هل يوجد عنق زجاجة ؟

[tonis]

كارت الشاشة Gigabyte gtx 1070 windforce
المعالج intel core i5 4690
الرامات 8 جيجا
عايز اعرف هل البروسيسور ده عامل عنق زجاجة مع الكارت ولا لأ
دقة الشاشة 1080phttps://gulfup.co/i/00656/82cxpo1g4epd.png

[abdalhaliem]

لا أبدا أخى الكريم

المعالج المذكور جيد جداا مع الكارت

فقط مستقبلا حاول زياده حجم الرام ألى 16gb

بالتوفيق

تحياتى

[tonis]

حضرتك ملاحظ ال cpu استخدامه قد ايه والكارت استخدامه قد ايه فيه مواضيع كتير بتتكلم عن انه عامل عنق زجاجة

[Yasser]

فى مفهومين لعنق الزجاجه الاول موجود مع اى قطعتين "معالج +كارت شاشه " بحيث ان بتغيير قطعه تعطى الاخرى اداء اعلى ولو باى نسبه فنقول هنا ان القطعه السابقه خنقت الاداء والمفهوم الثانى وهو عدم مجاراه المعالج للكارت من الاساس وهنا لا تستطيع اللعب بصوره مرضيه ابدا ......لكنك فى الصوره عدد الفريمات 60 والكارت غير مكتمل التحميل والمعالج مخنوق بالبيانات فانت تلعب بافضل تجربه للعب لكنك تعلم ان كارتك لديه اكثر ليقدمه مع معالج اقوى ....هذا مايطرأ ببالى عند قراءه الارقام فى الصوره السابقه لكن دعنى اسألك هل تلعب على دقه اعلى من 1080 ؟ وهل تستخدم برنامج للتسجيل اثناء اللعب ؟

[tonis]

لأ انا بلعب على 1080 بس انا جايلى شاشة BenQ 2720 وديه دقتها 1080 و144 هرتز واعتقد انى لو فتحت الفريمات اللعبة هتقطع انا فعلا فتحتهم على الشاشة الحالية وحصل تقطيع وحتى لما بقفل الفريم على 60 فى الشاشة الحالية بيحصل دروب فريم ويحصل تقطيعة بسيطة لمدة اجزاء من الثانية بس مش ورا بعض يعنى على فترات متباعدة

[Yasser]

رأيى المتواضع ان المفروض ده مش يحصل مع جهازك بصرف النظر عن الصوره ....جرب مسح التعريف ببرنامج ddu من وضع الsafe mode واعد تثبيت التعريف ....وسألتك هل فى برنامج شغال مع اللعبه للتسجيل او البث وما الوضع فى الالعاب الاخرى ؟

[tonis]

فيه برنامج ال geforce exprince شغال لكن مش بسجل بيه فى الوقت اللى اخدت فيه الصورة وانا قبل مسطب التعريف كنت ماسح اللى قبله ببرنامج ddu وفى safe mode والتقطيعة ديه بتظهر فى لعبة Rainbow six siege

[phenomenon]

اخي الكريم معالج I5 يتسبب في عنق زجاجه إذا كانت شاشتك أعلى من 60hz

لكن عنق الزجاجه موال طويل - تقريباً في المنتدى هنا تلات مواضيع عن عنق الزجاجه و الفي سينك V-SYNC بخط ايدي ابحث عنهم

في حالتك او في الصوره اللي انت رافعها لا يوجد عنق زجاجه لأن معالج I5 مش بيتسبب في عنق زجاجه لدرجة انه يضيع نصف جهد البطاقه

تاني شيء انت بتلعب على 60fps و ده معناه مستحيل عنق زجاجه مع معالج I5

تالت شيء 100% لا تعني عنق زجاجه إلا إذا كانت اللعبه هي التي تتسبب في عنق زجاجه بسبب إعتمادها على المعالجه المركزيه

رابع شيء و في جميع الأحوال بطاقه مثل GTX 1070 / GTX 1080 تستحق ان يلتحق بها معالج I7 حتى لو من اجل المستقبل لان بطبيعة
الحال مع المستقبل البطاقه مش هتكون قادره توصل 60fps وساعتها هتزيد في طلب البيانات من المعالج المركزي وهتتسبب في اختناقه فعلا في جميع الالعاب

المهم دلوقتي انك تلحق تشوي الحمامه و تاكلها

[tonis]

ما المشكلة انى بعت اجيب شاشة من امازون 144 هرتز يعنى هتعمل معايا اعتقد عنق زجاجة
ومتقلقش الحمامة طيرناها وفشخناهم هههههههههههههههههه

[phenomenon]

:) ايه الالفاظ دي يا راجل " كويس انك فكرتنا عشان نفهرس قاموس الكلمات من جديد

طيب استعد بقى لرؤية عنق الزجاجه بحق

دلوقتي معالج GTX 1070 هيكون شغال اغلب الوقت بكامل طاقته لتحقيق 144fps و هيزيد في الضغط على المعالج المركزي و هتبدا تلاحظ فعلا هبوط في معدلات تحميل الكارت

انت ليه جايب شاشه 144hz

عموما على الاقل هاتها G-SYNC عشان تحميك من اللاج

[tonis]

الشاشة ال g sync داخلة فى 15000 ليه بتلعب لوحدها ههههههههه
كفاية اللى هجيبها ديه عاملة ييجى 10000 انا لو فكرت كدة يبقى اغير المعالج ل i7 4790 العادى اعتقد مش هحتاج كمان اجيب اللى ب k علشان اكسر سرعته وهيبقى ارتاحنا من حوار عنق الزجاجة

[phenomenon]

ممتنساش ان التقنيه بتحميك من مشكله مريره
لكن فعلاً سعرها عالي جدا و خصوصا على الجنيه المصري

عموما معالج حرف K في فئة I7 مستحب وجوده لو قدرت ترفع التردد 600MHz / 800MHz لجميع الأنويه
لكن بيفرض لوحه جديده

الامر متوقف على العروض اللي هتتوفر قدامك سواء كان او بدون K هيكون افضل من I5
في رأيي بيع الحالي وانتظر الجيل الثامن على الأقل

[tonis]

طب الجيل الثامن هينزل امتى

[Yasser]

تاني شيء انت بتلعب على 60fps و ده معناه مستحيل عنق زجاجه مع معالج I5


كلام صحيح ...اعتقدت ان نسبه تحميل الكارت ربما تكون مشكله تعريف !

[tonis]

انا منزل اخر تعريف ل نفيديا مظنش حد اشتكى منه ومسطبه صح وشايل القديم من جذوره طيب خد عندك اخى الفاضل لا سحر ولا شعوذة انا قفلت البرنامج بتاع msi afterburner وكسرت سرعة الشاشة ل 65 هرتز وقفلت البرنامج كمان بتاع geforce exprince اللى بنسجل بيه واللعبة شغالة تمام بس مش عارف الكارت مستهلك قد ايه ولا البروسيسور وقافل الفريمات على 65 هرتز

[phenomenon]

طيب ماهو اكيد اللعبه كانت شغاله تمام برضو اثناء التسجيل

بعض الالعاب بتستهلك المعالج بنسبة %100 لكن هي ليست نسبة %100 فعليه لجميع مصادر المعالجه

المعالج الرسومي نفسه لما بيكون %100 مش دليل على انه في حالة عمل بنسبة %100

فممكن المعالج المركزي او الرسومي يكون معدل استهلاكهم للطاقه 40W بالرغم من كده ظاهرين %100 و ده دليل على انهم مش في حالة ضغط كامله

بعض نوافذ التعليمات Instructions Set لتنفيذ معالجة إمتدادات محدده من الكود هي اللي ممكن تكون بنسبة %100 فعلاً بالنسبه للمعالج المركزي

و عددها بيكون موحد داخل النواه لجميع معالجات المعماريه لكن عندما تتعدد الانويه فاصبح عددها في زياده و قادره على تنفيذ عدد اكبر من الاوامر

لو جربت تشغل لعبة ROTTR هتكتشف ان المعالج اربعة انويه بنسبة %100 أغلب وقت مراجعة الاداء من قائمة اللعبه

و اللعبه دي من الالعاب اللي بتفرض فعلاً على المعالج الرسومي العمل بأقصى طاقته

بخلاف العاب اخرى او في مشاهد اخرى لا تتطلب عمل المعالج الرسومي بكامل طاقته سواء لانها لا تتطلب معالجه رسوميه مكثفه او بسبب تفعيل تقنيات المزامنه و طلب 60 اطار فقط

افتح لعبة ROTTR واعمل مراجعه وابدا راقب الاستخدام على الشاشه

هتلاحظ ان فعلا في عنق زجاجه

بالنسبالي معالج I5-4670K @ 3.4GHz مع بطاقة GTX 1060 واحيانا الكارت بيهبط إلى %90 وأحيانا اقل لكن مش دائما

لكن بمجرد انشغال الاربعة انويه بالبيانات بمجرد عنق الزجاجه المؤكد و بالنسبالك هتكون نسبة عنق الزجاجه اكبر

متنساش تضبطها على Very High

[tonis]

انا دلوقتى بحاول استبدل المعالج بتاعى ب core i7 4790 اعتقد هيبقى كافى للكارت ومش هيعمل معايا عنق زجاجة