استفسار عن حرارة المعالج وعن طبيعة المشتت الحرارى الهوائى الاحترافى

[mohamed63]

السلام عليكم ورحمة الله
اشتريت معالج مستعمل جيل ثالث I5-3570 3.4 GHz
درجة الحرارة فى وضع الخمول 40 ّ الى 43
ولما بلعب (لعبة Rust كمثال) ... بتوصل الحرارة من 66 الى 71
كدة عادى ولا فيها خطورة؟ مع العلم ان اقصى درجة انتل بتنصح بيها للمعالج دة هى 67
,وانا مستخدم المشتت الحرارى الاصلى والمروحة بتاعة البروسيسور القديم بتاعى G2020 من انتل ايضا
وقطع الجهاز الاخرى هى مازر بورد H61m-s2p وكارت شاشة GTX 1050 Ti ورامات 8 جيجا DDr3
https://ark.intel.com/products/65702/Intel-Core-i5-3570-Processor-6M-Cache-up-to-3_80-GHz

السؤال الثانى .المشتت الهوائى الاحترافى معمول بحيث ينفع يركب على اى مازر بورد؟
بسأل عشان المازر بتاعتى قديمة نسبيا H61-s2p حتى انى لما فكرت اجيب مشتت تجارى عادى ما لقيتش واحد بسهولة
وبعد ما جبتة نصحنى الفنى فى المول بأنى استمر فى استخدام المشتت القديم بتاع انتل
فهل لو فكرت اجيب مشتت احترافى هوائى هينفع يركب على المازر بتاعتى؟
يعنى انا بعتقد ان المشتتات الغالية دة بتكون مصنعة بحيث تنفع على انواع كثير من الــ motherboards
دة صورة من نوع المشتت والقاعدة بتاعتة اللى بتركب على المازر عندى LGA 1155 socket
https://image.ibb.co/bNZcRa/gg.jpg

[phenomenon]

وعليكم السلام ورحمة الله و بركاته

القياس مش باللوحه اخي الكريم وانما بالسوكيت " مقبس المعالج " LGA1155

و غالباً أغلب المشتتات الحراريه متناسبه معه " LGA 1150 + 1151 + 1155 " ما يصلح لواحد فيهم يصلح للجميع

لكن دائما يُفضل ان تتأكد قبل الشراء من خصائص المشتت

ثانياً درجات الحراره طبيعيه ولا يوجد اي خطوره " فقط افتح باب الكيس فترة الصيف لو عاوز توفر تمن المشتت "

ثالثاً Tcase تختلف عن Tjunction وأنت مرتبط بالثانيه و لست مرتبط بالأولى لأن مفيش أداة هاردوير واحده تقدر تكتشف درجة حرارة Tcase سوى المصانع

أقصى درجة حراره للمعالج هي 100C و تفصل اللوحه الأم عنه التيار تماماً لحمايته

[mohamed63]

وعليكم السلام ورحمة الله و بركاته

القياس مش باللوحه اخي الكريم وانما بالسوكيت " مقبس المعالج " LGA1155

و غالباً أغلب المشتتات الحراريه متناسبه معه " LGA 1150 + 1151 + 1155 " ما يصلح لواحد فيهم يصلح للجميع

لكن دائما يُفضل ان تتأكد قبل الشراء من خصائص المشتت

ثانياً درجات الحراره طبيعيه ولا يوجد اي خطوره " فقط افتح باب الكيس فترة الصيف لو عاوز توفر تمن المشتت "

ثالثاً Tcase تختلف عن Tjunction وأنت مرتبط بالثانيه و لست مرتبط بالأولى لأن مفيش أداة هاردوير واحده تقدر تكتشف درجة حرارة Tcase سوى المصانع

أقصى درجة حراره للمعالج هي 100C و تفصل اللوحه الأم عنه التيار تماماً لحمايته



بارك الله فيك..انا فعلا كنت شاكك فى ان المقصود بــ 67 هو درجة الكيس مش درجة البروسيسور...وانا بالفعل فاتح الكيس...ما ينفعش تتقفل فى الحر دة

[Yasser]

المعالج كان عندى ولو كارت الشاشه المقترن به قوى لن تستطيع اللعب الا بمشتت احترافى عن تجربه لان الحراره سترتفع مع الالعاب الثقيله اما الان فدرجه الحراره 71 فى هذا الفصل فهى جيده .

[mohamed63]

المعالج كان عندى ولو كارت الشاشه المقترن به قوى لن تستطيع اللعب الا بمشتت احترافى عن تجربه لان الحراره سترتفع مع الالعاب الثقيله اما الان فدرجه الحراره 71 فى هذا الفصل فهى جيده .

اعتقد يمكن عشان التردد بتاعة 3.4 GHz
and up to 3.8 GHz
بس فى حاجة مستغرب منها...وانا ببحث الان على موقع egprice ...عن الــ cpu cooler لقيت ان معظم المشتتات الاحترافية فى الجزء الخاص بسرعة المروحة مكتوب
كمثال المشتت دة بــ 650 جنية...لكن سرعة المروحة مكتوب Speed 600-1,600 RPM ± 10%
https://www.coolermaster.com/cooling/cpu-air-cooler/hyper-212-led-turbo/
طب الكلام دة ازاى والمراوح بتاعتنا الافتراضية سرعتها فى وضع الخمول حوالى 1800 ... وبتوصل معايا مثلا 2600 عند درجة حرارة 70
ولا هى الفكرة مش سرعة مروحة على قد ما هى فكرة الخامة المصنوع منها المشتت المعدنى نفسة وطريقة تصميمة؟
ولا فى حاجة انا فاهمها غلط؟

[Yasser]

ولا هى الفكرة مش سرعة مروحة على قد ما هى فكرة الخامة المصنوع منها المشتت المعدنى نفسة وطريقة تصميمة؟

نعم الخامات الموصله للحراره من سطح المعالج لها عامل وايضا لان الحراره بتتوزع على سطح معدنى اكبر فيسهل تبريدها والمروحه تؤدى الغرض ,فلو لمست معدن المروحه الحاليه عندك تحس بسخونه لكن المشتت ربما جسمه المعدنى يكون بحراره الغرفه او ادفى قليلا



https://www.frostytech.com/articleimages/201204/CMhyper212evo_det3.jpg