المساعد الشخصي الرقمي

مشاهدة النسخة كاملة : مساعدة بخصوص المعجون الحراري



Mahmoud.Saad
17-06-2017, 04:37
السلام عليكم

لو سمحتم انا عندي معالج i5 3570

المعجون الحراري بدأ يجف شويه وحرارته الأيام دي 50 في الوضع العادي وبتوصل 80 و 85 في حالة الضغط

بشوف معجون حراري كويس بس مشكلتي انا مش من القاهره ومش متوفر عندنا غير الانواع الشعبي

هل الانواع دي هتأدي الغرض لحد ما اجيب نوع كويس خاصة اني لو طلبته شحن ممكن ياخد حوالي 10 أيام

وايه النوع اللي حضراتكم تنصحوني بيه ؟

وشكرا

Yasser
17-06-2017, 04:49
كان عندى نفس المعالج ده بالضبط وهو بيسخن جدا خصوصا مع الكروت العاليه ...المعجون الاحترافى كويس بس مش حل انتا محتاج مشتت اكبر من الانتل الافتراضى او اضعف الايمان مروحه من الاجهزه الاوريجنال اكبر واتقل ...فى حيله باعملها لكنها حل مؤقت كنت باستغنى عن جزء من جهد المعالج بان يشتغل ب75% من طاقته فقط ...بتدخل على الPOWER PLAN من ال CONTROL PANEL وتختار CHANGE ADVANCED POWER SETTING , ومن PROCESSOR POWER MANAGMENT تختار MAXIMUM PROCESSOR STATE وتخليها 75% ....ممكن الاداء يقل وممكن مش تحس بيه اصلا خصوصا لو الكارت واللعبه قديمه شويه .

Mahmoud.Saad
17-06-2017, 04:54
كان عندى نفس المعالج ده بالضبط وهو بيسخن جدا خصوصا مع الكروت العاليه ...المعجون الاحترافى كويس بس مش حل انتا محتاج مشتت اكبر من الانتل الافتراضى او اضعف الايمان مروحه من الاجهزه الاوريجنال اكبر واتقل ...فى حيله باعملها لكنها حل مؤقت كنت باستغنى عن جزء من جهد المعالج بان يشتغل ب75% من طاقته فقط ...بتدخل على الPOWER PLAN من ال CONTROL PANEL وتختار CHANGE ADVANCED POWER SETTING , ومن PROCESSOR POWER MANAGMENT تختار MAXIMUM PROCESSOR STATE وتخليها 75% ....ممكن الاداء يقل وممكن مش تحس بيه اصلا خصوصا لو الكارت واللعبه قديمه شويه .

شكرا على ردك أخي الكريم

المعالج مركب عليه مروحه اوريجينال حضرتك هيا فعلا اكبر من المروحه الانتل واحسن ومشغل معاه كارت 1050 ti

هعمل بنصيحة حضرتك بإذن الله ومحتاج اعرف اجيب مشتت ايه كويس ومش غالي اوي ؟

وهل لو جبت مبرد مائي للمعالج هيحتاج يكون فيه تكييف في المكان ولا لا ؟

Yasser
17-06-2017, 05:04
شكرا على ردك أخي الكريم

المعالج مركب عليه مروحه اوريجينال حضرتك هيا فعلا اكبر من المروحه الانتل واحسن ومشغل معاه كارت 1050 ti

هعمل بنصيحة حضرتك بإذن الله ومحتاج اعرف اجيب مشتت ايه كويس ومش غالي اوي ؟

وهل لو جبت مبرد مائي للمعالج هيحتاج يكون فيه تكييف في المكان ولا لا ؟

انا ركبت معاه EVO 212 ولو مستعمل المفروض 600ج تقريبا والحراره كانت 60 تقريبافى الضغط ....تقليل الجهد هايضيع اداء ومش قليل بس لو عقبال ماتحل المشكله ,,,,,المشتت المائى المفروض خرطومين واحد بيروح بالمياه الساخنه من المعالج انشرها بطول المروحه فى خطوط مرور ثم تتبرد وترجع فى الخرطوم التانى للمعالج ولم اسمع تقيد بتكييف ومش محتاج مائى الموضوع بسيط وانته مش هاتكسر سرعه ولا تغير فولت ...لكن فى بعض الكيس ممكن الباب مش يتقفل من المشتت الهوائى لان عرض الكيسه صغير واحيانا مش مشكله .

Mahmoud.Saad
17-06-2017, 05:09
انا ركبت معاه EVO 212 ولو مستعمل المفروض 600ج تقريبا والحراره كانت 60 تقريبافى الضغط ....تقليل الجهد هايضيع اداء ومش قليل بس لو عقبال ماتحل المشكله ,,,,,المشتت المائى المفروض خرطومين واحد بيروح بالمياه الساخنه من المعالج انشرها بطول المروحه فى خطوط مرور ثم تتبرد وترجع فى الخرطوم التانى للمعالج ولم اسمع تقيد بتكييف ومش محتاج مائى الموضوع بسيط وانته مش هاتكسر سرعه ولا تغير فولت ...لكن فى بعض الكيس ممكن الباب مش يتقفل من المشتت الهوائى لان عرض الكيسه صغير واحيانا مش مشكله .


تمام حضرتك انا اللي محيرني هو الراديتور بتاع المبرد المائي بيبرد الميه بنفسه ولا بيعتمد على درجة حرارة المكان المحيط بيه ؟

ولو هجيب مشتت هوائي حضرتك تنصحني اجيب ايه في حدود متتعداش ال 600 جنيه برضو ؟

Yasser
17-06-2017, 05:19
اكيد انته مش حاطط الجهاز فى الشمس يعنى :) انا شوفت فيديو بسيط عن مشتت بمروحه واحده والفكره فى مرور المار فى انابيب صغيره على الرادياتير . المشتت COOLER MASTER EVO 212 ...او اى حاجه شبهه هاتقضى الغرض وهات ارخص حاجه الفكره فى هيكل معدنى اكبر من المروحه اللى عندك لامتصاص افضل للحراره وتشتيتها على سطح اوسع.

Mahmoud.Saad
17-06-2017, 05:23
اكيد انته مش حاطط الجهاز فى الشمس يعنى :) انا شوفت فيديو بسيط عن مشتت بمروحه واحده والفكره فى مرور المار فى انابيب صغيره على الرادياتير . المشتت COOLER MASTER EVO 212 ...او اى حاجه شبهه هاتقضى الغرض وهات ارخص حاجه الفكره فى هيكل معدنى اكبر من المروحه اللى عندك لامتصاص افضل للحراره وتشتيتها على سطح اوسع.

تمام ألف شكر لحضرتك

وبالنسبة للمعجون اجيب ايه ؟

Yasser
17-06-2017, 05:28
لو جبت مشتت استعمال نضيف المفروض بييجى معاه انبوبه كولر ماستر بس صعب توصلك !..لو هاتجيب مشتت يبقى اى معجون ان شئت وغيره كل بضع شهور او معجون كويس بس هايكلف

Mahmoud.Saad
17-06-2017, 05:31
لو جبت مشتت استعمال نضيف المفروض بييجى معاه انبوبه كولر ماستر بس صعب توصلك !..لو هاتجيب مشتت يبقى اى معجون ان شئت وغيره كل بضع شهور او معجون كويس بس هايكلف


تمام شكرا جدا لحضرتك :)

ويرجى اغلاق الموضوع :$