المساعد الشخصي الرقمي

مشاهدة النسخة كاملة : طلب معرفه توافق التجميعه



Frankenstien
09-06-2017, 05:51
السلام عليكم
انا عندي جهاز Workstation T3500
المواصفات
Xeon w3565 3.2 cash 8mb extreme edtion
Ram 8GB DDR3

Power supply 850 watts 80 plus silver
دلوقتي انا معروض عليا كرت sapphire AMD R9 380 Nitro 4GB GDDR5
هل الكرت هيشتغل على المواصفات دي كويس و لو حصل عنق زجاجه هل هيحصل لدرجه انو يخنقني و يبوظ اداء الكرت ؟
ملحوظه انا على ميزانيه معينه فا مش هقدر اغير التجميعه الا بعد سنه ظ
و شكرا مقدما

phenomenon
09-06-2017, 11:01
وعليكم السلام ورحمة الله وبركاته

يا اخي الصراحه مش قادر افهمك
إذن انت الآن متشكك حول أداء توافق المنصه أو متشكك من نسبه عاليه من عنق الزجاجه بالرغم من كونك دائم النصح بنفس أنواع المعالجات للأعضاء ؟
ولا عملت الموضوع عشان تثبت لي انك بتجمع جهاز شخصي ومش تاجر ؟
في جميع الاحوال انت بتحارب و بتعاند نفسك لانك مش راضي او مش واثق من اللي انت بتحاول تقنع نفسك بيه و لانك مش لاقي حد يقنعك بيه
سوى نفسك وسوى بائعين الظل .

هل حضرتك تفتكر اننا مش عاوزين نهون على الأعضاء و ننصحهم بالأرخص في ظل الظروف دي ؟ بالعكس احنا نتمنالهم الأفضل و بارخص التكاليف
هل حتى تفتكر ان محدش فينا يتمنى إمتلاكه لمعالج Xeon ؟ بالعكس فهو افضل وارخص من Core I
لكن في مجموعه مشاكل و تخيل ان اهم مشكله فيهم أن شركات تصنيع الاوريجنال انفسهم بيتهربوا من الرد عليها او توضيح امرها فما بالك نحن ؟

على سبيل المثال منذ فتره ليست بالبعيده جاء احد الاعضاء بجهاز OEM وأحدث حتى من جهازك المذكور و يتسائل عن بطاقه حديثه
فرشحنا له بطاقه بسيطه جدا و هي GTX 1050 مناسبه لميزانيته و لكن كان سؤاله هل هتركب ؟ هل تركب ؟
اكدناله طالما اللوحه بها منفذ PCIe X16 فلا توجد ادنى مشكله في تركيب كل ما هو PCIe و إشتراها و لكن للأسف لا يوجد حل واحد في قرائة المنصه للبطاقه الحديثه
لماذا ؟ لأن البيوس لا يستطيع التعرف عليها و غير مستعد للتعرف عليها
فغضب منا و سخط مالوش نهايه وكأننا من أمرنا البيوس بعدم الدعم أو كأننا المسؤولين عن تحديث البيوس و لم ننصحه أو كأننا تسببنا له في حرق البطاقه
بطاقته سليمه ويستطيع ترجيعها او عودتها و لكن لأنه غاضب من الاساس فحاول يرمي اللوم علينا و تعلم الدرس من اجهزة الاوريجنال

لكن لما تيجي تشوف الاجهزه التجميع Custom PCs هتلاقي منصه زي شريحة LGA775 و هي منذ عام 2004 تقريبا حتى يومنا هذا داعمه لجميع
البطاقات الرسوميه الحديثه وربما كل ما ستحتاجه تحديث البيوس لاقرب بيوس تم انتاجه في السنوات السابقه و لكن حتى هي سيأتي لها يوم

مشكلتك التانيه ده الموضوع اللي كنت بتتكلم عليه و ده معالج W3565 و هو بنفس الخصائص المصنعيه لمعالج I7-965 و لكن مكتوب اعلاه Xeon
المعالج جيد و كأي معالج I7 يحتوي على 4 نواه و 8 خيوط معالجه و ذاكرة كاش 8mb و لكن للأسف ليس بنفس سرعة نواة أي معالج I7 بالمعالجه
فحتى معالج I5-2500 إستطاع الفوز عليه

https://i.imgur.com/2ir3nCI.png


أربعة العاب من العهد البائد مثل LEFT4Dead و Farcry2 و CRYSIS WH
و بطاقه رسوميه من العهد البائد HD5850 وما هي النتيجه

في بعض الألعاب عاديه جداً و في بعضها الآخر معالج 4 نواه 4 خيوط معالجه تفوق حتى على معالج I7-990X صاحب 6 نواه و 12 خيط معالجه بفارق عدد
بالإطارات و هذا هو المعالج الذي يتساوى مع W3690 بالخصائص المصنعيه و نفس معماريته الهندسيه

لكن عندما ننظر لاداء المعالج المركزي الخاص بك W3565 فأقل بفارق تجاوز 20fps و مع بطاقه HD5850
معالج I5-2500 + I7-2600 قدروا فعلا يستخرجوا كامل بطاقة HD5850 و الفرق الوحيد بينهم التردد
اما معالج W3565 تسبب في ضياع نسبة %18 من بطاقة HD5850 فما بالك ببطاقة R9-380 وهي ضعف الاداء ؟

هل تعتقد انها المشكله الوحيده ؟
اطلاقا
هذه كانت نتائج معدل متوسط الاطارات فمابالك بمعدل Minimum FPS الذي لم اجده في نفس المراجعات
و المتوقع ان تكون نسبته جباره مع الالعاب الحديثه التي تتطلب معالجه مركزيه قويه و حديثه في وقتنا الحالي
Minimum Fps أخطر من Avg FPS الف مره فهي الدليل على متوسط اداء المعالجات في المناطق الجرافيكيه الثقيله باللعبه التي تضغط على كامل
انوية المعالج او نواه واحده منها و تتطلب تنشيط جميع انوية نافذه محدده من اصدار التعليمات التي هي ربما غير متواجده او بإصدار اقدم بمعالج مركزي اقدم
والتي ستفرض عليها تحويل الكود الي كود اخر اكثر تعقيدا يتسبب في تاخير زمني رهيب على شكل عنق زجاجه

اذا كانت لدي منصه OEM لاثبت لك ان هذه المنصات تتسبب في ضياع ما يزيد عن %40 وهذا على اقل تقدير في اداء الالعاب
عندما نتحدث عن Xeon نتحدث عن اهميتها للأعمال كمعالجات 22nm التي أتيت منذ E5 V1 V2 V3 واليوم وصلنا حتى V6 و هناك وقت يحدث اختلاف بالاداء بينهم
وهناك وقت لا يحدث على حسب امور كثيره
لكن عندما نعود بالزمن الى معالج 45nm يمتلك أربعة انويه فشبهه الامر تماما بمعالج C2Q 9550 حتى لو كان لديك الف واحد منهم في حاسب واحد
و تذكر HD5850 ضاع منه %20

اليك الامر = جازف وقم بالشراء اذا كنت تريد تشغيل الالعاب نعم ستعمل وربما لن تلاحظ عنق زجاجه و لكن حينما نقول عنق الزجاجه وما هي نسبته ؟
هل ستستفيد من كامل قوة البطاقه ام لا ؟
يا اخي العزيز معالج عام 2017 Ryzen R 7 1800X يتضح لنا انه يتسبب في نسبة عنق زجاجه مع البطاقات الرسوميه الحديثه و السبب في كل هذا انه ليس بنفس
سرعة I7-7700K

Frankenstien
10-06-2017, 04:54
هوا انا مش تاجر فعلا حضرتك ولا بحاول اقنع نفسي بحاجه انا عارف انها معالجات اضعف من تقريبا جميع المعالجات ال high end الحاليه بس النقطه حضرتك ان الاجهزه دي رخيصه جدا بطريقه غريبه يعني يمكن هوا نفس سعرها في الخارج برضو الي هوا تقريبا بيتراوح من 110-150 دولار في الحدود دي على حسب المواصفات و لو بصينا للفرق السعر بين ال i5-2500 الناس في مصر بتتبالغ في سعرو جدا
فا دا الي خلاني اتجهت ل دا انا عارف ان
هيبقى فيه بوتيل نيك طبعا و دا انا وضحتو في كلامي علشان كدا سألت على البوتيل نيك مش التوافق و بلنسبه ل ان الجهاز دا فعلا هيجي عليه يوم و مش هيقدر يقرأ ال gpu الحديثه فا دا امر محتم و معروف و اعذر برضو عدم معرفتي يعني في السابق انا عارف اني عملت مشاكل كتير بس ساعتها كان عمري حوالي 15 سنه و 6 شهور فا كنت طايش جدا
و انا طبعا مقدرش ارمي اللوم عليكو يا جدعان انا الحمد لله بفهم في الاصول (ما على الرسول الا البلاغ ) دي وظيفتكو في النصحيه انكو تنصحو الشخص بكرت معين والله انو يجيب الكرت و ميشتغلش دي خلاص انتو كدا خليتو مسؤليه انا كنت بصيت في الجدول دا قبل كدا و لقتي ان ال W3520 الي هوا تقريبا ال i7 920 كان متفوق على ال AMD FX8350 مش عارف كان في ايه بس كان متفوق عليه في مجموع الفريمات ب حوالي 20 فريم باين
هوا انا اشتريت الكرت اصلا و بس مستني الاجازه علشان اركبو D-: غير كدا انا بسأل من دافع الفضول المسبق يعني و برضو ان شاء الله اول ما هركبو هعمل Benchmarks و هرفعها على المنتدى هنا علشان الناس تستفيد
الي خلاني جبت الكرت دا على الرغم اني كنت متأكد انو هيعمل عنق زجاجه انو كان سعرو حلو جدا جبتو ب 2500 جنيه تقريبا ب كامل متعلقاته فا دا كان دافع يعني
و على فكرا انا مرفعتش البوست علشان اعرفك اني مش تاجر انا مش تاجر فعلا يعني انا طالب ثانويه عامه عندي 18 سنه XD
بس حابب مجال الهارد وير و متابع الجديد كلو بس الي مخليني متمسك بلأجهزه دي حاجه واحده بس انها رخيصه زي ما ذكرت فوق يعني ادنيني جمعت تجميعه اهو بحوالي 4500 جنيه و ادائها هيبقى لأ بأس بيه يعني مقارنه مع تجميعات تانيه بتبقى اغلى بكتير
و على العموم شكرا يا استاذ ... يا ريت اعرف اسمك الصراحه لان الفضول قاتلني

abdalhaliem
10-06-2017, 08:41
ياأخى الكريم

صدقنى نحن نريد مصلحتك أولا

طبعا الأستاذ phenomenon

أجابك أجابه أكثر من رائعه


ولكن أنت كما تقول لديك الجهاز فعلا

والكارت أيضا كما أوضحت

أنت عمرك 18 عام

أسمع كلمتين من رجل عنده 54 عام

وداخل على أكثر من عشرون عاما من الصيانه

وتجار تلك الأجهزه أتعامل معهم بالجمله

وأليك رأيى الشخصى

تلك الأجهزه عباره عن صناديق صفيح

كانت تعمل ببلادها وشقيانه ألى حد الملل

وتحولت ألى نفايات لهذا سعرها قليل

ولولا جشع التجار ماستحقت ربع ثمنها

لكن أرتفاع أسعار الهاردوير الحقيقيه

جعل لتلك النفايات سعراا

لو ساعدتك الظروف ورأيت كونتنر ملىء بتلك

الأجهزه وهم يفرغونه من محتوياته لعرفت قيمتها الحقيقيه

فى النهايه نحن لانقنعك بشىء

فالجهاز موجود بالفعل عندك

لكننا ننقل لك خبره السنين

لعل وعسى

وكل عام وأنتم بخير

phenomenon
10-06-2017, 09:22
كان هناك سوء تفاهم و لكن اسمحلي اقولك انك السبب

فكرة أنك شايف معالج زيوون قوي و يستحق تمنه فأعتقد ان جميعنا لا يختلف معك خاصة عندما نرى انه مناسب لللثمن
كمان مفيش معالج Xeon واحد بينزل مصر إلا لما اقدر اقولك هو نفس معالج ايه من Core I لكن احيانا يحتاج تركيز بسيط
لكن في النهايه كل شيء واضح

عارف اين هي المشكله ؟
المشكله ان عمر ما تمن معالج Xeon أو جهاز Xeon الذي يباع مستعمل كان يستحق لتمنه في اي مره كانت
انا مشعاوز ادخل في تفاصيل تانيه لان الامر اتضح اكتر ولو كنت اعرف عمرك لتعاملت معك من البدايه بصوره مختلفه
فالبدايه بعتذر عن سوء التفاهم من تجاهي فحضرتك في عمر اخويا الصغير لكن بسبب جدالك اللي يمكن بقاله سنين و طريقتك في
المجادله فرضت عليا اتخاذ الفكره دي عنك لكن دائما كنت التمس ليك اخلاقك فهي الافضل في كل شيء و لكن هناك اخلاق الحوار و جدال و نقاش
تقني باسلوب معتدل و احترافي مش مجرد اثبات وجهة النظر للغير وفرضها على السامعين فلكل منا وجهة نظر

اعلم شخصياً ان لديك خبره كبيره بمعالجات Xeon وزادك الله من علمه لكن عندما يأتي شخص للسؤال عن Core I فمعظم الاوقات لا يصح
ان نعكس وجهته ولاسباب كثيره
لكن احيانا يأتي شخص اخر يسال عن Xeon و بسعر رخيص وميزانيته رخيصه و غرضه بسيط من المستقبل فبنقول ليه " توكل على الله لن تجد
أفضل منه بالقيمه "
عموما حصل خير و رمضان كريم
واظن أ / عبد الحليم اعطاك فكره إضافيه عن ماهية هذه المعالجات وتحديدا ماهية هذه المنصات فالمشكله ليست بالمعالج
ورمضان كريم

ابراهيم

Frankenstien
10-06-2017, 12:36
والله انا حضترك كنت متأكد انك فاكرني فعلا تاجر لا هوا خلاص حضرتك صححتلي وجه النظر هوا دايما هوا فعلا انا كنت السبب المعالجات دي اتهرت شغل فعلا في بلادها و الدليل انها من 2010 و 2009 فا و غالبا بتبقى شغاله في farms و مطحونه 24/7
بس عمتا هيا بتبقى شغاله D-: فا طبعا كلام حضرتك على راسي من فوق مقدرش اجادل معاك بعد الافحام الي انا شوفتو دا XD المهم اني اتعلمت وخلاص
و رمضان كريم و كل سنه وانتا طيب حضرتك :D و انا برضو بتعذر والله عن اي قله ادب طلعت مني بس كنت فاكر ان حضرتكو بتعندو فيا و خلاص لدرجه ان جت في مره خدت بان اسبوع باين XD الحمد لله ايام و عدت
والله انا اسف يا بشمهندس ابراهيم لو وجهتلك اي اسأه اكيد مكتش اعرف قيمتك الي اعرفها دلوقتي + سنك لان حضرتك كدا من سن والدي يعني فا هعتبرك زيو
و السلام عليكم

كان هناك سوء تفاهم و لكن اسمحلي اقولك انك السبب

فكرة أنك شايف معالج زيوون قوي و يستحق تمنه فأعتقد ان جميعنا لا يختلف معك خاصة عندما نرى انه مناسب لللثمن
كمان مفيش معالج Xeon واحد بينزل مصر إلا لما اقدر اقولك هو نفس معالج ايه من Core I لكن احيانا يحتاج تركيز بسيط
لكن في النهايه كل شيء واضح

عارف اين هي المشكله ؟
المشكله ان عمر ما تمن معالج Xeon أو جهاز Xeon الذي يباع مستعمل كان يستحق لتمنه في اي مره كانت
انا مشعاوز ادخل في تفاصيل تانيه لان الامر اتضح اكتر ولو كنت اعرف عمرك لتعاملت معك من البدايه بصوره مختلفه
فالبدايه بعتذر عن سوء التفاهم من تجاهي فحضرتك في عمر اخويا الصغير لكن بسبب جدالك اللي يمكن بقاله سنين و طريقتك في
المجادله فرضت عليا اتخاذ الفكره دي عنك لكن دائما كنت التمس ليك اخلاقك فهي الافضل في كل شيء و لكن هناك اخلاق الحوار و جدال و نقاش
تقني باسلوب معتدل و احترافي مش مجرد اثبات وجهة النظر للغير وفرضها على السامعين فلكل منا وجهة نظر

اعلم شخصياً ان لديك خبره كبيره بمعالجات Xeon وزادك الله من علمه لكن عندما يأتي شخص للسؤال عن Core I فمعظم الاوقات لا يصح
ان نعكس وجهته ولاسباب كثيره
لكن احيانا يأتي شخص اخر يسال عن Xeon و بسعر رخيص وميزانيته رخيصه و غرضه بسيط من المستقبل فبنقول ليه " توكل على الله لن تجد
أفضل منه بالقيمه "
عموما حصل خير و رمضان كريم
واظن أ / عبد الحليم اعطاك فكره إضافيه عن ماهية هذه المعالجات وتحديدا ماهية هذه المنصات فالمشكله ليست بالمعالج
ورمضان كريم

ابراهيم

Frankenstien
10-06-2017, 12:47
شفهتا والله و دا كان في منظوري انها اجهزه قويه وبتستحمل هههههههههه بص طبعا خلاص الفكره وضحت
و فعلا حضرتك عندك حق لان حتى ايام ما كان الدولار ب 8.88 كان جت فرتره برضو و الاجهزه دي غليت و الحمد لله استفدت كتير جدا والله من التواجد في المنتدى هنا
و شكرا عى توضيحك والله انتو ناس محترمه جدا و اسف على اي اسائه جت من نحيتي




ياأخى الكريم

صدقنى نحن نريد مصلحتك أولا

طبعا الأستاذ phenomenon

أجابك أجابه أكثر من رائعه


ولكن أنت كما تقول لديك الجهاز فعلا

والكارت أيضا كما أوضحت

أنت عمرك 18 عام

أسمع كلمتين من رجل عنده 54 عام

وداخل على أكثر من عشرون عاما من الصيانه

وتجار تلك الأجهزه أتعامل معهم بالجمله

وأليك رأيى الشخصى

تلك الأجهزه عباره عن صناديق صفيح

كانت تعمل ببلادها وشقيانه ألى حد الملل

وتحولت ألى نفايات لهذا سعرها قليل

ولولا جشع التجار ماستحقت ربع ثمنها

لكن أرتفاع أسعار الهاردوير الحقيقيه

جعل لتلك النفايات سعراا

لو ساعدتك الظروف ورأيت كونتنر ملىء بتلك

الأجهزه وهم يفرغونه من محتوياته لعرفت قيمتها الحقيقيه

فى النهايه نحن لانقنعك بشىء

فالجهاز موجود بالفعل عندك

لكننا ننقل لك خبره السنين

لعل وعسى

وكل عام وأنتم بخير

Frankenstien
10-06-2017, 12:57
طيب دلوقتي هوا انا فعلا مش عارف ليه مبحبش معالجات ال Core I الموجه للجيمرز اصلا مش ال Extreme edtion
يعني اول ما فكرت في التجميع كنت عاوز اجيب ولسا برضو عاوز اجبها
Asus Rampage iv x79 motherboard
مشبوك معاها معالج i7-3690x مش عارف ليه بحب المعالجات دي
ولما بصيت لقدام شويه برضو مرحتش بعيد
بقيت عاوز اجيب
x99 motherboard
و معالجXeon e5-1650 v3
و مش عارف ايه هوا سبب كرهي للمعاجات الي موجه للجيمرز الي هيا زي i7-6700 و i5-6700 وما يشابها
على الرغم ان استخدامي بسيط يعني شويه تعديل على الفديوهات لقناه كدا عمالها انا و زمايلي
و الالعاب عادي لا ازيد ولا اقل
فا حضاراتكو مش شايفن سبب للي انا فيه XD
عايش في عالم الزيون و ال i7 extreme مش قادر اخرج منو XD
يعني انا عارف طبعا انا ال i3-6100 دا معالج قوي مش ضعيف بس معرفتي انو 2 نواه
بيخليني احس انو ضعيف جدا و هعمل bottleneck مع معظم الالعاب لو جبتلو كرت شاشه قوي
و شكرا مقدما و اتمنالكو رمضان كريم ان شاء الله علينا و عليكو

phenomenon
10-06-2017, 18:00
رمضان كريم اخي الفاضل
معالجات فئة EP / HEDT لن تفيدك
لا تنظر إلى تعدد موارد المعالجه باالمعالج للألعاب إلا في حالات واحده فقط و منها شراء أكثر من كارت رسومي واحد بالفئات العليا او الشاشات المخصصه للألعاب
أما عكس ذلك كمنصة العاب حماسيه معالج يحتوي على أربعة خيوط اربعة انويه بنواه مركزيه حديثه اسرع وهيحقق اداء اعلى في الالعاب من اي معالج EP
أنظر إلى معالج I5-4th Gen فهو يتفوق على I7-2end Gen أنظر على I5-7th Gen فيتفوق على I7-4th Gen
لازم تخرج من كوكب Xeon وتعيش في اورانوس :)
أقصد Core I
معالج Core I3-6100 / Core I3-7100 سيعطيك اداء افضل من اي معالج مركزي Xeon متوفر حاليا في نفس قيمته الماليه
لكن كمان هيعطيلك فرصه لترقيته مستقبلا ووقتها يكون معاك منصه حديثه مواكبه
فكر في الامر اكثر من مره واحسبها هتلاقي التجميع احسن مليون مره للمستقبل

Frankenstien
10-06-2017, 18:52
طبعا يا بشمهندس ما دا الي بعد ما رديت على الموضوع دخلت شوفته فعلا دا كان خطاء مني اني كنت بخش اشوف اداء المعالجات دي بأنويتها الكامله و اتضحلي انها لو اشتغلت ب 4 كور الي معظم الالعاب بتبقى محتاجاهم ادائها هيقل للنص تقريبا و هتبقى اضعف من المعالجات العاديه دي
و فعلا انا محتاج اخرج من الكوكب دا فعلا بقى ساقعه اوي الناس هجرتو ههههههههههه
و طبعا انا عايش في مصر اكبر بؤره من بؤر الجحيم من حيث الاسعار فا مش هحلم اني اعمل sli او CF ابدا
و ان شاء الله التجميعه الجايه هجيب جيل سابع ان شاء الله
استفتسار اخير يا هندسه معلش
في قناه على اليوتيوب واحد جاب نسخ صينيه من معالجات بمعماريه Skylake و البروسيسيوات بعد overclock من 2.2 GHZ وصلها لحوالي 4 GHZ باين قوتها بقت اقوى من معالج i7-6700 non K
فهل دا ممكن فعلا المعالجات دي متوفره على aliexpress اسامي المعالجات دي كانت كلأتي
QH8G, QHQG, QHQJ
و لينك الشراء اهو
https://www.aliexpress.com/wholesale?ltype=wholesale&d=y&origin=y&isViewCP=y&catId=0&initiative_id=SB_20170216195535&SearchText=QHQG&aff_platform=link-c-tool&cpt=1497113430446&sk=rnqrRB6&aff_trace_key=5144d08fa63f4303b03938a13ec891f3-1497113430446-02064-rnqrRB6&blanktest=0&tc=af
فا هل الكلام دا حقيقي فعلا لو حضترك محتاج رابط الفيديو انا ممكن اجبهولك

phenomenon
10-06-2017, 20:51
طبعا يا بشمهندس ما دا الي بعد ما رديت على الموضوع دخلت شوفته فعلا دا كان خطاء مني اني كنت بخش اشوف اداء المعالجات دي بأنويتها الكامله و اتضحلي انها لو اشتغلت ب 4 كور الي معظم الالعاب بتبقى محتاجاهم ادائها هيقل للنص تقريبا و هتبقى اضعف من المعالجات العاديه دي
و فعلا انا محتاج اخرج من الكوكب دا فعلا بقى ساقعه اوي الناس هجرتو ههههههههههه
و طبعا انا عايش في مصر اكبر بؤره من بؤر الجحيم من حيث الاسعار فا مش هحلم اني اعمل sli او CF ابدا
و ان شاء الله التجميعه الجايه هجيب جيل سابع ان شاء الله
استفتسار اخير يا هندسه معلش
في قناه على اليوتيوب واحد جاب نسخ صينيه من معالجات بمعماريه Skylake و البروسيسيوات بعد overclock من 2.2 GHZ وصلها لحوالي 4 GHZ باين قوتها بقت اقوى من معالج i7-6700 non K
فهل دا ممكن فعلا المعالجات دي متوفره على aliexpress اسامي المعالجات دي كانت كلأتي
QH8G, QHQG, QHQJ
و لينك الشراء اهو
https://www.aliexpress.com/wholesale?ltype=wholesale&d=y&origin=y&isViewCP=y&catId=0&initiative_id=SB_20170216195535&SearchText=QHQG&aff_platform=link-c-tool&cpt=1497113430446&sk=rnqrRB6&aff_trace_key=5144d08fa63f4303b03938a13ec891f3-1497113430446-02064-rnqrRB6&blanktest=0&tc=af
فا هل الكلام دا حقيقي فعلا لو حضترك محتاج رابط الفيديو انا ممكن اجبهولك

اها ممكن فعلاً
انتل لها مصانع بالصين و امريكا واسرائيل
و معمارية الجيل السادس و السابع مميزه في عمليات كسر السرعه العالي
معالج I3 من الممكن ان يتفوق على معالج I7 الجيل السادس في بعض الالعاب بفضل التردد فقط و خاصة عندما يتضح ان البطاقه الرسوميه طموحها بسيط من المعالجه المركزيه
و لكن المعالجات الرسوميه الضخمه التي تستطيع تشغيل الالعاب على الترا هاي مثل GTX 1080Ti لابد لها من معالج مركزي متعدد بموارد المعالجه ليتمكن من مضاعفة مجهوده من اجلها
https://en.wikipedia.org/wiki/List_of_Intel_manufacturing_sites

Frankenstien
12-06-2017, 01:00
حضرتك موصلتلكش فكرتي برضو يا بشمهندس:$ المعالجات دي من كلام الي شفتها عندو انها عينات هندسيه من المعالجات الي على معماريه sklake
بس بخصائص اضعف في بعض الحاجات زي ان في معالجات منها مفهاش معالج رسومي مدمج و مبتدعمش مخارج احدث من pci-e 2.0 و في منها بيدعم عادي انا مش عارف هوا عادي احط فيديو من اليوتيوب هنا ولا لأ علشان كدا مش عاوز احط من غير ما اعرف قوانين القسم مذكرتش حاجه زي كدا

اها ممكن فعلاً
انتل لها مصانع بالصين و امريكا واسرائيل
و معمارية الجيل السادس و السابع مميزه في عمليات كسر السرعه العالي
معالج I3 من الممكن ان يتفوق على معالج I7 الجيل السادس في بعض الالعاب بفضل التردد فقط و خاصة عندما يتضح ان البطاقه الرسوميه طموحها بسيط من المعالجه المركزيه
و لكن المعالجات الرسوميه الضخمه التي تستطيع تشغيل الالعاب على الترا هاي مثل GTX 1080Ti لابد لها من معالج مركزي متعدد بموارد المعالجه ليتمكن من مضاعفة مجهوده من اجلها
https://en.wikipedia.org/wiki/List_of_Intel_manufacturing_sites