استفسار وارجو الاجابه من اهل الخبره والعلم بخصوص مزود طاقه Cooler Master Xtreme 500W

[hosamhoshos]

عندى باور صبلاى cooler master 500 w
model number RS-500-PCAR--i3
البااور ده يشغل كارت gigabyte gtx 760 2gb 2x windforce
الجهاز مكوناته
i5 4460 +Asus B85M-E Ram GSKIll Ares c9 1.5v pass 1600 WD 1tera blue
لو هيشتغل كويس على الباور هجيبه لو مش هيشتغل كويس يبقى بلاش منه
افيدونا افادكم الله

[phenomenon]

اخي الكريم
موديل Extreme غير مصدق علي كونه قادر على إستخراج 500W و العمل تحت وطأة ضغط شاق و درجات حراره مرتفعه

متطلبات الكارت المصنعيه 500W PSU
ممكن المنصه بالكامل تتطلب 250W إلى 300W في حالة الضغط
ربما يقدر باور Extreme و تحديداً لو V2 يقضي الغرض و ينفذ المهمه لكن الحقيقه مقدرشي اؤكد على الكلام ده لان مراجعاته سيئه

تعديل : اقصى تقدير للباور 290W تقريباً و بعدها يبدأ في الفشل بالإستقرار لنسب الضجيج المسموحه لتيار فولتيات التغزيه جميعها حسب مراجعة HWS

https://i.imgur.com/hJONOGf.jpg

المصدر (https://www.hardwaresecrets.com/cooler-master-extreme-power-plus-500-w-power-supply-review/7/)

[hosamhoshos]

شكرا لحضرتك لكن انا عايز اقول حاجه
انا جربته على منصة i5 4590 + MB H97 D3H + 2HDD WD Blue + Sapphire RX 460 2GB
ب novabench FurMark فنفس الوقت كنت بعمل تست للكارت وتست للبروسيسور تقريبا لمده 3 ساعات
وجربت عليه العاب زى BF1 AC Unity & Cyndcate & The Witcher3 لمدة 12 متواصل و 48 ساعه متفرقه
ومحصلش اى دروب فى التيار عندى والمنصه فضلت شغاله تمام
ممكن ده يكون تفسيره ايه ؟؟
الباور +12V / 40 A

[hosamhoshos]

الباور اللى عندى +12V / 20A & +12v / 20A
-12/0.5A
+3.3V/ 22A
+5V / 20A

[phenomenon]

تمام يا أخ حسام
كما أخبرتك سابقاً فمن الممكن إستقرار مزود الطاقه دون ملاحظة وجود أدنى مشكله
و لكن على الأغلب تظهر المشاكل مع إرتفاع درجة حرارته حدود 50C بسبب إستهلاك الطاقه العالي مع البطاقات الرسوميه المتعطشه للطاقه

من خلال المراجعه أقصى قدرات الباور 300W و لكن تظهر المشاكل مع 400W
لذلك ربما نعتبر أن أقصاه 350W
و المشكله ليست في قدرته على التغزيه و لكن في نسب ضجيج التيار Ripple / Noise المرتفع جداً

من خلال المراجعه ستلاحظ ان المحرر ذكر ان تيار 12V+ كان بيتجاوز 130mV و أقصى نسبه مسموحه لتيار 12V+ حسب شروط Intel هي 120mV
بالرغم ان مزود الطاقه المعتدل قد لا يتجاوز 50mV من الأساس

هذه المشكله قد تتسبب في عدم إستقرار الجهاز و قد يتأثر منها مزود الطاقه او قطع الحاسب

طيب ممكن توضيح اخي الكريم لنوع نسخة الكارت بالضبط

[hosamhoshos]

طيب الباور يناسبه كارت 750ti 2GB من شركة جيجابايت ؟

[hosamhoshos]

انا كنت ناوى اجيب كارت gigabyte gtx 760 2gb windforce
بس الرجل اللى هيبعلى الكارت قلى انه مشغله على باور 600 وات فقلقت وقلت اسأل هل الباور بتاعى هيشغله ولا ممكن الكارت يتحرق
حاليا ممكن اجيب كارت 750ti 2gb شركة جيجابايت برضه
فانا محتاج نصيحه لانى معنديش النيه انى اغير الباور

[phenomenon]

أعتقد أن فرصة الشراء لكارت من البطاقات الحديثه DX 12.0 موفره بالطاقه هتكون أفضل و بنفس التكلفه تقريباً و مش هتفرض تغيير الباور و قريبه في الأداء
بفضل إهتمام المبرمجين بتعريفاتها و تحسين ادائها بالالعاب عن الاجيال السابقه
مثال على GTX 950 / GTX 960 و بطاقة RX 460 نسخة 4GB هتكون حل مثالي

جميع الألعاب القادمه DX12.0 لا تنسى هذا الأمر و ستتفاجىء بسلبية الأداء مع جميع بطاقات DX11.0 خاصةً لو كنت تبحث عن شكل الأداء الأفضل

ستلاحظ GTX 1050 / RX 460 بيحققوا تفوق ملحوظ على بطاقات GTX 950 بل أحيانا GTX 960 و هذا بفضل دقة التصنيع الأفضل

في جميع الأحوال GTX 750Ti من البطاقات الموفره بالطاقه و لا يتطلب النظر بدقه شديده في امر المزود

https://i.imgur.com/Li8CTwu.png

https://i.imgur.com/OxjwL9U.png

[hosamhoshos]

يعنى نقدر نقول ان كارت ال 1050 هيبقى حل مثالى بالنسبه للباور اللى موجود حاليا
طيب معلش سؤال فنى اخر .
الكارت ال 1050 لو حبيت اشغله على بروسيسور C2D E8400 3GH 6MB Cash
ممكن يبقى فيه Bottleneck ?
ولا هيشتغل بدون مشاكل على رزوليوشن 900P
مع البروسيسور ال E8400 + MB G41

[phenomenon]

بالتأكيد هو الحل الأمثل

لو الجهاز اوريجنال اخشى انه لن يدعم البطاقات الحديثه من عائلة GTX 10
لو تجميع يرجى التأكد فقط من تحديث البيوس لاخر اصدار متواجد بصفحة اللوحه الأم

الحقيقه هيكون في نسبه من عنق الزجاجه اخ حسام
ياليتك تستطيع الوصول بمعالجات رباعية النواه عالية التردد او تأجيل فكرة الترقيه لتحديث المنصه بالمقام الأول
المعالج ضعيف و لن تشعر معه بقوة البطاقه الحقيقيه