المساعد الشخصي الرقمي

مشاهدة النسخة كاملة : [ أخبار ] DRAM DDR5 قادمه بقوه و بضعف سرعه DRAM DDR4



الصفحات : [1] 2

abdalhaliem
06-06-2017, 23:24
السلام عليكم ورحمه الله وبركاته

بدأ العد التنازلى لرامات DDR5


https://core0.staticworld.net/images/article/2016/04/hpe_8gb_nvdimm_front-100653847-large.jpg


أعلنت مؤسسه JEDEC عن طرح رامات DDR5 فى عام 2018

ومتوقع أن تأتي بضعف سرعة رامات DDR4 من حيث النطاق الترددي والكثافة


https://i.imgur.com/BDmKCjN.png



https://www.pcworld.com/article/3186737/components/staying-alive-ddr5-memory-is-on-its-way.html





المذهل أنها ستأتى بضعف المساحه وضعف السرعه

ولتوضيح القصه

السرعة المضاعفة التي تأتي في DDR5

كانت رامات DDR4 تأتي بسعة 16GB

بترددات 2133-3200 MT/s

وعند طرح رامات DDR5 ستأتي بسعة مضاعفة 32GB

وترددات 4266-6400 MT/s

وتأتي الرامات DDR5 بواجهة 64بت

وبالرغم من البدء على عمل معايير تقنية ذواكر DDR5

إلا أنه لن يتم إنهاء كافة المعايير وإتاحتها للشركات المصنعة للهاردوير

إلا في عام 2018 القادم

وسيتم إطلاق بيان رسمي في شهر يونيو المقبل

عن التطورات الجديدة في معايير DDR5

ولكن ربما لن نراها بشكل رسمي إلا في عام 2020

( مجرد توقع ليس ألا )


https://core0.staticworld.net/images/idgnsImport/2015/08/id-2960930-ddr4_module_2-0-100602653-orig.jpg



يالها من نقله نوعيه بعالم الذواكر


وتعمل عدة شركات أخرى مثل Intel

على تطوير تقنيات أخرى تصل إلى سرعة الذواكر العشوائية

وسيتم دعمها في جميع الحلول المقدمة

عبر تقنيات Intel Optane لأقراص التخزين SSD وأقراص التخزين الكبيرة

ملحوظه

رامات DDR5 تختلف عن تقنية GDDR5 الخاصة بالبطاقات الرسومية

كنا نقول دائما وسنظل نقول

قطار التقنيه والأبتكارات لم ولن يتوقف

وكل عام وأنتم بخير

phenomenon
07-06-2017, 00:04
وعليكم السلام ورحمة الله وبركاته
هقول لحضرتك رأيي بصراحه شديده
الشيء الوحيد اللي يتخاف منه هي شركات السوفت وير و أقصد طبعاً الألعاب - هيفتروا والله :) الناس دي واخده فكره غلط عن الجيمرز و حال شعوب العالم جميعها

بصراحه جائت أسرع ما الواحد كان متخيل أو يمكن العالم يتسارع و نحن لا نشعر لاسباب لا حصر لها
بس فكرة انها لن تأتي قبل 2020 شيء مطمئن للبال - لكن في نفس الوقت يساعد على التردد اكثر واكثر لو كنت بتفكر في التحديث حاليا
انا واثق ان في ناس اجلت فعلا عمليات التحديث لحين رؤية نوع الذواكر الجديده ( I7-2end Gen + I7-3rd Gen ) و غيرهم من منصات بداية العقد الحالي

أما إذا خرجت للنور و مازالت اجهزتنا تعمل بذاكره DDR3 هتلاحظ انك بقيت متاخر كتير جدا أما ملاك DDR2 فعليهم بتجهيز الحفره المناسبه لدفن حواسبهم احياء :)

معلومات رائعه و جزاك الله كل خير استاذ عبد الحليم على التذكير بيها
بصراحه شكل الترددات مرعب بس اعتقد ميزة سعة الذاكره الاكبر ستظل الشيء الاكثر اهميه إذا مكناش قادرين على مواكبة الاحدث لكن المهم اننا نلاقي الجيل القديم منها متاح
المشكله الاخرى اننا هنلاقي لوحات ام بالفئه المتوسطه قادره على دعم 128GB
صدقني هيفتروا والله :)

abdalhaliem
07-06-2017, 00:18
سيدى العظيم

تشريفك للموضوع بالنسبه لى أهم من الموضوع نفسه

مجرد أن تسطر يداك ردا فزاد الموضوع قيمه ووقار

**********************


بس فكرة انها لن تأتي قبل 2020 شيء مطمئن للبال


أتوقع هذا وتوقعى له سبب

لأنه لو تتذكر معى

تم تطبيق نفس مدة المسار الزمني عند كتابة معايير تقنية ذواكر DDR4

حيث تم الكشف عنها في عام 2012

بينما ظهرت للأسواق خلال عام 2015

وهذا بسبب حاجة الشركات المصنّعة للشرائح والمعالجات

لإصدار دعم وتحديثات مُلائمة للتقنية

حتى تعمل بشكل متوافق مع كافة قطع الحاسوب





أما إذا خرجت للنور و مازالت اجهزتنا تعمل بذاكره DDR3 هتلاحظ انك بقيت متاخر كتير جدا أما ملاك DDR2 فعليهم بتجهيز الحفره المناسبه لدفن حواسبهم احياء :)




هههههههههههههه

نحمد الله أننا نعمل على ذواكر DDR4




بصراحه شكل الترددات مرعب بس اعتقد ميزة سعة الذاكره الاكبر ستظل الشيء الاكثر اهميه



مرعب وأى مرعب

طبعا تخيل رامه واحده 32 جيجا




صدقني هيفتروا والله


وأنا معك بتوقعك هذا

ماهى سلسله

وبيجرونا وراهم ولاد الناس الطيبه :):):)



شاكر لك أخى الكريم حسن متابعتك وتشجيعك الدائم

دمت لنا خير معين وخير سند

فائق تحياتى لشخصكم الكريم

Black_Spy
07-06-2017, 00:30
بالفعل واول ما سمعت ببعض الاشاعات والاخبار عن قدوم ظهور رامات DDR5 فكرت بالانتظار لحين ظهورها ولكن انا ايضا اعتقد انها لن تظهر سريعا

احنا فى اواخر 2017 ومعتقدش هتظهر بسرعه كده فى 2018 ممكن تظهر بعد 2018 ودا توقعي لكن قبل 2018 او خلال 2018 لا اعتقد

alyaldeen
07-06-2017, 01:42
وعليكم السلام ورحمة الله وبركاته
اسعد الله مسائكم جميعا
بالفعل خبر مفاجا على الرغم من اننا تعودنا على المفاجئات ahw-e_10
الى مش فهمه هل زيادة الكثافه فى نفس المساحه ترجع الى تغيير دقة التصنيع او الى تقنيه جديده
الحاجه التانيه شركات التقنيه لو توقفت عن تقديم الجديد ستغلق ابوابها بمعنى اذا لم يكن هناك ddr4
مالداعى لتغيير المنصه كلها فسيكتفى كل فرد منا بما لديه ومن الممكن ان تكون التقنيه متوفره ولكن يتم تاجيل طرحها لاسباب مختلفه
منها التجارى او لعدم نضج التقنيه او لعدم توحيد المعايير المهم انا كمستهلك ضايع بينهم الا من بنى منصته بعلم وحسب احتياجته على الامد المتوسط
لانى لا اعتقد انه يوجد امد طويل فى مجال التقنيه
جزاك الله خيرا يا ابا احمد على هذا الطرح
وكل عام وانت الى الله اقرب:)

Yasser
07-06-2017, 02:25
مشكور على الخبر وشىء جميل ان تتضاعف الترددات لكن هذا معناه ان التواقيت هتتضاعف ايضا ....التلازم ده محبطنى من زمان ولا اعلم على وجه التحديد مدى التحسن فى الاداء -بمختلف التطبيقات - بين رامه :

DDR4 RAM 3000 MHZ cl 15 VS DDR5 RAM 6000 mhz cl 30 ... على سبيل المثال !

alyaldeen
07-06-2017, 03:47
https://store6.up-00.com/2017-06/149679971501241.png (https://bnat.up-00.com/)
اللاعب الرئيسى دقة التصنيع وحجم اعمال 40 مليار دولار فى السنه

https://www.pcworld.com/article/3109505/components/dram-will-live-on-as-ddr5-memory-is-slated-to-reach-computers-in-2020.html (https://www.pcworld.com/article/3109505/components/dram-will-live-on-as-ddr5-memory-is-slated-to-reach-computers-in-2020.html)

الواد ميشو
07-06-2017, 06:01
خبر مفاجئ جدااااااااااا .. جدااا
هو كل ما غير للرامات الاحدث تظهر غيرها (:() طب يصبروا لحد ما أزهق منها
لكن فعلا هما اكيد عندهم اللي يقدروا ينقطوا به الناس عشان نحس بالتغيير ..

وشكرااا طبعا عى المعلومة مستر\ عبد الحليم وعلى المجهود المقدم

عااااااااااااااش ... (y)

abdalhaliem
07-06-2017, 06:25
بالفعل واول ما سمعت ببعض الاشاعات والاخبار عن قدوم ظهور رامات DDR5 فكرت بالانتظار لحين ظهورها ولكن انا ايضا اعتقد انها لن تظهر سريعا

احنا فى اواخر 2017 ومعتقدش هتظهر بسرعه كده فى 2018 ممكن تظهر بعد 2018 ودا توقعي لكن قبل 2018 او خلال 2018 لا اعتقد



أكيد كما تقول أخى الكريم لا 2018 ولا حتى 2019 والله أعلم :):)

شكراا لتعقيبك ومرورك الكريم

**************************






وعليكم السلام ورحمة الله وبركاته
اسعد الله مسائكم جميعا
بالفعل خبر مفاجا على الرغم من اننا تعودنا على المفاجئات ahw-e_10
الى مش فهمه هل زيادة الكثافه فى نفس المساحه ترجع الى تغيير دقة التصنيع او الى تقنيه جديده
الحاجه التانيه شركات التقنيه لو توقفت عن تقديم الجديد ستغلق ابوابها بمعنى اذا لم يكن هناك ddr4
مالداعى لتغيير المنصه كلها فسيكتفى كل فرد منا بما لديه ومن الممكن ان تكون التقنيه متوفره ولكن يتم تاجيل طرحها لاسباب مختلفه
منها التجارى او لعدم نضج التقنيه او لعدم توحيد المعايير المهم انا كمستهلك ضايع بينهم الا من بنى منصته بعلم وحسب احتياجته على الامد المتوسط
لانى لا اعتقد انه يوجد امد طويل فى مجال التقنيه
جزاك الله خيرا يا ابا احمد على هذا الطرح
وكل عام وانت الى الله اقرب:)



وعليكم السلام ورحمته وبركاته

بالأضافه أخى للتردد المرعب والحجم الجبار

سيتم تعديل قدرات اداء القناة الواحدة للرام

ومصطلح DDR5 يشير إلى ( Double Data Rate 5 )

أي ضعف عدد البيانات بتقييم 5

وبالرغم من أن البيان الرسمي لم يذكر تفاصيل تقنية كثيرة

ولكن مذكوراً أن الرامات ستأتي بسرعة مضاعفة

للتقنية التي سبقتها DDR4 من حيث الأداء والقوة

والقادم أعجب وأقوى

شكراا لتعقيبك ومرورك الكريم

وكل عام والجميع بخير

abdalhaliem
07-06-2017, 06:33
مشكور على الخبر وشىء جميل ان تتضاعف الترددات لكن هذا معناه ان التواقيت هتتضاعف ايضا ....التلازم ده محبطنى من زمان ولا اعلم على وجه التحديد مدى التحسن فى الاداء -بمختلف التطبيقات - بين رامه :
DDR4 RAM 3000 MHZ cl 15 VS DDR5 RAM 6000 mhz cl 30 ... على سبيل المثال !



لاأعتقد أن التوقيت سيصل لهذا الحد من السوء

وغالبا سيجدون الحل للتوقيت المرتفع الذى يلازم التردد المرتفع

ستكون مشكله كبيره أذا لم يتم حلها

سعدت أيما سعاده بمرورك الكريم





خبر مفاجئ جدااااااااااا .. جدااا
هو كل ما غير للرامات الاحدث تظهر غيرها (:() طب يصبروا لحد ما أزهق منها
لكن فعلا هما اكيد عندهم اللي يقدروا ينقطوا به الناس عشان نحس بالتغيير ..

وشكرااا طبعا عى المعلومة مستر\ عبد الحليم وعلى المجهود المقدم

عااااااااااااااش ... (y)




شوفت أنت بقى أستعجلت وجمعت الجهاز

وقمت بتحرير الموضوع ( وزعروطه يلا ) وعملنالك فرح

كنت أصبر لعام 2020 :):):):)

تسلم على المرور والتعقيب أخى الكريم

وكل عام والجميع بخير

zozo 22
07-06-2017, 06:36
معلومات رائعه و جزاك الله كل خير استاذ عبد الحليم طبعا الرامات دة هتكون باسعار مرتفعة . ضاعت فلوسك يا صابر.ومشكلة الكبيرة ان شركات لما بتعمل حاجة عملة ان الناس كلها اغنياء مش الكل الاهيقدر اقتناء مثل هذة بل فى ناس هتشكر ربنا انها معها ddr3 لان الاجهزة دة هتكون بمبلغ كبير على المستخدم وشكرا

phenomenon
07-06-2017, 09:10
ممكن تبدأ بالظهور مع Coffee Lake Extreme نفس ما حصل مع DDR4 كان اول ظهور ليها Haswell Extreme
خلونا متابعين كده اي جديد عنها ان شاء الله

alyaldeen
07-06-2017, 10:13
صباح الخيرات على الجميع يعنى الواحد ان شاء الله ينجعص كده وهو معاه
quad channel ddr5 128 gb 6000m
طيب المعالج هيبقى ازاى طيب وكارت الشاشه والبورده
انا عمال اتخيل شكل المنصه النهائيه هيكون ازاى
وبعد مجمعها يقولولى ddr6 وصلت :)
الموضوع كبير قوى الله يكون فى عونك يا ميشو ملحقتش تتهنى :)
والناس الى بتتكلم وبتلمح على اجهزة ddr2 مايصحش كده :)
انا لسه دبحه قبل رمضان والله المنصه دى كانت عزيزه على :)
ولا يوم من ايامك يا ddr2:)

phenomenon
07-06-2017, 11:23
احنا الظهر يا جماعه مين اللي بيقول صباح الخير ده


صباح الخيرات على الجميع يعنى الواحد ان شاء الله ينجعص كده وهو معاه
quad channel ddr5 128 gb 6000m
طيب المعالج هيبقى ازاى طيب وكارت الشاشه والبورده
انا عمال اتخيل شكل المنصه النهائيه هيكون ازاى
وبعد مجمعها يقولولى ddr6 وصلت :)
الموضوع كبير قوى الله يكون فى عونك يا ميشو ملحقتش تتهنى :)
والناس الى بتتكلم وبتلمح على اجهزة ddr2 مايصحش كده :)
انا لسه دبحه قبل رمضان والله المنصه دى كانت عزيزه على :)
ولا يوم من ايامك يا ddr2:)


اه استاذ جمال صباح الخير يا طيب :)
احنا الظهر اخي الحبيب ولا انت مشعاوز اليوم يمشي ولا ايه :)

والله لحد دلوقتي لسى معايا DDR2 + Pentium4 والمشكله ان في معالجات زي C2Q 9550 بتدي مع الكروت المتوسطه
بس خلاص سنتين وهتبقىى مجهوله تماماً و تحصل سوكيت LGA 4XX

abdalhaliem
07-06-2017, 18:29
معلومات رائعه و جزاك الله كل خير استاذ عبد الحليم طبعا الرامات دة هتكون باسعار مرتفعة . ضاعت فلوسك يا صابر.ومشكلة الكبيرة ان شركات لما بتعمل حاجة عملة ان الناس كلها اغنياء مش الكل الاهيقدر اقتناء مثل هذة بل فى ناس هتشكر ربنا انها معها ddr3 لان الاجهزة دة هتكون بمبلغ كبير على المستخدم وشكرا


أكيد ستكون أسعارها بالسماء أخى الكريم شكراا لمرورك وتفاعلك معنا




ممكن تبدأ بالظهور مع Coffee Lake Extreme نفس ما حصل مع DDR4 كان اول ظهور ليها Haswell Extreme
خلونا متابعين كده اي جديد عنها ان شاء الله



هذا بالظبط ماأقصده وفعلا موضوع جدير بالمتابعه




صباح الخيرات على الجميع يعنى الواحد ان شاء الله ينجعص كده وهو معاه
quad channel ddr5 128 gb 6000m
طيب المعالج هيبقى ازاى طيب وكارت الشاشه والبورده
انا عمال اتخيل شكل المنصه النهائيه هيكون ازاى
وبعد مجمعها يقولولى ddr6 وصلت :)
الموضوع كبير قوى الله يكون فى عونك يا ميشو ملحقتش تتهنى :)
والناس الى بتتكلم وبتلمح على اجهزة ddr2 مايصحش كده :)
انا لسه دبحه قبل رمضان والله المنصه دى كانت عزيزه على :)
ولا يوم من ايامك يا ddr2:)




أنت مالك محسسنى وأنت قاعد منجعص أنك بتبنى منصه للفضاء:):):)

عادى جداا لما ddr5 تنجعص معاها

هاتعمل أيه ياأبو عبد الرحمن مع ddr6 مش حاتكلم حد :):)




احنا الظهر يا جماعه مين اللي بيقول صباح الخير ده
اه استاذ جمال صباح الخير يا طيب :)
احنا الظهر اخي الحبيب ولا انت مشعاوز اليوم يمشي ولا ايه :)
والله لحد دلوقتي لسى معايا DDR2 + Pentium4 والمشكله ان في معالجات زي C2Q 9550 بتدي مع الكروت المتوسطه
بس خلاص سنتين وهتبقىى مجهوله تماماً و تحصل سوكيت LGA 4XX



والله كانت أيام جميله بعيد عن زحمه التقنيات دى

المشكله أنه تقريبا كل أسبوع أو شهر يوجد جديد

وكل عام والجميع بخير

alyaldeen
07-06-2017, 19:29
أنت مالك محسسنى وأنت قاعد منجعص أنك بتبنى منصه للفضاء:):):)

عادى جداا لما ddr5 تنجعص معاها

هاتعمل أيه ياأبو عبد الرحمن مع ddr6 مش حاتكلم حد :):)











منصه فضائيه فوق فى السما كبيرى ابص عليها لغاية مارقبتى توجعنى

انما يبقى معاياahw-e_01 ddr5 الى لغاية دلوقتى مش عارفين هى قوتها التفجيريه تعادل كم قنبله من هيروشيماahw-e_07 ومش عايزنى انجعص

الكلام الى فوق ده يخص ddr5 اما بالنسبه ddr6 انا مش هارد عليكم علشان انا صايم صايم ازاى وفى ايدى كوباية الشاي من رشة عم عبد الحليم:):):)

abdalhaliem
07-06-2017, 19:51
منصه فضائيه فوق فى السما كبيرى ابص عليها لغاية مارقبتى توجعنى

انما يبقى معاياahw-e_01 ddr5 الى لغاية دلوقتى مش عارفين هى قوتها التفجيريه تعادل كم قنبله من هيروشيماahw-e_07 ومش عايزنى انجعص

الكلام الى فوق ده يخص ddr5 اما بالنسبه ddr6 انا مش هارد عليكم علشان انا صايم صايم ازاى وفى ايدى كوباية الشاي من رشة عم عبد الحليم:):):)


هههههههههههههههههه

أنا نفسى أدوق الشاى بتاعك ياحاج على :):)

وكل عام وأنتم بخير

N3V3RMiND.2016
07-06-2017, 22:13
واضح ان عجلة التطور مصممه على ان تدعسنا جميعا سواء بالتكنولوجيا او الاسعار!
لك الله يا مستخدم الحاسب و خصوصا فى الوطن العربى الواحد مش ملاحق ركب التكنولوجيا
و كل ما يحلم به الكثيرين هو مجرد الحصول على جهاز حاسب بأرخص سعر لكى يستطيع لعب بعض الالعاب او حتى تصفح الانترنت!

و الذواكر الجديده هى نتاج التطور فى دقة التصنيع و التى تتقدم بخطى ثابته سواء للمعالجات او حتى الذواكر
و من الواضح ان الذواكر الجديده سوف تكون نقله نوعيه لعالم الذواكر التى عرفناها على مدى سنوات سابقه
و لكن سوف ننتظر لحينها اذا كنا مازلنا على قيد الحياه لكى نتعذب بمحاولة الحصول عليها فى حينها و نحن نتألم من الاسعار

موضوع سباق و رائع استاذ عبد الحليم و موفق فى اختاير المواضيع التى تتناولها
و اسف على التأخير فى رؤيه الموضوع جزاك الله كل خير و كل عام و الجميع بخير.

alyaldeen
07-06-2017, 22:16
هههههههههههههههههه

أنا نفسى أدوق الشاى بتاعك ياحاج على :):)

وكل عام وأنتم بخير


ان شاء الله مسير الحى يتلاقى:)

Nour Eldeen tarek
07-06-2017, 22:46
جزاك الله خيرا أخي عبد الحليم علي الموضوع والأخبار الجديدة

abdalhaliem
08-06-2017, 02:31
واضح ان عجلة التطور مصممه على ان تدعسنا جميعا سواء بالتكنولوجيا او الاسعار!
لك الله يا مستخدم الحاسب و خصوصا فى الوطن العربى الواحد مش ملاحق ركب التكنولوجيا
و كل ما يحلم به الكثيرين هو مجرد الحصول على جهاز حاسب بأرخص سعر لكى يستطيع لعب بعض الالعاب او حتى تصفح الانترنت!

و الذواكر الجديده هى نتاج التطور فى دقة التصنيع و التى تتقدم بخطى ثابته سواء للمعالجات او حتى الذواكر
و من الواضح ان الذواكر الجديده سوف تكون نقله نوعيه لعالم الذواكر التى عرفناها على مدى سنوات سابقه
و لكن سوف ننتظر لحينها اذا كنا مازلنا على قيد الحياه لكى نتعذب بمحاولة الحصول عليها فى حينها و نحن نتألم من الاسعار

موضوع سباق و رائع استاذ عبد الحليم و موفق فى اختاير المواضيع التى تتناولها
و اسف على التأخير فى رؤيه الموضوع جزاك الله كل خير و كل عام و الجميع بخير.


من ناحيه ستكون نقله نوعيه

ففعلا ستكون نقله هائله

والرائع مرورك وتعقيبك وأثراء الموضوع

دائما أترقب حضورك المميز بأى موضوع سواء لى أولأى عضو

دمت أخى الحبيب بكل ود





ان شاء الله مسير الحى يتلاقى:)


بأذن الله سنتلاقى ووقتها حخلص الشاى اللى عندك كله ;););)




جزاك الله خيرا أخي عبد الحليم علي الموضوع والأخبار الجديدة


جزاك الله وأيانا خير الجزاء

شكراا لك أخى الحبيب على أثرائك للموضوع


وكل عام وأنتم بخير

DarkAge
16-06-2017, 10:34
كل عام وأنت بخير أخي عبد الحليم ،موضوع أكتر من رائع وأتمني فعلاً تنزل 2020 D-: لأني لسا شاري رامتين 16 جيجا ddr4 قريب xD ، بس عندي سؤال هل في فرق بين مصطلح السرعة والتردد؟

abdalhaliem
17-06-2017, 05:06
كل عام وأنت بخير أخي عبد الحليم ،موضوع أكتر من رائع وأتمني فعلاً تنزل 2020 D-: لأني لسا شاري رامتين 16 جيجا ddr4 قريب xD ، بس عندي سؤال هل في فرق بين مصطلح السرعة والتردد؟



كل عام وأنت بخير أخى الكريم

وبالنسبه لسؤالك وحتى نكون دقيقين

فى حقيقه الأمر

التردد تعريفه يختلف قليلا عن السرعه

لكننا سندخل بعبارات ثقيله

تعريف السرعه



السرعة = المسافة / الزمن



معنى التردد

انني اعطي عدد من الاهتزازات في زمن معين

ولكن بالنسبه للرام

لابأس للتبسيط أن نقول

توجد سرعه للتردد

وتوجد سرعه للتوقيت

ولاتقلق حاتنزل 2020 :):):)

وكل عام وأنتم بخير

هلال.
08-07-2017, 21:22
متى ستصدر في الأسواق خصوصا وأنني أخطط لتجميع PC في بدايات 2018
وكم سستراوح أسعارها في العادة؟

abdalhaliem
08-07-2017, 21:44
متى ستصدر في الأسواق خصوصا وأنني أخطط لتجميع PC في بدايات 2018
وكم سستراوح أسعارها في العادة؟



الأخ الكريم شكراا لمرورك الكريم

من المتوقع أنها ستصدر مع حلول عام 2020

وبالنسبه لسعرها لم يتضح بعد أخى الكريم

لكن الأكيد سيكون سعرها مرتفع :):)

تحياتى

coucou
10-08-2017, 02:18
السلام عليكم وشكرا على الطرح الرائع والمفيد جزاكم الله خيرا

بخصوص ما قلته في موضوعك هذا استاذنا الكريم " وتأتي الرامات DDR5 بواجهة 64بت "
1. هل تقصد انّ الرامات التي قبلها يعني ddr4 و ddr3 و ddr2 اتت بواجهة 32بت ؟؟

قرأت احد الردود الاخوة المميزة ، وهنا أقصد الاخ الفاضل
N3V3RMiND.2016 (https://arabhardware.net/forum/member.php?u=11335915)
الذي تكلّم
على دقة التصنيع
https://arabhardware.net/forum/showthread.php?t=458926&p=3117484&viewfull=1#post3117484

2. اين وصلت القيمة الخاصة بدقّة تصنيع الرامات
فمثلا معالجات الهواتف الذكيّة وصلنا الى دقة تصنيع 10nm ، ومعالجات الحواسيب المكتبية والمحمولة وصلنا الى 14nm
ياترى اين وصل العدد بالنسبة للذواكر العشوائية ، من يحث دقّة التصنيع ؟؟

واسف على الإطالة
وكرما منكم اخي العزيز

coucou
12-08-2017, 03:23
سلام الله عليكم ورحمته وبركاته


ممكن اجد الاجابة لو سمحتم

كرما منكم ، لا أمرا منّا

abdalhaliem
13-08-2017, 04:34
سلام الله عليكم ورحمته وبركاته
ممكن اجد الاجابة لو سمحتم
كرما منكم ، لا أمرا منّا

مرحبا أخى الكريم

أعذرنا فلم ننتبه لسؤالك

حقيقه الأمر الأجابه على سؤالك

تستدعى بعض الأسهاب والأستفاضه

والرجوع للخلف قليلاا

البت هو عبارة عن نبضة كهربائية تكون إما موجبة أو سالبة

وعند ظهور النوع الأول SD-RAM

وتعنى

Single Data Rate Random Access Memory

والتي تعني ذاكرة الوصول

العشوائي الديناميكية المتزامنة ذات النقل الأحادي

وكان هذا النوع يقوم بنقل بت مرة واحدة عند ارتفاع النبضة الكهربائيه

ثم يعود ليرفع بتاً آخراً بارتفاع النبضة الكهربائيه مره أخرى

وكلما زادت الوحدات أدى ذلك إلى زيادة سرعة المعالجة

( التشيبات التى على واجهه الرام )


النوع الثانى DD-RAM او DDR

وتعنى

Dual Data Rate Synchronous Dynamic Random Access Memory

والتى تعنى ذاكرة الوصول العشوائي الديناميكية المتزامنة ذات النقل الثنائي


هذا النوع يؤدي ضعف

أداء النوع الأول فهي تعطي 2 بت في الثانية الواحدة

بمعنى أنها تنقل بتاً لدى ارتفاع النبضة

وآخرى عند انخفاضها


وبعد فترة تم إصدار DD-RAMII أو DDR2




https://i.imgur.com/OyYANx2.jpg





وكان الفرق الرئيسي بين النوعين أنه في DDR2 التردد أعلى بمرتين

أى 4 بت


ثم صدور DD-RAMIII أو DDR3



وتأتى بسعة إرسال bandwidth بعمق 8 بت


https://www.sei.cmu.edu/cyber-physical/research/images/DRAM-Access-Latency.png




مقارنة ب ( DDR2) 4 بت و( DDR ) 2 بت


ومعمارية الذاكرة أو الرام

أسلوب بنائها يشبه الجداول من حيث وجود صف فوق صف

و عامود قبل عامود مع اعتبار كل صف من هذة الصفوف كبنك واحد



كما أنه من المهم التوضيح

بأن المقصود من الخبر ليس أنه لم تطبق واجهه ال 64bit سابقاا



https://qph.ec.quoracdn.net/main-qimg-ca2f0030ffe2afa2a3b7128a24ad8ab4-c



فلقد تم العمل بتلك الواجهه سابقاا

لكن الخبر أتى هكذا أن الرامات ستأتى بواجهه 64bit

شكراا لك أخى الكريم على التعقيب


فائق تحياتى

coucou
13-08-2017, 21:19
abdalhaliem (https://arabhardware.net/forum/member.php?u=16359)


بارك الله فيك يا غالي

شرح لا غبار عليه شكرا جزيلا

وجزاك الله خيرا

heythem500
06-10-2017, 00:33
شكراً علي التقرير المبسط
بس هنعمل ايه بالرامات دي كلها ^_^