الكارت في حالة ضغط اثناء الخمول

[pc-prince]

السلام عليكم خبراء الموقع وكل سنة وانتو طيبين


دلوقتى فى مشكلة ظهرت معايا من فترة وتختفى وتظهر تانى
هى انى لما افتح الجهاز واشغل hwmonitor الاحظ تحميل على الكارت فى حالة الخمول وانا مش مشغل اي حاجة
فياريت لو حد واجهته نفس المشكلة وحلها يقولى ازاى وهل الموضوع ده يسبب ضرر للكارت

https://store6.up-00.com/2017-06/149789885840281.png (https://www.up-00.com/)

[RVD150]

بتكون مشغل fire fox او اى براوز بيستهلك من الكارت

افتح التاسك منجير بروسيس و صور الصفحة كاملة عشان نعرف اية اللى بيسحب من الجهاز

[pc-prince]

لا مش فاتح اي حاجة
https://store6.up-00.com/2017-06/149790056688021.png (https://www.up-00.com/)

[pc-prince]

طب مفيش برنامج او طريقة اعرف منه ايه اللى شغال ومحمل على الكارت؟

[Yasser]

الصوره الاولى بتوضح التردد الحالى ....لكن لو نظرت على اخر سطر utilization هتلاقى 0%

[pc-prince]

شكرا للاخوه على الرد جزاكم الله كل خير
بس اللى مجننى ان العادى بتاع الكارت الclock والmemory دايما 300 و 150 فى حالة الخمول
يعنى كده مقلقش؟

[Yasser]

نزل برنامج msi afterburner لكى يطمئن قلبك هيوضح التردد لو زاد مؤشره او الحراره بتعلى هايبان قصادك ..

https://i.imgur.com/86ngCoN.png


https://i.imgur.com/XOELT3z.png

[alyaldeen]

استاذ ياسر كنت ها قوله الكلام ده وقمت انشغلت عملت ريفريش لقيت حضرتك قمت بالواجب

[Yasser]

استاذ ياسر كنت ها قوله الكلام ده وقمت انشغلت عملت ريفريش لقيت حضرتك قمت بالواجب

بارك الله فيك مافيش فارق بين الاخوه ^^

[xyza]

حصلت معايا والكرت كان عامل تحميل 100% بدون اى سبب واكتشفت ان المشكله بسبب نسخه الويندوز وكانت 10 للعلم وبسببها رجعت لل7 تانى والوضع حاليا مستقر جدا .لو المشكله ما اتحلتش انصحك تجرب نسخه تانيه

[pc-prince]

يعنى مفيش منها خطوره على الكارت ؟!

[pc-prince]

نزلت نسخة جديده واختفت يومين المشكلة بعد كده رجعت تانى ارجوكم حد يساعدنى عشان هتجنن

[pc-prince]

على الاقل لو محدش هيعرف يساعدنى يقولى ايه ترجمه المشكلة بالانجليزى عشان ادور على حلها

[Yasser]

على الاقل لو محدش هيعرف يساعدنى يقولى ايه ترجمه المشكلة بالانجليزى عشان ادور على حلها


يااخى التبكيت مالوش داعى خصوصا ان اكتر من شخص رد عليك ولكنك يغلب عليك القلق ....فى برنامج مجانى يعتبر دقيق اسمه HWINFO 64 ....دى صوره من جهازى فى الاستعمال العادى ...نزل البرنامج وقارن بالوضع عندى ....وكل عام وانت والاسره الكريمه بخير :


https://i.imgur.com/PJYd9UQ.png


الصوره الاولى بتوضح التردد الحالى ....لكن لو نظرت على اخر سطر utilization هتلاقى 0%

ايضا فى ردى الاول وضحتلك من صورتك ان "utilization" اى الاستخدام للكارت 0% من صورتك الاولى

[pc-prince]

لا تبكيت ولا شئ اخى ياسر ويعلم الله انى اتكل بحسن نيه
وكل عام وانت بالصحة والسلامة
الموضوع هو قلقى من زيادة درجة الحرارة المزعجة من غير سبب
نزلت البرنامج وصورت فى حاله الخمول
https://c.top4top.net/p_540f48lz1.png (https://up.top4top.net/)

[pc-prince]

وهذه الوضع الطبيعى قبل المشكله لقراءة الكارت
https://store4.up-00.com/2017-06/149830525433831.png (https://www.up-00.com/)

الفرق مزعج

[Yasser]

الكارت ليس عليه تحميل او استخدام ومع ذلك حراره 48 فى الوضع العادى هى عاليه ممكن تجرب حلول مثل عمل بروفايل اعلى لعمل المراوح وتغيير المعجون الحرارى للكارت.


*مع مقارنه الوضع السابق ملاحظ ان تردد المعالج والرام للكارت يعملون على الmax حاليا فى الوضع العادى عندك ...اعتقد المشكله فى برنامج معين على جهازك

[pc-prince]

بعد تغيير الويندوز واستقرار الوضع لاسبوعبن رجعت المشكلة تانى
ممكن كده تكون مشكلة ايه؟!:(

[xyza]

كده المشكله سوفت وير وشئ وارد يكون فيروسات ولو انى انصحك تجرب ويندوز7 لفتره ان امكن .انا قولتلك فى رد سابق انى قابلت المشكله ديه مع كارتى على ويندوز 10

[Yasser]

اعتقد المشكله فى برنامج معين على جهازك



كده المشكله سوفت وير وشئ وارد يكون فيروسات

بجانب فحص الفيروسات ...شوف المشكله بتبدأ مع تثبيت اى برنامج لان ربما بعض البرامج التى تقوم بتنصيبها ليها دخل

[pc-prince]

افحص بwindows defender ولا يفضل انزل برنامج؟

[pc-prince]

بجانب فحص الفيروسات ...شوف المشكله بتبدأ مع تثبيت اى برنامج لان ربما بعض البرامج التى تقوم بتنصيبها ليها دخل
شيلت كل البرامج اللى شاكك فيها يا استاذ ياسر ومفيش فايدة كده ترشحلى افضل برنامج ايه للفحص؟

[phenomenon]

طيب بالله عليك تقولنا ما هو نوع كارت الشاشه و ما هي سرعة التردد الطبيعيه في أوقات الخمول لان 450MHz تردد واطي مش شايفه عالي

[pc-prince]

وهذه الوضع الطبيعى قبل المشكله لقراءة الكارت
https://store4.up-00.com/2017-06/149830525433831.png (https://www.up-00.com/)

الفرق مزعج

ده الوضع الطبيعى يا استاذ
phenomenon (https://arabhardware.net/forum/member.php?u=11301600)

ونوع الكارت r7 265 والتعريف المستخدم 17.6.2 (التعريف متأكد انه ملوش دعوه عشان سطبت كل اللى قبله وكانت المشكلة موجودة بس قولت اذكره احتياطى) وانا بعتذر لو طولت عليكو بس فعلا المشكلة مضيقانى عشان الحرارة والتردد بيزيدو من غير اى سبب ولو في برنامج فحص كويس ترشحولى اكون شاكر ليكم واسف على الازعاج

[phenomenon]

و الله الأمر غريب جداً

سرعة تردد المعالج و الذاكره و سرعة المروحه و درجة الحراره مرتفعه و لكن ما يجعل الأمر غريباً هو خمول المعالجه نفسه بصوره شبهه كامله و هذا ما لاحظته في رد الأستاذ ياسر
المعالج يعمل بنسبة %0 أي خامل تماماً مجرد عرض الصوره على الشاشه و لكن كيف ترتفع حرارته في برامج القرائه امر غريب

طيب محتمل بعض تحديثات الويندوز هي السبب فهل الابديت مغلق ام فعال بصوره طبيعيه ؟

هل حاولت عمل بروفايل من برنامج MSI AB ؟

[pc-prince]

لا انا قافل الابديت
ومعملتش بروفايل من msi قبل كده بس البرنامج عندى

[phenomenon]

في شيء غريب لاحظته بصورتك المرفوعه السابقه
المعالج الرسومي و دائرة طاقته لا تستهلك سوى 0.57W في حالة الخمول ؟؟
بالتأكيد هذا الأمر مستحيل ( ربما معالج لاب توب و ربما لكن على الأقل اي كارت PC هيكون في معدل 8W / 10W في أفضل حالاته و أخر مراحله خموله "

اعتقد ان البرامج ممكن مش قادره تتعرف على القرائات الصحيحه
طيب حضرتك ثبت MSI AB و شوف قرائاته ايه و راقب وضع الاستخدام هل بيزيد فعلاً في التحميل سواء سرعة المروحه او التردد ام لا
و جرب ايضاً برنامج GPU Z

https://images.anandtech.com/doci/8589/Monitoring.png

[pc-prince]

القراءة تمام
المشكلة بتختفى لفترة صغيرة بعد ما اشيل التعريف ببرنامج ddu واسطبه (يعنى بالكتير لما اقفل الجهاز مرتين مثلا المرا التالته لما افتحه تظهر المشكلة)
انا مقدر تعبكو والله وجزاكم الله كل خير على المساعده عملتو اللى عليكو و زياده وانا هضطر اتأقلم مع المشكلة لو ظهرت انى اعيد التسطيب تانى (y) وشكرا!!

[phenomenon]

مفيش تعب ان شاء الله

لو الموضوع وقف لحد قرائات خاطئه وعدم التعرف عليها فهي ليست مشكله من الأساس ولا تستدعي إزالة التعريف و تثبيته مرارا و تكرارا

شبيهه جدا باللي بيحصل معايا بمجرد تثبيت الويندوز الاحظ برامج القرائه قادره تتفحص جميع قطع الجهاز و بتوضح درجة حرارة اللوحه الام بأسمها و درجة حرارة دائرة الطاقه للكارت و شيباية البورده

لكن بمجرد تثبيت التعريفات و عمل ريستارت الدنيا تبدا تدخل في بعضها

حرارة الشريحه بتختفي / حرارة اللوحه الأم بدلا من ظهورها بأسم Motherboard Temp تبدا تظهرلي بأسم System / حرارة دائرة طاقه الكارت بتختفي / مسميات كتير بالقرائه بتتغير

كل ده بيكون بسبب عدم التعرف على نوع منظمات جهد التيار بالهاردوير و لكن لو البرامج داعمه لهذه المنظمات هتقدر تقراها بطريقه دقيقه جدا

فبالنسبالك لو اتضح انها مشكلة قرائه فلا تستدعي القلق و جرب الاعتماد على Aida64 Extreme
لكن في النهايه لو اتضح ان الكارت في حالة خمول تماماً و ملاحظ ان صوت المروحه بطيء جداً و لم تزيد سرعتها بالفعل في الحاله دي ممكن نتكهن ان البرامج مش بتقدر تتعرف على الحاله الحاليه للكارت و لكن
بتقتبس من تعريف كارت الشاشه مواصفات الكارت فقط و تضيفه امامك - ايضا راقب برنامج الكارت AMD CCC

أما لو إتضح ان فعلاً سرعة المروحه بتزيد بشكل ملحوظ نتيجة ارتفاع درجة حرارة الكارت و بتلاحظ ده من صوت المروحه اللي بيعلي فجأه فلازم توقف الاعتماد على التعريف و تشوف تعريف قديم كان مستقر

المهم هنتابع معاك بس لازم تخلي نوافذ مراقبة حالة الهاردوير امامك طول الوقت و راقب وضع شكلها في الالعاب و الخمول لحين الاطمئنان تماماً ان الامر لم يعد يحتاجها
بالتوفيق بعون الله

[pc-prince]

جزاك الله خير يا استاذ Phenomenon
لا للأسف القراءة حقيقة لأن صوت المروحة بيعلى وسعات صوتها بيوصل لmax لمده ثانيه وترجع والحراره بتزيد مع ثبات التردد على 1400 (الطبيعى 300)
فكرت انى انزل تعريف قديم بس مش عارف ايه نظامه مع العاب دلوقتى لانى مهتم بالالعاب وبنزل الجديد دايما
فلو ده مش هيعمل مشكلة مع الاداء ارجو حضرتك تقولى ايه هو اخر تعريف قبل تعريفات crimson واجربه