ارجو ضرورة المساعدة + مشكلة ظهور خطوط في الشاشه بالحاسب الجديد

[AhmedTMy]

السلام عليكم ورحمة الله وبركاته
اسف لو الموضوع مش ف مكانه بس معرفتش انزله فين .

جبت من كام يوم كيسه جديده بامكانيات كالاتي
Processor :i3 7100
Motherboard : gigabyte ga h110m s2ph 1151
Ram 2×4 gb
جبت باور ديل 265 وات الراجل قالي ده هيقوملك الكيسه لانه ديل وبتاع والكيسه جبت اي كيسه تلملي الحاجات دي. ومجبتش كارت شاشه عشان الميزانيه متسمحش .
جيت اركب الشاشه كابل الشاشه منفعش احطه ف الكيسه لان السوكتات الي ف الكيسه اصغر منه والكابل طالع من الشاشه علي طول مببتشالش ، ف رحت تاني يوم اسال ايه الحل وكده واحد قال خد كونفرت وهتشتغل .. بالفعل اشتريت الكونفرت وركبته ف الكابل بتاع الشاشه وحطيته ف الكيسه الشاشه اشتغلت بس كانت بتطفي وتشتغل وبتجيب خطوط بالعرض سبتها للني معرفتش حل .
اخويا الكبير النهارده حب يغير الadapter بتاع الشاشه لانه كان بيعلق قال يمكن تكون منه ، غيره ومن ساعتها مبتشتغلش خالص الadapter بيكون منور بس الشاشه مش منوره نهائي .
ياريت لو حد يعرف حل او ده من ايه يفيدني ضروري واسف علي الاطاله

[البعد الخامس]

وعلكيم السلام ورحمه الله وبركاته

لو كان الجهاز كان يعمل جيداً قبل شراء الباور الديل

الواضح من كلامك ان جهازك ليس اوريجينال لماذا تشترى باور اوريجينال على كل حال لحل المشكله


- المشكله الاولاله من ال adapter الجديد لانه غير مناسب للشاشه او تتأكد انه مناسب للشاشه .

- المشكله الثانيه ترجع الباول الديل وشراء باور احترافى 300 وات مثلا وان شاء الله الجهاز يشتغل كويس .

[AhmedTMy]

انا جبتهم كلهم سوا الجهز مكنش معايا قبل كده .. نسيت اذكر ان الشاشه لما كانت بتشتغل وتنور وتطفي كان واضح ان الويندوز بيبدأ عادي لكن الشاشه كانت المشكله بس ..هل اغير الشاشه افضل ؟

[البعد الخامس]

انا جبتهم كلهم سوا الجهز مكنش معايا قبل كده .. نسيت اذكر ان الشاشه لما كانت بتشتغل وتنور وتطفي كان واضح ان الويندوز بيبدأ عادي لكن الشاشه كانت المشكله بس ..هل اغير الشاشه افضل ؟

تمام حضرتك ترجع بالجهاز والشاشه الى التاجر او المحل مع ال Adapterثم تجعله يجرب الجهاز ويحل المشكله لو كانت من الشاشه يغيره

[phenomenon]

يرجي إختيار عنوان واضح للمشكله أخي الكريم بالمره القادمه

أولاً ألف مبروك على منصتك الجديده

ثانياً لو أمكن ترفعلنا صوره بتليفون لتحديد خطوط الشاشه التي تحدثت عنها

بعض الإستفسارات ربما نقدر نحدد مكان المشكله اكثر :

يبدوا أن الشاشه قديمه فهل هي CRT و ما هو نوع منفذ العرض المتواجد فيها هل هو D-SUB 15pin / VGA 15pin ؟

هل الخطوط بتظهر أثناء وجودك داخل البيوس أو اثناء مرحلة إقلاع الحاسب أم تظهر فقط بمجرد تحميل لوجو الويندوز ثم تثبت بعد ذلك ؟

حضرتك ذكرت بعدم توافر كارت شاشه فهل انت معتمد حالياً على كارت شاشه قديم أم معتمد على منفذ العرض المتواجد في اللوحه الأم " IGPU " ؟