سؤال عن السماعات

[titoo55]

يا جماعة هل الspeakers بتبقا شغالة مع ال Subspeakers ...... لان اللى عندى صوتها واطى جدا و مش واضح .. مع انى لسه شاريها؟ ايه الحل لانى دورت على النت كتير.

[phenomenon]

هل تقصد Sub Woofer ؟
أها بتبقى شغاله عادي بس هو اساسا بيكون مخصص للــــ BASS و الصوت أيضاً

[titoo55]

ال subwoofer هوا اللى بيطلع صوت بس , ال speakers مش بيطلع صوت .. هل ده طبيعى؟

[phenomenon]

أكيد في مشكله في السماعات أو في كابلات التوصيل نفسها

هي بتكون على حسب طريقة التوصيل

يعني غالبا بتوصل كابل الصوت بالمضخم اولاً و عد كده بيكون في كابل صوت بيتوصل من المضخم للسماعات الاضافيه فتأكد من توصيل الكابلات

لو الكابلات موصوله بشكل سليم فإتاكد من تفعيل السماعات المحيطه Speakers من كارت الصوت نفسه ربما انت ناسي ولغيت تفعيلهم في اي وقت

https://www.aplikasipc.com/wp-content/uploads/2012/06/Realtek-HD-Audio-Drivers.jpg

[titoo55]

يعنى المضخم فى الاساس بيطلع صوت ؟ انا عملت check على كل حاجة .... مفيش اى غلط فى الكابلات ولا الاعدادات

[titoo55]

مفيش الا كابل واحد لونه ابيض ناحية فيها بن و الناحية التانى سلك عادى مفهوش بن و له سوكت فى المضخم مش عارف اعمل بيه ايه!

[الواد ميشو]

يعنى المضخم فى الاساس بيطلع صوت ؟ انا عملت check على كل حاجة .... مفيش اى غلط فى الكابلات ولا الاعدادات

هو حضرتك لما بتغط Test (والمفروض بتسمع صوت كل سماعة منفصلة) هل بيتم سماع صوت السماعات بوضوح ؟!
وممكن تجرب افصل الـSub ووصل السماعات فقط وشوف هتسمع ايه

[titoo55]

بعمل test بسمع صوت ال subwoofer بس .. و اما بفصلهم المضخم ملوش صوت

[phenomenon]

اخي الكريم ممكن توصفلنا بالضبط نوع السماعات و هم كم سماعه بالضبط هل 2.1 أم 5.1 عشان نبقى فاهمين بس و متخيلين شكله

المضخم مسؤول عن البيز و المؤثرات الصوتيه و هذا هو صوت المضخم
السماعات مسؤوله عن تخريج الصوت

لازم يكون في توصيل مشترك بين السماعات و المضخم نفسه

فلو تقدر توصلنا المضخم من الظهر و المساعات و تحددلنا ف ي الصور مكان المنافذ هنقدر نفهم شويه

[titoo55]

اللى عندى .. المضخم و سماعتين .... فانا اما اجى اسمع الصوت بسمعه من السماعتين بس .. و المضخم نفسه مش بيطلع صوت .. االلى عندى tiger 2010 .. فانا بسئل هل المضخم نفسه بيطلع صوت مع السماعات ولا لأ؟

[phenomenon]

بوضوح شديد اخي الكريم

إكتب كلمة Playback في قائمة Start

هتظهرلك أيكونة Sound إفتحها

هتظهرلك نافذة Playback و فيها جميع وسائل الصوت المسموحه

إختار بيئة الصوت النشطه لسماعات Speaker بالنسبه ليك حاليا

إضغط على Properties

إتأكد من تفعيل إختيار Speaker Fill من تبويب نافذة Enhancements و وافق على الأمر

بالنسبالي الخيار مش متواجد عندي لأني مشموصل السماعات و لكن مجرد USB Headphone لذلك مش متواجده و لكن هتلاقي الخيار عندك " Speaker Fill "


دلوقتي إفتح فيلم حرب أو لعبه حرب وعلى صوت المضخم و شوف هتسمع تأثيرات ضرب النيران و الإنفجارات او صوت أمطار أو أي مؤثرات صوتيه منه ولا مكتوم خالص و رد عليا


https://i.imgur.com/TibtMe2.jpg

[titoo55]

بسمع صوت تأثيرات اه ..... بس الصوت مش واضح اكن السماعة تحت مخدة كدا

[phenomenon]

تقصد مكتوم يعني ؟

ماهو انا عاوز اقولك حاجه : مش كل المكبرات بنفس الجوده في المؤثرات و دي نقطه مهمه

تاني نقطه لو المكبر عندك من زمان و ده مش صوته المعتاد يبقى ربما المكبر بيودع

اما لو جديد فتوقع ان ده صوته الطبيعي

تالت نقطه و الضروريه انك لازم تضبط الإيكولايزر حسب رغبتك إلى أن ترى الصوت المسموع المفضل بالنسبالك

إختار من كارت الصوت Equalizer + Environment حسب الاوضاع المفضله ليك و اكيد هتحس بفرق في الصوت

جرب في Environment ضبطه على CITY و الايكولايزر على Rock/ Pop أي حاجه المهم العب في المؤثرات لحد ما تلاقي صوت مسموع

[titoo55]

طب سوال اخير ..... الفيديوهات اللى بتشتغل فى سماعة واحدة بس مع انى متأكد ان السماعتين شغالين ! اظبطها ازاى بحيث الصوت يطلع من السماعتين؟

[phenomenon]

غالباً مشكله من كابل الصوت أو من منافذ الصوت فقط ( أحياناً الكابلات المستخدمه اللي هيا وصلات الجاك 3.5mm بتكون بمقاس مش مضبوط )

فرأيي أنك تجرب الحل الآتي عشان تتأكد

1- إحذف تعريف كارت الصوت من Control Panel و إعمال ريستارت للجهاز

2- شيل الكابل و ركبه مره تانيه و أقصد كابل كارت الصوت الواصل في اللوحه الأم و إتأكد انه متوصل كويس للنهايه ( لا ينبغي توصيله في منفذ الكيس الأمامي وإنما في منافذ كارت الصوت )

3- ثبت تعريف كارت الصوت و إعمل ريستارت للجهاز

4- شغل الفيديوهات شوف السماعيت جايبين صوت ولا لا

5- لو سماعه واحده جايبه صوت إبدا لف كونيكتور 3.5m اللي واصل في البورده بهدوء لفه يميناً أو يساراً شوف هتبدأ تحس بلغوشه في الصوت او هتلاحظ ان الصوت بيعلي و يرجع يكتم تاني ولا لا

6- لو مفيش اي إختلاف أو تأثير على مستوى الصوت فإبدأ لف كونيكتور السماعتين نفسهم المتصلين بالمكبر الصوتي وشوف هل هتلاحظ ان السماعه التانيه بتحاول تستخرج منها صوت ولا لا

إذا مفيش اي أمل و صوت السماعه التانيه مكتوم جداً في أغلب الفيديوهات فإحتمال كبير مشكله في كابلات التوصيل أو السماعه نفسها

[titoo55]

شكرا يا باشا تعبتك معايا

[phenomenon]

مفيش تعب ولا حاجه تحت امرك