مشكلة ريستارت الجهاز

[fathyg]

السلام عليكم ورحمه الله
عندي مشكلة في الجهاز أن الجهاز بيعمل ريستارت أثناء لعبة رايز تومب رايدر جرب كام لعبة شغالين عادي اللعبة شغالة من ستيم
المشكلة الجهاز احيانا بيفصل في اوقات والرزلويشن
بيرجع علي 1024 مع العلم أن الجهاز رزلويشن ١٠٨٠
امكانيات جهازي كالتالي
Asus Maximus viii Hero
Core i5 6600k
Ram Geal super Lucy 2x8 16 G
Asus Gtx 1080 strix
SsD Adata 120 G
Power supply Corsair Cx 750w SIM Modeler
في حاجة تانية أن الجهاز لما يكون شغال بس الشاشة مطفية وتحرك الماوس الجهاز بيعمل ريستارت بردو

مع العلم انا علمت بينشمارك لمدة ١٦ دقيقة ارجو الحل
حرارة البرسيسور اثناء اللعب ما بتعديش ٥٥
والكارت ٦٥

[phenomenon]

وعليكم السلام ورحمة الله وبركاته

نبدأ بأقرب الإحتمالات أخي الكريم

هل المعالج مكسور السرعه ؟ هل حاولت ضبط بروفايل XMP من داخل البيوس ؟

هل جربت تعريف كارت شاشه آخر

منذ متى تحديداً وبدأت المشكله في الظهور

[fathyg]

اولا ازاي اعرف ان البرسيسور مكسور سرعته
بروفايل xmp معنديش خلفية في الجهاز كتير عامل الاعدات الافتراضية البوردة
التعريف منزل اخر تعريف
المشكلة من زمان يعني من ساعة ما اشتريت الكارت

[phenomenon]

طالما حضرتك لم تقدم على كسر السرعه من داخل البيوس و الإعدادات للوحه الأم الإفتراضيه يبقى مفيش كسر سرعه

للإحتياط ممكن تتأكد من برنامج CPUZ " بالنظر إلى خانة CPU Multiplayer وشوف أعلى معامل ضرب لو إتضح انه أعلى من 39 يبقى مكسور السرعه
لو في خانة Bus Speed أعلى من 100MHz يبقى مكسور السرعه

عموما إتأكد مره تانيه او ارفعلنا صوره من CPUZ النافذه الرئيسيه فقط

عاوزين نعرف المشكله بدأت تظهر إمتى تحديداً ؟؟؟ هل منذ شراء الحاسب ولا مؤخراً فقط

عموما في حالة كانت الاوضاع الافتراضيه هي القياسيه الآن يبقى محتمل وارد ان المشكله من مزود الطاقه أو بالرامات

هل متأكد من توافق الرامات لأني بصراحه مش واخد بالي من طراز الموديل معاك من اي شركه !

[fathyg]

https://store6.up-00.com/2017-07/15005447121911.png

https://store6.up-00.com/2017-07/150054471233722.png

https://store6.up-00.com/2017-07/150054471243213.jpeg

انا حاسس ان المشكلة من الباور سبلاي لان كان عندي كارت شاشة قبل كدا واتحرق وظهر المشكلة انا الشاشة تظهر بها خطوط بس اللي مستغرب له
أن الجهاز عملت لو بينشمارك اشمعني اللعبة دي

[phenomenon]

شوف أخي الكريم

إذا كانت المشكله بمزود الطاقه فهي متوقعه لعدة أسباب

منها مزود Corsair CX من الطرازات التي لم تحظى على إعجاب الكثيرين و على العكس هناك من يرضى عنها جداً

لكن بجميع الأحوال هي تحتوي على مكثفات صينية الصنع و رخيصه و في بعض المراجعات كانت مستويات الضجيج بها عاليه عن النسب المسموحه لتيار فولتيات التغزيه

ربما مع طلب الطاقه الشديد في هذه اللعبه تحديداً يحدث ذلك

لذلك تجربة مزود طاقه آخر قد ينهي المشكله تماماً

في نفس الوقت هذه االجمله " في حاجة تانية أن الجهاز لما يكون شغال بس الشاشة مطفية وتحرك الماوس الجهاز بيعمل ريستارت بردو "

بتقول أن في عدم توافق بين المنصه و مزود الطاقه أثناء مراحل الخمول و هي المشكله التي بدأت أغلب المنصات تعاني منها منذ بداية الجيل الرابع بسبب حالة الخمول
الجديده التي طورتها انتل و غالباً لم تكن متوافقه مع أغلب المزودات المتواجده في السوق و هذا ما استدعى تصنيع مزودات بمناهج تغزيه جديده و يكتب عليها Haswell Ready

لكن بالنسبه للعديد من المستخدمين كان الحل بسيط جدا وهو إلغاء مرحلة الخمول الجديده من برنامج البيوس C6 / C7
فحاول تلغي تلك الخواص أولاً بعمل Disable

تاني شيء وأنت داخل البيوس إبحث عن بروفايل XMP في نوافذ البيوس وغالباً تتواجد بالجزئيه الخاصه بالرامات و تأكد أنها Disable

إحفظ و اعمل ريستارت و شوف النتيجه

المرحله التاليه و هي الضغط على الحاسب بإستخدام برنامج Furmark لمدة ربع ساعه على الأقل

لكن راقب درجة حرارة كارت الشاشه ولا تدعها تتجاوز 85C

بطبيعة الحال هذا البرنامج قادر على إستخراج كامل قوة كارت الشاشه و إرغامه على استهلاك كامل طاقته ولو كانت هناك مشكله من المزود في قدرته على التغزيه المرتفعه بالطاقه
فبالتأكيد سيتبب في عمل ريستارت و بعد لحظات بسيطه جدا من ارتفاع حرارة المزود نفسه

رابط البرنامج (https://www.geeks3d.com/20150828/furmark-1-17-0-gpu-stress-test-opengl-benchmark/)

[fathyg]

شكرا لتعب حضرتك ترشحلي اي باور يكون كافي للجهاز من حيث الوات والماركة
وحضرتك بالنسبة البرسيسور كدا مكسور السرعة ام لا

[phenomenon]

الشكر لله

طيب حضرتك شاري الجهاز من شركة ايه ؟ لأن مزودات الطاقه غالباً لا تخرج إلا مع جهاز كامل و في حاله دي هتضطر للعوده لمكان شرائك عشان يرضو تبديل الباور او شرائك نسخه اخرى

اما في حالة كان الجهاز تجميع متفرق فحاول السعي وراء إحدى الحلول الآتيه

Seasonic M12II 620W EVO Edition 620-Watt 80 PLUS Bronze Full Modular PSU

Cooler Master V750 Semi-Modular PSU 80 Plus Gold

EVGA SuperNOVA 750 G2 Gold PSU

FSP HYDRO G 750W PSU

كلهم برنج 2000 إلى 3500 تقريباً

لو مشهتقدر توفره من داخل مصر يبقى ممكن نشوف من امازون و نحاول اختيار موديل جيد وموفر في الثمن عشان فرق السعر يكون مناسب ليك

لكن اريد منك اولا التأكد بنسبة 100% ان المشكله في مزود الطاقه نفسه

في رساله ليك على الخاص

[fathyg]

تمام حضرتك مستني الرقم وشكرا لحضرتك

[deeb1]

شابوه بجد للادارة ... انا دخلت الموضوع بالصدفة البحته و فعلا مبسوط ان المنتدى لسه شغال بالقوة دي و المديرين متابعين بقوة كده

شابوووه بجد