الأسعار النار المولعة دى حقيقة ام خيال

[wcw 321]

السلامو عليكم ورحمة الله وبركاته ياأفضل منتدى عربى على الاطلاق وانا بدور فى النت على كارت شاشة لواحد صحبى وحبيى قلت اخش على موقع ايجى برايز عشان اشوف الاسعار وياريتنى مادخلت
روحت بحثت عن كارت Gtx 1050 ti النسخة الاربعة جيجا ولقيته سعره يقارب 4400 جنية فهل الاسعار دى حقيقة ام انا اتخيل وليه البلد وصلت للحالة دى والكارت ده كان عامل من فترة صغيرة اسبوعين او اقل كان تمنه 3500 جنية فبصراحة اصدمت من السعر المهول ده وبش عارف اقول ايه لصاحبى اللى كنت ناوى اجبله كارت زى دى واصدمت من الاسعار دى ودلوقتى هل ابلغ صاحبى بالسعر ده او ماذا افعل وهو كان اخره 2000 جنية وبش عارف اجبله منين كارت بالسعر اللى هو عاوزه ويكون 4 جيجا وشكرا على سعة صدركم معايا واسف للازعاج

[Waheed1977]

ولسه الاسعار هتزيد
انا شاري الكرت امبارح ب4100 بالعافيه

تم الإرسال من LG-H815 باستخدام Tapatalk

[dr.ahmed shahin]

استني اسبوعين اسعار الكروت هتنزل للاسف فيه احتكار لقلة الاستيراد وكله بيبيع بمزاجه لانه عارف ان الكروت مش متوفرة

Sent from my D6633 using Tapatalk

[wcw 321]

هتنزل ازاى بس والاسعار عمالة تزيد

[dr.ahmed shahin]

بتزيد عشان مفيش كروت ف السوق .
الدولار ثابت ع 18
والدولار الجمركي ب 16.5 كمان
الاسعار الموجوده حاليا نتيجة احتكار اول ما تيجي شحنة من بره وتتوزع ع المحلات هيبيعوا بالاسعار القديمة

Sent from my D6633 using Tapatalk

[wcw 321]

لا أعتقد ان الاسعار هتنزل طالما فى ناس بتشترى بالاسعار الفلكية دى

[dr.ahmed shahin]

اللي بيشتري دلوقتي يبقي دماغه مش مظبوطه او فلوسه كتير
الدولار كان ب 18 وال gtx 1060 كان ب 4500
دلوقتي الدولار ب 17.9 ونفس الكارت ب 5700 !!!!!
استهبال

Sent from my D6633 using Tapatalk

[abdalhaliem]

ياجماعه القصه بأختصار شديد

هى تلك الجمله

جشع التجار + أقتصاد مهترىء ........

نقطه ومن أول السطر

تصور وتوقع شخصى

الأسعار لن تهبط بل سترتفع

كطبيعه الأشياء بمصر المحروسه

تحياتى للجميع

[Nour Eldeen tarek]

الأسعار ارتفعت علشان الدولار الي بنشتري بيه الحاجة من بره كان 10 جنيه وبقي 18 جنيه والدولار الجمركي
الي بنخلص بيه في الجمارك كان 7.80 بقي 16.50 والجمارك كانت 5 %و10% بقت 15% و25% وضريبه المبيعات الي كانت 10%
ارتفعت لضريبه قيمه مضافه 13% والناس دلوقتي اولويه الشراء عندها في ظل ارتفاع الاسعار للأكل والشرب والتعليم والادوية مش التكنولوجيا مع الأسف هذه هي الحقيقة المؤلمه

[وحيد1]

بقالى يومين بنزل الف على كرت 1050
مول العصر والسخاوى وما حوالهم
الكروت مش بتطلع لوحدها لازم فى تجميعه كيسه كامله ...لو ليك معرفه ممكن الكرت يطلع ب3800ج.
مول البستان بكل محلاته مش موجود غير الجلاكسى ب3750
ونسخه MSI ب4100 وفى محلات بتبيعه 4300ج
الكلام ده على كل كروت GTX ايه السبب الله اعلى واعلم
كروت Amd موجوده ومحدش بيسأل عنها او فيها ليه الله اعلى واعلم
وبعد معانا لاقيت محل تبع واحد معرفه طلع الكرت4100ج فى السخاوى وبعد الاتصال والاتفاق والحجز
روحت علشان اجيبه تانى يوم لاقيته بيقولى الكرت غلى ب4400 بقوله ازاى ده انا متصل بيك الساعه 12 بليل
يقولى الاسعار غليت مع انه بالواسطه يعنى وبعد نقاش كتير طلع الكرت ب4100ج ((الكلام ده حصل النهارده الجمعه 7/7/2017))
ربنا يستر على الايام الجايه

[RVD150]

يا جماعة لا داعى للقلق سيدنا يوسف لما طلب من ربنا يمسك خزائن الارض ربنا مسكو خزائن مصر معنى الكلام دة اية ان البلاد دى فيها حاجات كتير و ثروات كتير و ربنا ..ذكر مصر فى القرأن اكتر من مرة خلاص لا داعى للقلق فقط ندعى و ان شاء الله مصر محمية من عند ربنا

[mohamedmostaf]

السلامو عليكم ورحمة الله وبركاته ياأفضل منتدى عربى على الاطلاق وانا بدور فى النت على كارت شاشة لواحد صحبى وحبيى قلت اخش على موقع ايجى برايز عشان اشوف الاسعار وياريتنى مادخلت
روحت بحثت عن كارت Gtx 1050 ti النسخة الاربعة جيجا ولقيته سعره يقارب 4400 جنية فهل الاسعار دى حقيقة ام انا اتخيل وليه البلد وصلت للحالة دى والكارت ده كان عامل من فترة صغيرة اسبوعين او اقل كان تمنه 3500 جنية فبصراحة اصدمت من السعر المهول ده وبش عارف اقول ايه لصاحبى اللى كنت ناوى اجبله كارت زى دى واصدمت من الاسعار دى ودلوقتى هل ابلغ صاحبى بالسعر ده او ماذا افعل وهو كان اخره 2000 جنية وبش عارف اجبله منين كارت بالسعر اللى هو عاوزه ويكون 4 جيجا وشكرا على سعة صدركم معايا واسف للازعاج
حضرتك الكارت نسخة evga عاملة على newsegg حوالى 150 دولار
يعني لو كان الدولار ب 10 جنيه ( و من اربع سنين تقريبا رقم 10 جنيه ده حاجة مهولة ) هيبقي حوالى 1500 جنيه بمكسب التاجر بالجمارك بكل حاجة معتقدش كان هيعدي 2300 جنيه
لكن للأسف الدولار دلوقتى ب 18 + جشع التجار العلني الى بيبرروه بأن ازمة الدولار مش و لا بد و ممكن سعره يزيد بسرعة + جمارك على المنتجات الي بتساوي ضعف تمنها و الى محدش يعرف الفلوس دي بتروح فين اساسا
فده هيبقي شيئ طبيعي و انا متأكد ان الكارت سعره هيزيد اكتر تانى كمان ده كده مجرد تسخين للي جاي بسبب مشكلة البنزين الجديدة ديت
و حاجة اخيرة معلش بلاش حضرتك تدخل على eg prices او لو دخلت اتصل بالشركة الي شوفت من عندها الأسعار عشان تتأكد منها لأن الحاجة تبقي مثلا ب 1000 جنيه على الموقع تروح تسأل فى الشركة يقولك 1500 و ان السعر غلي و انهم بقالهم كتير مبيحدثوش اسعارهم على الموقع حتي لو كانوا لسا محدثين السعر من يوم ;)

[dr.ahmed shahin]

جمارك ايه ع الكروت
وبتتحسب ازاي الجمارك دي ؟!
من زمان وهما بيقولوا جمارك وصدقني كله فنكوش

Sent from my D6633 using Tapatalk

[Chrono Cross]

السبب الرئيسي لارتفاع اسعار كروت الشاشه هي بسبب التعدين و ندره الكروت و علي فكره المشكله مش في مصر فقط حتي لو دخلتم علي موقع امازون حتشوفوا قله الكروت و ارتفاع اسعار الكثير منها و بطبيعه الحال وراء كل مشكله مستفيد فدي فرصه كبيره للشركات المصنعه و التجار لاخفاء معظم المخزون و كل فتره يتم طرح جزء منه بسعر اغلي حتي يتم تحقيق مكاسب كبيره في فترات قصيره قبل طرح المعماريات الجديده و للاسف السبب الرئيسي لهذه المشكله هو المستهلك و قله وعيه فكلما تسارعت الاسعار بالارتفاع تزايد الطلب و الاندفاع للشراء ايضا و الحل المناسب سيكون طرح منتجات للسوق خاصه بالتعدين غير منتجات جمهور اللاعبين قريبا انشاء الله

[mohamedmostaf]

جمارك ايه ع الكروت
وبتتحسب ازاي الجمارك دي ؟!
من زمان وهما بيقولوا جمارك وصدقني كله فنكوش

Sent from my D6633 using Tapatalk
حضرتك مفيش حاجة بتدخل البلد معليهاش جمارك خاصة فى المجال ده
ده غير ضريبة المبيعات
جرب حضرتك تشتري اي حاجة من مواقع اجنبية و انت هتفهمني
لأن على حد علمي اي بضاعة بيتم شحنها على المواني بتروح مباشرة على قسم الجمارك
و على حد علمي بردو فى حكاية كروت الشاشة بتبقي حوالى 10% تقريبا بتتضاف على سعر الحاجة الى فى الفاتورة