المساعد الشخصي الرقمي

مشاهدة النسخة كاملة : إريد شراء باورسبلاى 500 واط يكون فى حدود 500 جنيه


whiteknights
23-10-2017, 17:07
السلام عليكم.. للأسف بحثت عبر المواقع عن اسعار الباورات المتاحة وجدت إن كل المتاح فى القاهرة ثمنه على الأقل 900 جنيه مصرى !
و بقية الباورات الأرخص سعرا مكتوب جانبها "إنتهى من المخزن"..

المشكلة إن الباور عندى أصبح يعمل سيمفونيات عجيبة و متواصلة ده غير إنه عاملى مشاكل اخرى كثيرا.. فأنا اخشى أن انتظر طويلا لتوافر باور بسعر مناسب يكون شىء حدث فى الجهاز.. تنصحونى بإيه؟
انا بقالى كتير مش متابع الفترات الزمنية التى تستغرق لتجديد نزول الباورات فى مصر.. فا هل أنتظر على أمل وجود باور متاح بسعر مناسب.. ولا ده شىء ممكن يطول.. محدش عنده معلومة عن موعد نزول شحنة باورات جديدة؟
ryko2
23-10-2017, 18:11
اللى انا شايفه ان الاسعار فى تزايد وللأسف اسعاره بئت مشابهة لأسعار كروت الشاشة

رأيى انك تحاول تقتنى الباور سبلاى دلوئتى ويستحسن يكون اعلى من احتياجك بشوية عشان متحتاجش تغيره بعد فترة قصيرة
whiteknights
23-10-2017, 18:44
اللى انا شايفه ان الاسعار فى تزايد وللأسف اسعاره بئت مشابهة لأسعار كروت الشاشة

رأيى انك تحاول تقتنى الباور سبلاى دلوئتى ويستحسن يكون اعلى من احتياجك بشوية عشان متحتاجش تغيره بعد فترة قصيرة

شكرا ليك.. طيب رأيك إنى ممكن اشوف باور تجارى او ماركة غير مشهورة و يكون أعلى من إحتياجى؟, 600 واط مثلا
ولا أشوف واحد ماركة كويسة بس يكون 450 واط؟

مواصفات جهازى:
motherboard: Gigabyte H61M-S2p
CPU: intel i5-3470
GPU: Sapphire 7870XT 2GB
Ram: 8GB
HDD: WD Blue 1TB

الباور القديم اللى معايا thermaltake 500w لكن مكتوب عليه إنه 450w و Peaks at 500w
معايا من اكثر من أربع سنين و دى اول مشكلة تواجهنى منه.. كتر خيره.
ryko2
23-10-2017, 20:01
رأيى شوف حاجة فعلية متقلش فيها عن 550 وات

معلش انا عارف ان اسعاره مش طبيعية بس أحسن من إنك تجازف وتروح تجيب التجارى وتعرض كارت الشاشة ومكونات جهازك للتلف لاقدرالله
Yasser
24-10-2017, 03:25
رأيى شوف حاجة فعلية متقلش فيها عن 550 وات

معلش انا عارف ان اسعاره مش طبيعية بس أحسن من إنك تجازف وتروح تجيب التجارى وتعرض كارت الشاشة ومكونات جهازك للتلف لاقدرالله


كلام سليم لان الباور من القطع المهمه فى حهاز الالعاب على وجه الخصوص وبشكل عام طبعا .
abdalhaliem
24-10-2017, 11:56
ياراجل ياطيب

باور تجارى ؟؟؟؟

كارت الشاشه لوحده يستهلك 175 W

وبصراحه الباورات المستعمله غير مضمونه

ستجد بحدود الألف جنيه باور 500 وات

سيكون أفضل كثيراا

تحياتى
whiteknights
30-10-2017, 18:35
تم بحمد الله شراء باور سبلاى FSP HEXA+ 500w و المشكلة إتحلت الحمدلله..
آسف لو برفع موضوع قديم لكن عشان الناس تستفاد.. المشكلة كان فيها تطورات كثيرة بداية بصوت زنة على فترات خارج من الباور و من ثم زنة مستمرة نهاية بإن الجهاز كان يفتح 3 ثوانى ثم يعيد التشغيل و هكذا..
هذه هى المشكلة https://arabhardware.net/forum/showthread.php?t=462181

الواحد كان حاسس انه فى غيبوبة بالنسبة لعالم الإلكترونيات و اسعارها.. الأسعار حدث فيها إرتفاع بشكل مبالغ فيه.. على سبيل المثال في اواخر 2013 عند تجميعى للجهاز الكيسة ال Thermaltake commander MS-III معاها باور 500 واط كانت ب 500 جنيه... دلوقتى نفس الكيسة دى أصبحت ب 1300 جنيه !.. ربنا يكون فى عون الناس اللى عاوزة تجمع جهاز

فقط إستفسارين آخريين إن امكن..
الباور القديم مروحته كانت لأسفل... و لما اشتريت الباور ده قلت أغير و اخليها لأعلى.. هل الموضوع ده بيفرق فى درجات الحرارة مثلا او اى شىء آخر؟
الإستفسار الآخر.. دايما فى البيوس عندما يكون خيار Sata mode selection معمول على IDE .. الويندوز بتعلق فى بداية التشغيل و بيعمل ريسارت.. لما بعمله على AHCI بيدخل ع الويندوز عادى, هل هذا عادى؟
و شكرا
abdalhaliem
30-10-2017, 19:54
لما بعمله على AHCI بيدخل ع الويندوز عادى, هل هذا عادى؟

ال AHCI هي تقنية الترميز بين القرص الصلب ومتحكم IDE



أكيد النظام 7 فما فوق

عادى جداا أخى الكريم




الباور القديم مروحته كانت لأسفل... و لما اشتريت الباور ده قلت أغير و اخليها لأعلى.. هل الموضوع ده بيفرق فى درجات الحرارة مثلا او اى شىء آخر؟


مهمه المروحه الداخليه للباور

هى تبريد الباور نفسه وليس لها علاقه بالجهاز

لابد أن تتأكد أن الهواء

يصل للباور ولتلك المروحه بسهوله

ومهم جداا التأكد من التهويه الجيده للكيس وتوزيع الهواء

أو أفعل مثلى دائما الكيس بدون باب جانبى


ومبارك عليك الباور

الأسعار ليست مرتفعه فقط بل ملتهبه

مبروك مره أخرى

تحياتى
whiteknights
30-10-2017, 20:17
شكرا لكم اخى الكريم على كل مجهودات و تعبك.. متهيألى ده كان سبب من اسباب تلف الباور القديم لأن مروحته كانت لأسفل و مكنش فيه مساحة بين الأرض و المروحة و لا كان فيه متنفس, و حتى الفتحات الصغيرة اللى فى الكيسة تحت كانت مسدودة بحواجز الأتربة..

شكرا لك و شكرا لكم جميعا..
abdalhaliem
30-10-2017, 21:00
شكرا لكم اخى الكريم على كل مجهودات و تعبك.. متهيألى ده كان سبب من اسباب تلف الباور القديم لأن مروحته كانت لأسفل و مكنش فيه مساحة بين الأرض و المروحة و لا كان فيه متنفس, و حتى الفتحات الصغيرة اللى فى الكيسة تحت كانت مسدودة بحواجز الأتربة..
شكرا لك و شكرا لكم جميعا..




لاشكر على واجب أخانا الكريم

موفق دائماا