[مصر] شاشة كمبيوتر ب (1000 إلى 2000) جنيه للعمل

[hashoooom]

السلام عليكم
أملك لاب توب HP PROBOOK 650 g2 ..مشكلة اللاب إن شاشته صغيرة وأنا متعود على الشاشة الكبيرة ..أنا مهندس وأعمل على شيتات الإكسل والأوتوكاد .. ومع صغر الشاشة ومشاكل ضعف النظر بواجه متاعب في العين والضهر لأني بضطر أقرب قوي من الشاشة علشان أقدر أشوف كويس التفاصيل..محتاج شاشة كمبيوتر أوصلها على الاب توب علشان تريحني ..خصوصا إني بشتغل لفترات طويلة توصل ل12 ساعة..ممكن تقترحو عليا شاشة وأسعارها..ممكن الرينج اللي انا اكون كاتبه يكون مبالغ فيه لأني بعيد عن السوق من فترة ..لكني حطيت الميزانية إحتراما لقوانين المنتدى..وشكرا لكم

[hashoooom]

هوا ليه سؤالي محدش رد عليا فيه.. لو سؤالي غلط او صعب او مكانه مش هنا او ملوش اجابة..انا طلبت استشارة في موضوع واستنيت حد يرد عليا..كل الاسئلة بيترد عليها ما عدا سؤال..انا مش برفع الموضوع علشان محدش يفهم غلط..انا بستفسر وشكرا لكم

[phenomenon]

عذرا اخي الكريم
لم نلاحظ إستفسارك لكن كان الأفضل مكانه بقسم الشاشات

عموما أفضل حل هو تقليل الإضائه بحيث مع تقريب النظر إلى الشاشه متتأثرشي بشكل مبالغ فيه مع عمل نظاره لو إتضطرك الأمر لحفظ النظر
نتمنى لك الشفاء العاجل

عموماً للأسف ياليت كل شيء ممكن " شاشات 2K كانت ممكن تقدملك افضل خدمه " مش شرط سعة الشاشه الشخمه جداً
ممكن شاشه 24inch بدقة 24inch 1440p تكون أفضل بمراحل بعيده جداً في نقاء ووضوح التفاصيل من شاشه 27inch 1080p خلال النظر لها من بعد

أيضاً بانل IPS مميز جداً بالنسبالك

عموما الميزانيه هتححتاج للزياده في حدود 4000 تقريباً فهل ده متاح بالنسبالك ؟

[Yasser]

ايضا اخي رفع الموضوع للتذكره لو لم تجد رد ليس مخالف لان المواضيع والردود المتواليه تطغي علي القديم .

[hashoooom]

عذرا اخي الكريم
لم نلاحظ إستفسارك لكن كان الأفضل مكانه بقسم الشاشات

عموما أفضل حل هو تقليل الإضائه بحيث مع تقريب النظر إلى الشاشه متتأثرشي بشكل مبالغ فيه مع عمل نظاره لو إتضطرك الأمر لحفظ النظر
نتمنى لك الشفاء العاجل

عموماً للأسف ياليت كل شيء ممكن " شاشات 2K كانت ممكن تقدملك افضل خدمه " مش شرط سعة الشاشه الشخمه جداً
ممكن شاشه 24inch بدقة 24inch 1440p تكون أفضل بمراحل بعيده جداً في نقاء ووضوح التفاصيل من شاشه 27inch 1080p خلال النظر لها من بعد

أيضاً بانل IPS مميز جداً بالنسبالك

عموما الميزانيه هتححتاج للزياده في حدود 4000 تقريباً فهل ده متاح بالنسبالك ؟

ما هو أنا حضرتك لابس نضارة ..الفكرة ان جداول الاكسيل اللي بشتغل عليها فيها صفوف وأعمدة ملهاش أخر وإنك تقعد تعمل zoom in وتطلع zoom out دي مرهقة وبتشتت الإنتباه..عموما أنا كنت محتاج شاشة 19 بوصة مش أكتر
يعني مثلا شاشة زي دي Samsung SyncMaster S19B300B 19 inch LED LCD monitor تشتغل بالكابل عادي مع اللاب ومش هتكون فيها مشاكل؟ ..انا معرفش النوع ده اصلا لسة موجود في السوق ولا لا..بس انا محتاج حاجة شبه كدة مش محتاج مواصفات خرافية ..لان الشاشة دي كنت بشتغل عليها في البيت وكانت مريحاني بس طبعا جهاز desk top..فلو جبت واحدة زيها تشتغل بدون مشاكل مع فيجا اللاب ولا لأ؟

[Yasser]

الشاشه عامله حاليا فى حدود 1400 او ازيد وهى تقبل جهازك عبر منفذ الفجا عندك فى اللاب وانتظر تأكيد اخى الفاضل بهذا الشأن .

[phenomenon]

بالتاكيد اخي الكريم و كما تفضل الاخ ياسر لا توجد اي مشكله
امتلك شاشه ACER v209HV متصله باللاب طول الوقت عن طريق VGA Cable بدون أي مشاكل و هي شاشه عاديه جداً 1600x900

[hashoooom]

بارك الله فيكم..اخر حاجة لو في اقتراحات لشاشات كويسة وارخص من شاشتي المذكورة يبقى كتر خيركم..لكن لو الشاشات المماثلة لشاشتي وفي نفس رينج الاسعار يبقى الساسمونج افضل..لو في اقتراحات يا ريت..ومتشكر لكم

[phenomenon]

اعتذر لك لاني داخل بباقة اتصال ومشهقدر اعمل بحث لكن عموما شوف اسعار الشاشات بموقع egprice ربما تظهرلك عروض ارخص
جميع الشاشات في رنج 19 انش بتكون بنفس المواصفات و لكن ربما شاشة Samsung تكون بتوفر tilt مائل للارتفاع او للهبوط ويمكن تفيدك في
حركة الشاشه بس هي مش مميزه جدا لان حركة الارتفاع تعتبر ميزه محدوده لكن لا تزال ميزه عن عدم وجودها

ممكن تظهرلك عروض مميزه في الشاشات الاستيراد و لكن نصيحه اخويه افضل الجديد لان الاستيراد ممكن حظك يجي مع شاشه مفتوحه قبل كده وبعد فتره قليله تعاني من مشاكل
فعموما شوف الافضل ليك لكن من الجديد