طلب تجميع للتعدين

[عبدو حمادة]

السلام عليكم ورحمة الله وبركاته
لو سمحتوا أنا عاوز أفضل تجميعة جهاز للتعدين في مصر وهل فكرة التعدين لها عائد إقتصادي كويس ؟ في مصر

[DMO]

للاسف التعدين الفتره دي العائد بتاعو مش كويس بسبب ارتفاع اسعار الكهرباء و غلاء كروت التعدين وعدم توافرها في الاسواق حتي علي امازون

[zozo 22]

اسف لانى ادخلت فى الموضوع ممكن حد يشرحلى ويعطينى فكرة عن جهاز التعدين فى مصر

[Black foxer]

وعليكم السلام اخي الكريم

مبدأيا يجب تحديد عدد الكروت التي ستستخدمها كي نرشح لك لوحة ام (بوردة) مناسبة ولكن عموما اذا كنت تريد استخدام 3 كروت الى 5 كروت شاشة فتفضل الاتي :

ASUS PRIME Z270-P

Crucial Ballistix Sport LT 4GB DDR4 2400

Intel Celeron G3900 2.8GHz LGA 1151

لو هتستخدم كارتين يبقى باور واحد من ده يكفيك Thermaltake Smart SE 730w PSU لو هتستخدم 3 كروت يبقى Thermaltake Smart SE 730w PSU + Bitfenix BPA 500 500W PSU لو هتستخدم اكتر من 3 كروت يبقى 2 باور من ده Thermaltake Smart SE 730w PSU (طبعا ده المتوفر في مصر بضمان محلي لكن evga ممكن تغنيك عن ده بضمان دولي للاسف باور 1300 وات يشغلك 6 كروت مستريح و 850 وات يشغل 4 كروت مستريح و 750 وات يشغل 3 كروت مستريح )

الكروت بقا لو هتستخدم RX 570 غالبا سعره في مصر هيكون من 7000 ل7500 لو هتستخدم RX 580 سعره في مصر هيكون من 10000 بالنسبة لكروت نفيديا الGTX 1070 النسخة الحورس هتكون في حدود 9800 للاصدار ال8 جيجا و GTX 1060 الاصدار 6 جيجا هيكون عامل 7500 و 3 جيجا هيكون عامل 6000

هتسألني فين الCASE ألي هيتركب فيها الحاجة دي ؟! في التعدين بتستخدم حاجة اسمها فريم الي بتشيل 6 كروت والمونتال و مراوح 120 و 140 سعرها حوالي 1500 و هتجيب معاها لكل كارت شاشة وصلة اسمها رايزر سعرها 300ج الواحدة ووصلة لدمج الباورين مع بعض

بالنسبة للكهرباء ممكن تعمل ممارسة كل 3 شهور 400ج مهما استهلكت

[Black foxer]

بالنسبة للعائد الاقتصادي في مصر الكارت الواحد RX 570 او RX 470 لان الاداء واحد تقريبا يقدر اقل حاجة حوالي 110 دولار شهريا و المتوسط 120 دولار مع كسر سرعة بسيط وتعديل بيوس بيوصل ل135 دولار شهريا
الكارت الRX 580 او RX 480 اقل حاجة في الشهر 140 دولار المتوسط 155 دولار مع كسر سرعة بسيط بيوصل ل175 دولار شهريا

النفيديا GTX 1070 مع كسر سرعة بسيط بيعطي نفس اداء RX 480 و RX 580 و GTX 1060 بيعطى اداء اقل من RX 570 و RX 470 يعني الكارت ممكن متوسطه شهريا 105 دولار و مش هيقل عن 95 دولار و مع كسر سرعته ممكن يوصل ل120 دولار شهريا

[عبدو حمادة]

شكرا لكم على إهتمامكم .... ربنا يوفقكم

[ghome]

بالنسبة للعائد الاقتصادي في مصر الكارت الواحد RX 570 او RX 470 لان الاداء واحد تقريبا يقدر اقل حاجة حوالي 110 دولار شهريا و المتوسط 120 دولار مع كسر سرعة بسيط وتعديل بيوس بيوصل ل135 دولار شهريا
الكارت الRX 580 او RX 480 اقل حاجة في الشهر 140 دولار المتوسط 155 دولار مع كسر سرعة بسيط بيوصل ل175 دولار شهريا

النفيديا GTX 1070 مع كسر سرعة بسيط بيعطي نفس اداء RX 480 و RX 580 و GTX 1060 بيعطى اداء اقل من RX 570 و RX 470 يعني الكارت ممكن متوسطه شهريا 105 دولار و مش هيقل عن 95 دولار و مع كسر سرعته ممكن يوصل ل120 دولار شهريا

كويس اوى الاسعار دى
اى عملة المفروض اعمل تعدين علية ؟
Ethereum ؟ولا اية؟ هتجبلى فى حدود اللى حضرتك ذكرتة ؟

[Black foxer]

كويس اوى الاسعار دى
اى عملة المفروض اعمل تعدين علية ؟
Ethereum ؟

ولا اية؟ هتجبلى فى حدود اللى حضرتك ذكرتة ؟

الايثيريم كويسة جدا وحاليا بتنافس البتكوين بمعنى انها من سنة تقريبا كانت لا تتعدى 3% من سوق العملات الرقمية حاليا تستحوذ على اكثر من 40% وفي خلال سنتين من دلوقتي خبراء التعدين بيتوقعوا انها هتزيد 3 اضعاف