المساعد الشخصي الرقمي

مشاهدة النسخة كاملة : نظره سريعه على (2017) Nokia 3310



Yasser
02-06-2017, 14:01
بسم الله الرحمن الرحيم




https://static.independent.co.uk/s3fs-public/thumbnails/image/2017/02/14/15/nokia-snake-game.jpg

أعلم ماقد تسببه الصوره السابقه لنا تقريبا ..

.فمنا من يعود بالذكريات ومنا من سيبتسم ومنا سيقول اللهم انى صائم !

نعم انه الهاتف الاكثر رسوخا فى ذاكراتنا نوكيا 3310 القديم .. الهاتف الذى باعت

منه نوكيا ملايين النسخ على مستوى العالم ... تتذكرون طبعا لعبه الثعبان الشهيره

والتى كانت وسيله التسليه الوحيده قبل الفيس بوك !

كان آيفون عصره وقتها ووسيله لاظهار الشياكه بجرابه المعلق فى الحزام ,وايضا وسيله للتباهى

لا اعلم كيف ولكنه كان كذلك وقتها!!!!!

اتذكر مره رمته معلمتى فى المدرسه فى الشارع وهو جديد بعدما صدر منه الاهتزاز المعروف

خوفا ^^

وطبعا حدث ولا حرج عن البطاريه وقوه التحمل !!!


https://i2.kym-cdn.com/photos/images/newsfeed/000/232/788/1ab.jpg


طبعا دوام الحال من المحال وبعد سنين وانهيار نوكيا وصعود نجم الهواتف الذكيه التى نعرفها جميعا اصبح الحديث

عنه وعن جيله دربا من الخيال ....لكن انتظروا جميعا .............................

هاهى نوكيا تفاجئنا وتقلق ستيف جوبز فى مرقده وتخرج

Nokia 3310 2017 !!!
https://i.czc.cz/flmqvqf042gdm8a9nhbkilq86e_1/obrazek




https://scontent-cdg2-1.xx.fbcdn.net/v/t31.0-8/18814945_760830614085724_8410145712963183914_o.jpg ?oh=86b25ce70f840edabb0f36a022967700&oe=59E28F93
ففى خطوه يعتبرها المراقبون انها مجرد جذب انظار تمهيدا لعوده نوكيا محاوله المنافسه فى السوق مره اخرى والدليل انه فى يوم الاعلان عنه كان هناك 3

موديلات اخرى من فئه الsmart phones خرجت للنور .... فعلى خلاف جده الاكبر الذى صفحه مميزاته الويكيبيديا معظمها ( غير موجود ) وكانها تسرد الغير موجود وليس الموجود

فهو طبعا فى الفئه العاديه جدا فقط هو الشكل القديم محسن ب4 الوان وشاشه ملونه وكاميرا رديئه وبطاريه جميله ...وموقع الشركه بيطمنكوا ان لعبه الثعبان موجوده !!!!!!

فهو يصلح كهاتف ثان لمن يحتاج واحد اخر بديلا للقمامه الصينيه المتاحه فى اسواقنا ....

اذن مارأيكم ....هل يستحق فرصه اخرى ام هو مجرد دعايه لشركته

https://cdn1.recombu.com/media/mobile/Devices/Nokia/3310%202017/3310vs1_w720_h418.jpg

وشكرا جزيلا

Black_Spy
02-06-2017, 18:10
عاجباني فكرة انهم يعملوا نسخه جديده من موديل قديم زي 3310 وشايف فعلا انها محاوله لشد الانتباه فعلا ودي طريقه كويسه

الموبايل ينفع طبعا للناس اللى مش غاويه سمارت فون وكل المطلوب مكالمات عاديه وخلاص

بس بصراحة الفكره كانت تبقي احلي لو كان نفس شكل الموبايل فعلا بس سمارت فون وكانت المواصفات تكون اقوي مثلا او شبه السمارت فون الموجود حاليا كانت هتسمع وتشد الانتباه اكتر

Yasser
02-06-2017, 20:03
https://youtu.be/3hlhjGMWpYg

abdalhaliem
02-06-2017, 20:25
أحسنت أخى ياسر

والله كان موبايل محترم

أياليت الزمان يعود يوماا :):)

الزمان وليس الشباب :):):)

وكل عام وأنتم بخير

Yasser
02-06-2017, 23:07
أحسنت أخى ياسر

والله كان موبايل محترم

أياليت الزمان يعود يوماا :):)

الزمان وليس الشباب :):):)

وكل عام وأنتم بخير



بيفكرنى بأيام الزمن الجميل لما كان المصرى يشحن كارت مكتوب عليه 100 جنيه يشتريه ب110 وياخد رصيد 90 ^^ .... وكالعاده ردك تحت اى موضوع يزيده قيمه, جزاك الله خير !

Yasser
03-06-2017, 16:51
عاجباني فكرة انهم يعملوا نسخه جديده من موديل قديم زي 3310 وشايف فعلا انها محاوله لشد الانتباه فعلا ودي طريقه كويسه

الموبايل ينفع طبعا للناس اللى مش غاويه سمارت فون وكل المطلوب مكالمات عاديه وخلاص

بس بصراحة الفكره كانت تبقي احلي لو كان نفس شكل الموبايل فعلا بس سمارت فون وكانت المواصفات تكون اقوي مثلا او شبه السمارت فون الموجود حاليا كانت هتسمع وتشد الانتباه اكتر








هما بيشدوا الانتباه فعلا ....لكن عشان يخش السوق تانى فى ظل المنافسه والحيتان اللى استحوزا على حصه نوكيا السوقيه كده هيكون عليهم فعل الكثير !!! ...شكرا للمرور الجميل .

phenomenon
05-06-2017, 09:42
اللهم إني صايم :)
لا فعلاً ذكريات رائعه لكن مش لكل الأعمار
لازم تكون بين 25 الى 30 عام على اقل تقدير عشان تفهم قدر التحفه الاثريه دي

في إحدى المرات سقط مننا تليفون 3510 من سطح دور ثالث على الارض و كان سليم بدون ادنى مشكله ( لم يحتاج حتى لنزع بطاريته و تركيبها من جديد )
للاسف كلما تفوقت التكنولوجيا كلما كانت اكثر حساسيه و عرضه للتلف

انا اشتريت تليفونات نوكيا بعدد شعر الرأس 3310 جالي هديه لكن بداية اختياري كانت 3200 و بعدها الباندا هديه و بعدها الانجيدج بدل و تلاه الدمعه و الديفل مخلتش

قلبت علينا على راي الاستاذ الفاضل عبد الحليم ليت الزمان يعود

انا رأيي فكره صحيحه من الشركه بغض النظر عن اي نقض موجهه ليهم لكن الفكره بوضوح انهم بيفكرونا بالتليفون اللي كان في ايد معظم شعوب العالم
في اوروبا والدول المتقدمه :) كانت الالكاتل و السوني اريكسون متقدمين لانهم كانوا من اول الصناع بس نوكيا كانت مغرقه اسيا

اشكرك اخي الفاضل ياسر على الخبر الجيد اعتقد ان معظم من لهم ذكريات مع تليفون نوكيا متحمسين لعودة الشركه ويتمنوا لها النجاح مثل الآخرين

Yasser
05-06-2017, 11:52
في إحدى المرات سقط مننا تليفون 3510 من سطح دور ثالث على الارض و كان سليم بدون ادنى مشكله ( لم يحتاج حتى لنزع بطاريته و تركيبها من جديد )
للاسف كلما تفوقت التكنولوجيا كلما كانت اكثر حساسيه و عرضه للتلف




فعلا ..حاليا تليفونى لما بيقع من ايدى مش من الدور ال3 بينزل 3 قطع :)

N3V3RMiND.2016
06-06-2017, 00:53
وانا اول موبايل كان معايا كان من شركة اريكسون كان اسمه 688 Ericsson و كان قد الجزمه اللى فى رجلى وقتها D-:

و الموبايل ده فضل شغال الى ان بطاريته و التى كانت من النيكل و ليست ليثيوم تعطلت و لم تعد تعمل قمت بتغييرها عدة مرات الى ان اختفت من السوق بطبيعة حال التطور!
و لكن الموبايل نفسه فضل شغال بلا اى مشكله على الرغم من انه تعرض لحوادث كثيييره جدا :$
يسقط من السلم مره و يسقط فى الشارع مره و اخيرا يسقط فى الماء ليعلق على حبل الغسيل و يجف وهو سليم ويعمل ;) ;)
https://s-media-cache-ak0.pinimg.com/originals/10/91/c0/1091c01382e545b24d130937885bc894.jpg


ثم بعده وقع فى يدى اعداد كثيره من موبايلات النوكيا مثل افضل موبايل كنت احبه كان الموبايل 6210 و ايضا الموبايل 7210
https://i.ebayimg.com/00/s/NTc4WDUxMQ==/z/Fw0AAMXQzr1RyfKK/$(KGrHqJ,!rQFGtufRblKBRyfKKsQ+Q~~60_58.JPG



و كنت ايضا استخدمت موبايل كان جالى من قريب و كان من نوع Siemens و هو كان اصغر موبايل استخدمته فى حياتى الى الان مش فاكر اسمه تحديدا و لكن كان ما يميزه انه صغير جدا و لا يوجد له Antenna
صوره الموبايل الSiemens وكانت تجربته جيده بخلاف ان عيبه ان الشبكه ساقطه على طول!!
https://l7.alamy.com/zooms/3ac51a71b80a444f9e7d215fc7a3f134/siemens-cell-mobile-phone-cntk52.jpg
اخيرا دفعت مبلغ و قدره ايامها و اشتريت موبايل من نوع Nokia N90 و هو مازال لدى فى الدرج حتى الان و لكن طبعا لا يعمل بسبب ان البطاريه تعطلت و غير متوفره فى السوق بالطبع
و لكنى احببته جدا و هو تليفون مميز جدا فى التصميم فى رأيى و لكن طبعا يعيبه الحجم العملاق جدا 8)

و انتهى بى الامر اننى اشتريت منذ اعوام التليفون Nokia C5-06
و هو التليفون الذى استخدمه حتى اليوم لأنى لم اعد اهتم بالتليفونات اطلاقا على الرغم انى كنت ملقب بخبير التليفونات المحموله لدى عائلتى فى السابق لشغفى وقتها و معرفتى بكل ما يخص الموبايلات حينها.

اخ ياسر نحن نأسف للأزعاج و لكن انت فتحت لدينا ذكريات الماضى الذى نسيناه و لكن ايضا اكررها مثل باقى الزملاء ليت الماضى يعود يوما!!
جزاك الله كل خير يا اخ ياسر و صراحه انا من الناس التى لم يعجبها التليفون ال 3310 و يا للعجب استعملته فتره قصيره جدا و لم يعجبنى رغم ان جميع من حولى كانوا يحملوه.

اخيرا خطوة نوكيا للعوده للسوق اعتقد لن تكون بتلك السهوله لأنها اختفت بالفعل لسنوات و فاتها الكثير بل و صعدت فى تلك الفتره شركات كثيره جدا مثل HTC و LG و طبعا العملاق Samsung و لا تنسى Huawei....الخ

abdalhaliem
06-06-2017, 01:01
وانا اول موبايل كان معايا كان من شركة اريكسون كان اسمه 688 Ericsson و كان قد الجزمه اللى فى رجلى وقتها D-:



الموبايل ده معايا ألى الأن

طبعا لاأستعمله :):)

وعلى ماأتذكر من عده سنوات

أحدهم كان يريد شراؤه ب 300 جنيه

رفضت وقتها ( شوفت الخيبه ):)

دلوقتى مرمى يسمع صوتك

بأفكر أعمل موضوع بقسم البيع

وأطلب فيه ( 3 صاغ ):):):)

Yasser
06-06-2017, 03:01
يسقط من السلم مره و يسقط فى الشارع مره و اخيرا يسقط فى الماء ليعلق على حبل الغسيل و يجف وهو سليم ويعمل ;)

اقصى اختبار متانه تصنيع فى التاريخ :)






الموبايل ده معايا ألى الأن

طبعا لاأستعمله :):)

وعلى ماأتذكر من عده سنوات

أحدهم كان يريد شراؤه ب 300 جنيه

رفضت وقتها ( شوفت الخيبه ):)

دلوقتى مرمى يسمع صوتك

بأفكر أعمل موضوع بقسم البيع

وأطلب فيه ( 3 صاغ ):):):)


ياريتك بعته ساعتها حاليا يعتبرانتيكه :)!!!

bohovo
13-06-2017, 06:42
والله ورجع nokia 3310 2017 :) للاسف الشركة معتمدة على الدعايا بتاعته على ذاكرة الناس ليس اكثر حقيقة .. بيلعبوا فقط على الحنين الى الماضى وسعره 1000 جنيه !!

Yasser
13-06-2017, 11:46
والله ورجع nokia 3310 2017 :) للاسف الشركة معتمدة على الدعايا بتاعته على ذاكرة الناس ليس اكثر حقيقة .. بيلعبوا فقط على الحنين الى الماضى وسعره 1000 جنيه !!

1000 جنيه ! حنين ايه ده انا ادفن الماضى ...المشكله ان اى حاجه لما تحولها مصرى بتعمل مبلغ زى مايكون ورق عنق عنب مش ورق بنكنوت :) ....شكر ا لمرورك الطيب اخى bohovo!

* ارجوا خذف رابط مدونتك من مشاركتك لانه غير مسموح :):):)

MaHmOuD ZeRo
13-06-2017, 12:30
* ارجوا خذف رابط مدونتك من مشاركتك لانه غير مسموح :):):)


تم

alyaldeen
13-06-2017, 14:27
35902
نوكيا 8210 اول محمول اشتريه لزوجتى عام 2000

35903

انا تدرجت مع النوكيا حتى n 73 فنلندي حتى سرق منى

نوكيا دى يا جماعه موجوده معاك فى كل الذكريات الحلوه
ايييييييييييييييييييييييييييييه
ماشى ياعم ياسر فكرتنا بالذى مضى:)

Yasser
13-06-2017, 17:45
حبيبي ياخ جمال ....انافاكر لما كان مستوي الدخل والمعيشه بيتحددوا تبعا لامتلاكك n70 ولا n73 !!!
...انته كه شكلك مقتدر وهنطلب منك تdonate للمنتدي قريب ^^

alyaldeen
13-06-2017, 21:41
حبيبي ياخ جمال ....انافاكر لما كان مستوي الدخل والمعيشه بيتحددوا تبعا لامتلاكك n70 ولا n73 !!!
...انته كه شكلك مقتدر وهنطلب منك تdonate للمنتدي قريب ^^
ايه ايه بتقول ايه العتب على النظر:)