مساعده في اختيار case and power supply

[abdalhaliem]

السلام عليكم اخواني
تكمله للموضوع
انا نزلت امبارح وقدرت الحمد لله اجيب الباور سابلاي لوحده من غير جهاز .
وللاسف الكيسه الكولر ماستر 690 بعد ما الناس قالت موجوده قالولي انها خلصت
وتقريبا مش موجوده في البستان بس موجوده في سوق العصر .

البرسسور والماذر بورد روحت عند النخيلي قالي موجود بس من غير ضمان او تقريبا
ضمان المحل او حاجه زي كده بس مش ضمان الوكيل وقالي ان الاسبووع الجاي هيكون
متوفر بالضمان بتاعه ... وقالي مش هتلاقيه بضمان حاليا عند معظم الناس ...فقلقت بصراحه وقلت استني للاسبوع
الجاي يكون متوفر وان شاء الله ابقي انزل اجيبهم . او اخليهم يشحنوهم لو انا مش موجود حاليا في القاهره

يعجبنى جدا العضو المحترم

الذى يستمر بأشراكنا معه

وليس كمن سأل سؤال

وعندما أتته الأجابه

ذهب ولم يبالى

أحسنت أخى الكريم

وشكراا جزيلا على أشراكنا معك

بالتوفيق

[امحمد1987]

يعجبنى جدا العضو المحترم

الذى يستمر بأشراكنا معه

وليس كمن سأل سؤال

وعندما أتته الأجابه

ذهب ولم يبالى

أحسنت أخى الكريم

وشكراا جزيلا على أشراكنا معك

بالتوفيق



العفو اخي العزيز .. اللي يستحق الشكر فعلا هو انتوا ... فجزاكم الله كل خير
وكل سنه وانتوا طيبين ...ورمضان كريم ... وربنا يجعلها كلها ايام خير ورحمه وبركه علي
كل الامه الاسلاميه ..اللهم امين.

* لو سمحتلي يا غالي استفسار بسيط ... لو كان في امكانيه ان اخلي البرسسور AMD RYZEN 7 1700 8-core
هل هيفرق كتير في الاداء ولا لا ؟

* ثانيا انا عندي كارت دش TeVii S464 DVB-S2 PCI فهل هيشتغل علي الماذر بورد المذكوره ولا لا علما بأن الكارت pci

* الباور سابلاي فعلا حاجه تستاهل مع اني لسه مش شغلته :) ... بصراحه مردتش قولت الكيسه القديمه مش هينفع عليها حاجه زي دي :)
يعني تقدر تقول قولت خساره لان فعلا باين علي الباور الجوده والكفاءه حتي من شكله من غير ما اشغله :) .

[abdalhaliem]

العفو اخي العزيز .. اللي يستحق الشكر فعلا هو انتوا ... فجزاكم الله كل خير
وكل سنه وانتوا طيبين ...ورمضان كريم ... وربنا يجعلها كلها ايام خير ورحمه وبركه علي
كل الامه الاسلاميه ..اللهم امين.


ورمضان كريم عليك أخى الكريم

أعاده الله عليك وعلى الأمه الأسلاميه

باليمن والبركات



لو سمحتلي يا غالي استفسار بسيط ... لو كان في امكانيه ان اخلي البرسسور AMD RYZEN 7 1700 8-core


بالتأكيد هناك فرق بالأداء

لكن هل أنت بأحتياج لذلك ؟؟؟؟؟؟؟



ثانيا انا عندي كارت دش TeVii S464 DVB-S2 PCI فهل هيشتغل علي الماذر بورد المذكوره ولا لا علما بأن الكارت pci



جيد جداا أنك قمت بذكر هذا

تلك صوره لبوردتك

وقارن سلوت الكارت الذى عندك بال PCI

الذى على تلك اللوحه

https://static.gigabyte.com/Product/2/6166/2017021011363642_big.png





الباور سابلاي فعلا حاجه تستاهل مع اني لسه مش شغلته :) ... بصراحه مردتش قولت الكيسه القديمه مش هينفع عليها حاجه زي دي :)
يعني تقدر تقول قولت خساره لان فعلا باين علي الباور الجوده والكفاءه حتي من شكله من غير ما اشغله


ههههههههههههههههههه

ربنا يباركلك فيه ويكفيك شره

تحياتى لك أخى الكريم

[امحمد1987]

بالتأكيد هناك فرق بالأداء

لكن هل أنت بأحتياج لذلك ؟؟؟؟؟؟؟





والله يا غالي مش الفكره في كده انا لقيت ان الفرق مابين الاتنين مش كبير اووي يعني فقولت
بدل ما اجيب الــ R5 ممكن اجيب الــR7 علشان مغيرش بعد فتره لان مش بحب التغير كل شويه
فقولت لو يستاهل يعني يبقي بالمره .






جيد جداا أنك قمت بذكر هذا

تلك صوره لبوردتك

وقارن سلوت الكارت الذى عندك بال PCI

الذى على تلك اللوحه

https://static.gigabyte.com/Product/2/6166/2017021011363642_big.png



دي يا غالي صوره الكارت بتاعي
https://images-na.ssl-images-amazon.com/images/I/41le6Q-Xf6L.jpg

تقريبا Legacy PCI
والبورده تقريبا بتدعم PCIE فمش عارف بصراحه هينفع يركب ولا لا
لان لو مش هيركب في نفس البورده دي من ASUS وفيها Legacy PCI

[abdalhaliem]

والله يا غالي مش الفكره في كده انا لقيت ان الفرق مابين الاتنين مش كبير اووي يعني فقولت
بدل ما اجيب الــ R5 ممكن اجيب الــR7 علشان مغيرش بعد فتره لان مش بحب التغير كل شويه
فقولت لو يستاهل يعني يبقي بالمره .



طالما الفرق بسيط فلتذهب مع ال R7




تقريبا Legacy PCI
والبورده تقريبا بتدعم PCIE فمش عارف بصراحه هينفع يركب ولا لا
لان لو مش هيركب في نفس البورده دي من ASUS وفيها Legacy PCI



فعلا الكارت كما ذكرت

لابد من توافر الشق المناسب لكى يعمل

[امحمد1987]

طيب تمام كده
شوف حضرتك ايه رأيك في الماذر بورد دي
GA-AX370-Gaming 5
فيها بالمناسبه pci

[N3V3RMiND.2016]

طيب تمام كده
شوف حضرتك ايه رأيك في الماذر بورد دي
GA-AX370-Gaming 5
فيها بالمناسبه pci


هذه اللوحه ممتازه جدا اخى العزيز و هى بشريحه x370 يعنى اعلى حاجه لفئة معالجات الRyzen
و هى بسعر 5250 فى السوق المصرى

[امحمد1987]

هذه اللوحه ممتازه جدا اخى العزيز و هى بشريحه x370 يعنى اعلى حاجه لفئة معالجات الRyzen
و هى بسعر 5250 فى السوق المصرى

شكرا جزيلا لك اخي العزيز علي الافاده

[امحمد1987]

استكمال للموضوع :)

نزلت القاهره امبارح وقولت فرصه اجيب الكيسه الكولر ماستر 690 III وتقريبا اخي N3V3RMiND.2016 (https://arabhardware.net/forum/member.php?u=11335915)
حضرتك كنت بتفكر في الكيسه دي وانا جبتها بناءا علي اقتراحك بس غالبا معظم الشركات الكيسه مش متوفره عنده
فلو حبيت حضرتك تجيبها هتلاقيها عند هاي ايند .... لاني نيو فيجين والبدر ومش عارف مين تاني مش متذكر مش متوفره
عندهم للاسف ....فلو هتنزل قريب هتلاقيها ان شاء الله عند هاي ايند وممكن اصورلكم الكيسه عن قرب وارفعلكم الصوره
بتاعتها لو محتاجينها .

بس للاسف برضه انا ما زلت متوقف عند اختيار الماذر بورد الي الان ... لان محتاج الماذر بورد تكون متوفره علي منفذ
PCI علشان كارت الدش وللاسف في معظم البوردات الحديثه غير متوفر ... فمش عارف هل في حل اني اجيب بورده
من الفئات العاليه x370 ويكون في طريقه اقدر من خلالها اشغل كارت الدش عليها . ولو لا

هيكون قدامي احد البوردتين دول هما اللي متوفرين علي منفذ PCI اللي انا محتاجه في الماذر بورد
asus prime b350-plus وفيها منفذين PCI والبورده التانيه

msi b350 tomahawk وفيها برضه منفذين PCI

فايه راي حضراتكم وانهي الانسب ... ؟ في الانتظار

[abdalhaliem]

الأخ الكريم

أنا لاأجد كارت الستالايت عائقاا

ممكن أن تبيع هذا النوع وتوجد أنواع تعمل على شق pcie

قم بشراء أحد تلك الكروت الحديثه

أصلا ال pci العادى بطريقه للأنقراض رويداا رويداا

أما أذا كانت القصه صعبه

فالبوردتين

asus prime b350-plus


https://www.asus.com/websites/global/products/VwPFgEIfpjwpuwyF/images/mb/mb.jpg


والأخرى

msi b350 tomahawk



https://images10.newegg.com/NeweggImage/ProductImageCompressAll1280/13-144-018-V03.jpg?w=660&h=500&ex=2



اللوحتان رائعتان وذو شريحه واحده ( b350 )

لكنى أميل ألى ال asus

وكل عام وأنتم بخير

[امحمد1987]

الف شكر لك اخي عبد الحليم
المشكله اني صعب الاقي كارت دش كويس في السوق زي اللي موجود معايا يكون pcie
وللاسف مقدرش استغني عنه ومش بحب الUSB منه علشان مشاكله كتيره فتقريبا كده
هجيب ال asus prime b350-plus وامري لله .

وبنسبه كبيره هجيب الباندل ده مع بعض
AMD RYZEN 7 1700X 8-Core Desktop Processor + Asus PRIME B350-PLUS Motherboard (https://www.********.com/en/product/amd-ryzen-7-1700x-8-core-desktop-processor-asus-prime-b350-plus-motherboard-el-nekhely-technology)

بالنسبه للرامات لو حبيت اختار رامات للماذر بورد انا عملت زي ما حضرتك كنت قولتي
قبل كده وشوفت مجموعه من الرامات من قائمه المانويال بتاع البورده بس في رامات كتيره
ومش عارف انهي نوع بيكون افضل هل الي التردد بتاع عالي او اللي الcl اقل او ايه ؟
و كان بيكون في اختلاف في الكود ممكن يكون في اخر رقم او حرف هل دا هيفرق كتير
دي بعض الامثله اللي الاقيتها

Crucial Ballistix Tactical 16GB Kit (2 X 8GB) DDR4 2666
CL16 1.2V (BLT2C8G4D26AFTA)

Kingston HyperX FURY Black 8GB DDR4 2400MHz
CL15 1.2v (HX424C15FB/8)

Kingston HyperX Savage 8GB DDR4 3000MHz
CL15 1.35v (HX430C15SB2/8)

Corsair Vengeance LPX 16GB (2 X 8GB) DDR4 3000MHz
CL15 1.35V Dual Channel Memory Kit (CMK16GX4M2B3000C15)

انهي الافضل ما بينهم من حيث الكفاءه ؟

ونفس الكلام عملته مع الSSD ولقيت ده متوافق مع الماذر بورد

Intel 535 Series M.2 120GB SATA III MLC Internal Solid
State Drive (SSD) (SSDSCKJW120H601

فايه رأي حضراتكم كده دي اخر حاجه وصلتها لو اي ملاحظات تاني يا ريت تقولولي
علشان لو اوك هطلبهم بكره او انزل القاهره ان شاء الله واجيبهم .
في الانتظار

[N3V3RMiND.2016]

اولا شكرا جزيلا لك اخى على التنبيه على مكان توافر الكيسه جزاك الله كل خير.

بالنسبه للرامات انا صوتى سيكون ل
Kingston HyperX Savage 8GB DDR4 3000MHz
(يجب ملاحظة ان الرامات التى عرضتها علينا تختلف فى السعه يعنى هذه الرامه هى 8GB ولكن طبعا يمكنك شراء منها رامتين حسب رغبتك)

و لكن ان وجدت فى قائمة الرامات المتوافقه رامات من نوع G.Skill Ripjaws فهى ستكون ممتازه
ويوجد فى السوق الرامات التاليه:
G.skill Ripjaws 4 16GB (2 X 8GB) DDR4 3000 CL15 1.35V (F4-3000C15D-16GRBB)
متوفره فى هاى اند بسعر 2400 جنيه فقط تأكد من الكود وطبعا الكود للرامه يجب ان يكون متوافق مع الكود فى القائمه من صفحة اللوحه.

اخيرا بانسبه للهارد الصلب الSSD انصحك بالهارد التالى:
Crucial MX300 2.5 Inch 275GB SATA 6Gb Internal Solid State Drive (SSD)
و سعره 1700 جنيه و لكن هذا الهارد يوصل Sata3 و ليس M.2

و لكن يوجد من نفس هذا الهارد على هيئة M.2 و لكن يجب التأكد من توافقه مع اللوحه ايضا.
و اليك قائمة بجميع الهاردات المتوافقه مع اللوحه (اللوحه Asus Prime B350-Plus):
https://dlcdnet.asus.com/pub/ASUS/mb/SocketAM4/PRIME_B350-PLUS/PRIME_B350-PLUS_Devices_report.pdf?_ga=2.195036140.1544643187 .1496421117-1625050277.1486955820 (https://dlcdnet.asus.com/pub/ASUS/mb/SocketAM4/PRIME_B350-PLUS/PRIME_B350-PLUS_Devices_report.pdf?_ga=2.195036140.1544643187 .1496421117-1625050277.1486955820)

و الهارد الانتل ليس سئ ايضا هو سيكون ممتاز لأنه M.2.
و الف مبروك عليك اخى الكريم ربنا يباركلك و يهنيك بالجهاز الجديد.

[abdalhaliem]

النسبه للرامات لو حبيت اختار رامات للماذر بورد انا عملت زي ما حضرتك كنت قولتي
قبل كده وشوفت مجموعه من الرامات من قائمه المانويال بتاع البورده بس في رامات كتيره
ومش عارف انهي نوع بيكون افضل هل الي التردد بتاع عالي او اللي الcl اقل او ايه ؟
و كان بيكون في اختلاف في الكود ممكن يكون في اخر رقم او حرف هل دا هيفرق كتير
دي بعض الامثله اللي الاقيتها



بصراحه شديده لم يحدث معى أن قمت بتركيب

رامات بنفس الترددات والتوقيت والفولتيه

التى تدعمها اللوحه ولم تعمل

نهائياا

حتى وأن لم تكن موجوده بالمانويل

لكننا هنا بالمنتدى نلتزم أقصى درجات الحذر

ونفترض أن من يقوم بالشراء أو التجميع

خبرته قليله جداا

لذلك نشدد دائماا على الألتزام بالمانويل

لكن منطقياا طالما القيم واحده ستعمل بلا أدنى مشكله

وطالما ستقوم بأقتناء معالج AMD Ryzen

‎أذا ففعلا تلك الرامات ممتازه جداا

Kingston HyperX Savage 8GB DDR4 3000MHz


https://76.my/Malaysia/kingston-hyperx-savage-black-8gb-ddr4-3000mhz-cl15-mem-hx430c15sb2-8-fissiontech-1703-02-FissionTech@2022.jpg



والتردد العالى ممتاز

ومبروك مره أخرى


وكل عام وأنتم بخير

[امحمد1987]

الله يخليكم يا جماعه والله شاكر ليكم تعبكم ومجهودكم المتواصل معايا ... الف شكر لكم

بالنسبه للرامات
G.skill Ripjaws 4 16GB (2 X 8GB) DDR4 3000 CL15 1.35V (F4-3000C15D-16GRBB)

اللي موجود بقائمه المانويل التالي
G.SKILL F4-3000C15D-32GVR 32GB ( 16GB*2 )
Heat-Sink Package
15-15-15-35 1.35V 3000

هل كده فيهم اختلاف ولا الارقام الاخيره بتبقي مساحه الرامات اللي تم التجربه عليها ؟
علشان لو كده يبقي خلاص هجيب رامتين من
Kingston HyperX Savage 8GB DDR4 3000MHz

بالنسبه لاختياري لهارد ال ssd الانتل علشان بس لقيته في المانويل ومتوفر في السوق .
والمتوفر من Crucial MX300 في الاسواق
Crucial MX300 525GB M.2 (2280) Internal Solid State Drive (SSD) (CT525MX300SSD4) (https://www.********.com/en/product/crucial-mx300-525gb-m-2-2280-internal-solid-state-drive-ssd-ct525mx300ssd4--el-nekhely-technology)
Crucial MX300 275GB M.2 (2280) Internal Solid State Drive (SSD) (CT275MX300SSD4) (https://www.********.com/en/product/crucial-mx300-275gb-m-2-2280-internal-solid-state-drive-ssd-ct275mx300ssd4--el-badr-group)

ودا اللي موجود في مانويل اللوحه
CT128M550SSD4

M500-1202

CT250MX200SSD4


ولو الهارد اللي حضرتك رشحته هيأدي نفس الغرض يبقي خلاص مفيش المشكله
انا بفاضل ما بينهم في الي هيكون كويس ويتوافق مع اللوحه ؟

في الانتظار وشكرا لكم مره اخري . جزاكم الله كل خير

[abdalhaliem]

بالنسبه للرام كما قولنا أعلاه

طالما القيم واحده لاتوجد مشكله
***********

وبالنسبه للهارد m.2

بصراحه أنا لى رأى مختلف

أذا كنت لاتستطيع شراء نفس الموديل الذى بالمانويل

والهارد محل النقاش كما ذكر الأستاذ N3V3RMiND


هذا الهارد يوصل Sata3 و ليس M.2



فأين توجد المشكله ؟؟؟؟

خد بالك ال m.2 من تلك النوعيه

سرعاتها كهاردات ال ssd العاديه

https://i.imgur.com/D2gNglA.png


المقصود أن الماركه أعلاه يوجد منها ( m.2 ) ويوجد منها ( ssd )


https://c.dns-shop.ru/thumb/st1/fit/800/650/465a533a6486bf88d275bbe1735bf68d/070354b4d9c5269057a33341f3a174d0550efbf82da0e4f831 217c4093b99526.jpg


والمفروض الهاردان سرعتهم

read speeds up to 530 MB/s and write speeds up to 510

وهذا موقعهم

https://www.crucial.com/usa/en/storage-ssd-mx300



طبعاا ال ( m.2 ) موفر للطاقه أكثر لكن ليست

تلك بميزه تجعلك تخاطر

قم بشراء هارد ssd sata3

وتوكل على الله


وكل عام وأنتم بخير

[امحمد1987]

تمام يا غالي
شكرا جزيلا لك
هاوافيكم بأي جديد ان شاء الله

[abdalhaliem]

تمام يا غالي
شكرا جزيلا لك
هاوافيكم بأي جديد ان شاء الله


الشكر لله عزيزى

بأنتظارك بأى وقت

كل عام وأنتم بخير

[امحمد1987]

السلام عليكم اخواني
انهارده حاولت اطلب الماذر بورد والبرسسور والرامات والهارد .
بس وانا بطلبهم البائع قالي معلومه مش عارف مدي صحتها
ان البورده لازم ليها كارت شاشه خارجي علشان تشتغل لان البرسسور
تقريبا مش فيه فيجا ... وبالتالي لازم كارت شاشه خارجي . ؟ فأنا قلقت
لان تقريبا هأجل كارت الشاشه شويه فهل االكللام ده صحيح ؟

غير كده قالي برضه ان الماذر بورد مش هتكون داعمه لكسر السرعه بتاع البرسسور Ryzen 7 1700X
مع اني قاري ان هيا داعمه كسر السرعه لمعالجات رايزن فهل هتكون داعمه ليه بالكامل ولا لنسبه معينه
او ترددات معينه ؟ فانا قولت اسألكم برضه وانتوا تفيدوني ؟

الماذر بورد asus prime b350 plus
البروسسور Ryzen 7 1700X

[N3V3RMiND.2016]

و عليكم السلام و رحمة الله وبركاته,

فعلا للأسف اخى الكريم المعالج لا يوجد به معالج رسوميات مدمج (كارت شاشه مدمج) فى داخله!
يعنى للأسف جميع معالجات الRyzen لا تحتوى على معالج رسوميات مدمج و سوف تحتاج الى كارت شاشه خارجى بالتأكيد.

بالنسبه لكسر السرعه فاللوحات من شريحة B350 المفروض انها مفتوحه لكسر السرعه
و لكن ربما تكون الشركات المصنعه تقوم باغلاق بعض الخصائص فى البايوس و منها قابلية كسر السرعه
ولذلك اعتقد الطريقه الوحيده للتأكد هى ايجاد مراجعات لتلك اللوحه تحديدا لمعرفة مدى دعمها لكسر السرعه من عدمه.

بالتوفيق و كل عام و انت بخر.

[abdalhaliem]

الأخ الكريم

من بدايه ترشيحى لك لتجميعه من RYZEN

رشحنا لك كارت شاشه وأرجع ألى المشاركات الأولى !!!

وتصورنا أنك قد حسمت أمرك بالنسبه لكارت الشاشه

بالنسبه لجميع معالجات RYZEN لايوجد بها معالج رسومى مدمج

وهذا له أسبابه ولكن مجاله ليس هنا

ولكن جميع معالجات RYZEN قابله للكسر

القصه فى البورده

وتلك الشريحه قصتها غريبه

الموقع الرسمى ل ( AMD )

يقول أنها داعمه للكسر


من هنا (https://www.amd.com/en-us/products/chipsets/am4#)


ولكن من خلال مصادر من هنا وهناك

مصادر تقول شريحة B350 داعمه للكسر

ومصادر اخر تؤكد عدم دعمها للكسر

لكن الثابت والأكيد أن شريحه ( X370 )

داعمه للكسر

لكنى أعتقد أن مشكلتك الحاليه ليس الكسر

بل المشكله هى المعالج الرسومى المدمج

مع انك ببدايه موضوعك كنت تسأل عن ال ( CUDA )

بكروت NVIDIA

فى أنتظار ردك

وكل عام وأنتم بخير

[phenomenon]

داعمه للكسر فعلاً لكن شريحة B350 ليست بنفس كفائة X370 ( إعتبرها Average Overclocking ) و ممكن اي شركه تقفل ميزة كسر السرعه إذا كان موديل اللوحه موجهه للاستخدام القياسي بسعر بسيط
لكن لوحه زي ASUS Prime B350 PLUS داعمه بس ممكن تكتفي جداً بتردد 3.6GHz / 3.7GHz على أقصى تقدير عشان مترفعشي درجة حرارة البورده
و ربما يكون وضعها افضل مع المبردات الهوائيه عن المائيه لكن تذكر ان الكسر بيحتاج بيئة كسر قويه كمزود ومشتت تبريد قوي و تهويه جيده من الكيس
بالتوفيق

[امحمد1987]

اشكركم يا جماعه علي الدعم المتواصل جزاكم الله خير.

نعم اخي عبد الحليم ان شاء الله هشتري كارت شاشه اساس الموضوع ان كنت بحدث الجهاز علشان كارت الشاشه
بس لما لقينا ان الافضل هو تغيير الجهاز ككل . قولت هغيره بس علي مراحل وقولت هأجل كارت الشاشه حاليا
علي الاقل شهر او اثنين بالكتير ... بس لم اكن اعلم ان المعالج لا يحتوي علي كارت فيجا وبالتالي الجهاز مش
هيشتغل الا بالكارت الخارجي .. اعذروا جهلي معلش :)... لان الجهاز القديم عندي اصلا شغال مش غير كارت خارجي
فأنا كنت احسب المعالج هيكون زي اللي عندي وهيشتغل علي الاقل فتره مؤقته لغايه ما اجيب كارت الشاشه ان شاء الله
بس المعلومه لما اتقالتي اتصدمت بصراحه :) :) وقولت اتأكد منكم .

مش عارف يا جماعه كل ما احاول اظبطها من ناحيه ... تطلعي حاجه غريبه جديده :) . "غريبه بالنسبالي طبعا "

طيب حضراتكم تنصحوني بأيه ؟

انا ممكن انزل المعالج لــ AMD RYZEN 7 1700 مع نفس الماذر بورد واحاول اجيب كارت الشاشه بالمره
زي مثلا gtx 1060 .. فأيه رايكم .... ولا في حل افضل من كده ؟

[امحمد1987]

بالنسبه لموضوع كسر السرعه يا جماعه انا معنديش خبره اصلا في الكلام ده خالص
واعتقد مش هيكون فارق معايا كتير واختياري للبورده دي كان علي اساس انها بتحتوي
علي Leagcy pci علشان موضوع كارت الدش بتاعي .
بس انا بحب لما اجيب حاجه ... اجيب بالمره علشان مش احتاج اغيرها بعد فتره
صغيره او لما احتاج لتقنيه معينه في المستقبل
برضه تكون متوفره عندي ... لان جايز اكون مش محتاج ليها دلوقتي ...
بس ممكن اكون في احتياج ليها بعد كده . ووقتها مكونش محتاج اني اغير الجهاز ككل .

[N3V3RMiND.2016]

الشكر لله اخى الكريم,
و مفيش مشاكل ان شاء الله كل مشكله و ليها حل,

و الله المعالج الR7 1700 مازال معالج ممتاز جدا و ايضا الكارت GTX 1060 سيكون مناسب جدا لشاشات دقة 1080p
يعنى لو حضرتك المعالج مناسب ليك مفيش مشاكل و توكل على الله
و ممكن لو تستطيع الانتظار شهر او 2 كما ذكرت انك كنت تنوى تأجيل كارت الشاشه شهرين و لكن تشترى الجهاز كامل بعد شهرين بمعالج R7 1800x و معاه كارت الشاشه.
اما لو مستعجل على الجهاز فالمعالج R7 1700 مازال معالج ممتاز للغايه فى رأيى و انتظر اراء باقى الزملاء.
بالتوفيق ليك و كل عام وانتم بخير.

[abdalhaliem]

تمام

أنظر أخى أحمد

لايعلم ظروف الأخرين ألا الله تعالى

وأنت وظروفك

حتى لاتضغط نفسك

أنا من البدايه من أقترح عليك تجميعه ryzen

لكن لاتوجد مشكله أطلاقا من أقتناء تجميعه من أنتل

وتذهب مع معالج ( i7 - 7700 )

وهو به معالج رسومى مدمج قوى

Intel® HD Graphics 630

نحن لانشتتك أخى الكريم

فقط نضع أنفسنا مكانك مع أرتفاع الأسعار

أدرس ميزانيتك جيدا ونحن معك بأى قرار

بالمناسبه موضوع الكسر هذا لاتضعه عائقاا أمامك

فبالغالب لن تحتاجه

وملحوظه مهمه تجميعه أنتل أيضا ستكون قويه جدا

فراجع ميزانيتك وأذا أردت تأجيل كارت الشاشه الأن

فتوكل على الله وأذهب مع أنتل

وكل عام وأنتم بخير

[امحمد1987]

والله ياجماعه الواحد مش عارف يقولكم ايه علي دعمكم ده ومجهودكم المتواصل معايا .
وياريت لو في حاجه اقدر اقدمها ليكم وللمنتدي ياريت تبلغوني علي الخاص .
حاليا لا املك الا الدعاء لكم يأن يوفقكم الله ويجازيكم الف خير .
وهشوف الدنيا هتمشي معايا ازاي برضه وابلغكم ان شاء الله .

[abdalhaliem]

حاليا لا املك الا الدعاء لكم يأن يوفقكم الله ويجازيكم الف خير



أصدقك القول أخى الكريم

ماذكرته أعلاه أسمى أمانينا

كل عام وأنتم بخير