز يفوق جامد

ايضا الجهاز لا يمكن ان يضاف اليه. msata ssd حسب اطلعى علي الموقع
ولكن يمكن استبدال الحالى ب ssd 2.5
فهل هذه التغيرات ستجعل الجهاز سريع ام ان البروسيسور غير جيد كسرعه
اعرف انه معماريه قديمه

Sent from my P01V using Tapatalk

مرحباً اخي الكريم
عليك التأكد ملياً من البطاقه الرسوميه المنفصله وما هو نوعها
فيجب تأكيد الإعتماد عليها طول الوقت

تقنيات مثل Dual Graphics هي تلقائيه و 99% من الحالات تعمل دون تدخل يدوي منا و لكنها تفرض إحتواء
معالجات APU على معالج رسومي مدمج بنفس المعالج الرسومي المنفصل عنه

لا تعتد على برامج البحث لوجود تعريف متواجد بصفحة الشركه
فقط تأكد من اسم البطاقه المنفصله و جرب الإعتماد على برامج قرائه احترافيه عديده لتتوصل إلى الأمر وهذا يكون بجانب قرائتك لخصائص اللاب من الويندوز ( DXDIAG ) وغيرها

دائماً أبداً تشعر بأن 2.5inch SSD يصنع المعجزات حين الإنتقال له بعد HDD
خاصة وأن كان قرص التخزين الحالي 5400rpm و لكن تأكد من شراء وحدة تخزين صلبه حديثه و سريعه وإبتعد عن القديم جداً في العمر

العديد من الأعمال و الوظائف تتوقف على سرعة الهارد و لكن بمجرد التعمق في الأعمال وأو الألعاب اصبحت خصائص المعالجه ذو أهميه أكبر و بالتأكيد ذاكرة الرام ليست إستثناءاً
لو إتضح لك أن سعة ذاكرة الرام الحاليه ترتفع إلى %90+ أثناء العمل على اللاب فهذا يعني أنك بالفعل في حاجه إلى ذاكره جديده و هذا وارد مع المتصفحات و الصفحات العديده وبرامج
الأعمال و الالعاب طبعاً

ant_gamal
08-05-2017, 23:18
مرحباً اخي الكريم
عليك التأكد ملياً من البطاقه الرسوميه المنفصله وما هو نوعها
فيجب تأكيد الإعتماد عليها طول الوقت

تقنيات مثل Dual Graphics هي تلقائيه و 99% من الحالات تعمل دون تدخل يدوي منا و لكنها تفرض إحتواء
معالجات APU على معالج رسومي مدمج بنفس المعالج الرسومي المنفصل عنه

لا تعتد على برامج البحث لوجود تعريف متواجد بصفحة الشركه
فقط تأكد من اسم البطاقه المنفصله و جرب الإعتماد على برامج قرائه احترافيه عديده لتتوصل إلى الأمر وهذا يكون بجانب قرائتك لخصائص اللاب من الويندوز ( DXDIAG ) وغيرها

دائماً أبداً تشعر بأن 2.5inch SSD يصنع المعجزات حين الإنتقال له بعد HDD
خاصة وأن كان قرص التخزين الحالي 5400rpm و لكن تأكد من شراء وحدة تخزين صلبه حديثه و سريعه وإبتعد عن القديم جداً في العمر

العديد من الأعمال و الوظائف تتوقف على سرعة الهارد و لكن بمجرد التعمق في الأعمال وأو الألعاب اصبحت خصائص المعالجه ذو أهميه أكبر و بالتأكيد ذاكرة الرام ليست إستثناءاً
لو إتضح لك أن سعة ذاكرة الرام الحاليه ترتفع إلى %90+ أثناء العمل على اللاب فهذا يعني أنك بالفعل في حاجه إلى ذاكره جديده و هذا وارد مع المتصفحات و الصفحات العديده وبرامج
الأعمال و الالعاب طبعاً



بحثت في المواقع الاجنبيه عن تلك المشكله لتعريف كرت الشاشة
كلا التعرفين صحيحين وهما لنفس الكرت
كل الذى حدث قامت amd باعاده تسميه كروت الشاشة واستبدل اسم R5 230M محل HD 8500 M
فبعض التعريفات تضعه باسم السابق والاخرى بالاسم الجديد
ولكن لا يوجد اي فرق كاداء
فقط احدهما تعريف من خلال Catalyst والاخر من Crimson


Sent from my P01V using Tapatalk

Eslam Mohamd
08-05-2017, 23:31
جرب برنامج الجيجابايت انا عندى البرنامج و كان جاى مع اسطوانة تعريف الكارت و بعتمد عليه فى مسأله ضبط تبريد المراوح للكارت و التعامل مع البرنامج سهل جدا
و دا البروفايل اللى عندى انا ضبطه للتبريد بصوره جيده و حراره الكارت لا تتعدى 63 درجه تحت الضغط.
و البرنامج موجود على موقع جيجابايت لو مش موجود عندك:

https://s8.postimg.org/r6yp95nkl/Gigabyte.png

شكرا لك اخى الكريم انا عندى فعلا البرنامج ده جاى مع الاسطوانة بس مش عارف اظبط المنحنيات بتاعته انا مثلا عاوز درجة الحرارة متعديش 63 زى حضرتك اعمل ايه نفس الى فى الصورة بالظبط ؟

N3V3RMiND.2016
09-05-2017, 00:24
شكرا لك اخى الكريم انا عندى فعلا البرنامج ده جاى مع الاسطوانة بس مش عارف اظبط المنحنيات بتاعته انا مثلا عاوز درجة الحرارة متعديش 63 زى حضرتك اعمل ايه نفس الى فى الصورة بالظبط ؟
الشكر لله اخى,
درجات الحراره بتختلف من كارت الى اخر يعنى انت مجرد بتضبط المراوح لتقليل معدلات درجات الحراره فقط
انما لا اعتقد انك ممكن تحدد اقصى درجه حراره ممكن يوصلها الكارت لأن في كارت مثلا حرارته الطبيعيه تحت الضغط مثلا فى حالتى الكارت GTX 1050Ti فى حدود الستينات
و فى كارت تانى حرارته الطبيعيه تحت الضغط فى السبعينات مثلا و هكذا لكن انت فقط من خلال الضبط ده بتضمن عدم تعدى درجة الحراره فى الكارت للمعدلات الطبيعيه اللى الكارت متصمم عليها من الشركه المصنعه
و ممكن تقلل معدل الحراره عن المعدل الطبيعى للكارت بشئ بسيط. اتمنى تكون المعلومه وصلت لحضرتك اخى العزيز.

و لكن الضبط للبرنامج سهل للغايه اتبع الخطوات:
افتح الصفحه زى فى الصوره و اختار Advanced settings ثم Manual settings
بعدين روح على المنحنى و شاور بالماوس على المنحنى نفسه (الخط البرتقالى) و اضغط فى اى مكان على الخط البرتقالى و خليك ضاغط عليه
و اسحب بالماوس هاتلاقيه عمل لوحده دائره بيضاء زى اللى فى الصوره و تقدر تحركها فى اى مكان لضبط الحراره مقابل سرعة المراوح.
و بعد عمل عدة دوائر حركهم لضبط المنحنى و لو شاورت بالماوس على اى دائره منهم هايظهرلك سرعة المراوح عند درجة الحراره للنقطه المشار عليها بالماوس (يعنى مثلا عند 55 درجه سرعه المراوح هى 50 %)
و لا تنسى بعد الانتهاء من الضبط الضغط على Apply لتسجيل البروفايل و يمكنك عمل عدة بروفايلات مختلفه عن طريق اختيار Profile من نفس الصفحه فى الاعلى كما فى الصوره و عمل ضبط مختلف لكل بروفايل للانتقال بينهم بسهوله.
و ممكن تجرب الضبط زى اللى فى الصوره بالضبط و الضبط ده الكارت المراوح فيه لا تعمل الى عند وصول درجة الحراره الى 45 درجه طبعا ممكن تضبطها براحتك لبدأ العمل عند اى درجة حراره اخرى .
جرب و قولنا ايه النتيجه.

Eslam Mohamd
09-05-2017, 16:11
الشكر لله اخى,
درجات الحراره بتختلف من كارت الى اخر يعنى انت مجرد بتضبط المراوح لتقليل معدلات درجات الحراره فقط
انما لا اعتقد انك ممكن تحدد اقصى درجه حراره ممكن يوصلها الكارت لأن في كارت مثلا حرارته الطبيعيه تحت الضغط مثلا فى حالتى الكارت GTX 1050Ti فى حدود الستينات
و فى كارت تانى حرارته الطبيعيه تحت الضغط فى السبعينات مثلا و هكذا لكن انت فقط من خلال الضبط ده بتضمن عدم تعدى درجة الحراره فى الكارت للمعدلات الطبيعيه اللى الكارت متصمم عليها من الشركه المصنعه
و ممكن تقلل معدل الحراره عن المعدل الطبيعى للكارت بشئ بسيط. اتمنى تكون المعلومه وصلت لحضرتك اخى العزيز.

و لكن الضبط للبرنامج سهل للغايه اتبع الخطوات:
افتح الصفحه زى فى الصوره و اختار Advanced settings ثم Manual settings
بعدين روح على المنحنى و شاور بالماوس على المنحنى نفسه (الخط البرتقالى) و اضغط فى اى مكان على الخط البرتقالى و خليك ضاغط عليه
و اسحب بالماوس هاتلاقيه عمل لوحده دائره بيضاء زى اللى فى الصوره و تقدر تحركها فى اى مكان لضبط الحراره مقابل سرعة المراوح.
و بعد عمل عدة دوائر حركهم لضبط المنحنى و لو شاورت بالماوس على اى دائره منهم هايظهرلك سرعة المراوح عند درجة الحراره للنقطه المشار عليها بالماوس (يعنى مثلا عند 55 درجه سرعه المراوح هى 50 %)
و لا تنسى بعد الانتهاء من الضبط الضغط على Apply لتسجيل البروفايل و يمكنك عمل عدة بروفايلات مختلفه عن طريق اختيار Profile من نفس الصفحه فى الاعلى كما فى الصوره و عمل ضبط مختلف لكل بروفايل للانتقال بينهم بسهوله.
و ممكن تجرب الضبط زى اللى فى الصوره بالضبط و الضبط ده الكارت المراوح فيه لا تعمل الى عند وصول درجة الحراره الى 45 درجه طبعا ممكن تضبطها براحتك لبدأ العمل عند اى درجة حراره اخرى .
جرب و قولنا ايه النتيجه.



تسلم اخى الكريم بارك الله فيك جربتها وعرفت اظبطها بس الحمد لله اول مافتحت msi afterburner كله راح D-:
مش عارف جايز عشان عاملها فى msi المروحة تشتغل auto ولا ايه ولا لازم اكون فاتح البرنامج عشان البروفايل يتفعل

N3V3RMiND.2016
09-05-2017, 21:45
تسلم اخى الكريم بارك الله فيك جربتها وعرفت اظبطها بس الحمد لله اول مافتحت msi afterburner كله راح D-:
مش عارف جايز عشان عاملها فى msi المروحة تشتغل auto ولا ايه ولا لازم اكون فاتح البرنامج عشان البروفايل يتفعل
نعم يا اخى الفاضل يجب ان يكون البرنامج مفتوح لكى يتم تفعيل البروفايل و انت ممكن تشغل البرنامج و تنزله Minimized بالضغط على العلامه التى فى اعلى يمين البرنامج (علامة -)
و طبعا لازم الغاء تفعيل تحكم المراوح فى برنامج الMSI AB لأنك طبعا ماينفعش انك تستخدم تحكم من برنامجين مختلفين فى نفس الوقت

شوف انا شخصيا شغلت برنامج الجيجابايت و فعلت تحكم المراوح و شغلت فى نفس الوقت برنامج الMSI AB فقط لأظهار بيانات الهاردوير على الشاشه اثناء اللعب و لكن الغيت تفعيل تحكم المراوح من الMSI AB
جرب تلغى ضبط المراوح من الMSI AB و تفعلها فقط فى برنامج الجيجابايت و تشغل الMSI AB فقط لل OSD

صراحه اختفاء الضبط ده غريب لو ممكن ترفعلنا صوره لبرنامج الجيجابايت من صفحة ضبط المراوح
و اتأكد انك ضغط على Apply بعد الضبط لأن من غيرها كأنك لم تضبط شئ.

Eslam Mohamd
09-05-2017, 22:05
نعم يا اخى الفاضل يجب ان يكون البرنامج مفتوح لكى يتم تفعيل البروفايل و انت ممكن تشغل البرنامج و تنزله Minimized بالضغط على العلامه التى فى اعلى يمين البرنامج (علامة -)
و طبعا لازم الغاء تفعيل تحكم المراوح فى برنامج الMSI AB لأنك طبعا ماينفعش انك تستخدم تحكم من برنامجين مختلفين فى نفس الوقت

شوف انا شخصيا شغلت برنامج الجيجابايت و فعلت تحكم المراوح و شغلت فى نفس الوقت برنامج الMSI AB فقط لأظهار بيانات الهاردوير على الشاشه اثناء اللعب و لكن الغيت تفعيل تحكم المراوح من الMSI AB
جرب تلغى ضبط المراوح من الMSI AB و تفعلها فقط فى برنامج الجيجابايت و تشغل الMSI AB فقط لل OSD

صراحه اختفاء الضبط ده غريب لو ممكن ترفعلنا صوره لبرنامج الجيجابايت من صفحة ضبط المراوح
و اتأكد انك ضغط على Apply بعد الضبط لأن من غيرها كأنك لم تضبط شئ.

تمام اخى الكريم زى ماحضرتك قولت بالظبط لازم فعلا اكون مشغل البرنامج ولاغيت المرواح من برنامج msi af وخليتها تشتغل 78% لما الحرارة توصل ل60 والحمد لله شغالة كويس ودرجة الحرارة اقصاها 64 موصلتش ل70 الحمد لله وضفت ريزلوشن 1080p للشاشة وجربت عليه الالعاب ولغيت خاصية dsr بصراحة حاجه تانيه نعومة وتفاصيل اوضح مع تقليل بعد الاعدادات حصلت على صورة وفريمات ممتازة الحمد لله وشكرا جزيلا اخى الفاضل على مجهودك جزاك الله كل خير

N3V3RMiND.2016
09-05-2017, 22:20
تمام اخى الكريم زى ماحضرتك قولت بالظبط لازم فعلا اكون مشغل البرنامج ولاغيت المرواح من برنامج msi af وخليتها تشتغل 78% لما الحرارة توصل ل60 والحمد لله شغالة كويس ودرجة الحرارة اقصاها 64 موصلتش ل70 الحمد لله وضفت ريزلوشن 1080p للشاشة وجربت عليه الالعاب ولغيت خاصية dsr بصراحة حاجه تانيه نعومة وتفاصيل اوضح مع تقليل بعد الاعدادات حصلت على صورة وفريمات ممتازة الحمد لله وشكرا جزيلا اخى الفاضل على مجهودك جزاك الله كل خير

طيب تمام الحمد لله ان الحراره اتعدلت و سعيد جدا انى استطعت اساعدك اخى الكريم
ربنا يهنيك بالكارت و جزاك الله كل خير.

Eslam Mohamd
09-05-2017, 22:59
طيب تمام الحمد لله ان الحراره اتعدلت و سعيد جدا انى استطعت اساعدك اخى الكريم
ربنا يهنيك بالكارت و جزاك الله كل خير.

شكرا لك اخى الكريم وشكرا لذوقك الى بيدل على اخلاقك العالية وانت كمان اخى الكريم ربنا يباركلك فى مااعطاك وزادك من نعيمه

Black foxer
11-05-2017, 12:42
انا في ادارة عرب هاردوير من 2012 طول الفترة دي عمري ما شوفت اداري بيكتب مواضيع تقنية وبيشارك و بينظم في المنتدى بالشكل ده ولا هشوف
حضرتك تقريبا مش بس مغطي على كل الاسئلة والاستفسارات الي بتدور في عقل اي مستخدم سواء جديد او قديم محترف او هاوي بشكل شبه شامل لأ حضرتك بتضيف لمسة بتجذب القارىء انه يكمل للاخر غصب عنه ....

صدقني انا كنت بكره اني ابحث في اي محتوى عربي عن اي استفسار او اخبار بسبب السوء و النقل كوبي وبيست من المصادر الاجنبية وكنت بستمتع بالمصادر الاجنبية لكن بدون مجاملة مبقتش افتحها ولا ادور فيها لاني لقيت مرجع كامل للهاردوير اسمه Phenomenon مدير منتديات عرب هاردوير بلاقي عنده كل حاجة

الكلام مش هيوفي اي جزء ولو 1% من حقك وانا واثق مليون في المية لو اليوم اكتر من 24 ساعة حضرتك كنت هتغطي اقسام السوفتوير و الموبايلات بنفس الشكل الي اقسام الهاردوير اصبحت عليه بفضل الله ثم مجهودك الكبييييييييييييييييييييييييييييييييييييييييير جدا

ربنا يبارك فيك وميحرمناش منك ولا من مواضيعك الي بتفيد الجميع ولي رجعة ان شاء الله على كل الي فاتني و هقعدلك على الخاص استفسر على كل كلمة لحد ما تعملي بلوك D-: بس اخلص المصيبة الي ورايا دي