مساعده في اختيار case and power supply

[امحمد1987]

السلام عليكم ورحمه الله وبركاته

كنت عايز اشتري باور سابلاي كويس وكيسه كويسه علشان ان شاء الله لو حبيت اجيب كارت
شاشه خارجي ... لان الباور اللي عندي من النوع التجاري .

فدورت في المنتدي فلقيت الناس بتشكر في
Seasonic M12II 620W EVO Edition 620-Watt 80 PLUS Bronze Full Modular PSU

وبرضه لقيت ناس بتقول علي ده كويس
SeaSonic S12II Bronze 620W 80 PLUS Certified PSU

وفرق السعر مابينهم مش كبير وفي كمان ال 520 وات فأنا محتار شويه علاوه علي اني عايز اجيب كيسه
فدورت لقيت كيسه
Thermaltake Commander MS-III Mid Tower + 500W PSU
ودي بيبقي معاها باور 500 وات وسعرها بالباور اقل فأيه احسن الاختيارات . ؟

اشتري باور منفصل ولا باور بالكيسه ؟ اكيد الارجح باور منفصل .. طيب لو مشيت مع الحل ده ياريت ترشحولي
كيسه كويسه تكون التهويه بتاعتها جيده علاوه علي سهول الفك والتركيب للقطع زي الهاردات وغيره .
كنت شوفت كيسه
nzxt phantom 410 mid-sized tower
عجبتني بس سعرها حسيت انه مبالغ فيه شويه ولا انتوا ايه رايكم . ؟

اخر حاجه لو حابب اشتري كات شاشه كويس يكون ال cuda بتاعته عاليه ...
انا مش من هواه الالعاب اووي يعني بس اخري بيس وبرامج زي الـ vmware
وبرامج فك تشفير وكده وممكن اشغل قنوات اتش دي او
الترا اتش دي علي الكمبيوتر عن طريق كارت الدش .

امكانيات جهازي
processor 15 2400
ram 4 ddr3
motherboard h61 s2p
hard disk WD 1000 ezex and 500
hard disk Seagate 2000
cart dish tvii464 s2

الميزانيه مش محدده
ولو عند حضراتكم اي اقتراحات اخري مفيش مشاكل
شكرا جزيلا لكم وجزاكم الله كل خير

[امحمد1987]

ايه يا جماعه مفيش حد عنده اي اقتراحات ؟؟

[Yasser]

مبدئيا طالما ميزانيتك تسمح والحمد لله بالسيسونيك يبقى هو اولى طبعا من كيسه بباورها ثيرمالتك وانتظر ....اما تزكيه موديل معين من السيسونيك عن الاخر فاتركه للاخوه انتظر رأيهم .... بس المشكله انى باسمع ان الباورات دى فى مصر مش بتتباع الا لو بتجمع كيسه كامله كقيد وضعته الشركات

[امحمد1987]

شكرا جزيلا لردك اخي العزيز
انا بالفعل سألت علي الباور والحمد لله قالي ممكن يطلع لوحده مفيش مشاكل.

في انتظار باقي الاراء .
ياريت يا جماعه تقولولي علشان احتمال اجيبهم بكره او بعده .. انا كنت ناوي انهارده بس للاسف محدش رد.

[abdalhaliem]

الأخ الكريم تعالى نتفق مبدئياا

أن باور Seasonic من أفضل الباورات هو ونوعيه EVGA

وأى نوعيه منهم ستكون جيده

وأكيد كما ذكر لك الأخ ياسر الباور منفصل أفضل كثيراا

وبالنسبه للكيس الفارغه برأيى أى كيس ذو تهويه جيده سيكون كافى

فأنا لسب من أنصار أنفاق الأموال فى الكيس الفارغ

لكن أذا كنت تحب فلا بأس فقط قم بمراجعه هذا الموضوع

https://arabhardware.net/forum/showthread.php?t=454736


وبالنسبه لكارت الشاشه

الترشيحات ماأسهلها

لكنك لن تذهب مع كروت عاليه جداا لسببين

أولهما بأنه قد آن الآوان لترقيه جهازك

لكى يساير التطور وقوه الكروت الحديثه

ثانى شىء أنك لست من هواه الألعاب على حد قولك

لذلك أرى أن ال 1050ti مناسب

لمتطلباتك ومناسب أيضا لجهازك

وأعذرنا على التأخير بالرد

فقط لم ننتبه للموضوع

بالتوفيق أخى الكريم

[امحمد1987]

الف شكر لحضرتك يا استاذ عبد الحليم يعلم الله اني منتظر ردك من امبارح. لاني اثق جدا في اراء الاخوه هنا في عرب هاردوير. وانت واحد من الذين اثق برأيهم جدا .

تمام يبقي ان شاء الله هنزل اجيب الباور غدا او بعد غد علي حسب الوقت. بس برأي حضرتك ايه الافضل ما بينهم ولا اي واحد هيفي بالغرض ولو عند حضرتك ترشيحات تاني يسعدني اسمعها.

بالنسبه فعلا لترقيه جهازي انا حاليا بعمل كده وقولت ابدأ بالباور وكارت الشاشه. وبعدين اشوف
الرامات والمازر بور لان اكيد المازر بورد بتاعتي قديمه شويه. بس لو غيرت المازر بورد هحتاج اغير البروسيسور والرام ؟؟

اخر حاجه الكارت اللي حضرتك ذكرته هيفي بالغرض معايا يعني مثلا هيشغل قنوات 4k علي كارت الدش وهيبقي سريع في كسر البيس "نوع من انواع التشفير الخاص بالقنوات "
لان لو كده فعلا هاخد برأي حضرتك وانزل اجيبه بالمره ...

شاكر ليك اهتمامك ومجهودك والف شكر ليك مره اخري

[phenomenon]

مبدأياً مش هتقدر تشتري سواء هذا أم ذاك لانهم مش بيخرجوا حالياً إلا مع حواسب كامله
ربما يكون حظك حلو عن معظمنا لكن عموما كلا المزودان هم واحد من الداخل ( تقريبا واحد تماماً ) جوده واحده وكفائه واحده

الفرق ان نسخة EVO M ممكن التعديل على كابلات الباور بحريه لان نسخة S12II يشتهر عنها قصيره جداً و لكن مناسبه و لكن ليست مناسبه
للترتيب الأمثل بداخل الصناديق الاحترافيه

phantom 410 اشتريتها من اربعة سنوات ب 800 جنيه وهذا هو سعرها الحقيقي و لكن الزمن تغير اخ محمد

فكر في صناديق كولار ماستر برو الحديثه فعلى الأقل هي حديثه وتم استيرادها بالدولار الحالي

لم تذكر كارت شاشه قوي فممكن الإكتفاء بصندوق ملحق بمزود طاقه ( بالتأكيد سيظل الباور المعتمد افضل وخاصة لما نكون بنتكلم في نوع زي Seasonic )
و لكن حتى الآن لم تذكر نوع كارت الشاشه

Coolermaster MasterBox 5 سعرها 1400 بشركة البدر جروب

[امحمد1987]

الف شكر لحضرتك استاذ phenomenon
جزاك الله كل خير علي كل الدعم والمجهود اللي بتقدموه لينا.

انا ناوي اشتري كارت شاشه قوي يقعد معايا فتره بس زي ما قولت لحضرتك انا مش من هواه الالعاب التقيله ... يعني عايز استخدمه في كسر انظمه التشفير ومشاهده قنوات ال4k علي كارت الدش
واكيد برنامج زي الvmware دا الاستخدام الاساسي بس ميمنعش برضه لو حبيت العب يكون كويس وميبقاش عائق بالنسبالي. فلو الاقتراح الي قاله الاستاذ عبدالحليم هيحقق الكلام ده همشي معاه لو في افضل منه يبقي تمام.

بالنسبه حضرتك للباور انا كلمت الشركه وقالوا بيطلع لوحده مفيش مشكله ...

لو حضرتك شايف ان ال
Coolermaster MasterBox كويسه في التهويه وفيها سهوله في فك القطع بتاعتها زي الهاردات وكده يبقي خلاص هتوكل علي الله واجيبها.
في انتظار حضراتكم ... والف شكر ليكم مره اخري

[abdalhaliem]

القصه أخى الكريم

عندما قمت بترشيح كارت الشاشه 1050ti

كنت أضع بأعتبارى أنتقاء كارت شاشه

يستطيع جهازك التعامل معه بدون وجود عنق الزجاجه القبيح

لو تلاحظ بردى أعلاه قلت لك هذا الكارت يناسبك

ويناسب جهازك

وكقاعده عامه

كلما زادت قوه كارت الشاشه كلما أحتجت

معالجا أقوى لأستخراج كامل قوه كارت الشاشه

وبرأييى المتواضع طالما تبحث عن المثاليه بالأداء

أعكس الهرم

قم بشراء بندل قوى أذا كان جيل رابع مستعمل

ستستخدم راماتك بحاله بوافق التردد مع اللوحه الجديده

وأذا كان البندل جيل سادس أو سابع ستشترى رامات ddr4

معذره أن كنا خرجنا على الموضوع

لكنى أحدثك بصدق لقد آن أوان الترقيه

بالنسبه للباور طالما تستطيع أن تشتريه منفرداا

فخير وبركه توكل على الله

وموضوع الكيس كما ذكرت لك أعلاه حريه شخصيه

وبالنسبه لكارت الشاشه

كان ممكن أن أانصحك ب1060

فهو أفضل كثيراا

لكن سيكون أداؤه ليس كأداؤه وهو مع معالج i5 جيل سادس مثلا

وكارت 1050ti

مناسب لجهازك الحالى

بالتوفيق أخى الكريم

[امحمد1987]

نعم استاذ عبد الحليم اعلم انك عندما رشحت الكارت السابق كنتي تراعي امكانيات الجهاز التي سيعمل معها هذا الكارت .... ولاحظت ايضا من كلامك انه فعلا حان وقت الترقيه .... بس اعتقد كده اني هغير الحهاز ككل صح كده ؟

ومفيش المشكله ان الموضوع خرج عن اطاره الفكره اني عايز احدث جهازي علشان يلبي متطلباتي فلو وصلت الي اني اغيره ككل يبقي مفيش مانع.

تمام كده انا فعلا هاخد برأي حضراتكم وهغير الجهاز ككل وكمرحله اولي هشتري الباور والكيسه وكارت الشاشه اللي حضراتكم ترشحولي.

وكمان شهر هحاول اغير المازر بورد والبرسسور برضه باللي حضراتكم ترشحوه بس انا مبحبش المستعمل... اكيد هشتري القطع جديده.

في انتظار ارائكم... ومعلش تعبتكم معايا
الف شكر ليكم

[abdalhaliem]

تمام أخى الكريم

حقيقه الأمر لقد أتخذت القرار الصائب

مع ملاحظه أنك ممكن تستعمل الهاردات

وتبيع البورده + المعالج + الرام بحدود 2000 جنيه

************************

نأتى للمهم

نحن سنرشح لك الجهاز مره واحده

وحضرتك قسمه كيفها شئت بمعنى الباور وكارت الشاشه الأن

العكس البورده والمعالج والرام أولا كما تحب

لكننا سنقوم بترشيح القصه كامله مرعاه للتوافق

أذا كان يناسبك هذا

فضلا لاأمرا

قم بوضع ميزانيه تقريبيه

وهل أنت من محبى أنتل أم من الممكن

أن نرشح لك بندل amd ryzen

بأنتظارك أخى الكريم

[N3V3RMiND.2016]

Coolermaster MasterBox 5 سعرها 1400 بشركة البدر جروب

طيب ممكن اقترح كيسه اخرى؟:)
و صراحه هى كيسه احبها و انوى شرائها فى المستقبل القريب ان شاء الله حسب الظروف, شخصيا بعد مطالعه الكثير من الموجود حاليا فى السوق فى نفس الفئه السعريه تقريبا,
اقترح على الاخ صاحب الموضوع الكيسه : Cooler Master 690 III (سعرها فى السوق المصرى حوالى 1600 جنيه)

https://www.youtube.com/watch?v=dfeEZi02eQE

[امحمد1987]

تمام اخي عبد الحليم جزيل الشكر لحضرتك
والله انا مش حاطط ميزانيه معينه انا سايبها لله
المهم ان القطع تكون كويسه... يعني انا مش عايز اعمل جهاز في حدود 30000 وانا في الاخر مش هستخدمه لانه مخصص للالعاب التقيله وفي نفس الوقت مش عايز اعمل جهاز ب10000 واجي اعمل عليه حاجه معينه الاقي مينفعش ومحتاج احدثه ... حضرتك فهمت قصدي ؟

بصراحه مجربتش amd معظم تعاملي كان مع انتل فتقدر تقول من مفضلي انتل وليس هناك سبب :) . المهم اللي حضراتكم هترشحوه هجيبه بغض النظر عن حبي ليه من عدمه .

حضرتكم قولولي الجهاز كامل وانا هجيبه علي مراحل زي ما حضرتك قولت ... جزيل الشكر ليك اخي العزيز

[امحمد1987]

شكرا لحضرتك استاذ N3V3RMiND.2016
انا كنت خلاص هجيب الكيسه اللي قال عليها استاذ phenomenon بس تقريبا في منها نسخه عاديه ونسخه pro والبرو سعرها مبالغ فيه شويه .
بصراحه الكيسه اللي حضرتك عرضتها جميله جدا
وتقريبا فيها معظم اللي بدور عليه.
فلو حضراتكم شايفين انها كويسه يبقي خلاص اتوكل علي الله واجيبها ... شاكر لحضرتك اهتمامك واقتراحك جزاك الله كل خير .

[abdalhaliem]

تمام

أنا سوف أبدأ بالعكس :)

سوف أبدأ بال amd rayzen


هذا تصور مبدئى قابل للنقاش كما تحب


معالج AMD Ryzen 5 1600


AMD Ryzen 5 1600 Processor with Wraith Spire Cooler

بسعر 219 $

https://www.amazon.com/s/ref=nb_sb_n...h+Spire+Cooler (https://www.amazon.com/s/ref=nb_sb_noss/143-0071379-6055912?url=search-alias%3Daps&field-keywords=AMD+Ryzen+5+1600+Processor+with+Wraith+Sp ire+Cooler)


https://images-na.ssl-images-amazon.com/images/I/41jC7ePZk+L._AC_US327_QL65_.jpg




*****************************

GIGABYTE GA-AB350


GIGABYTE GA-AB350-Gaming AMD RYZEN AM4 B350
SMART FAN 5 HDMI M.2 SATA USB 3.1 Type-A ATX DDR4 Motherboard


بسعر 109.85 $


https://www.amazon.com/GIGABYTE-GA-A...M4+Motherboard (https://www.amazon.com/GIGABYTE-GA-AB350-Gaming-RYZEN-SMART-Motherboard/dp/B06XDNB3G4/ref=sr_1_fkmr0_1?ie=UTF8&qid=1495293853&sr=8-1-fkmr0&keywords=Gigabyte+GA-AB350-Gaming+3+Socket+AM4+Motherboard)



https://images-na.ssl-images-amazon.com/images/I/91wOVn6TJTL._SL1500_.jpg



********************************************

G.SKILL


G.SKILL Ripjaws V Series 16GB (2 x 8GB) 288-Pin DDR4 SDRAM DDR4 2666
Desktop Memory Model F4-2666C15D-16GVR


بسعر 116.52



https://www.amazon.com/G-SKILL-Ripja...400+CL15+1.20V (https://www.amazon.com/G-SKILL-Ripjaws-288-Pin-Desktop-F4-2666C15D-16GVR/dp/B013J7LQYO/ref=sr_1_fkmr0_2?ie=UTF8&qid=1495293964&sr=8-2-fkmr0&keywords=G.skill+Ripjaws+V+16GB+%282+X+8GB%29+DDR4 +2400+CL15+1.20V)



https://images-na.ssl-images-amazon.com/images/I/416fE%2Bv7ArL.jpg



********************************

Radeon RX 570



ASUS (https://www.bestbuy.com/site/asus-flip-2-in-1-13-3-touch-screen-laptop-intel-core-i3-6gb-memory-500gb-hard-drive-aluminum-black/8731082.p?id=1219362858579&skuId=8731082) ROG Strix Radeon RX 570 O4G Gaming OC Edition GDDR5
DP HDMI DVI VR Ready AMD Graphics Card (https://www.amazon.com/s/ref=nb_sb_noss?url=search-alias%3Delectronics&field-keywords=graphics%2Bcards) (ROG-STRIX-RX570-O4G-GAMING)


بسعر 199.99


https://www.amazon.com/ASUS-ROG-STRI...-O4G-GAMING%29 (https://www.amazon.com/ASUS-ROG-STRIX-RX570-O4G-GAMING-GDDR5-Ready-Graphics/dp/B06Y5WGXX3/ref=sr_1_1?s=electronics&ie=UTF8&qid=1495295431&sr=1-1&keywords=ASUS+ROG+Strix+Radeon+RX+570+O4G+Gaming+O C+Edition+GDDR5+DP+HDMI+DVI+VR+Ready+AMD+Graphics+ Card+%28ROG-STRIX-RX570-O4G-GAMING%29)



https://images-na.ssl-images-amazon.com/images/I/91VwCahw5XL._SL1500_.jpg





*********************************


Corsair Force MP500 Series M.2 SSD (https://www.ebay.com/sch/Consumer-Electronics-/293/i.html?_nkw=solid+state+drives) 120GB Internal Drive (CSSD-F120GBMP500

بسعر 90.47


https://www.amazon.com/Corsair-Force...rds=ssd+120+gb (https://www.amazon.com/Corsair-Force-MP500-Internal-CSSD-F120GBMP500/dp/B01MQU72O9/ref=sr_1_13?s=electronics&ie=UTF8&qid=1495294469&sr=1-13&keywords=ssd+120+gb)



https://images-na.ssl-images-amazon.com/images/I/81fSi-Q7FmL._SL1500_.jpg





بـأجمالى قدره 735.83 $


وأهم شىء بالنسبه للرام والهارد

مراجعه مانويل اللوحه التى تستقر عليها

وتختار عن طريق الكود الذى على الرامه والهارد

لكن أعلاه كان ترشيح مبدئى

طبعاا ستستخدم هاردان ال hdd للتخزين عادى

وهارد ال m.2 ssd للنظام

فكر بتلك الترشيحات وأعطنا رأيك

على فكره معالجات amd ryzen

قادمه بقوه وبكفائه تحسدها عليها أنتل نفسها

لسنا نفضل هذا على ذاك

لكننا نلقى الضوء

لعلك لم تنتبه لنزول تلك الفئه من المعالجات الجباره

وبكل الأحوال سنرفق لك تجميعه من أنتل


بأنتظارك لأبداء الرأى

[امحمد1987]

والله يا استاذ عبد الحليم انا مش عارف اقول لحضرتك ايه علي تعبك ومجهودك ده.. ربنا يجازك كل خير ويحقق لك ما تتمني ... اللهم امين.

بالنسبه لترشيحات حضرتك طبعا في غايه الروعه
وانا قرأت بسيط جدا عن المعالجات الجديده ل amd وانها بالفعل نقله كبيره .. بس انا من زمان وانا عندي تصور ان انتل افضل كثيرا من amd ولا اعرف السبب برضه :) . لابد انه كان تصور خاطئ.

طيب هل لو انا حبيت بعد كده اغير المعالج واجيب انتل i7 مثلا هل هيكون في مشكله ؟ يعنل هيبقي الجهاز قابل للتطور بعد كده ولا هيحكم عليا اني استخدم حاجات معينه.

ثانيا كارت الشاشه اللي حضرتك رشحته يدعم الcuda ولا لا علشان دا شئ اساسي في كسر انظمه التشفير ان كارت الشاشه تكون بيدعم الcuda زي ما موجود في كروت نفيديا وهل برضه لو حبيت اغيره لحاجه زي نيفيديا عاليه هيكون في مشكله ولا عادي ؟

الحاجه الاخيره في عمليه الشراء بعض المكونات مش هتكون متوفره داخل مصر يعني مثلا الهارد مش متوفر.. البرسسوراللي موحود موجود مع المازر بورد دي
Gigabyte GA-AB350-Gaming 3 Socket AM4 Motherboard + AMD RYZEN 5 1600 6-Core 3.2GHz 16MB (3.6GHz Turbo)
Socket AM4 65W Desktop Processor
اعتقد انه مختلف عن اللي حضرتك رشحته انما الرمات موجود وايضا كارت الشاشه.

مش عارف بقي الشراء من الخارج ايه ظروفه مجربتش خالص بس اتعاملت مع المواقع الاونلين اللي هنا زي سوق وجوميا بس محربتش امازون لو في طريقه كويسه ومضمونه يبقي تمام

طبعا مهما اقول واعيد عن مدي شكري لحضراتكم والله مش هيوفي حقكم.. فجزاكم الله الف خير.

[abdalhaliem]

وبالنسبه لأنتل

سيبقى كارت الشاشه ال rx580 كما هو

وسيبقى الرام والهارد كما هما

مع التذكر دائما لابد من الرجوع أولا

لمانويل اللوحه الأم التى تستقر عليها

ومقارنه الأكواد التى تدعمها اللوحه

ومقارنتها بالأكواد التى على الرام + الهارد m.2ssd

سنرشح لك بورده + معالج من أنتل فقط

***********************

Gigabyte GA-H270-Gaming 3 Socket 1151 Motherboard


السعر بالسوق المصرى

2525

وعلى أمازون

$114.99


https://www.amazon.com/GIGABYTE-GA-H270-Gaming-LGA1151-Crossfire-Motherboard/dp/B01N0TQRY7/ref=sr_1_fkmr0_1?ie=UTF8&qid=1495541859&sr=8-1-fkmr0&keywords=+Gigabyte+GA-H270-Gaming+3+Socket+1151+Motherboard



https://static.gigabyte.com/Product/2/6125/20161123135614_big.png






intel
Intel Core I5-7500 6M 4-Core 3.4GHz LGA 1151 Desktop Processor

السعر بالسوق المصرى

3600

وعلى أمازون

$188.00


https://www.amazon.com/Intel-Skylake-Desktop-Processor-BX80662I56500/dp/B010T6CWI2/ref=sr_1_fkmr2_2?ie=UTF8&qid=1495542355&sr=8-2-fkmr2&keywords=intel%09+Intel+Core+I5-7500+6M+4-Core+3.4GHz+LGA+1151+Desktop+Processor



https://i.ebayimg.com/00/s/MTIwMFgxNjAw/z/bLMAAOSwrhBZCm8I/$_57.JPG?set_id=8800005007



بأنتظارك أخى الكريم لأبداء الرأى


تحياتى

[abdalhaliem]

الشكر لله أخى الحبيب

بالنسبه لردك الأخير لم أشاهده ألا بعد الأضافه الأخيره

باالنسبه لل Cuda

فهى خاصه بكروت nvidia فقط

لكن تقابلها تقنيه ب amd تسمى

Stream Processors

لكن أذا كنت تحتاج تقنيه ال Cuda

دون غيرها فلا بأس عليك بأحد كروت nvidia

سيكون الخيار عندك بين 1060 أو 1070 حسب الميزانيه

لكن بصوره عامه ال 1060 ممتاز جداا

ملحوظه بسيطه لو ذهبت مع amd لن تستطيع الأنتقال

لأى معالج من أنتل

تلك قصه أخرى تماما

( بورده+ سوكيت + تكنولوجى ) مختلف تماماا

كروت الشاشه ستعمل على كلا المنصتين

الرامات + الهارد ستعمل على كلا المنصتين

بشرط دعم التردد والكود كما ذكرنا أعلاه

لكن المعالج لن تستطيع التنقل من هذا ألى ذاك

لذلك أذا كنت من ملاك amd وتريد التغيير ألى أنتل

لابد من تغيير اللوحه مع المعالج

والعكس صحيح

أرجوا أن أكون قد وفقت بأيصال الصوره أليك

بالتوفيق أخى الكريم

[abdalhaliem]

بالنسبه للشراء من أمازون

الطريقه سهله جداا وقد قام الأخوه هنا بشرحها

عند نيتك الشراء سيقوم الأخوه بأرشادك لاتوجد مشكله

بالتوفيق

[امحمد1987]

تمام كده الصوره بقت اوضح .
انا شايف ان حضراتكم بتشكروا في المعالجات الجديده ل amd وانها هتحقق فارق كبير عن انتل الايام دي . فخليني مع ترشيح حضرتك الاول الخاص بamd بس مع تغير كارت الشاشه لنفيديا 1060 او 1070 ايهما اقرب زي ما حضرتك وضحت. هل كده هيكون في تعارض ولا عادي ؟؟. علشان لو هيبقي في مشاكل يبقي خليني مع الاقتراح التاني .

فضلا لو امكن رابط الموضوع الخاص بشرح الشراء من امازون

[abdalhaliem]

الأخ الكريم

توجد مواضيع عديده بالمنتدى

كمثال هذا الموضوع

https://arabhardware.net/forum/showthread.php?t=450355&highlight=%D8%D1%ED%DE%E5+%C7%E1%D4%D1%C7%C1+%E3%E 4+%C3%E3%C7%D2%E6%E4

وغيره الكثير فقط تجول بالمنتدى

ونعم تستطيع الترقيه لأى معالج ولكن amd ryzen

وهنا جدول بكل المعالجات التى تدعمها اللوحه التى قمنا بترشيحها

https://www.gigabyte.us/Motherboard/GA-AB350-Gaming-3-rev-10#support-cpu

بالتوفيق

[امحمد1987]

السلام عليكم اخواني
انا لقيت البرسسور موجود هنا الحمد لله والماذر بورد لقيت الاصدار ده
Gigabyte GA-AB350-Gaming 3 Socket AM4 Motherboard ولما قريت عنها شويه لقيت ان في ناس بتقول انها فيها مشاكل مع اللينكس فأيه رأي حضراتكم في الكلام ده ... لاني بحتاج اللينكس في بعض الامور في شغلي.

بالنسبه للهارد الm.2 ssd استاذ عبد الحليم مش لاقيه فهل في بديل مناسب ليه ولا دا افضل حاجه ؟

بالنسبه للرمات لاقيت الاصدار ده فمش عارف هو مختلف عن اللي حضرتك رشحته ولا مفيش فرق.لان تقريبا في اختلاف في الارقام ولو مفيش فرق هل هومناسب للوحه الام لان حضرتك دايما بتأكد ان انظر علي ارقام اللوحه الام وارقام الرام والهارد ... وانا بصراحه مش فاهم قصد حضرتك.

G.skill Ripjaws V 16GB (2 X 8GB) DDR4 2400 CL15 1.20V (F4-2400C15D-16GVR)

[abdalhaliem]

مش فاهم قصدى ؟؟؟؟

تمام أخى الكريم

البورده اللى حضرتك أرفقتها بردك السابق

Gigabyte GA-AB350-Gaming 3 Socket AM4 Motherboard

لو دخلت هنا

https://www.gigabyte.us/Motherboard/GA-AB350-Gaming-3-rev-10#support-doc

ستجد جدول

به خانات

Memory Support List

M.2 Support List

SSD Support List

وهى خاصه بملفات pdf

لبيان الرامات والهاردات المدعومه

أذا أردت ألقاء نظره على جدول الرامات من تبويب Download

ستقوم بتحميل الملف الذى به جدول الرامات المدعومه

وهكذا ...............

وبالنسبه للشق الأول من سؤالك

لم أسمع مسبقاا بشىء هكذا ولاأعتقد بأمكانيه صحته

وبالنسبه للسوق المصرى ستتعب حقيقه معه

ستجد أشياء وأخرى لن تجدها

لذلك نفضل أمازون

ربنا يوفقك ببحثك

بالتوفيق

[امحمد1987]

الف الف شكر لحضرتك
هتابع معاك لو جد اي جديد
جزاك الله كل خير

[abdalhaliem]

الف الف شكر لحضرتك
هتابع معاك لو جد اي جديد
جزاك الله كل خير


جزاك الله وأيانا خير الجزاء

بأنتظار جديدك

بالتوفيق

[abdalhaliem]

لقد لاحظت أنك قمت بعمل موضوع هنا


https://arabhardware.net/forum/showthread.php?t=456445&page=5&p=3115512#post3115512

باأكرر ياأخى الكريم

أستقر على البورده أولا

وراجع المانويل أولا قبل شراء هارد ال m.2 أو ال ram

ولو محتاج مساعده أذكر هذا

لابد أن تراجع المانويل أولا

القصه ليست بشراء هارد ورامات وبورده ومعالج

وأجمعهم وسيعملون بأى كيفيه

القصه بالتوافق ( Compatibility )

ومايصلح لتلك البورده

لايصلح لهذه البورده

ألا قد بلغت اللهم فاأشهد

[امحمد1987]

والله يا غالي انا كنت عايز اعرف سعرهم من بره واجيبهم زي ما حضرتك رشحتهم لو مش لقيتهم هنا
ومش عايز اتقل عليكم بالاستفستارات . جزاكم الله خير علي اللي بتقدموه

بالنسبه للبورده اللي قولت عليها لحضرتك دي موجود هنا كان بس بعض الناس علي امازون بيقول ان حصل معاهم بعض المشاكل مع اللينكس . لو المشكله دي زي ما حضرتك بتقول مش موجوده يبقي خلاص هستقر عليها ان شاء الله وحضرتك رشحلي رامات وهارد متوافقين معاها يكونو برضه موجودين هنا . واتوكل علي الله وانزل اجيبهم

جزاك الله خير علي التنبيه.

[abdalhaliem]

لا فعلا واضح أننى لم أنجح

بأيصال ماأقصده أليك

أنظر أخى الكريم

كل لوحه أم قبل نزولها للأسواق

يتم أختبارها من قبل الشركه المصنعه

وأختبار مايتوافق معها من رامات وهاردات m.2 ssd

وبعد تلك الأختبارات يقومون بأرفاق القائمه

التى بها أسماء تلك القطع ( رامات وهاردات )

وتلك القائمه هى التى نسميها مانويل الذى نوهنا عنه بمشاركتنا السابقه

والقائمه تكون بها الأسماء التى تسمى أكواد

فعندما تريد شراء رامه تأكد من الكود الذى بالقائمه

لهاذا نقول دائما وأبداا قم بشراء اللوحه الأم أولا

هى أساس البناء وكل شىء يتصل بها ومن خلالها

مثلا الهارد الذى رشحتهولك لاحظ أسمه

وأسمه هنا الكود

https://i.imgur.com/kUYlvXF.png



وعندما نقوم يتحميل ملف ال pdf كما ذكرت بمشاركتى السابقه

ستجد الأكواد هكذا

https://i.imgur.com/UmeDQf4.png



الأن عندما تريد شراء رامه يجب أن تتأكد أولا

من وجود الكود الذى عليها بالقائمه ( المانويل )

ونفس القصه للهارد m.2

أظن الصوره وضحت

أعتقد ذلك

[امحمد1987]

نعم اخي الصوره وضحت تماما
انا بس بثق في كلامكم لان زي ما حضرتك شايف
بيبقي في انواع كثيره من الرمات موجوده داخل المانويل وبترددات مختلفه علي ما اعتقد . فكان ترشيحكم لاي حاجه اكيد هتبقي افضل من اختياراتي انا.. لان اختيارك انت هيبقي عن معرفه وخبره اكثر مني .. بس علشان كده كنت دايما بقول حضرتك شايف ايه او رأيك ايه وهكذا.

شاكر تعبك ومجهودك ومتابعتك للموضوع
الف شكر

[امحمد1987]

السلام عليكم اخواني
تكمله للموضوع
انا نزلت امبارح وقدرت الحمد لله اجيب الباور سابلاي لوحده من غير جهاز .
وللاسف الكيسه الكولر ماستر 690 بعد ما الناس قالت موجوده قالولي انها خلصت
وتقريبا مش موجوده في البستان بس موجوده في سوق العصر .

البرسسور والماذر بورد روحت عند النخيلي قالي موجود بس من غير ضمان او تقريبا
ضمان المحل او حاجه زي كده بس مش ضمان الوكيل وقالي ان الاسبووع الجاي هيكون
متوفر بالضمان بتاعه ... وقالي مش هتلاقيه بضمان حاليا عند معظم الناس ...فقلقت بصراحه وقلت استني للاسبوع
الجاي يكون متوفر وان شاء الله ابقي انزل اجيبهم . او اخليهم يشحنوهم لو انا مش موجود حاليا في القاهره