تكرار انواع مختلفة من الشاشة الزرقاء بالرغم من تغيير الويندوز

[Mido Al-Shabah]

لو سمحتم انا في خلال الاسبوع اللي فات جاه لي كل انواع الشاشة الزرقاء بالايرورز بتوعها
بالرغم اني غيرت نوع الويندوز كذا مرة و برضو نفس المشكلة و جربت كل الحلول اللي على النت باستخدام الcmd و استخدام برامج لفحص الباد سيكتور و اصلاحه و برامج للdefrag و الاوبشنز اللي موجودة في الترابلشووتينج برضو نفس المشكلة بس مع تغير الايرور اللي بيظهر
كل دة كان يحسن فقط من اداء الجهاز لكن ما كانش بيحل المشكلة
اخر مرة ظهرت النهاردة و انا بسطب ويندوز جديد في اخر السيت اب بعد اما خلص جابها لي
بس مع العلم انه كل مرة بيجيب ايرور مختلف يعني مرة يجيب شاشة و عليها ايموشن حزين و مرة يحيبهالي و فيها ايرور و هكذا و مش دايما المشكلة بتظهر و انا بسطب
دايما بتظهر بعد اما اسطب الجهاز بعدها بيوم او اتنين تبدأ تيجي و انا خايف تكون المشكلة من الهارد لان دلوقتي اسعار الهاردات غليت الضعف و صعب اجيب هارد جديد
https://www.cnetfrance.fr/i/edit/fo/2013/04/recuperer-fichiers-bsod-01.jpg

[phenomenon]

أولاً ياليتك تحيطنا علم بجميع مواصفات الجهاز

ثانياً هل الهارد فقط قديم و لا الجهاز من فتره طويله و كان شغال بدون مشكله و فجأه بدأت المشكله في الظهور ؟

لو متذكر بدأ ظهور المشكله هل تتذكر انها متزامنه مع إستخدام نوع جديد من نظام ويندوز أو ـثبيت تعريف جديد أو برنامج بدأت في الإعتماد عليه ؟

هل إشتريت أي قطعة هاردوير جديده متزامنه مع بدأ ظهور المشكله ؟

هل معتمد على كروت خارجيه مثل كروت الانترنت و الصوت ؟

هل كشفت على الهارد من الأخطاء و صحته بنسبة %100 و اجريت فحص سطحي و عميق من القطاعات التالفه ؟ هل متأكد من عدم وجود فيروسات ؟

متى هي آخر مره قمت فيها بفك الجهاز و تركيبه أو حاولت تنظيفه ؟

ما هي درجات حرارة قطع الهاردوير بالكامل بالخمول و الضغط ؟

[Mido Al-Shabah]

proc. i5 3450 ram 8gb vga r7 250 hdd WD 1TB
الجهاز كله كنت مجمعه من حوالي سنتين و نصف او اكتر شوية و الهارد من نفس الفترة ولم يتم تغييره
بالنسبة لظهور المشكلة فانا كنت بستخدم ويندوز انتربرايس كانت نسخة جيدة جدا قعدت معايا حوالي سنة لكن من فترة بدات الاقي ان الجهاز مهنج و فيه مشاكل في الويندوز بدات تظهر زي بعض الايقونات تختفي و حاجات كدة فقولت لازم اسطب نسخة جديدة فما كانش عندي الا نسخة ويندوز برو و سطبتها لكن ظهرت مكلة الشاشة الزرقاء فحملت نسخة انتربرايس ltsb و سطبتها و برضو كانت بتظهر الشاشة و النهاردة سطبت نسخة جديدة خالص و انتربرايس برضو
مع العلم ان الشاشة الزرقاء بتظهر احيانا بعد عدة ايام من تسطيب النسخة او حتى اثناء تسطيبها يعني مالهاش ميعاد معين لظهورها لكن غالبا كانت بتظهر بعد اما اسطب برنامج ما و اعمل ريستارت للجهاز فبضطر اعمل ويندوز ريسيت و عملت ويندوز ريسيت حوالي 7 مرات بجانب طبعا تغيير النسخ زي ما شرحت
لم اشتري قطع هاردوير جديدة
معتمد على كارت شاشة خارجي فقط لكن كارت الصوت و الانترنت مدمج مع الماذربورد بس اعتقد ان الكارت مالهوش علاقة بالمشكلة دي خالص
كشفت على الهارد بكذا برنامج و كان فيه بعض الباد سيكتورز اللوجيكال و ليست فيزيكال و الحمدلله اتصلحت ببرنامج لاصلاح الباد سيكتور مش فاكر اسمه بالضبط بس لما عملت فحص تاني لاقيت ان مافيش باد سيكتورز زي الاول
درجة الحرارة بتاعة القطع معقولة و كويسة و لما بتزيد بفتح الجهاز انضفه و بترجع تكون كويسة فدي مافيهاش مشكلة بالنسبة لي و اخر مرة نظفت فيها الجهاز من حوالي 20 يوم
بالنسبة للفيروسات انا متاكد من عدم وجودها لاني بستخدم افيرا و مالوير بايتس و adwcleaner و كله تمام عندي

[abdalhaliem]

الأخ الكريم



و كله تمام عندي

تلك الجمله بغير ذى موضعها

لماذا ؟؟؟؟

لأنه توجد شاشه زرقاء

أذا توجد مشكله وليس كل شىء على مايرام

أنت تكاد تكون متأكداا من كل شىء

ومع ذلك تظهر تلك الشاشه الملعونه

أذا تأكدك بغير محله

سأقدم لك بعض النصائح كفنى يمارس تلك المهنه

لابد من تحييد الأحتمالات واحدا تلو الأخر

قم بتنظيف بنوك الرام ببنزين تنظيف أبيض وفرشاه أسنان

وأيضاا شق ال pci

وقم بمسح السنون النحاسيه للرام وكارت الشاشه

هذا كله يتم بعد تنظيف الكيس ككل ببلاور هواء

أذا كانت المشكله مازالت قائمه

قم بتجربه باور أخر (بالمناسبه مانوعه ؟؟؟ )

طالع البورده جيداا وملاحظه وجود مكثف منتفخ من عدمه

قم بفحص الهارد تحت بيئه الدوس

ببرنامج HDD Regenerator

وليس من داخل الويندوز

قم بعمل الآتى

رايت كليك على

this pc

ومن ثم أختيار manage

ومن ثم الضغط على disk management

وقم بتصوير تلك النافذه وأرفاق الصوره هنا

قم بتنفيذ ماذكرناه أعلاه وأعلامنا بالنتيجه

الملخص لابد من وجود خطأ ما

وللتوصل أليه أحذف من قاموسك تماماا

كلمه أنا متأكداا

بالتوفيق

تحياتى

[phenomenon]

كنت على أعتاب إضافة الرد و لكن تراجعت عشان مش تزعل مني

يا اخ ميدو مشكلة الشاشه الزرقاء قد تكون لاي سبب ,, و لو تكهنت من نفسك أيه ممكن يسببها و ايه مش ممكن يبقى ما هي فائدة إستفسارك و سؤالك من الأساس ؟

كنت أتمنى لو تجيبنا بنفس الدقه !! و لكنك اكتفيت بثلاثة كلمات للإجابه على سؤالي " ياليتك تحيطنا علم بجميع مواصفات الجهاز "

على سبيل المثال ما هي أنواع الرامات وسرعتها و خصائصها هل هي نوع واحد و هل هي قطعه أم قطعتان ؟

إذا كنت واثق أن المشكله مستبعده أن يكون لها علاقه بالرامات فلماذا لم تذكر نوعها بالتفصيل حتي لا نضيع وقتك و وقتنا في مجرد تساؤلات ؟

لم اسألك عن إصدار الويندوز و لكن نوع نظام الويندوز هل 7 أم 8 أم 10 ؟

ما هو نوع مزود الطاقه ؟ هل هذه المشكله تظهر أثناء تشغيل الألعاب أحياناً أم لا ؟

ما أدراك ان كروت الصوت و الإنترنت الخارجيه لا تتسبب في مشكلة الشاشه الزرقاء ؟

ما أدراك ان مضاد الفيروسات لديك قادر على كشف جميع انواع الفيروسات ؟
زي بعض الايقونات تختفي
هل تعتقد أن هذا يحدث مع الجميع ؟ في الواقع هي مشكلة فيروسات أو تخريف من الهارد في عدم مقدرة النظام على قرائة المعلومات بشكل سليم %100

ما أدراك أن إصلاح القطاعات التالفه قد ينهي مشاكل الهارد بالكامل ؟ في الواقع بمجرد أن تظهر القطاعات التالفه في الهارد فأبدأ بإنتظار المشاكل خاصةً لو
كانت أعدادها متزايده .

مشاكل الهارد قد لا تقتصر على القطاعات التالفه وإنما على تأديته لجميع وظائفه المتواجده بقائمة .S.M.A.R.T فإن ظهرت فيها الأخطاء ظهرت بعدها المشاكل

فهنقول على كل مشكله دي مستبعده و دي انا مطمئن منها و الأخرى مش مهم ذكرها !! إذن لماذا تسألنا أخي الكريم ؟

[Mido Al-Shabah]

الرامات اتنين و كل واحدة 4 gb بتردد 1600 و واحدة نوعها هايبر اكس ازرق و التانية fury ازرق
بالنسبة لبرامج الانتي فايرس انا بتكلم كدة لاني بعمل سكان دايما و اي حاجة ضارة بشيلها من الجهاز فمش بتكلم على اساس اني متاكد من البرامج و حاطتها من غير ما استخدمها لا انا بستخدمها و في الاخر استخدام برضو جربت سباي هانتر لمرة واحدة قبل اما اغير الويندوز و مسحت الحاجات اللي هو اكتشفها و ما كانشت حاجات كتير بالمناسبة لكن وجب التنويه و لو ليك اي تعليق على البرامج دي لك مطلق الحرية انك تقول لي
الباور هو نوع تجاري جاي من الكيسة اللي نوعها جيجابايت و اسم الباور atx p300r
بالنسبة للحاجات اللي استاذ عبد الحليم طلبها مني انا بالفعل حرقت برنامج HDD Regenerato على فلاشة و خليته يصلح الباد سيكتورز بس عموما انا هنزل ويندوز تاني بدل اللي باظ و هعمل اللي حضرتك طلبته مني بس اديني مثلا 4 ساعات او اكتر عقبال اما اسطب الويندوز الجديد او اعمله ريسيت و هسطب البرنامج و حاليا انا شيلت الكيسة خالص و هنضفها زي ما حضرتك قولت و هقولكم ايه الجديد

[Mido Al-Shabah]

و اسف لو رديت في الاول من غير تفاصيل كتير

[Mido Al-Shabah]

https://gulfup.co/i/00655/tk54idudejl2_t.jpg (https://gulfup.co/tk54idudejl2) https://gulfup.co/i/00655/g88kujsd3ymh_t.jpg (https://gulfup.co/g88kujsd3ymh) https://gulfup.co/i/00655/po5srbf27rw3_t.jpg (https://gulfup.co/po5srbf27rw3)
دول صورتين اثناء تسطيب الويندوز بعد اما عمل get ready و دول تبع generation 2 بيسطب عن طريقه بعض الاضافات زي تعريف كارت الانترنت و برامج net frame work اللازمة و هكذا
لكن الايرور اللي في الصورتين دول متكرر مش اول مرة يظهر بس قولت اجيب صور ليه بم انه سطبت نسخة جديدة
و ادي صورة زي من الديسك mangement

[phenomenon]

انا فاهم قلقك من المشكله

لكن تخيل اخي الكريم سالتك عن نظام الويندوز بمشاركه رقم 2

و في مشاركه رقم 9 فقط يتضح لنا انها نسخة ويندوز معدله أليس كذلك ؟

شوف اخي الكريم الآن لدينا مشكله مستعصيه لانها غير واضحه ان كانت سوفت ام هارد

لذلك ما رأيك لو نمحي الشبهات تماماً و لكن كيف ذلك ؟ و الأمر من البدايه

1- التأكد من ضبط البيوس على الإعتدادات المصنعيه

2- تثبيت نظام ويندوز بدون أية إضافات و يفضل لو كان 8.1 - و تذكر جيداً نظام ويندوز بدون إضافات و مش ملعوب أو متعدل فيه

للاسف جملتك السابقه أخي الكريم و اللي محتواها كان
مع العلم ان الشاشة الزرقاء بتظهر احيانا بعد عدة ايام من تسطيب النسخة او حتى اثناء تسطيبها

مشكله أثناء تثبيت الويندوز ممكن يقربك من المشكله

1- فيروسات على الهارد ( فبمجرد تثبيت الويندوز بمجرد ما تتمكن الفيروسات من تخريب بياناته )

2- لو متأكد من خلو الهارد من الفيروسات فهذا دليل على خطأ تقني في الهارد أو بالرامات

من ناحية الرامات وارد جداً و ربما أحدهما شارفت على الإنتهاء وعند استخدام نظام الويندوز لبعض شرائح التخزين التالفه بمجرد ان تظهر شاشه زرقاء

او ربما التوقيتات غير منضبطه في البيوس لكلتا القطعتان , و لكن لو كان كلتاهما يعملان منذ شرائها بدون مشاكل إذن فتوقيتات كلتاهما منضبطه

لذلك حاول تجرب على قطعه واحده فقط لمدة 10 ايام , و لكن إن ظهرت المشكله في أي وقت خلال هذه الفتره جرب القطعه الآخرى وحدها و شوف النتيجه

أما الهارد فهو جائز ايضاً فأي أخطاء في الهارد معناها خراب معلومات النظام , و في أي وقت بمجرد ان يحتاج النظام لها بمجرد مواجهة نفس المشكله لأن الهارد

تسبب في ضياع تلك المعلومات و للاسف الشديد هو أول الأسباب المساعده على ضرب نظام الويندوز بصوره متكرره

لكن حتى لو كان هو المشكله فقد يقتصر الامر على صيانته فقط بتكلفه مقبوله

حتى مزود الطاقه إذا عجز عن تغزية الهاردوير بالجهد المطلوب او بسبب عدم إنتظام تيار الفولت المقدم للوحه الام فقد يتسبب في نفس المشكله

لذلك انا رأيي تستعين باي شيء تقدر توفره من اي صديق ليك لفتره زمنيه بسيطه و تقرر من خلالها هل فعلا المشكله باحدى هذه القطع ام لا

ابدأ بالهارد

و ما زلنا في إنتظار الصوره التي طلبها الاستاذ الفاضل عبد الحليم

[Mido Al-Shabah]

كلامك مقنع جدا و اتفق معك
بالنسبة لفحص الهارد بالبرنامج انا عملته اهو و لحد دلوقتي وصل بالضبط ل25% منه و ما زال يعمل و باقي له حوالي ساعتين
لكن الغريب اني لما فحصت ببرناج hdd sential و برنامج hdd tune لاقيت ان عدد الباد سيكتورز كان حوالي 30 مثلا او اقل شوية
دلوقتي عدد الباد سيكتور في الربع الاول من الفحص 50 باد سيكتور !!!
طبعا فرق رهيب في دقة الفحص بين دة و بين دة
لما الفحص يخلص هرفع لكم صورة مباشرة

[phenomenon]

كلامك مقنع جدا و اتفق معك
بالنسبة لفحص الهارد بالبرنامج انا عملته اهو و لحد دلوقتي وصل بالضبط ل25% منه و ما زال يعمل و باقي له حوالي ساعتين
لكن الغريب اني لما فحصت ببرناج hdd sential و برنامج hdd tune لاقيت ان عدد الباد سيكتورز كان حوالي 30 مثلا او اقل شوية
دلوقتي عدد الباد سيكتور في الربع الاول من الفحص 50 باد سيكتور !!!
طبعا فرق رهيب في دقة الفحص بين دة و بين دة
لما الفحص يخلص هرفع لكم صورة مباشرة

50 باد سيكتور أخ ميدو ؟

انت تعرف انك ممكن يكون عندك ملفات مهمه جداً و يصعب عليك ضياعها و الهارد يتسبب في محو تاريخها تماماً

إحذر من هذا الأمر و في انتظار صورة النتائج اخي الكريم

[Mido Al-Shabah]

دة نتيجة الفحص النهائي
اعمل اصلاح بالبرنامج نفسه و لا فيه حاجة تانية ؟https://www.gulf-up.com/imagef-1501034270611-jpg.html (https://www.gulf-up.com/)[/IMG]

[abdalhaliem]

بالتأكيد ماذكره أستاذ

phenomenon

فيه كل الأفاده

لابد أن تبتعد عن تلك النسخ المعدله

فى حقيقه الأمر أنت تصعب الأمر علينا وعليك

لقد طلبا منك سابقاا



لابد من تحييد الأحتمالات واحدا تلو الأخر



وطب منك الأستاذ phenomenon


لذلك ما رأيك لو نمحي الشبهات تماماً و لكن كيف ذلك ؟ و الأمر من البدايه



والمقصود والمعنى واحد تجربه كل شىء على حده

للتأكد من خلوه من المشاكل

طلبنا منك على سبيل المثال تنظيف بنوك الرامات وشق ال pci

ببنزين تنظيف ولم تفعل ؟؟؟؟

طلبنا تجربه باور أخر

نحن كل همنا مساعدتك أخى الكريم



دلوقتي عدد الباد سيكتور في الربع الاول من الفحص 50 باد سيكتور !!!


وستزيد عن ذلك بكل فحص جديد

الباد سيكتور عباره عن أهتراء سطح الميديا

وتظل تتسع رقعه هذا الأهتراء

نصيحتى أذا كانت البادات بأول الهارد

أستقطع جزء من الهارد وأجعله ( hidden )

بحيث لاتتم الكتابه عليه


اعمل اصلاح بالبرنامج نفسه و لا فيه حاجة تانية

نعم قم بأختيار

Scan and Repair


بالتوفيق

[Mido Al-Shabah]

استاذ عبد الحليم هو حضرتك عرفت انا ما نضفتش بنوك الرامات و باقي المنافذ ازاي في حين اني قولت في مشاركة سابقة اني فكيت الجهاز و بنضفه و بالفعل عملت كدة ؟!!!!
بالنسبة لموضوع الباور فاكيد الموضوع مش سهل اني في يوم و ليلة هجيب باور و اركبه و اجرب
انا عملت كل اللي قولتوا لي عليه لكن الباور حاليا مش متوفر قدامي لكن لو ظهرت المشكلة مرة تانية هحاول اتصرف و اركب واحد تاني و نشوف هيحل المشكلة و لا لا بجانب طبعا الاعتماد على نسخ غير معدلة من الويندوز

[Mido Al-Shabah]

يا ريت بس يكون فيه مراعاة للفرق بيني كمستخم عادي و بين حضراتكم كناس شغالة في المجال و لما بتحب تجرب اي حاجة بتكون متوفرة قدامك بسهولة اما انا كمستخدم اكيد مش عندي باور زيادة مثلا فهضطر لسة انزل بالجهاز لحد بتاع صيانة عشان استأجر منه باور و يركبهولي بدل اللي موجود حاليا لمدة كام يوم اجربه عشان اشوف المشكلة هتتكرر و لا لا

[abdalhaliem]

ياأخى الكريم

أكيد توجد مراعاه لما ذكرته

ونحن عندما ننصحك بهاذا لانكلفك مالاطاقه لك به

ولكن نذكر لك أقصر الطرق للوصول ألى سبب المشكله

أذا تعالى نتفق

أن هدفنا بالمقام الاول هو مساعدتك لحل مشكلتك

نعم أنت ذكرت أنك نظفت الجهاز لكن لم تذكر لنا كيف

وقد ذكرنا لك الطريقه الصحيحه لتنظيف بنوك الرام وشق ال pci ليس ألا

لاتوجد طريقه أخرى للوصول ألى أصل المشكله

ألا عن طريق تحييد أسباب المشاكل

المسببه لتلك الشاشه الزرقاء الواحده تلو الأخرى

وما ذكرناه لك ليس به تعجيز أو صعب التحقيق

لكنها خطوات لابد منها

أما أذا كان الباور يسبب لك مشكله

وأنت محق فى هذا

( ليس معقول أن تشترى باور لمجرد التجربه )

لكن بنفس الوقت هو أجراء لابد منه مع باقى الخطوات

نحن لانقول أن السبب من الباور

لكن الباور عندما تكون به مشكله يسبب هكذا مشاكل

لكننا نقصد أن تستعير باور لتجربته

لكنك لو ذهبت لفنى بهكذا مشكله لن يفيدك

لماذا ؟؟؟؟

لأن من الممكن أن تحدث تلك المشكله بعد ساعات من العمل وقد لاتحدث ؟؟

فأى فنى هذا سيجلس ألى الجهاز كل هذا الوقت لأختباره

نحن أطمئنينا ألى درجات حراره الجهاز وحيدناها

لكن توجد مشكله واضحه بالهارد

وأجاد أجزم بنسبه 99%

أن المشكله منه

وأذا كانت نتيجه فحص الهارد سليمه

كما سننتقل ألى مرحله الباور

وصولا ألى مرحله تجربه رام أخرى

ماأقصده ماطلبناه منك أجراء طبيعى جداا

ولابد أن يتم بتسلسل أحتمال تلو الأخر

لذلك أرجوا ألا تفهمنا خطأ

فنحن أحرص منك على حل مشكلتك

بالتوفيق

تحياتى

[Mido Al-Shabah]

المشكلة اني ما جربتش اركب باور قبل كدة او اخلعه من مكانه فممكن اكسر سن من السنون بتاعة الكابلات او ابوظ حاجة فقولت لو لابد من تغيير الباور للتجربة فالاضمن اوديه لفني صيانة لمجرد تغيير الباور و انا طبعا هشتغل عليه في البيت و اراقب الجهاز و اشوف هل المشكلة اتكررت تاني و لا لا

[Mido Al-Shabah]

اتفق معك اننا لازم نمشي بترتيب معين عشان نعرف سبب المشكلة
فانا بقترح بم اني عملت فحص باد سيكتور و صلحته بالبرنامج و نضفت الجهاز و منافذ الرامات و هكذا فممكن اصبر يوم او اتنين اشوف الجهاز هيجيب تاني المشكلة و لا لا لو كدة يبقى ممكن يكون العيب في النسخ المعدلة او في الباور
و بالتالي الحل الاسهل في الاتنين هو تغيير النسخة بنسخة اصلية غير معدلة و لو ظهرت المشكلة تاني يبقى نلجأ للحل الاخير المتبقي و هو تغيير الباور و نراقب و نشوف حل للمشكلة و ان شاء الله خير و شكرا لمتابعتكم معايا و ان شاء لله هقولكم اي جديد يحصل و لو فيه اي اضافات انا معاكم

[abdalhaliem]

اتفق معك اننا لازم نمشي بترتيب معين عشان نعرف سبب المشكلة
فانا بقترح بم اني عملت فحص باد سيكتور و صلحته بالبرنامج و نضفت الجهاز و منافذ الرامات و هكذا فممكن اصبر يوم او اتنين اشوف الجهاز هيجيب تاني المشكلة و لا لا لو كدة يبقى ممكن يكون العيب في النسخ المعدلة او في الباور
و بالتالي الحل الاسهل في الاتنين هو تغيير النسخة بنسخة اصلية غير معدلة و لو ظهرت المشكلة تاني يبقى نلجأ للحل الاخير المتبقي و هو تغيير الباور و نراقب و نشوف حل للمشكلة و ان شاء الله خير و شكرا لمتابعتكم معايا و ان شاء لله هقولكم اي جديد يحصل و لو فيه اي اضافات انا معاكم


تمام

وبالنسبه للهارد

قم بعمل الأتى

قم بوضع ملفات عليه كوبى

ثم قم بأزالتها

ثم قم بعمليه الفحص مره أخرى

بالتوفيق