سؤال بخصوص تركيب فانات الكيس

[MrSoLtO]

السلام عليكم ورحمة الله وبركاته
سؤالي بخصوص توصيل فانات الكيس في بوردة MSI H110M PRO-VH فيها مكانين فقط لتركيب الفانات
واحد فيهم موصل بيه المشتت والأخر لفانة الكيس الخلفية
يوجد فانة أخرى في الكيس من الأمام وعايز أزود فانتين كمان في سقف الكيس أو على الأقل توصيل الفانة الأمامية لكن مفيش اماكن في البوردة اوصل فيها
بحثت في النت وجدت وصلة طرفها الأول يتوصل بالباور والأخر به مكان يشبه مكان تركيب الفانة في البوردة لكن لم أجده في المحلات
هل يوجد طريقة ممكنة لتوصيل الفانات؟

وأخيراً أوجه تحية إجلال وتقدير للسادة القائمين على إدراة عرب هاردوير والسادة الأعضاء الذين لم يدخروا أي مجهود في إفادة الأعضاء وأشكركم جزيل الشكر.

[RVD150]

مدام مافيش مكان فى البوردة يبقى معندكش حل غير الوصلة اللى حضرتك ذكرتها و هى بتتوصل بى الباور زى الباور بتاع الهرد كدا و هاتلاقيها فى سنتر البستان

نصيحة كثرت المراوح مش دليل على التبريد يعنى مش بكتر المراوح تحصل على تبريد لا الافضل انك ترتب الإسلاك من داخل الكيسة و بس

[MrSoLtO]

شكرا للأخ الفاضل RDV150 على الرد ولكن احب انوه إن الوصلة اللي حضرتك ذكرتها دي أعرفها وموجودة كتير
اللي اقصدها ناحية بتتوصل في الباور والاخرى بتكون زي المكان اللي في البوردة ودي صورتها
https://www.moddiy.com/product_images/t/888/df2be9d74cc37035064f244e89961af3__61252_zoom.jpg
ومع احترامي لرأي حضرتك، مع ارتفاع درجة الحرارة تركيب المراوح وتنظيمها مهم جدا للتبريد وطبيعي الكيس بتيجي بها 4 أو 5 اماكن للمراوح لهذا الغرض

[RVD150]

الكيسة اللى بتيجى بمراوح بتبقى اسلاك المراوح جاهزة مع نفسها مش بتحتاج تتوصل بالبوردة عشان لو مثلا فى 5 مراوح مش هتلاقى بوردة فيها 5 أماكن عشان توصلهم

الوصلة اللى حضرتك رفعتها هاتلاقيها فى مول البستان هاتلاقيها عند المحل اللى فى الدور الأول تقريبا بيبيع حاجات بسعر الجملة كدا عندو اكسيسورات بس هاتلاقيها عندو ان شاء الله

[phenomenon]

وعليكم السلام ورحمة الله و بركاته
مرحبا اخي الفاضل

معنى كلامك ان الكيس مش موفرلك توصيل اي فانات عليها

في حلول لو مازلت تريد التحكم في المراوح لكن بصراحه لا انصح بيه و لكنه معتمد من قبل مستخدمين بكثره

برضو هيحتاج طلب من الخارج وهو ادابتور يمكنك من توصيل اكثر من فانه على فانات اللوحه الام نفسها

طبعا انت محتاج شيء إقتصادي فهيكون أفضل الحلول مثال على وصف الاخ الفاضل RVD و انت بتشتري المراوح تتاكد انها 4pin Molex عشان توصلها مباشرة على الباور

كثرة المراوح شيء جيد و لكن لا تصنع اختلاف في شكل درجات الحراره

الافضل لو تقدر تركب مروحه في اماميه فقط لدخول الهواء و تسيب باب الصندوق مفتوح شهرين الصيف و في الشتاء الامر طبيعي

[MrSoLtO]

الكيسة اللى بتيجى بمراوح بتبقى اسلاك المراوح جاهزة مع نفسها مش بتحتاج تتوصل بالبوردة عشان لو مثلا فى 5 مراوح مش هتلاقى بوردة فيها 5 أماكن عشان توصلهم

الوصلة اللى حضرتك رفعتها هاتلاقيها فى مول البستان هاتلاقيها عند المحل اللى فى الدور الأول تقريبا بيبيع حاجات بسعر الجملة كدا عندو اكسيسورات بس هاتلاقيها عندو ان شاء الله

مراوح الكيس عندي أسلاكها اللي بتركب في البوردة، فسؤالي كان بخصوص الاستفادة منها وتشغيلها والحل حاليا بالنسبة لي إما عدم تشغيلها والإكتفاء بالمروحة الخلفية المتوصلة بالبوردة أو تغيير المروحة الأمامية بأخرى 4pin Molex كما أفاد الأخ الفاضل phenomenon
واشكرك جدا على المتابعة والإفادة

[MrSoLtO]

وعليكم السلام ورحمة الله و بركاته
مرحبا اخي الفاضل

معنى كلامك ان الكيس مش موفرلك توصيل اي فانات عليها

في حلول لو مازلت تريد التحكم في المراوح لكن بصراحه لا انصح بيه و لكنه معتمد من قبل مستخدمين بكثره

برضو هيحتاج طلب من الخارج وهو ادابتور يمكنك من توصيل اكثر من فانه على فانات اللوحه الام نفسها

طبعا انت محتاج شيء إقتصادي فهيكون أفضل الحلول مثال على وصف الاخ الفاضل RVD و انت بتشتري المراوح تتاكد انها 4pin Molex عشان توصلها مباشرة على الباور

كثرة المراوح شيء جيد و لكن لا تصنع اختلاف في شكل درجات الحراره

الافضل لو تقدر تركب مروحه في اماميه فقط لدخول الهواء و تسيب باب الصندوق مفتوح شهرين الصيف و في الشتاء الامر طبيعي
أخي الفاضل phenomenon أشكرك جزيل الشكر على المتابعة
الكيس بالفعل بها مروحة بالأمام لكن من النوع اللي بيتوصل بالبوردة وليس الباور فكان سؤالي بغرض الإستفادة منها وتشغيلها، ولكن بعد الإفادة والرد على استفساري هغير المروحة الأمامية بأخرى 4pin Molex (أشكرك مكنتش أعرف إسمها من قبل) مع ترك باب الكيس مفتوح خلال فترة الصيف كما ذكرت حضرتك
كل كلمات الشكر لن توفيك حقك في جميل متابعتك وإهتمامك
شكرا لكم جميعا والسلام عليكم ورحمة الله وبركاته

[محمد فاروق غازي]

عليكم السلام ورحمة الله وبركاته
مررت بنفس الموقف تمامًا أخي الكريم،
وملقتش الكيبل في مصر وتم شراء كيبل من أمازون إيطاليا عن طريق أحد أقاربي، من حوالي 9 أشهر وحتى الآن يعمل بكفاءة عالية دون أي مشكلة،
فلو ملقتهوش في البستان ممكن تطلبه من أحد الإخوة بالمنتدى المختصين بالشراء من الخارج،
وهذا الكيبل الّذي تم شراءه

https://s1.postimg.org/spdhvwozz/Akasa.jpg (https://postimg.org/image/tewa89pjf/)

[MrSoLtO]

شكرا للأخ الفاضل محمد فاروق غازي على المتابعة
هو ده الكيبل المقصود، للأسف بحثت عنه كثيره لكن دون جدوى فالأسهل لي شراء فانات يتم توصيلها بالباور عوضاً عن شراء الكيبل من الخارج
شكرا جزيلاً